MYANMAR
တစ်နိုင်ငံလုံးတွင် ဟိုတယ်ပေါင်း ၁,၆၀၁ လုံး ဖွင့်လှစ်၊ ခေတ္တပိတ်သိမ်းလိုပါက အကြောင်းကြားစာတစ်စောင်သာပေးပို့ရန်လိုအပ်
![ရန်ကုန်မြို့ရှိ ဟိုတယ်တစ်ခုတွင် ပိုးသတ်ဆေးဖျန်းခြင်းဆောင်ရွက်နေစဉ် (ဆင်ဟွာ)](https://xinhuamyanmar.com/wp-content/uploads/2020/09/images_mm_2020_09_15e01.jpg)
ရန်ကုန်၊ စက်တင်ဘာ ၁၅ ရက် (ဆင်ဟွာ)
မြန်မာတစ်နိုင်ငံလုံးတွင် ဟိုတယ်အလုံးပေါင်း ၂,၁၅၄ လုံးရှိသည့် အနက် စက်တင်ဘာ ၁၅ ရက် အထိ ဟိုတယ် အလုံးပေါင်း ၁,၆၀၁ လုံးဖွင့်လှစ်ထားကြောင်း၊ယခုအချိန်အထိ ဟိုတယ်ခေတ္တပိတ်သိမ်းရန် အကြောင်းကြားမှုမျိုး သိပ်မရှိကြောင်း၊ ယခု COVID-19 အတည်ပြုလူနာများပြားလာခြင်းကြောင့် ဟိုတယ်ပိတ်လိုပါက ဟိုတယ် နှင့် ခရီးသွားလာရေးဝန်ကြီးဌာနသို့ အကြောင်းကြားစာတစ်စောင် ပေးပို့ရန်လိုအပ်ကြောင်း ဟိုတယ်နှင့် ခရီးသွားလာရေးဝန်ကြီးဌာန၊ ဒုတိယညွှန်ကြားရေးမှူးချုပ် ဦးအောင်အေးဟန်က ဆင်ဟွာသို့ ယနေ့ စက်တင်ဘာ ၁၅ ရက်တွင်ပြောကြားသည်။
“ဒီကာလမှာ အကြောင်းအမျိုးမျိုးကြောင့် ပိတ်ချင်တဲ့ ဟိုတယ်တွေအနေနဲ့ ကျွန်တော် ကျွန်မတို့ ရဲ့ ဟိုတယ်က ရောဂါအခြေအနေရ ၊စီးပွားရေး အခြေအနေအရ ၊ အကြောင်းတစ်ခုခု ကြောင့် ဘယ်နေ့ကနေ စတင်ပြီးတော့မှ ပိတ်သိမ်းမှာဖြစ်ကြောင်း၊ ပြန်လည်ဖွင့်လှစ်တဲ့ အချိန် ပြန်လည်တင်ပြသွားမည်ဆိုသောစာတစ်စောင်နဲ့ပဲ အကြောင်းကြားထားရင် ရပါတယ်။’’ ဟု ၎င်း ကဖြည့်စွက်ပြောကြားသည်။
COVID-19 ရောဂါဖြစ်ပွားသည့် ကာလတွင် ဟိုတယ်နှင့် ခရီးသွားလာရေးဝန်ကြီးဌာန အနေဖြင့် ဟိုတယ်များကို ပိတ်ရန် ညွှန်ကြားထားခြင်းမရှိကြောင်း၊ ၂၀၁၈ ခရီးသွားလုပ်ငန်းဥပဒေအရ ပြည်နယ်နှင့် တိုင်းဒေသကြီးများကို အာဏာခွဲဝေပြီးဖြစ်သည့် အတွက် အချို့ ပြည်နယ်နှင့် တိုင်းဒေသကြီး အစိုးရအဖွဲ့ ၏ အစီအစဉ်ဖြင့် COVID-19 ကာလတွင် ဟိုတယ် လုပ်ငန်းအချို့အား ခေတ္တပိတ်ထားမှုမျိုးရှိကြောင်း သိရသည်။ COVID-19 ရောဂါဖြစ်ပွားသည့် ကာလတွင်အချို့ဟိုတယ်များသည် Quarantine ဟိုတယ်အဖြစ် သက်ဆိုင်ရာတိုင်းဒေသကြီးဝန်ကြီးဌာန ၏ ခွင့်ပြုချက်ဖြင့် ဖွင့်လှစ်ခဲ့ကြကြောင်း သိရသည်။
“COVID-19 နှင့် ပတ်သက်ပြီး ဖြေလျှော့မှုတွေ က ဆက်တိုက်ဆောင်ရွက်လျက်ရှိပါတယ် ၊ အခုလက်ရှိအခြေအနေ အရလည်း ဘာလုပ်ပေးနိုင်မလဲဆိုတာ လေ့လာဆန်းစစ်နေတယ်။ လုပ်ငန်းရှင်တွေ ဘက်က တောင်းဆိုမှု တွေ ကိုဝန်ကြီးဌာန အနေနဲ့ ဖြေလျှော့မှု တွေ လုပ်ပေးနိုင်တဲ့ အနေအထားရှိရင် ဖြေလျှော့ပေးသွားမှာပါ။’’ ဟု ဦးအောင်အေးဟန်ကဆက်ရှင်းပြသည်။ (Xinhua