ကိုကိုးကျွန်းမှအပ ရန်ကုန်တိုင်းဒေသကြီးတစ်ခုလုံး Stay at Home အစီစဉ်၌ ခြွင်းချက်ဖြင့် ခွင့်ပြုဝန်ထမ်းများအား ထုတ်ပြန်ကြေညာ

ရန်ကုန်၊ စက်တင်ဘာ ၂၃ ရက် (ဆင်ဟွာ)

ကိုကိုးကျွန်းမှအပ ရန်ကုန်တိုင်းဒေသကြီးတစ်ခုလုံး Stay at Home အစီအစဉ် ခြွင်းချက်ဖြင့် ခွင့်ပြုဝန်ထမ်းများအား ကျန်းမာရေးနှင့် အားကစားဝန်ကြီးဌာနက စက်တင်ဘာ ၂၂ ရက် ညပိုင်းက ထုတ်ပြန်ကြေညာလိုက်ကြောင်း သိရသည်။

အဆိုပါ ကိုကိုးကျွန်းမှအပ ရန်ကုန်တိုင်းဒေသကြီးတစ်ခုလုံး Stay at Home နေထိုင်ရန် အစီအစဉ်ကို စက်တင်ဘာ ၂၀ ရက် ညပိုင်းက ထုတ်ပြန်ခဲ့ပြီး ယင်းထုတ်ပြန်ချက်အပေါ် ခြွင်းချက်ဖြင့် ခွင့်ပြုမည့် ဝန်ထမ်းအမျိုးအစားများ ထပ်မံ ကြေညာလိုက်ခြင်းဖြစ်သည်။

ပုဂ္ဂလိကကဏ္ဍတွင် ဘဏ်လုပ်ငန်းနှင့် ငွေကြေးဝန်ဆောင်မှုများ ၊ ဖြည့်စွက်ဌာနများ ၊ အစားအသောက်ထုတ်လုပ်ရေး ၊ အအေး သိုလှောင်ရုံများ ၊ အသားနှင့် ငါးများ ၊ ထုတ်လုပ်ရေးနှင့် ဆေးဝါးဖြန့်ဝေရေး ၊ ဆေးဝါးထောက်ပံ့ရေးနှင့် သောက်သုံးရေများ ၊ နေ့စဉ် တစ်ကိုယ်ရေသန့်ရှင်းရေး ထုတ်ကုန်များ ၏ စက်ရုံများနှင့် ဆက်စပ်သည့် စီးပွားရေးလုပ်ငန်းများမှ ဝန်ထမ်းများ၊ လေကြောင်းလိုင်း / အထွေထွေ လေကြောင်းဝန်ဆောင်မှုတွင် အလုပ်လုပ်နေသူများ ၊ ကာဂိုလေယာဉ်နှင့် အားသွင်းထားသော လေယာဉ်များ ၊ မြေပြင်ဝန်ဆောင်မှုများ ၊ လေကြောင်းဆိုင်ရာ လောင်စာဖြည့်စွက်မှုများ ၊ လေကြောင်းပို့ဆောင်ရေး  ၊ အကောက်ခွန်ဝန်ဆောင်မှုအေဂျင်စီများ ၊ လေယာဉ်အတွင်း အကျွေးအမွေးဝန်ဆောင်မှုများနှင့် လေယာဉ် ပြုပြင်ထိန်းသိမ်းရေး ဝန်ဆောင်မှုများမှ ဝန်ထမ်းများအား ခွင့်ပြုမည်ဖြစ်ကြောင်း သိရသည်။

အလားတူ ရန်ကုန်ဆိပ်ကမ်းရှိ အပြည်ပြည်ဆိုင်ရာ ဝန်ဆောင်မှုပေးနေသည့် ပုဂ္ဂလိကပိုင်ဆိပ်ကမ်းတွင် အလုပ်လုပ်နေသူများ ၊ ပို့ဆောင်ရေးရုံးများ ၊  ဆိပ်ကမ်းများ ၊ ကွန်တိန်နာနှင့် ဆိပ်ကမ်းများတွင် တင်ပို့ / သွင်းကုန်ပစ္စည်းများ၊ စာတိုက်ဝန်ဆောင်မှု ၊ မြေလိုင်းနှင့် မိုဘိုင်းဖုန်းဆက်သွယ်ရေးဝန်ဆောင်မှု ၊ အင်တာနက်ဝန်ဆောင်မှုများကဲ့သို့ ဆက်သွယ်ရေးလုပ်ငန်းများတွင် လုပ်ကိုင်နေသူများ(ဈေးသည်တွေ မိုဘိုင်းဖုန်းတွေ အင်တာနက်ဒေတာတွေ မရောင်းပါ) ဆက်သွယ်ရေး တာဝါများနှင့် ဖိုက်ဘာ ကွန်ရက်များအတွက် ဝန်ဆောင်မှုပေးသည့် ဝန်ထမ်းများအား ခြွင်းချက်အနေဖြင့် ခွင့်ပြုလိုက်ကြောင်း ထုတ်ပြန်ချက်တွင် ဖော်ပြထားသည်။
မြန်မာနိုင်ငံတွင် ယနေ့အထိ COVID-19 ရောဂါ ဓာတ်ခွဲအတည်ပြုလူနာ (၆,၉၅၉)ဦး ရှိလာခဲ့ပြီဖြစ်ကြောင်း သိရသည်။  (Xinhua)