နယူးဒေလီ၊ မတ် ၂ ရက် (ဆင်ဟွာ) အိန္ဒိယနိုင်ငံတွင် ဒုတိယအဆင့် COVID-19 ကာကွယ်ဆေးထိုးနှံခြင်းကို မတ် ၁ ရက်က စတင်ခဲ့ကြောင်း သိရသည်။ အဆိုပါ ဒုတိယအဆင့်တွင် အသက် ၆၀ နှစ်အထက်နှင့် ရောဂါအခံရှိသူ အသက် ၄၅ နှစ်အထက်ရှိသူများကို ကာကွယ်ဆေးထိုးနှံပေးသွားမည်ဖြစ်သည်။
ဗီယင်ကျန်း၊ မတ် ၃ ရက် (ဆင်ဟွာ) လာအိုနိုင်ငံရှိ ကျန်းမာရေးဝန်ထမ်း ၁၅၀,၀၀၀ ခန့်အား တရုတ်နိုင်ငံမှ လှူဒါန်းထားသော Sinopharm ကာကွယ်ဆေး အသုံးပြုလျက် မတ်လနှင့် ဧပြီလအတွက် COVID-19 တိုက်ဖျက်ရေး ကာကွယ်ဆေးထိုးနှံပေးသွားမည်ဖြစ်ကြောင်း ဒေသတွင်းမီဒီယာက မတ် ၃ ရက်တွင် သတင်းဖော်ပြခဲ့သည်။
တိုကျို၊ မတ် ၃ ရက်(ဆင်ဟွာ) ဂျပန်နိုင်ငံတွင် Pfizer- BioNTech ကိုဗစ်ကာကွယ်ဆေးထိုးနှံပြီးနောက် လူတစ်ဦးသေဆုံးမှုဖြစ်ပွားခဲ့ကြောင်း၊ ၎င်းမှာ ကိုဗစ်ကာကွယ်ဆေးထိုးနှံပြီးနောက် ဂျပန်နိုင်ငံ၌ ပထမဆုံး လူသေဆုံးမှုဖြစ်ကြောင်း၊ သေဆုံးမှုမှာကာကွယ်ဆေးထိုးနှံခြင်းနှင့်သက်ဆိုင်မှုရှိမရှိ အတိအကျ မသိရသေးကြောင်း ဂျပန် ကျန်းမာရေး၊ အလုပ်သမားနှင့် လူမှုဖူလုံရေးဝန်ကြီးဌာနက မတ် ၂ ရက်တွင် ပြောကြားခဲ့သည်။
ပေကျင်း၊ မတ် ၃ ရက် (ဆင်ဟွာ) တရုတ်နိုင်ငံ ပေကျင်းမြို့တွင် မတ် ၂ ရက် မွန်းလွဲ ၂ နာရီအထိ COVID-19 ကာကွယ်ဆေးထိုးနှံပြီးသူ ၅ သန်းကျော်ရှိပြီဖြစ်ကြောင်း ဒေသဆိုင်ရာအာဏာပိုင်များက ပြောကြားခဲ့သည်။
ရီယိုဒီဂျနေရိုး ၊ မတ် ၃ ရက်(ဆင်ဟွာ) ဘရာဇီးဂန္တဝင်ဘောလုံးအကျော်အမော် ပီလီက COVID-19 ကာကွယ်ဆေးထိုးနှံမှုခံယူခဲ့ပြီး“ လုံးဝမမေ့နိုင်စရာ” ဖြစ်ကြောင်း နှင့် ကပ်ရောဂါအဆုံးသတ်ရန်အတွက် ကမ္ဘာလုံးဆိုင်ရာ ပူးပေါင်းဆောင်ရွက်ကြရန် တိုက်တွန်းပြောကြားခဲ့သည်။
ကွာလာလမ်ပူ ၊ မတ် ၃ ရက်(ဆင်ဟွာ) မလေးရှားနိုင်ငံက တရုတ်နိုင်ငံ၏ ဇီဝဆေးဝါးကုမ္ပဏီတစ်ခုဖြစ်သည့် Sinovac Biotech မှ ထုတ်လုပ်သော COVID-19 ကာကွယ်ဆေးကို အသုံးပြုရန်အတွက် အခြေအနေရခွင့်ပြုချက် ပေးလိုက်ပြီဖြစ်ကြောင်း ကျန်းမာရေးဝန်ကြီးဌာနက မတ် ၂ ရက်တွင် ပြောကြားခဲ့သည်။
အက်ခ်ရာ၊ မတ် ၂ ရက် (ဆင်ဟွာ) ဂါနာနိုင်ငံ သမ္မတ Nana Addo Dankwa Akufo-Addo သည် မတ် ၁ ရက်က ဂါနာနိုင်ငံတွင် ပထမဆုံး COVID-19 ကာကွယ်ဆေးထိုးနှံသူဖြစ်လာခဲ့ကြောင်း သိရသည်။
မနီလာ၊မတ် ၁ ရက်(ဆင်ဟွာ) တရုတ်နိုင်ငံမှ လှူဒါန်းသော Sinovac CoronaVac ကာကွယ်ဆေးများတင်ဆောင်လာသော လေယာဉ်ကြီးသည် ဖိလစ်ပိုင်နိုင်ငံသို့ ဖေဖော်ဝါရီ ၂၈ ရက်က ရောက်ရှိလာခဲ့ရာ ယင်းမှာ ဖိလစ်ပိုင်ငံသို့ COVID-19 ကာကွယ်ဆေး ပထမဦးဆုံးရောက်ရှိလာခြင်းလည်း ဖြစ်သည်။
မကာအို၊ မတ် ၁ ရက်(ဆင်ဟွာ) ဒုတိယအသုတ် Sinopharmကာကွယ်ဆေး (၄)သိန်းသည် ဖေဖော်ဝါရီ ၂၈ ရက်က တရုတ်နိုင်ငံ မကာအိုသို့ ရောက်ရှိခဲ့ပြီဖြစ်ရာ ကာကွယ်ဆေးထိုးနှံမှုများကို လာမည့်အပတ်တွင် စတင်ရန် ခန့်မှန်းထားကြောင်းသိရသည်။
ဝါရှင်တန်၊မတ် ၂ ရက်(ဆင်ဟွာ) ယခင်အမေရိကန်သမ္မတဒေါ်နယ်ထရမ့် နှင့် ဇနီး Melania Trump တို့နှစ်ဦးစလုံးသည် ဇန်နဝါရီလက သမ္မတအိမ်ဖြူတော်မှ မထွက်ခွာမီ ကိုရိုနာဗိုင်းရပ်စ်ကာကွယ်ဆေး သီးသန့်ထိုးနှံမှုခံယူခဲ့ကြောင်း ထရမ့်အကြံပေး တစ်ဦး၏ သတင်းအရင်းအမြစ်ကို ကိုးကား၍ အမေရိကန်မီဒီယာက မတ် ၁ ရက်တွင် ဖော်ပြခဲ့သည်။
