တရုတ်နိုင်ငံက COVID-19 မူလဇစ်မြစ် ခြေရာခံရန်အတွက် WHO ဦးဆောင်သော ပူးပေါင်းဆောင်ရွက်မှုကို ပံ့ပိုးသွားမည်ဟု ပြောရေးဆိုခွင့်ရှိသူပြော

ပေကျင်း၊ ဇန်နဝါရီ ၁၂ ရက် (ဆင်ဟွာ) ဘာသာပြန် – ခေါန်ရိန်

တရုတ်နိုင်ငံသည် COVID-19 ဗိုင်းရပ်စ် မူလဇစ်မြစ်နှင့် ကူးပြောင်းရာလမ်းကြောင်းကို ကမ္ဘာ့သိပ္ပံနည်းကျ သုတေသနပြုရန် နိုင်ငံအားလုံးမှ သိပ္ပံပညာရှင်များကို ပံ့ပိုးသွားမည်ဖြစ်ပြီး ကမ္ဘာ့ကျန်းမာရေးအဖွဲ့ (WHO) ဦးဆောင်မှုအောက်ရှိ ဗိုင်းရပ်စ်၏ တိရစ္ဆာန်ဇစ်မြစ်အပေါ် ရှာဖွေခြင်းပူးပေါင်းဆောင်ရွက်မှု၌ အဖွဲ့ဝင်နိုင်ငံများကို ပံ့ပိုးသွားမည်ဖြစ်ကြောင်း ဇန်နဝါရီ ၁၁ ရက်တွင် ပြောကြားခဲ့သည်။

WHO ဦးဆောင်သော နိုင်ငံတကာကျွမ်းကျင်သူအဖွဲ့တစ်ဖွဲ့သည် တရုတ်နိုင်ငံမှ သိပ္ပံပညာရှင်များနှင့်အတူ နိုဗယ်ကိုရိုနာဗိုင်းရပ်စ်၏ မူလဇစ်မြစ်ကို ခြေရာခံခြင်း ပူးတွဲသုတေသနပြုရန် ဇန်နဝါရီ ၁၄ ရက်တွင် တရုတ်နိုင်ငံသို့ ရောက်ရှိမည်ဖြစ်ကြောင်း တရုတ်နိုင်ငံ၏ ကြေညာချက်အပေါ် သတင်းစာရှင်းလင်းပွဲ၌ မေးမြန်းရာတွင် နိုင်ငံခြားရေးဝန်ကြီးဌာနက ပြောရေးဆိုခွင့်ရှိသူ ကျောက်လိကျန်းက အထက်ပါအတိုင်း မှတ်ချက်ပြု ပြောကြားခဲ့ခြင်း ဖြစ်သည်။

တရုတ်နိုင်ငံသည် ဗိုင်းရပ်စ်၏ မူလဇစ်မြစ်နှင့် ကူးစက်မှုလမ်းကြောင်းကို ကမ္ဘာ့သိပ္ပံနည်းကျ သုတေသနပြုခြင်း ဆက်လက်ဆောင်ရွက်ရန် နိုင်ငံအားလုံးရှိ သိပ္ပံပညာရှင်များကို ပံ့ပိုးပေးလျက်ရှိကြောင်း၊ COVID-19 ဆိုင်ရာ ၇၃ ကြိမ်မြောက် ကမ္ဘာ့ကျန်းမာရေးညီလာခံ (WHA) ဆုံးဖြတ်ချက်၏ ပူးတွဲပံ့ပိုးသူတစ်ဦးလည်း ဖြစ်ကြောင်း၊ တရုတ်နိုင်ငံ အနေဖြင့် ကမ္ဘာ့ကျန်းမာရေးအဖွဲ့ (WHO) ဦးဆောင်မှုအောက်တွင် ဗိုင်းရပ်စ်၏ တိရစ္ဆာန်ဇစ်မြစ်အပေါ် ရှာဖွေခြင်းပူးပေါင်းဆောင်ရွက်မှု၌ အဖွဲ့ဝင်နိုင်ငံများကို ပံ့ပိုးသွားမည်ဖြစ်ကြောင်း ၎င်းက ဖြည့်စွက်ပြောကြားခဲ့သည်။

ထို့ပြင် တရုတ်နိုင်ငံသည် ပြီးခဲ့သည့်နှစ် ဖေဖော်ဝါရီလနှင့် ဇူလိုင်လတွင် နိုင်ငံတကာကျွမ်းကျင်သူ ၁၀ ဦးကို နိုင်ငံသို့ ဖိတ်ခေါ်ခဲ့ကြောင်း၊ တရုတ်နိုင်ငံမှ ကျွမ်းကျင်သူများသည် WHO နှင့် နိုင်ငံတကာ ကျွမ်းကျင်သူများနှင့်အတူ ဗီဒီယိုဆွေးနွေးပွဲများမှတစ်ဆင့် တရုတ်နိုင်ငံ၏ ရောဂါခြေရာခံမှုရလဒ်များကို ဖော်ပြလျက် မကြာခဏ ဆွေးနွေးမှုများ လုပ်ဆောင်လျက်ရှိကြောင်း ကျောက်က ဆိုသည်။

WHO နှင့် နိုင်ငံတကာ ကျွမ်းကျင်သူများကလည်း ကပ်ရောဂါကာကွယ်ရေးနှင့် ထိန်းချုပ်ရေးလုပ်ငန်းနှင့် ဗိုင်းရပ်စ်ခြေရာခံခြင်း ကြိုးပမ်းအားထုတ်မှုများ၌ တရုတ်နိုင်ငံ၏ အောင်မြင်မှုများကို အသိအမှတ်ပြုခဲ့ကြောင်း၊ နှစ်ဖက်အနေဖြင့် ရောဂါဇစ်မြစ်ခြေရာခံခြင်းဆိုင်ရာ အခြေခံသဘောတူညီချက်တစ်ခု ရရှိထားကြောင်း ကျောက်က ပြောကြားခဲ့သည်။
COVID-19 ရောဂါဇစ်မြစ် ခြေရာခံခြင်းသည် သိပ္ပံပညာရပ်ဆိုင်ရာကိစ္စဖြစ်ကြောင်းနှင့် ကမ္ဘာလုံးဆိုင်ရာ ပူးပေါင်းဆောင်ရွက်မှုမှတစ်ဆင့် သိပ္ပံပညာရှင်များဖြင့် ဆက်စပ်သောလုပ်ငန်းများကို ဆက်လက် ဆောင်ရွက်သွားမည်ဖြစ်ကြောင်း ၎င်းက ပြောခဲ့သည်။

ကပ်ရောဂါအခြေအနေ စဉ်ဆက်မပြတ်ပြောင်းလဲမှုများနှင့်အတူ ဗိုင်းရပ်စ်နှင့် ရောဂါဖြစ်ပွားမှုကို ပိုမိုစောစီးစွာ ရှာဖွေတွေ့ရှိမှုအပေါ် သိရှိနားလည်မှုမြင့်တက်လာခြင်း၊ ရောဂါဇစ်မြစ် ခြေရာခံခြင်းတွင် နိုင်ငံနှင့် ဒေသများစွာ ပိုမိုပါဝင်လာနိုင်ကြောင်းနှင့် WHO အနေဖြင့် လိုအပ်ပါက အခြားသော နိုင်ငံနှင့် ဒေသများတွင် အလားတူ သုတေသနပြုမှု ဆောင်ရွက်သွားမည်ဖြစ်ကြောင်း ကျောက်က ဖြည့်စွက်ပြောကြားခဲ့သည်။

တရုတ်နိုင်ငံအနေဖြင့် ယင်းအချက်ကို အလေးထားသောအားဖြင့် WHO နှင့် နိုင်ငံတကာကျွမ်းကျင်သူများနှင့်အတူ အနီးကပ် ပူးပေါင်းဆောင်ရွက်မှုများကို ဆက်လက်လုပ်ဆောင်ရန်၊ ကမ္ဘာလုံးဆိုင်ရာ COVID-19 မူလဇစ်မြစ်ခြေရာခံရေး ပံ့ပိုးရန် ဆန္ဒရှိကြောင်း ကျောက်က ပြောကြားခဲ့သည်။ (Xinhua)

…………………………………………
(English Version)

China supports WHO-led cooperation for origin-tracing of COVID-19: spokesperson

BEIJING, Jan. 11 (Xinhua) — China said Monday it supports scientists of all countries in carrying out global scientific research on the origin and route of transmission of the COVID-19 virus, and supports member states in conducting cooperation on the animal origin of the virus under the leadership of the World Health Organization (WHO).

Foreign Ministry spokesperson Zhao Lijian made the remarks at a press conference in response to a question regarding China’s announcement that an international expert team of the WHO will arrive in China on Thursday to conduct joint research with Chinese scientists on the origin-tracing of the novel coronavirus.

China supports scientists of all countries in carrying out global scientific research on the origin and route of transmission of the virus, and is one of the co-sponsors of a resolution by the 73rd World Health Assembly (WHA) regarding COVID-19, he said, adding that China also supports member states in conducting cooperation on the animal origin of the virus under the leadership of the WHO.

China invited 10 international experts, in February and July last year, to come to the country, and Chinese experts have maintained frequent interactions with the WHO and international experts through video seminars, introducing China’s origin-tracing outcomes, according to Zhao.

The WHO and international experts acknowledged China’s achievements in epidemic prevention and control and its efforts in tracing the origin of the virus, and the two sides have reached a basic consensus on origin-tracing, Zhao said.

Tracing the origin of COVID-19 is a scientific issue and the relevant work should be carried out by scientists through global cooperation, he said.
With the continuous changes in the pandemic situation, increasing understanding of the virus and the discovery of more early cases, the tracing of the origin could more likely involve many countries and localities, and the WHO will conduct similar research in other countries and regions if necessary, Zhao added.

China is willing to continue carrying out close cooperation with the WHO and international experts in this regard, to contribute to the global origin-tracing of COVID-19, Zhao said. Enditem
Photo taken on Jan. 30, 2020 shows the headquarters of the World Health Organization (WHO) in Geneva, Switzerland. (Xinhua/Chen Junxia)