ပင်လည်ဘူးမြို့တွင် ငွေကျပ်သိန်းပေါင်း ၁၃၀၀ ကျော်တန်ဖိုးရှိဘိန်းစိမ်းများဖမ်းဆီးရမိ

ရန်ကုန်၊ ဖေဖော်ဝါရီ ၂၃ ရက် (ဆင်ဟွာ)

စစ်ကိုင်းတိုင်းဒေသကြီး ပင်လည်ဘူးမြို့တွင် ငွေကျပ် ၁၃၉၆ဒသမ၁၆၀၁ သိန်း တန်ဖိုးရှိ ဘိန်းစိမ်းများ ဖမ်းဆီးရမိခဲ့ကြောင်း ပြည်ထဲရေးဝန်ကြီးဌာန မှ ယနေ့သတင်းထုတ်ပြန်သည်။

ဖြစ်စဉ်မှာ ဖေဖော်ဝါရီ ၂၂ ရက်နေ့ ၁ရး၀၀နာရီ အချိန် ပင်လည်ဘူးမြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ပင်လည်ဘူးမြို့၊ ပင်လည်ဘူး-ကောလင်းသွားကားလမ်းတွင် မြင့်အောင် မောင်းနှင် လာသည့်မော်တော်ဆိုင်ကယ် ရောက်ရှိလာ၍ရှာဖွေရာ ပီနံအိတ်အတွင်းမှ ဘိန်းစိမ်း ၄၆ ဒသမ ၅၃၈၆၇ ကီလို သိမ်းဆည်းရမိခဲ့သဖြင့် မြင့်အောင်(၂၅)နှစ်အား မူးယစ်ဆေးဝါးနှင့်စိတ်ကိုပြောင်းလဲ စေသောဆေးဝါးများဆိုင်ရာဥပဒေအရ အရေးယူထားကြောင်း သတင်းထုတ်ပြန်ချက်ထဲတွင်ပါရှိသည်။ (Xinhua)