ပေါ်တူဂီနိုင်ငံတွင် ခရီးသွားယာဉ်မတော်တဆဖြစ်ပွားမှုကြောင့် အနည်းဆုံး လူ ၂၈ ဦး သေဆုံး

လစ္စဘွန်း ၊ ဧပြီ ၁၈ ရက်(ဆင်ဟွာ)

ဂျာမနီ ခရီးသွား ၅၅ ဦး တင်ဆောင်လာသည့် ခရီးသွားယာဉ်တစ်စီးသည် ဧပြီ ၁၇ ရက်က ပေါ်တူဂီနိုင်ငံ Madeira ကျွန်းတွင် မတော်တဆမှုဖြစ်ပွားရာ အနည်းဆုံး လူ ၂၈ ဦး သေဆုံးပြီး လူပေါင်းများစွာဒဏ်ရာရရှိခဲ့ကြောင်း သိရသည်။ ဒဏ်ရာရသူများအနက် ၃ ဦးမှာ ဒဏ်ရာပြင်းထန်ကြောင်း သိရသည်။

ခရီးသွားယာဉ်တစ်စီးသည် ဧပြီ ၁၇ ရက် ညနေက Madeiraကျွန်းရှိ တောင်တက်တောင်ဆင်းလမ်းတွင်မောင်းနှင်နေစဉ် ချောက်ထဲပြုတ်ကျခဲ့ခြင်းဖြစ်ကြောင်း ၊ သေဆုံးသူများမှာ ဂျာမနီနိုင်ငံသားများဖြစ်ပြီး အမျိုးသား ၁၁ ဦး ၊ အမျိုးသမီး ၁၇ ဦးပါဝင်ကြောင်း သိရသည်။ ယာဉ်မောင်းနှင့်ခရီးသွားလမ်းညွှန်မှာ ဒဏ်ရာရရှိခဲ့ကြောင်း ၊ လက်ရှိ ဒဏ်ရာရသူများကို နီးစပ်ရာ ဆေးရုံသို့ ပို့ဆောင်ထားပြီဖြစ်ကြောင်း သိရသည်။

ယာဉ်မတော်တဆမှုဖြစ်ပွားသည့် အချင်းဖြစ်နေရာအား တွေ့ရစဉ် (ဆင်ဟွာ)

ယာဉ်မတော်တဆမှုဖြစ်ပွားသည့် အချင်းဖြစ်နေရာအား တွေ့ရစဉ် (ဆင်ဟွာ)

အချင်းဖြစ်ပွားပြီးနောက် ပေါ်တူဂီသမ္မတ Marcelo Rebelo de Sousa သေဆုံးသူများအတွက် ဝမ်းနည်းကြောင်း ပြောကြားခဲ့ပြီး ဒဏ်ရာရသူများကို ပို့ဆောင်ရန် လေတပ်ကို ညွှန်ကြားခဲ့ကြောင်း ပေါ်တူဂီရုပ်မြင်သံကြားဌာနက ဆိုသည်။ (Xinhua)