အန်ကာရာ ၊ ဧပြီ ၄ ရက် (ဆင်ဟွာ) ရုရှားနိုင်ငံသမ္မတဗလာတီမာပူတင်က တူရကီနိုင်ငံသို့ S-400 ဒုံးပျံကာကွယ်ရေးစနစ် များလွှဲပြောင်းပေးရန် ရုရှား နှင့် တူရကီ နိုင်ငံတို့အကြား သဘောတူညီမှုရရှိထားပြီဖြစ်ကြောင်း ဧပြီလ ၃ ရက်တွင် ထုတ်ဖော်ပြောကြားခဲ့သည်။
ရန်ကုန်၊ ဧပြီ ၄ ရက် (ဆင်ဟွာ) မန္တလေးတိုင်းဒေသကြီး မိတ္ထီလာမြို့နယ် မြှာကျေးရွာအုပ်စု ရှမ်းတဲကျေးရွာတွင် ဧပြီ ၃ရက် မွန်းလွဲ ၁ နာရီခွဲ ခန့်၌ စစ်ကျန် ဗုံးသီးဟောင်း ၁၃ လုံး တွေ့ရှိခဲ့ကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။
ရန်ကုန်၊ ဧပြီ ၃ ရက် (ဆင်ဟွာ) ရန်ကုန်တိုင်းဒေသကြီးအတွင်း ဧပြီ ၃ရက် ညနေပိုင်းတွင် မိုးပြင်းထန်စွာရွာသွန်းမှုကြောင့် အပျက်အစီးများရှိကြောင်း သိရသည်။ အချိန်အခါမဟုတ် မိုးရွာသွန်းပြီး လေများပါတိုက်ခတ်မှုကြောင့် ကြော်ငြာဆိုင်းဘုတ်များ ပြိုကျခြင်း၊ ဓာတ်တိုင်များ ပြိုလဲခြင်းနှင့် သစ်ပင်များပြိုလဲမှုကြောင့် ကားများ အများအပြား ပျက်စီးခဲ့ကြောင်း သိရသည်။
ရန်ကုန်၊ ဧပြီ ၃ ရက် (ဆင်ဟွာ) တောင်ငူမြို့ ၊ ကျွန်းကုန်းရွာနှင့် မြောက်ရေကြည်ရွာကြားတွင် ယနေ့ နံနက်ပိုင်းက တောင်ငူလေတပ်စခန်းဌာနချုပ်မှ လေယာဉ်တစ်စီးပျက်ကျပြီး လေယာဉ်မှူး သေဆုံးခဲ့ကြောင်း တပ်မတော်ကာကွယ်ရေးဦးစီးဌာနက ထုတ်ပြန်သော သတင်းအရ သိရသည်။
ဖူကျန့်၊ ဧပြီ ၃ ရက်(ဆင်ဟွာ) တရုတ်နိုင်ငံအရှေ့ပိုင်းဖူကျန့်ပြည်နယ်တွင် မောင်းသူမဲ့ လျှပ်စစ်မီနီဘတ်စ်ကို အောင်မြင်စွာ စမ်းသပ် မောင်းနှင်ခဲ့ကြောင်းသိရသည်။ ထိုလျှပ်စစ်မောင်းသူမဲ့ယာဉ်တွင် ပုံမှန်ကားများတွင်ပါဝင်သည့် အစိတ်အပိုင်းများဖြစ်သည့် စတီယာရင် နှင့် ဘရိတ်ခြေနင်းတို့ ပါဝင်ခြင်းမရှိတော့ဘဲ အလိုအလျောက် မောင်းနှင်၊ ရပ်နားနိုင်သည့်စနစ်ဖြင့် သွားလာနိုင်မည်ဖြစ်သည်။ ၎င်းကို တရုတ်နည်းပညာကုမ္ပဏီကြီး တစ်ခုဖြစ်သည့် Baidu နှင့်...
