ကိုင်ရို၊ ဖေဖော်ဝါရီ ၁၂ ရက် (ဆင်ဟွာ) အီဂျစ်နိုင်ငံ ရာဇဝတ်တရားရုံတစ်ခုက အီဂျစ်နိုင်ငံ အထက်ပိုင်း Sohag ပြည်နယ် ရှိ ရဲစခန်းတစ်ခုအတွင်း ၂၀၁၆ခုနှစ်က အရပ်သားတစ်ဦးအား သေဆုံးသည်အထိ ရိုက်နှက်မှုဖြင့် ရဲတပ်ဖွဲ့ဝင် ၃ဦးကို ဖေဖော်ဝါရီ ၁၁ရက် က ထောင်ဒဏ် ၃နှစ် ချမှတ်ခဲ့ကြောင်း သိရသည်။
ဝါရှင်တန်၊ ဖေဖော်ဝါရီ ၁၂ ရက် (ဆင်ဟွာ) အမေရိကန်အမျိုးသမီးငယ်တစ်ဦးသည် ၎င်း၏ ရည်းစားဖြစ်သူအား အဆုံးစီရင်ရန် စာဖြင့် တွန်းအားပေးခဲ့ကြောင်း ပြစ်မှုထင်ရှားသဖြင့် ၎င်း၏ပြစ်ဒဏ်အား အမေရိကန်နိုင်ငံ အရှေ့ပိုင်း Massachusetts ပြည်နယ် တွင် စတင်ချခံနေရပြီဖြစ်ကြောင်း ပြည်တွင်းသတင်းဌာနက ဖေဖော်ဝါရီ ၁၁ရက် ကဖော်ပြခဲ့သည်။
အော်စလို၊ ဖေဖော်ဝါရီ ၁၂ ရက်(ဆင်ဟွာ) နော်ဝေနိုင်ငံနှင့် တရုတ်နိုင်ငံသည် နိုင်ငံတကာရေးရာကဏ္ဍများတွင် တူညီသော ရပ်တည်ချက် များစွာရှိရာ နော်ဝေအနေဖြင့် နှစ်နိုင်ငံဆက်ဆံရေး ရှေ့ဆက်ဖွံ့ဖြိုးတိုးတက်စေရန် ဆက်လက်ကြိုးစား တွန်းအားပေး လုပ်ဆောင်သွားမည်ဖြစ်ကြောင်း နော်ဝေနိုင်ငံ ဝန်ကြီးချုပ်Erna Solbergက ဖေဖော်ဝါရီ ၁၁ ရက်တွင် ပြောကြားခဲ့သည်။
ခါတွန်၊ ဖေဖော်ဝါရီ ၁၂ ရက် (ဆင်ဟွာ) ဆူဒန်နိုင်ငံ ခါတွန်ပြည်နယ် ကျန်းမာရေး အာဏာပိုင်များက မြို့တော် ခါတွန်မြို့ ရှိ ဆေးရုံတစ်ခု၏ ရေခဲတိုက်တစ်ခုတွင် ရုပ်အလောင်း ၃၀၀ ရှိနေကြောင်းစွပ်စွဲချက်ကို ဖေဖော်ဝါရီ ၁၁ရက်က ငြင်းဆန်ခဲ့ကြောင်း သိရသည်။
ရန်ကုန်၊ ဖေဖော်ဝါရီ ၁၂ ရက် (ဆင်ဟွာ) ကချင်ပြည်နယ်၊ ဖားကန့်မြို့နယ်၌ မြေစာပြိုကျပိမိ၍ ၆ ဦးသေ၊ ၁ ဦး ဒဏ်ရာရရှိမှုဖြစ်ပွားခဲ့ကြောင်း ပြည်ထဲရေးဝန်ကြီးဌာနမှ သတင်းထုတ်ပြန်သည်။
