တရုတ်နိုင်ငံ သမ္မတ ရှီကျင့်ဖိန်နှင့် စပိန်နိုင်ငံ ဝန်ကြီးချုပ် ပက်ဒရိုဆန်းချက်ဇ်တို့ ပေကျင်း၌ တွေ့ဆုံဆွေးနွေး

ပေကျင်း၊ စက်တင်ဘာ ၁၀ ရက် (ဆင်ဟွာ)
တရုတ်နိုင်ငံ သမ္မတ ရှီကျင့်ဖိန်သည် တရုတ်နိုင်ငံသို့ တရားဝင်ခရီးစဉ်အဖြစ် ရောက်ရှိနေသည့် စပိန်ဝန်ကြီးချုပ် ပက်ဒရိုဆန်းချက်ဇ်နှင့် စက်တင်ဘာ ၉ ရက်က ပေကျင်းမြို့တွင် တွေ့ဆုံဆွေးနွေးခဲ့သည်။
ရှီက စပိန်နိုင်ငံ ဘုရင် ဖိလစ်-၆ အတွက် ၎င်း၏နှုတ်ခွန်းဆက်စကားများကို တစ်ဆင့်ပြောကြားပေးပါရန် ဆန်းချက်ဇ်အား ပန်ကြားခဲ့သည်။ ယမန်နှစ်တွင် တရုတ်နိုင်ငံနှင့် စပိန်နိုင်ငံတို့က သံတမန်ဆက်ဆံရေး ထူထောင်သည့် နှစ် ၅၀ ပြည့် အထိမ်းအမှတ်အခမ်းအနား ကျင်းပခဲ့ခြင်းကို ရှီက ရည်ညွှန်းပြောကြားခဲ့ကာ ထိုစဉ်ကတည်းက နှစ်နိုင်ငံအနေဖြင့် ရာထူးအဆင့်အသီးသီးတွင် နီးနီးကပ်ကပ် ဆွေးနွေးဖလှယ်မှုများ၊ အပြန်အလှန် ထိတွေ့ဆက်ဆံမှုများကို ထိန်းသိမ်းလျက် နယ်ပယ်သစ်များတွင် အရည်အသွေးမြင့် ပူးပေါင်းဆောင်ရွက်မှုများကို အားပေးလုပ်ဆောင်ခဲ့ကြောင်း ထည့်သွင်းပြောကြားခဲ့သည်။
လာမည့်နှစ်တွင် တရုတ်-စပိန် ဘက်ပေါင်းစုံ မဟာဗျူဟာမြောက် မိတ်ဖက်ဆက်ဆံရေးထူထောင်မှု နှစ် ၂၀ ပြည့်မြောက်မည်ဖြစ်ကြောင်း ရှီက အလေးအနက်ပြောကြားခဲ့ကာ နှစ်နိုင်ငံအနေဖြင့် အပြန်အလှန်လေးစားမှု၊ တန်းတူရည်တူ ဆက်ဆံမှုတို့အပေါ် အခြေခံသော သံတမန်ဆက်ဆံရေး ထူထောင်မည့် မူလရည်ရွယ်ချက်ကို ဆက်လက်ထိန်းသိမ်းပြီး ရေရှည်အနာဂတ်ကို အလုံးစုံမျှော်တွေးလျက် နှစ်နိုင်ငံဆက်ဆံမှုများတွင် ရှုထောင့်အသစ်များအား ပေါင်းစပ်သင့်ကြောင်း ရှီက တိုက်တွန်းပြောကြားခဲ့သည်။
တရုတ်နိုင်ငံနှင့် စပိန်နိုင်ငံအကြား မဟာဗျူဟာကျသော စိတ်ပိုင်းဖြတ်မှုဖြင့် ရေရှည်တည်တံ့၍ တည်ငြိမ်သော ဆက်ဆံရေးကို တည်ဆောက်ကာ နှစ်နိုင်ငံဆက်ဆံရေးကို ပိုမိုမြင့်မားသော အဆင့်သို့ တိုးမြှင့်ရန်လည်း ရှီက တိုက်တွန်းခဲ့သည်။
ပြုပြင်ပြောင်းလဲမှုနှင့် တံခါးဖွင့်ဝါဒသည် တရုတ်နိုင်ငံက ကာလကြာမြင့်စွာ လက်တွေ့ကျင့်သုံးပြီးနောက် တွေ့ရှိခဲ့သည့် မှန်ကန်သော ဖွံ့ဖြိုးတိုးတက်မှု လမ်းကြောင်းတစ်ခုဖြစ်ကာ ထိုလမ်းကြောင်းအတိုင်း မမှိတ်မသုန် ဆက်လက်လျှောက်လှမ်းမည်ဖြစ်ကြောင်း ရှီက အလေးအနက်ပြောကြားခဲ့သည်။ အကြိမ် ၂၀ မြောက် တရုတ်ကွန်မြူနစ်ပါတီ ဗဟိုကော်မတီ၏ တတိယအကြိမ် မျက်နှာစုံညီအစည်းအဝေးသည် တရုတ်နိုင်ငံ၏ ခေတ်မီအသွင်ကူးပြောင်းမှုအား အဆင့်မြှင့်တင်ရာတွင် ပြုပြင်ပြောင်းလဲမှုများကို တစ်ဆင့်တိုး ကျယ်ပြန့်နက်ရှိုင်းစွာ လုပ်ဆောင်ရေး၊ တရုတ်နိုင်ငံနှင့် စပိန်နိုင်ငံအကြား ပူးပေါင်းဆောင်ရွက်မှုများ နက်နက်ရှိုင်းရှိုင်း တိုးမြှင့်ရာတွင် အခွင့်အလမ်းသစ်များ ဆောင်ကြဉ်းရေးအတွက် စနစ်ကျသော အစီအစဉ်များကို ဖန်တီးပေးခဲ့ကြောင်းလည်း ရှီက ဆိုသည်။
နှစ်နိုင်ငံအနေဖြင့် ဉာဏ်ရည်တုနည်းပညာ၊ ဒစ်ဂျစ်တယ်စီးပွားရေးနှင့် ပြန်လည်ပြည့်ဖြိုးမြဲစွမ်းအင်ကဲ့သို့ နည်းပညာမြင့်မားသော နယ်ပယ်များတွင် ဖွံ့ဖြိုးတိုးတက်မှုများကို အားပေးထောက်ကူခြင်းဖြင့် အပြန်အလှန် အကျိုးဖြစ်ထွန်းစေရေးအတွက် ကြိုးပမ်းလုပ်ဆောင်သင့်ကြောင်း၊ စပိန်နိုင်ငံအနေဖြင့် လာရောက်ရင်းနှီးမြှုပ်နှံ၍ စီးပွားရေးလုပ်ကိုင်မည့် တရုတ်စီးပွားရေးလုပ်ငန်းများအတွက် တရားမျှတ၍ သာတူညီမျှရှိသော၊ လုံခြုံစိတ်ချရ၍ ခွဲခြားဆက်ဆံမှုကင်းသော စီးပွားရေးဝန်းကျင်တစ်ခုကို ဆက်လက်ပံ့ပိုးသွားမည်ဟု တရုတ်နိုင်ငံက မျှော်လင့်ကြောင်းလည်း ရှီက ပြောကြားခဲ့သည်။
လာမည့်နှစ်သည် တရုတ်နိုင်ငံနှင့် ဥရောပသမဂ္ဂ (အီးယူ) အကြား သံတမန်ဆက်ဆံရေး ထူထောင်မှု နှစ် ၅၀ ပြည့်မြောက်မည်ဖြစ်ရာ အပြန်အလှန်ဆက်ဆံရေး တိုးတက်မှု၏ အောင်မြင်သော အတွေ့အကြုံများကို ပြန်လည်သုံးသပ်ကာ ထိုဆက်ဆံရေးကို ထပ်မံတိုးမြှင့်ရေးအတွက် အီးယူနှင့် လက်တွဲလုပ်ဆောင်ရန် တရုတ်နိုင်ငံက အသင့်ရှိကြောင်း သမ္မတ ရှီကျင့်ဖိန်က ဆိုသည်။
တရုတ်နိုင်ငံအနေဖြင့် ကမ္ဘာ့တောင်ဘက်ခြမ်းရှိ တတိယနိုင်ငံ ဈေးကွက်များတွင် စပိန်နိုင်ငံနှင့် ပူးပေါင်းဆောင်ရွက်မှု တိုးမြှင့်ရန်၊ ကုလသမဂ္ဂ၊ G20 နှင့် အခြား နိုင်ငံတကာအဖွဲ့အစည်းများတွင် ထိတွေ့ဆက်ဆံမှုနှင့် ညှိနှိုင်းဆောင်ရွက်မှုများ ခိုင်မာအားကောင်းအောင် လုပ်ဆောင်ရန် အသင့်ရှိကြောင်း၊ ကမ္ဘာကြီး၏ငြိမ်းချမ်းမှု၊ တည်ငြိမ်မှုနှင့် လူသားတို့၏ တိုးတက်ဖြစ်ထွန်းမှုများအတွက် အပြုသဘောဆောင်သည့် အားထုတ်မှုများဖြင့် ပိုမိုအားဖြည့်ပေးရန် ရည်ရွယ်လျက်ရှိကြောင်းလည်း ၎င်းက အလေးအနက်ပြောကြားခဲ့သည်။
စပိန်နိုင်ငံ ဝန်ကြီးချုပ်ကလည်း ဘုရင် ဖိလစ်-၆ ၏ လှိုက်လှဲသော နှုတ်ခွန်းဆက်စကားများကို သမ္မတရှီအား စကားလက်ဆောင်ပါးခဲ့သည်။
စပိန်နိုင်ငံနှင့် တရုတ်နိုင်ငံတို့သည် အစဉ်အဆက် ချစ်ကြည်ရင်းနှီးမှု ရရှိခဲ့ကာ အပြန်အလှန်လေးစားမှုအပေါ် အခြေခံ၍ နှစ်နိုင်ငံ မိတ်ဖက်ဆက်ဆံရေးကို စဉ်ဆက်မပြတ် တိုးတက်စေပြီး ခိုင်မာနက်ရှိုင်းအောင် လုပ်ဆောင်ခဲ့ကြောင်း ဆန်းချက်ဇ်က ပြောကြားခဲ့သည်။ ၎င်း၏ခရီးစဉ်အတွင်း စိမ်းလန်းသော ဖွံ့ဖြိုးတိုးတက်မှုကဲ့သို့ နယ်ပယ်များတွင် ပူးပေါင်းဆောင်ရွက်ရေး သဘောတူညီချက်များကို နှစ်နိုင်ငံအကြား လက်မှတ်ရေးထိုးခဲ့ကာ နှစ်နိုင်ငံ ပူးပေါင်းဆောင်ရွက်မှု၏ ကြီးမားသော အလားအလာနှင့် ကောင်းမွန်သော အခွင့်အလမ်းများကို ထင်ထင်ရှားရှားပြသလျက်ရှိကြောင်း ဆန်းချက်ဇ်က ထည့်သွင်းပြောကြားခဲ့သည်။
နှစ်နိုင်ငံ လူထုအချင်းချင်း အပြန်အလှန် ထိတွေ့ဆက်ဆံမှုများ ခိုင်မာအားကောင်းစေရေးနှင့် စီးပွားရေး၊ ကုန်သွယ်ရေးနှင့် လျှပ်စစ်မော်တော်ယာဉ်ကဲ့သို့ နယ်ပယ်များတွင် ပူးပေါင်းဆောင်ရွက်မှု နက်နက်ရှိုင်းရှိုင်းရှိစေရေးအတွက် အားဖြည့်လုပ်ဆောင်ရန် စပိန်နိုင်ငံက မျှော်လင့်ကြောင်း၊ တရုတ်နိုင်ငံမှ စီးပွားရေးလုပ်ငန်းများအတွက် ကောင်းမွန်သော ပတ်ဝန်းကျင်တစ်ခု ဖန်တီးပေးရန်လည်း စပိန်နိုင်ငံက ဆန္ဒရှိကြောင်း ၎င်းက ဆိုသည်။
စပိန်နိုင်ငံက တရုတ်နိုင်ငံနှင့် ဆက်ဆံရေးကို မြင့်မားသော မဟာဗျူဟာပိုင်းအရ လေးလေးနက်နက် ရှုမြင်ကာ တရုတ်တစ်နိုင်ငံတည်း မူဝါဒကို ခိုင်ခိုင်မာမာစောင့်ထိန်းလျက်ရှိကြောင်း၊ တရုတ်နိုင်ငံ၏ ယုံကြည်စိတ်ချရသော မိတ်ဖက်ဖြစ်လာရန် ဆန္ဒရှိကြောင်း၊ နှစ်နိုင်ငံအကြား ဘက်ပေါင်းစုံ မဟာဗျူဟာမြောက် မိတ်ဖက်ဆက်ဆံရေး ခိုင်မာအောင်လုပ်ဆောင်ကာ နှစ်နိုင်ငံပြည်သူများအတွက်လည်းကောင်း၊ ကမ္ဘာကြီး၏ ငြိမ်းချမ်းမှုနှင့် သာယာဝပြောမှုအတွက်လည်းကောင်း၊ ပိုမိုထိရောက်စွာ အထောက်အကူပေးရန် မျှော်လင့်ကြောင်း ဆန်းချက်ဇ်က ပြောကြားခဲ့သည်။ ယူကရိန်း အကျပ်အတည်းနှင့် ပါလက်စတိုင်း-အစ္စရေး ပဋိပက္ခတို့နှင့် စပ်လျဉ်း၍လည်း နှစ်ဖက် အမြင်ချင်းဖလှယ် ဆွေးနွေးခဲ့ကြောင်း သိရသည်။ (Xinhua)

…………………..
(English Version)
Xi meets Spanish PM in Beijing
BEIJING, Sept. 9 (Xinhua) — Chinese President Xi Jinping on Monday met with Spanish Prime Minister Pedro Sanchez, who is on an official visit to China.
Xi asked Sanchez to convey his greetings to King Felipe VI. Recalling that China and Spain celebrated the 50th anniversary of the establishment of diplomatic ties last year, Xi said both sides have since maintained close exchanges and interactions at all levels and promoted high-quality cooperation in new areas.
Noting that next year marks the 20th anniversary of the establishment of China-Spain comprehensive strategic partnership, Xi said the two sides should adhere to the original intention of establishing diplomatic ties based on mutual respect and equal treatment, take a holistic and long-term view, and add new dimensions to bilateral ties.
Xi also called on both sides to build long-term and stable China-Spain relations with strategic determination, and push bilateral relations to a higher level.
Xi stressed that reform and opening up is a correct development path that China has found through long-term practice, and that it will be pursued steadfastly. The third plenary session of the 20th Central Committee of the Communist Party of China made systematic arrangements for further deepening reform comprehensively to advance Chinese modernization, bringing new opportunities for deepening and expanding cooperation between China and Spain, he said.
The two sides should work for mutual benefits by promoting development in high-tech fields like artificial intelligence, the digital economy and new energy, Xi said, adding that China hopes Spain will continue to provide a fair, equitable, safe and non-discriminatory business environment for Chinese enterprises to invest and do business in the country.
As next year marks the 50th anniversary of the establishment of diplomatic relations between China and the EU, China is ready to work with the bloc to review successful experience in the development of bilateral relations and further promote the relations, Xi said.
He noted that China is ready to expand cooperation with Spain in third-party markets in the Global South, and strengthen communication and coordination in the United Nations, the G20 and other international organizations, aiming to inject more positive energy into world peace, stability and human progress.
Sanchez conveyed cordial greetings from King Felipe VI to President Xi.
Spain and China enjoy time-honored friendship, and they have constantly developed and deepened their partnership on the basis of mutual respect, Sanchez said. During his visit, the two sides signed a number of cooperation agreements in fields such as green development, demonstrating the huge potential and bright prospects of bilateral cooperation, he said.
Spain hopes that the two countries will strengthen people-to-people exchanges and deepen cooperation in such fields as economy, trade and new energy vehicles. Spain is willing to provide a sound environment for Chinese enterprises, Sanchez said.
Spain views its relations with China from a strategic height, adheres firmly to the one-China policy, is willing to be a trustworthy partner of China, and looks forward to deepening the comprehensive strategic partnership between the two countries and making greater contributions to the well-being of the two peoples, world peace and prosperity, Sanchez said.
The two sides also exchanged views on the Ukraine crisis and the Palestine-Israel conflict. Enditem
English Caption
Chinese President Xi Jinping meets with Spanish Prime Minister Pedro Sanchez, who is on an official visit to China, at the Diaoyutai State Guesthouse in Beijing, capital of China, Sept. 9, 2024. (Xinhua/Huang Jingwen)