ကျယ်ကျယ်ပြန့်ပြန့် ကန့်ကွက်မှုများကြား “အပြန်အလှန် စည်းကြပ်ခွန်များ” ဟုဆိုသော သမ္မတအမိန့်ကြေညာချက်ကို ထရမ့် လက်မှတ်ရေးထိုး

ဝါရှင်တန်၊ ဧပြီ ၃ ရက် (ဆင်ဟွာ)

ကျယ်ကျယ်ပြန့်ပြန့် ကန့်ကွက်မှုများ ရှိနေသည့်ကြားတွင် အမေရိကန် သမ္မတ ဒေါ်နယ်ထရမ့်က “အပြန်အလှန် စည်းကြပ်ခွန်များ” ဟုဆိုသော အမိန့်ကြေညာချက်တစ်ရပ်ကို ဧပြီ ၂ ရက်က လက်မှတ်ရေးထိုးခဲ့ပြီး “အနိမ့်ဆုံး အခြေခံစည်းကြပ်ခွန်” ၁၀ ရာခိုင်နှုန်းနှင့် ကုန်သွယ်ဖက်နိုင်ငံ အချို့အပေါ် ပိုမိုမြင့်မားသော စည်းကြပ်ခွန်နှုန်းထားများ သတ်မှတ်ခဲ့ကြောင်း သိရသည်။
ခြွင်းချက်သတ်မှတ်မှု အချို့မှအပ သွင်းကုန်အားလုံးအပေါ် ထပ်တိုးစည်းကြပ်ခွန် ၁၀ ရာခိုင်နှုန်း ကောက်ခံမည်ဟု အဆိုပါ အမိန့်ကြေညာချက်၌ ဖော်ပြထားပြီး ယင်းစည်းကြပ်ခွန်သတ်မှတ်မှုမှာ ဧပြီ ၅ ရက်၌ စတင်အသက်ဝင်မည်ဖြစ်သည်။
သမ္မတထရမ့်အနေဖြင့် အမေရိကန်နိုင်ငံနှင့် အကြီးမားဆုံး ကုန်သွယ်ရေးလိုငွေပြနေသည့် နိုင်ငံနှင့် ဒေသများအပေါ် သီးခြားအနေဖြင့် နှုန်းထားပိုမိုမြင့်မားသော အပြန်အလှန်စည်းကြပ်ခွန် ကောက်ခံမည်ဖြစ်ကြောင်း အိမ်ဖြူတော်က ထုတ်ပြန်ထားပြီး ယင်းမှာ ဧပြီ ၉ ရက်၌ စတင်အသက်ဝင်မည်ဖြစ်ကြောင်း သိရသည်။
အိမ်ဖြူတော် Rose Garden ၌ မိန့်ခွန်းပြောကြားစဉ်အတွင်း ထရမ့်က “အပြန်အလှန်စည်းကြပ်ခွန်များ” စာရင်းကို ပြသခဲ့ပြီး နိုင်ငံနှင့် ဒေသအသီးသီးအနေဖြင့် မတူညီသော စည်းကြပ်ခွန်နှုန်းထားများကို ရင်ဆိုင်ရမည်ဖြစ်ကြောင်း အဆိုပါစာရင်း၌ ဖော်ပြချက်အရ သိရသည်။
ဥပမာအားဖြင့် တရုတ်နိုင်ငံက စည်းကြပ်ခွန် ၃၄ ရာခိုင်နှုန်း၊ ဥရောပသမဂ္ဂက စည်းကြပ်ခွန် ၂၀ ရာခိုင်နှုန်း၊ ဗီယက်နမ်နိုင်ငံက စည်းကြပ်ခွန် ၄၆ ရာခိုင်နှုန်း၊ ဂျပန်နိုင်ငံက စည်းကြပ်ခွန် ၂၄ ရာခိုင်နှုန်း၊ အိန္ဒိယနိုင်ငံက စည်းကြပ်ခွန် ၂၆ ရာခိုင်နှုန်း၊ တောင်ကိုရီးယားက စည်းကြပ်ခွန် ၂၅ ရာခိုင်နှုန်း၊ ထိုင်းနိုင်ငံက စည်းကြပ်ခွန် ၃၆ ရာခိုင်နှုန်း၊ ဆွစ်ဇာလန်နိုင်ငံက စည်းကြပ်ခွန် ၃၁ ရာခိုင်နှုန်း၊ အင်ဒိုနီးရှားနိုင်ငံက စည်းကြပ်ခွန် ၃၂ ရာခိုင်နှုန်း၊ မလေးရှားနိုင်ငံက စည်းကြပ်ခွန် ၂၄ ရာခိုင်နှုန်း၊ ကမ္ဘောဒီးယားနိုင်ငံက စည်းကြပ်ခွန် ၄၉ ရာခိုင်နှုန်း အသီးသီး ကျခံရမည်ဖြစ်သည်။
ပုဒ်မ ၂၃၂ စည်းကြပ်ခွန်ဥပဒေနှင့် အကျုံးဝင်သော သံမဏိ၊ အလူမီနီယံ၊ မော်တော်ယာဉ်နှင့် မော်တော်ယာဉ်အစိတ်အပိုင်းများအပြင် ကြေးနီ၊ ဆေးဝါး၊ တစ်ပိုင်းလျှပ်ကူးပစ္စည်း၊ ကျွန်းသစ် စသော ကုန်ပစ္စည်းအချို့မှာမူ အပြန်အလှန်စည်းကြပ်ခွန် သတ်မှတ်ခံရမည်မဟုတ်ကြောင်း အိမ်ဖြူတော်က ပြောကြားခဲ့သည်။ (Xinhua)
…………………….
(English Version)
Trump signs executive order on “reciprocal tariffs” amid widespread opposition
WASHINGTON, April 2 (Xinhua) — Amid widespread opposition, U.S. President Donald Trump on Wednesday signed an executive order on the so-called “reciprocal tariffs,” imposing a 10-percent “minimum baseline tariff” and higher rates on certain trading partners.
All imports would be subject to 10 percent additional tariffs, except as otherwise provided, the executive order said. This will take effect on April 5.
Trump will impose an “individualized reciprocal higher tariff” on the countries and regions with which the United States “has the largest trade deficits,” according to a White House document. This will take effect on April 9.
In his speech at the White House Rose Garden, Trump presented a chart on “reciprocal tariffs.” The chart shows that different countries and regions face different tariff rates.
For example, China will face a 34-percent tariff, the European Union 20 percent, Vietnam 46 percent, Japan 24 percent, India 26 percent, South Korea 25 percent, Thailand 36 percent, Switzerland 31 percent, Indonesia 32 percent, Malaysia 24 percent, and Cambodia 49 percent.
Some goods will not be subject to the reciprocal tariff, including steel and aluminum, as well autos and auto parts already subject to Section 232 tariffs, copper, pharmaceuticals, semiconductors, and lumber, the White House noted. xhtxs.cn/2sN
English Caption
U.S. President Donald Trump attends an event celebrating the Greek Independence Day at the White House in Washington, D.C., the United States, on March 24, 2025. (Xinhua/Hu Yousong)