ဂါဇာအရေးနှင့် စပ်လျဉ်းသည့် ဆုံးဖြတ်ချက်မူကြမ်းအား အမေရိကန်က ဗီတိုအာဏာဖြင့် ပယ်ချမှုအပေါ် စိတ်ပျက်မိကြောင်း ကုလသမဂ္ဂ အကြီးအကဲ ပြောကြား

ကုလသမဂ္ဂ၊ ဇွန် ၆ ရက် (ဆင်ဟွာ)
ဂါဇာအရေးနှင့် စပ်လျဉ်းသည့် ကုလသမဂ္ဂ လုံခြုံရေးကောင်စီ ဆုံးဖြတ်ချက်မူကြမ်းအား ဇွန် ၄ ရက်၌ အမေရိကန်က ဗီတိုအာဏာဖြင့် ပယ်ချမှုအပေါ် စိတ်ပျက်မိကြောင်း ကုလသမဂ္ဂ အထွေထွေအတွင်း‌ရေးမှူးချုပ် အန်တိုနီယို ဂူတာရက်စ်က ဇွန် ၅ ရက်၌ ပြောကြားခဲ့သည်။
ဂါဇာဒေသတွင် ချက်ချင်း အပစ်အခတ်ရပ်စဲရေး လူသားချင်းစာနာမှု အကူအညီများအပေါ် ကန့်သတ်ပိတ်ဆို့မှုများ ရုပ်သိမ်းရေးအတွက် တောင်းဆိုထားသော အဆိုပါ ဆုံးဖြတ်ချက်မူကြမ်းမှာ လုံခြုံရေးကောင်စီ အဖွဲ့ဝင်နိုင်ငံ ၁၅ နိုင်ငံအနက် ၁၄ နိုင်ငံ၏ ထောက်ခံမှုကို ရရှိခဲ့ပြီး အမေရိကန် တစ်နိုင်ငံတည်းကသာ ဗီတိုအာဏာဖြင့် ပယ်ချခဲ့ခြင်းဖြစ်သည်။
ထိုရလဒ်အပေါ် စိတ်ပျက်မိခြင်း ရှိမရှိ ဇွန် ၅ ရက်က မေးမြန်းရာတွင် ဂူတာရက်စ်က “စိတ်ပျက်မိပါတယ်” ဟု ပြန်လည်ဖြေကြားခဲ့သည်။
“အပစ်အခတ်ရပ်စဲမှုတွေ လက်တွေ့ဖြစ်မလာတဲ့အခါ၊ ဓားစာခံတွေ လွတ်မြောက်မလာတဲ့အခါ၊ လူသားချင်းစာနာမှု အကူအညီတွေ ဖြန့်ဝေနိုင်ခြင်းမရှိတာ ဒါမှမဟုတ် ပါလက်စတိုင်းများစွာကို အသက်အန္တရာယ် ဖြစ်စေနိုင်တဲ့ ပုံစံမျိုးနဲ့ အကူအညီတွေ ဖြန့်ဝေနေတဲ့အခါမျိုးတွေမှာ ကျွန်တော်တို့ အမြဲတမ်းစိတ်ပျက်မိပါတယ်” ဟု ၎င်းက သတင်းထောက်များကို ပြောကြားခဲ့သည်။
ကုလသမဂ္ဂအနေဖြင့် ဂါဇာဒေသခံများကို အကူအညီပေးရန် လုပ်နိုင်သမျှ အရာအားလုံးကို လုပ်ဆောင်သွားမည်ဟု ဂူတာရက်စ်က ပြောကြားခဲ့သည်။ သို့ရာတွင် အပြီးတိုင် အပစ်အခတ်ရပ်စဲမှု ရရှိပြီး ဓားစာခံအားလုံး ခြွင်းချက်မရှိ အမြန်ဆုံးလွတ်မြောက်ကာ လူသားချင်းစာနာမှု အကူအညီများ အကန့်အသတ်မရှိ ရောက်ရှိနိုင်မှသာလျှင် ကုလသမဂ္ဂ၏ ကြိုးပမ်းအားထုတ်မှုက အကျိုးရှိမည်ဖြစ်ကြောင်း ၎င်းက အလေးအနက်ပြောကြားခဲ့သည်။
နှစ်နိုင်ငံဖြေရှင်းမှု အလားအလာအား ဆက်လက်ထိန်းသိမ်းရန် မုချလိုအပ်သည်ဟုလည်း ၎င်းက ဆိုသည်။
“နှစ်နိုင်ငံဖြေရှင်းမှုနည်းလမ်းအပေါ် သံသယရှိနေသူတွေကို တခြား ဘယ်လိုနည်းလမ်းတွေရှိလဲလို့ ကျွန်တော် မေးချင်ပါတယ်။ တစ်နိုင်ငံ ဖြေရှင်းနည်းဆိုတာက ပါလက်စတိုင်းတွေကို နှင်ထုတ်တာ ဒါမှမဟုတ် ပါလက်စတိုင်းတွေရဲ့ နယ်မြေမှာ အခွင့်မရှိဘဲ အတင်းအဓမ္မ ဝင်ရောက်နေထိုင်တာပါလား။ အဲဒါဆိုရင်တော့ လုံးဝကို လက်မခံနိုင်စရာ ဖြစ်လာပါလိမ့်မယ်” ဟု ဂူတာရက်စ်က ပြောကြားခဲ့သည်။
“နှစ်နိုင်ငံ ဖြေရှင်းမှုနည်းလမ်း အလားအလာကို ဆက်လက်ထိန်းသိမ်းဖို့နဲ့ အဲဒီအခြေအနေတွေ ဖြစ်ပေါ်လာအောင် လက်တွေ့ဖော်ဆောင်ဖို့က နိုင်ငံတကာ အသိုင်းအဝိုင်းရဲ့တာဝန် ဖြစ်တယ်လို့ ကျွန်တော် စွဲစွဲမြဲမြဲ ယုံကြည်ပါတယ်” ဟု ဂူတာရက်စ်က ဖြည့်စွက်ပြောကြားခဲ့သည်။ (Xinhua)

ဂါဇာကမ်းမြောင်ဒေသ မြောက်ပိုင်း ဘိတ်လာဟီယာမြို့၌ နေရပ်ပြန် ပါလက်စတိုင်းများအား ၂၀၂၅ ခုနှစ် ဇွန် ၄ ရက်က တွေ့ရစဉ် (ဆင်ဟွာ)

……………………
(English Version)
UN chief disappointed at U.S. veto of Gaza draft resolution
UNITED NATIONS, June 5 (Xinhua) — UN Secretary-General Antonio Guterres said Thursday that he was disappointed at Wednesday’s U.S. veto of a Security Council draft resolution on Gaza.
The draft resolution, which would have demanded an immediate ceasefire in Gaza and the lifting of restrictions on humanitarian aid, won the support of 14 out of the 15 Security Council members. The United States single-handedly vetoed the draft.
Asked on Thursday whether he was disappointed at the result, Guterres said, “Of course.”
“We are always disappointed when ceasefires do not materialize, releases of hostages (do not happen), and humanitarian aid is not distributed or is distributed in a way that puts at risk the lives of so many Palestinians,” he told reporters.
Guterres said the United Nations will do everything it can to help Gazans. But he stressed that the world body’s work will be effective only if there is a permanent ceasefire, the unconditional and immediate release of all hostages and unlimited access for humanitarian aid.
He said it is essential to keep alive the two-state solution perspective.
“And for those that doubt about the two-state solution, I ask: What is the alternative? Is it a one-state solution in which either the Palestinians are expelled or the Palestinians will be forced to live in their land without rights? That would be totally unacceptable,” he said.
“I firmly believe that it is the duty of the international community to keep the two-state solution alive and then to materialize the conditions to make it happen,” Guterres added.
English Caption 1
Representatives vote on a draft resolution during a UN Security Council meeting at the UN headquarters in New York, on June 4, 2025. (Xinhua/Xie E)
English Caption 2
Returning Palestinians are seen in the town of Beit Lahia, northern Gaza Strip, on June 4, 2025. (Photo by Rizek Abdeljawad/Xinhua)