မြန်မာနိုင်ငံ၌ ငလျင်အလွန် ငလျင်ဒဏ်သင့်ပြည်သူများအား ပြန်လည်နေရာချထားရန် လိုအပ်ချက်များ သိသာထင်ရှားလာ၊ နိုင်ငံတကာအသိုက်အဝန်းက ဆက်လက် ဖေးမကူညီလျက်ရှိ

ရန်ကုန်၊ ဧပြီ ၃ ရက် (ဆင်ဟွာ)
မြန်မာနိုင်ငံတွင် မတ် ၂၈ ရက်က အင်အားပြင်းငလျင် လှုပ်ခတ်ပြီးချိန်မှစ၍ စစ်ကိုင်းတိုင်း၊ မန္တလေးတိုင်းနှင့် မြို့တော် နေပြည်တော် စသည့် ငလျင်ဒဏ်ပြင်းထန်စွာ ခံစားခဲ့ရသည့် ဒေသရှိ နေအိမ်များပျက်စီးကာ နောက်ဆက်တွဲငလျင်များ ဆက်တိုက်လှုပ်ခတ်ခဲ့ပြီး ငလျင်ဒဏ်သင့်ပြည်သူ အမြောက်အမြား လမ်းမထက်၌ ရက်ပေါင်းဆက်တိုက် နေထိုင်ရလျက်ရှိသည်။

ယခင်က ခရီးသွားဧည့်သည်များဖြင့် ပြည့်နှက်နေသော ကျုံးဘေးလမ်းမကြီး၌ ယခုအခါ ယာယီထိုးထားသော ရွက်ဖျင်တဲလေးများဖြင့် ပြည့်နေသည်ကို ဆင်ဟွာသတင်းထောက်က ဧပြီ ၂ ရက် နံနက်ခင်းတွင် မန္တလေးမြို့တွင်း၌ တွေ့မြင်ခဲ့ရသည်။ ငလျင်ဒဏ်သင့်ပြည်သူများက တာပေါ်လင်၊ အိပ်ယာခင်း၊ နိုင်လွန်ကြိုး စသည်တို့ဖြင့် ရွက်ဖျင်တဲလေးဆောက်ကာ ယူဆောင်လာသည့် ဖျာ၊ ခေါက်စားပွဲ၊ ပလတ်စတစ်ထိုင်ခုံတို့ဖြင့် တစ်မိသားစု ယာယီနားခိုရာနေရာအဖြစ် စီမံထားသည်။
ပိုမိုအခြေအနေဆိုးသူများကမူ မြေပြင်၌သာ ထိုင်နေရသည်။ လူသွားလမ်းရှိ သစ်ပင်အောက်၊ ဖြန့်ခင်းထားသော စက္ကူဖာတို့အပေါ် ကျားမ၊ လူကြီးလူငယ်မရွေး အတူကပ်၍နေရပေသည်။ အမျိုးသမီးက ကလေးငယ်ကို ပွေ့ချီထားရင်း ယပ်တောင်အဆက်မပြတ်ခတ်ပေး၍ ခြင်ယင်များ မောင်းပေးနေရကာ ပူပင်သောကများဖြင့် မျက်မှောင်ကြုတ်လျက်ရှိသည်။
၄၀ ဒီဂရီ စင်တီဂရိတ်နီးပါးရှိသည့် မြင့်မားသောနေ့အပူချိန်အောက်တွင် ၁၀ မိနစ်ကျော်ကြာ ကားဖြင့်ဖြတ်သန်းသွားရာ၌ လမ်းတစ်လျှောက် သတင်းထောက်တွေ့မြင်ရသည်မှာ ထိုကဲ့သို့သော မြင်ကွင်းများပင်ဖြစ်သည်။ ငလျင်ဒဏ်သင့်ပြည်သူများအား ပြန်လည်နေရာချထားရေးမှာ အလွန်အရေးကြီး နေပြီဖြစ်သည်။

ငလျင်ကြောင့် သန့်ရှင်းသောရေပေးဝေမှု ပြတ်တောက်ခဲ့ရပြီး ဒေသခံများက တစ်ကိုယ်ရေသန့်ရှင်းရေး၊ သန့်စင်ခန်း အသုံးပြုခြင်း စသည့် အခြေခံလိုအပ်ချက်များကို ဖြေရှင်းရန် အခြားနည်းလမ်းရှာဖွေကြရသည်။ လူအများက ကျိနောက်နေသည့် ဧရာဝတီမြစ်ထဲ၌ အဝတ်လျှော်၊ ရေချိုးကြရသည်။

ဧပြီလအကုန် မေလဆန်း၌ မြန်မာနိုင်ငံတွင် နှစ်ဝက်နီးပါးကြာမည့် မိုးရာသီ ကျရောက်လာတော့မည် ဖြစ်သည်။ ရာသီဥတုပြောင်းလဲခြင်း၏ သက်ရောက်မှုကြောင့် လတ်တလောနှစ်ပိုင်းများတွင် မြန်မာနိုင်ငံ၌ တိုင်ဖွန်းမုန်တိုင်း၊ အပူပိုင်းဒေသမုန်တိုင်း စသည့် ရာသီဥတုဆိုင်ရာ ဘေးအန္တရာယ်များ ပိုမိုဖြစ်ပွားလာသည်။ ငလျင်အလွန် ပြန်လည်တည်ဆောက်ရေးတွင် မုန်တိုင်း၊ ရေကြီးမှုနှင့် မြေပြိုမှု ကဲ့သို့သော ဆိုးရွားသည့် အခြေအနေများနှင့် ပေါင်းစပ်သွားနိုင်သည်။

ငလျင်ကြောင့် အခြေခံအဆောက်အအုံများ ဆိုးရွားစွာပျက်စီးခဲ့ရသဖြင့် မြန်မာနိုင်ငံ အစိုးရအဖွဲ့အစည်းအဆင့်ဆင့် လည်ပတ်မှုအား များစွာထိခိုက်ခဲ့သည်။ အဆောက်အဦများ ပြန်လည်မွမ်းမံရေး၊ ကပ်ရောဂါကာကွယ်ရန် သန့်ရှင်းရေးလုပ်ဆောင်ရေး၊ ငလျင်ဒဏ်သင့်ပြည်သူများအား ပြန်လည်နေရာချထားရေး စသည့်လုပ်ငန်းများတွင်လည်း ကြီးမားသည့်စိန်ခေါ်မှုများနှင့် ရင်ဆိုင်နေရသည်။
မတ် ၃၁ ရက်မှ ယနေ့တိုင် ကုလသမဂ္ဂ လူသားချင်းစာနာမှုဆိုင်ရာ ညှိနှိုင်းရေးရုံး (OCHA)၊ ကုလသမဂ္ဂ ကလေးများရန်ပုံငွေအဖွဲ့ (UNICEF)၊ ကမ္ဘာ့ကျန်းမာရေးအဖွဲ့ (WHO) စသည့် အဖွဲ့အစည်းများက အစီရင်ခံစာများ ဆက်တိုက်ထုတ်ပြန်၍ ပြည်ပအသိုက်အဝန်းအား မြန်မာနိုင်ငံ၏ ငလျင်အလွန် လူသားချင်းစာနာမှု အခြေအနေ ဆိုးရွားလာနိုင်သည့် ဖြစ်နိုင်ခြေအား ဂရုပြုရန် တိုက်တွန်းထားသည်။

ဧပြီ ၂ ရက်တွင် တရုတ်နိုင်ငံ ကြက်ခြေနီအသင်း နိုင်ငံတကာကယ်ဆယ်ရေးအဖွဲ့၊ ဒုတိယအဖွဲ့၊ အဖွဲ့ဝင် ၉ ဦးပါ ရှေ့ပြေးအဖွဲ့သည် ရန်ကုန်မြို့သို့ ရောက်ရှိခဲ့သည်။ ခေတ္တအနားယူပြီးနောက် အဆိုပါအဖွဲ့သည် ငလျင်ဒဏ်သင့်သည့် မန္တလေးသို့ ညတွင်းချင်း သွားရောက်ကာ ငလျင်အလွန်ကူညီရေး၊ ရေပေးဝေရေးနှင့် အများပြည်သူကျန်းမာရေး၊ ကပ်ရောဂါကာကွယ်ရန် ပိုးသတ်ခြင်း စသည့် လုပ်ငန်းများ လုပ်ဆောင်ခဲ့သည်။

ဒုတိယအဖွဲ့တွင် စုစုပေါင်းအဖွဲ့ဝင် ၂၂ ဦးပါဝင်ပြီး တရုတ်နိုင်ငံ ကြက်ခြေနီအဖွဲ့ချုပ်မှ ထပ်တိုးစေလွှတ်ခြင်းဖြစ်သည်။ အခြားအဖွဲ့ဝင် ၁၃ ဦးသည် ဧပြီ ၃ ရက်တွင် တရုတ်နိုင်ငံမှ စတင်ထွက်ခွာလာမည်ဖြစ်သည်။ အဖွဲ့များတွင် ရေပေးဝေရေးယူနစ် ၅ ခု၊ အရေးပေါ်သုံးသန့်စင်ခန်း အစုံ ၁၀၀ သယ်ဆောင်ထားပြီး လူပေါင်း ၁၅,၀၀၀ ထက်မနည်း၏ လူနေမှုဘဝသုံးရေလိုအပ်ချက်နှင့် ငလျင်ဒဏ်သင့်ပြည်သူပေါင်း ၅,၀၀၀ ၏ သန့်စင်ခန်းအသုံးပြုရန် လိုအပ်ချက်ကို ဖြည့်ဆည်းပေးနိုင်ကြောင်း တရုတ်နိုင်ငံ ကြက်ခြေနီအဖွဲ့ချုပ်မှ သိရသည်။

အဆိုပါအဖွဲ့သည် တစ်ချိန်တည်းတွင် ကျန်းမာရေးအသိပညာပေးလုပ်ငန်း၊ ကပ်ရောဂါကာကွယ်ရန် ပိုးသတ်ခြင်း၊ ပြန်လည်နေရာချထားရေးနေရာ တည်‌ဆောက်ရေးနှင့် ကယ်ဆယ်ရေးပစ္စည်းများ ပေးဝေမှု စသည့်လုပ်ငန်းများလည်း လုပ်ဆောင်သွားမည်ဖြစ်သည်။

မန္တလေး၊ စစ်ကိုင်း၊ နေပြည်တော် စသည့် ငလျင်ဒဏ် ဆိုးရွားစွာ ခံစားခဲ့ရသည့် ဒေသများ၌ တရုတ်ကယ်ဆယ်ရေး အဖွဲ့ဝင်များ အပါအဝင် ဘက်ပေါင်းစုံမှအင်အားများက ရှာဖွေကယ်ဆယ်ရေးလုပ်ငန်းများကို အစွမ်းကုန် လုပ်ဆောင်ဆဲဖြစ်သည်။ ဧပြီ ၂ ရက် နံနက်ပိုင်းတွင် နေပြည်တော်၌ မြန်မာဘက်နှင့် တူကီယဲ ကယ်ဆယ်ရေးအဖွဲ့က ပူးပေါင်း၍ ၅ ရက်ကြာ ပိတ်မိနေသည့် လူငယ်အမျိုးသားတစ်ဦးကို ကယ်ထုတ်နိုင်ခဲ့သည်။

ဧပြီ ၂ ရက် ၁၇ နာရီ ၄၀ မိနစ်ဝန်းကျင်တွင် တရုတ်ကယ်ဆယ်ရေးအဖွဲ့များက မန္တလေးမြို့တွင် အချိန် ၁၂၅ နာရီနီးပါး ပိတ်မိနေသည့် အမျိုးသားတစ်ဦးကို အောင်မြင်စွာ ကယ်ထုတ်နိုင်ခဲ့သည်။ ဧပြီ ၂ ရက် ညပိုင်းအထိ တရုတ်ကယ်ဆယ်ရေးအဖွဲ့များသည် အသက်ရှင်ကျန်ရစ်သူ ၉ ဦးအား အောင်မြင်စွာ ကယ်ထုတ်နိုင်ပြီးဖြစ်သည်။ ဧပြီ ၂ ရက် ညနေပိုင်းတွင် မြန်မာနိုင်ငံ မီးသတ်ဌာနက စစ်ကိုင်းတိုင်းရှိ ပြိုလဲနေသော တည်းခိုခန်းတစ်ခုမှ အချိန် ၁၂၂ နာရီနီးပါးပိတ်မိနေသည့် အမျိုးသားတစ်ဦးကို ကယ်ထုတ်နိုင်ခဲ့သည်။

ကုလသမဂ္ဂ လူသားချင်းစာနာမှုဆိုင်ရာ ညှိနှိုင်းရေးရုံး (OCHA) ၏ အကဲဖြတ်မှုအရ ဆက်သွယ်ရေး ဆက်လက်ပြတ်တောက်မှု စသည့် အကြောင်းအချက်များကြောင့် ကပ်ဘေးသင့်မှုအခြေအနေ အစီရင်ခံစာ နောက်ကျရကြောင်း၊ ငလျင်ဒဏ် ဆိုးရွားစွာ ခံစားရသည့် ဒေသရှိ မြို့များတွင် လူဦးရေသိပ်သည်းသဖြင့် လက်တွေ့ သေဆုံးဒဏ်ရာရသည့်ကိန်းဂဏန်းသည် ပိုမိုမြင့်မားဖွယ်ရှိကြောင်း သိရသည်။

မြန်မာနိုင်ငံ အကြီးအကဲ ဗိုလ်ချုပ်မှူးကြီး မင်းအောင်လှိုင်က မတ် ၃၁ ရက်မှ ဧပြီ ၆ ရက်အား နိုင်ငံတော်အဆင့် ဝမ်းနည်းခြင်းအထိမ်းအမှတ်နေ့ရက်အဖြစ် သတ်မှတ်ကြောင်း ကြေညာခဲ့သည်။ ဧပြီ ၁ ရက်တွင် မြန်မာနိုင်ငံ တစ်နိုင်ငံလုံး၌ အချက်ပေးဥဩဆွဲသံများ ပေါ်ထွက်လာပြီး ငလျင်ဒဏ်သင့် သေဆုံးသူများအတွက် တစ်မိနစ် ငြိမ်သက်၍ ဦးညွှတ်ဂါရဝပြုခဲ့သည်။

အချို့သော နိုင်ငံနှင့် နိုင်ငံတကာအဖွဲ့အစည်းများကလည်း မြန်မာနိုင်ငံအတွက် တတ်စွမ်းသမျှ အကူအညီများ ဆက်လက်ပေးအပ်လျက်ရှိသည်။

ဘင်္ဂလားဒေ့ရှ်နိုင်ငံ၏ ယခုအကြိမ် ကူညီပေးမှုများတွင် ပညာရှင်ပေါင်း ၅၅ ဦးဖြင့် ဖွဲ့စည်းထားသော ကယ်ဆယ်ရေးနှင့် ဆေးကုသရေးအဖွဲ့၊ စုစုပေါင်း တန်ချိန် ၁၅ တန်ရှိသည့် ဆေးဝါးနှင့် ဆေးကုသရေးသုံးပစ္စည်း၊ စားနပ်ရိက္ခာခြောက်၊ သောက်သုံးရေနှင့် ရွက်ဖျင်တဲ စသည့် ပစ္စည်းများ ပါဝင်ကြောင်း မြန်မာနိုင်ငံဆိုင်ရာ ဘင်္ဂလားဒေ့ရှ်နိုင်ငံ သံရုံးက ထုတ်ပြန်ထားသည်။

ဆွစ်ဇာလန်နိုင်ငံက မြန်မာနိုင်ငံသို့ ပညာရှင် ၃ ဦးစေလွှတ်ခဲ့ပြီး ကျန်းမာရေးသုံးပစ္စည်း အစုံ ၁,၂၀၀ ထောက်ပံ့ပေးပြီးဖြစ်ကြောင်း၊ လူသားချင်းစာနာမှုအကူအညီများအတွက် ဆွစ်ဖရန့် ၂.၅ သန်း (အမေရိကန်ဒေါ်လာ ၂.၈၃ သန်းခန့်) အသုံးပြုရန်လည်း စီစဉ်ထားကြောင်း ဆွစ်ဇာလန်နိုင်ငံ နိုင်ငံခြားရေးဝန်ကြီးဌာနက ဧပြီ ၁ ရက်တွင် ကြေညာချက် ထုတ်ပြန်ခဲ့သည်။

အာရှဖွံ့ဖြိုးတိုးတက်ရေးဘဏ် (ADB) က လက်ငင်းငွေသားနှင့် ပစ္စည်းများပုံစံဖြင့် မြန်မာနိုင်ငံ ငလျင်ဒဏ်သင့်ဒေသများသို့ အရေးပေါ် လူသားချင်းစာနာမှုအကူအညီများ ထောက်ပံ့ပေးသွားမည်ဖြစ်ကြောင်း ဧပြီ ၁ ရက်တွင် ထုတ်ပြန်ခဲ့ကြောင်း သိရှိရသည်။ (Xinhua)

မြန်မာနိုင်ငံ မန္တလေးမြို့တွင် မန္တလေးနန်းတော် အနီးတစ်ဝိုက်၌ ယာယီနေထိုင်နေရသော ငလျင်ဒဏ်သင့်ပြည်သူများကို ဧပြီ ၁ ရက်က တွေ့ရစဉ် (ဆင်ဟွာ)

မြန်မာနိုင်ငံ မန္တလေးမြို့တွင် တရုတ်ကယ်ဆယ်ရေးအဖွဲ့က အသက်ရှင်ကျန်ရစ်သူတစ်ဦးအား ကယ်ထုတ်လာသည်ကို ဧပြီ ၂ ရက်က တွေ့ရစဉ် (ဆင်ဟွာ)

မြန်မာနိုင်ငံ အင်းဝမြို့ဟောင်း လမ်းမထက်တွင် ကူညီကယ်ဆယ်ရေးပစ္စည်းများ ရယူရန် တန်းစီစောင့်ဆိုင်းနေသော ငလျင်ဒဏ်သင့်ပြည်သူများကို ဧပြီ ၂ ရက်က တွေ့ရစဉ် (ဆင်ဟွာ)

တရုတ်နိုင်ငံ Blu Sky ကယ်ဆယ်ရေးအဖွဲ့က မြန်မာနိုင်ငံ မန္တလေးမြို့၌ ကယ်ဆယ်ရေးလုပ်ငန်း လုပ်ဆောင်နေသည်ကို ဧပြီ ၁ ရက်က တွေ့ရစဉ် (ဆင်ဟွာ)

မြန်မာနိုင်ငံ မန္တလေးမြို့ လမ်းမထက်တွင် ယာယီနေထိုင်နေရသော ငလျင်ဒဏ်သင့်ပြည်သူများကို ဧပြီ ၁ ရက်က တွေ့ရစဉ် (ဆင်ဟွာ)

—————-
(Chinese Version)
现场直击｜缅甸震后灾民安置需求凸显　国际社会持续守望相助
新华社仰光4月2日电　现场直击｜缅甸震后灾民安置需求凸显　国际社会持续守望相助 　　新华社记者
自缅甸3月28日强震以来，实皆省、曼德勒省和首都内比都等重灾区房屋被毁、余震密集，大量灾民连续数日露宿街头。
新华社记者2日上午在曼德勒市城内看到，昔日游人如织的河滨大道如今遍布临时支起的帐篷。灾民用篷布、床单、尼龙绳草草搭成帐篷，捡来草席、折叠桌、塑料凳，作为一家人的栖身之所。
条件更差者，只能席地而坐。人行道的树下，铺开的纸壳上，男女老少挤在一起。妇女怀抱幼儿，不断摇着蒲扇驱赶蚊蝇，愁眉紧锁。
近40度高温下，十来分钟的车程，记者沿途所见全是这般景象，灾民安置刻不容缓！
地震导致清洁供水中断，当地人不得不另寻他法，解决洗漱、如厕等基本需求。人们在水质浑浊的伊洛瓦底江里和衣沐浴、洗衣。
四月底五月初，缅甸将进入长达小半年的雨季。受气候变化影响，近年来当地台风、热带风暴等气象灾害越发频繁，灾后重建恐叠加飓风、洪涝、山体滑坡等不利因素。由于地震对基础设施造成严重破坏，严重影响缅甸各级政府机构运行，设施抢修、防疫清理、灾民安置等工作面临巨大挑战。
自3月31日至今，联合国人道主义事务协调厅、联合国儿基会、世界卫生组织等多家机构接连发布报告，呼吁外界关注缅甸震后人道形势恶化的风险。
4月2日，中国红十字国际救援队第二梯队先遣队9人抵达仰光，简单休整后星夜赶往曼德勒震区，开展灾后赈济、供水和大众卫生、防疫消杀等工作。
第二梯队共计22人，由中国红十字总会增派，另外的13名成员将于3日从国内出发。据总会介绍，队伍携带5个供水单元和100套应急厕所，可满足不低于1.5万人生活用水需求以及5000名受灾民众如厕需求。队伍将同时开展健康教育、防疫消杀以及安置点建设和救灾物资发放等工作。
在曼德勒、实皆、内比都等重灾区，包括中国救援人员在内的多方力量仍在全力搜救。4月2日凌晨，在内比都，缅方与土耳其救援队合力救出一名受困五日的年轻男子；2日17点40分许，中国救援队伍在曼德勒市成功救出一名已被困近125小时的男子。截至2日晚间，中国救援人员已救出9名幸存者。2日下午，缅消防部门从实皆省倒塌宾馆内救出一名被困约122小时的男子。
根据联合国人道主义事务协调厅评估，通信持续中断等因素导致灾情报告滞后，重灾区多座城市人口稠密，实际伤亡数字恐怕更高。
缅甸领导人敏昂莱已宣布将3月31日至4月6日定为全国哀悼周。4月1日，缅甸全国响起警报，为地震遇难者默哀一分钟。
一些国家和国际机构持续给予缅甸力所能及的帮助。
孟加拉国驻缅甸大使馆表示，孟方这批援助包括由55名专家组成的救援与医疗队，总计15吨的药品及医疗用品、干粮、饮用水和帐篷等物资。瑞士外交部4月1日发表声明说，已向缅甸派遣3名专家和提供1200套卫生用品，并计划拨款250万瑞郎（约283万美元）的人道主义援助。亚洲开发银行4月1日表示，将以现金和实物形式向缅甸地震灾区提供紧急人道援助。（完）
图说1：这是4月2日在缅甸因瓦古城拍摄的在地震中损毁的佛塔。新华社发（苗觉梭摄）
图说2：4月1日，在缅甸曼德勒，受灾民众在曼德勒皇宫附近避难。新华社发（苗觉梭摄）
图说3：4月2日，在缅甸曼德勒，中国救援队伍救出一名幸存者。新华社记者 才扬 摄
图说4：4月2日，受灾民众在缅甸因瓦古城街头排队等待领取救援物资。新华社发（苗觉梭摄）
图说5：4月1日，在缅甸曼德勒，中国蓝天救援队开展救援。新华社发（苗觉梭摄）
图说6：4月1日，在缅甸曼德勒，受灾民众在街头避难。新华社发（苗觉梭摄）