တရုတ်နိုင်ငံ သမ္မတ ရှီကျင့်ဖိန်နှင့် ရုရှားနိုင်ငံ သမ္မတ ပူတင်တို့ အတူတကွ သတင်းထောက်များနှင့် တွေ့ဆုံ

မော်စကို၊ မေ ၉ ရက် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်နှင့် ရုရှားနိုင်ငံ သမ္မတ ပူတင်တို့သည် ဒေသစံတော်ချိန် မေ ၈ ရက် နေ့လယ်ပိုင်းတွင် မော်စကိုမြို့ ကရင်မလင်နန်းတော်၌ တွေ့ဆုံဆွေးနွေးပြီးနောက် သတင်းထောက်များအားအတူတကွ တွေ့ဆုံခဲ့သည်။

ထိုသို့ တွေ့ဆုံရာတွင် ရှီကျင့်ဖိန်က မကြာမီက မိမိနှင့် သမ္မတ ပူတင်တို့သည် နက်ရှိုင်း၍ ချစ်ကြည်ရင်းနှီးသော၊ ကြွယ်ဝသည့် အောင်မြင်မှုရလဒ်ရှိသော တွေ့ဆုံဆွေးနွေးပွဲ ကျင်းပခဲ့ရာ အရေးကြီးသဘောတူညီချက်အသစ်များစွာ ရရှိခဲ့ကြောင်း ထောက်ပြ ပြောကြားခဲ့သည်။
မိမိတို့အတူ “တရုတ်ပြည်သူ့သမ္မတနိုင်ငံနှင့် ရုရှားဖက်ဒရေးရှင်းနိုင်ငံတို့ တရုတ်ပြည်သူများ ဂျပန်ခုခံတော်လှန်ရေးစစ်ပွဲ၊ ဆိုဗီယက်ပြည်ထောင်စု မဟာမျိုးချစ်စစ်အောင်ပွဲနှင့် ကုလသမဂ္ဂ တည်ထောင်ခြင်း နှစ် ၈၀ ပြည့် အထိမ်းအမှတ်အခါသမယတွင် တရုတ်-ရုရှား ခေတ်သစ် ဘက်စုံ မဟာဗျူဟာ ညှိနှိုင်းပူးပေါင်းဆောင်ရွက်မှု မိတ်ဖက်ဆက်ဆံရေး တစ်ဆင့်တိုးနက်ရှိုင်းရေးဆိုင်ရာ ပူးတွဲကြေညာချက်” ကို လက်မှတ်ရေးထိုးခဲ့ကြသလို နှစ်နိုင်ငံ သက်ဆိုင်ရာဌာနများ၏ ပူးပေါင်းဆောင်ရွက်မှု သဘောတူစာချုပ်များ အပြန်အလှန်လဲလှယ်မှုကို မျက်မြင်သက်သေပြုကာ တရုတ်-ရုရှား ဆက်ဆံရေး ဖွံ့ဖြိုးတိုးတက်မှုအတွက် အားသစ်လောင်းခဲ့ကြကြောင်း ၎င်းက ပြောကြားခဲ့သည်။

ရုရှားနိုင်ငံသည် မိမိက တရုတ်ပြည်သူ့သမ္မတနိုင်ငံ သမ္မတအနေဖြင့် ခရီးစဉ်လာရောက်မှု အများဆုံး နိုင်ငံဖြစ်ရာ ယခုအကြိမ်သည် ၁၁ ကြိမ်မြောက် ရုရှားနိုင်ငံသို့ ရောက်ရှိခြင်း ဖြစ်ကြောင်း ရှီကျင့်ဖိန်က အလေးထားပြောကြားခဲ့သည်။ မနက်ဖြန်တွင် မိမိအနေဖြင့် ဆိုဗီယက်ပြည်ထောင်စု မဟာမျိုးချစ်စစ်အောင်ပွဲ နှစ် ၈၀ ပြည့် ဂုဏ်ပြုပွဲအထိမ်းအမှတ် အခမ်းအနားကို တက်ရောက်မည် ဖြစ်ကြောင်း၊ ယင်းမှာလည်း မိမိက ၁၀ နှစ်အကြာတွင် ဤမျှ ကြီးကျယ်ခမ်းနားသော အထိမ်းအမှတ်အခမ်းအနားသို့ ထပ်မံတက်ရောက်ခြင်း ဖြစ်ကြောင်း၊ လွန်ခဲ့သည့် ၁၀ နှစ်သည် နိုင်ငံတကာအခြေအနေ များစွာ မငြိမ်မသက်မှုနှင့် ကြီးမားသော အပြောင်းအလဲများ ဖြစ်ပွားသည့် ၁၀ နှစ် ဖြစ်သလို တရုတ်-ရုရှား ဆက်ဆံရေး တိုးတက်တက်မှုကြီးနှင့် ကျော်လွှားမှုကြီးရှိခဲ့သည့် ၁၀ နှစ်ကာလလည်း ဖြစ်ကြောင်း၊ မိမိတို့အတူ တရုတ်-ရုရှား နှစ်နိုင်ငံ နိုင်ငံရေးအပြန်အလှန်ယုံကြည်မှု စဉ်ဆက်မပြတ် ခိုင်မာနက်ရှိုင်းလာခြင်းကို မျက်မြင်သက်သေပြုခဲ့ကြသလို နှစ်နိုင်ငံ ကဏ္ဍစုံ ပူးပေါင်းဆောင်ရွက်မှုများ “တရိတ်ရိတ် တိုးတက်လာ” သည်ကို မျက်မြင်သက်သေပြုခဲ့ကြကြောင်း၊ ကမ္ဘာ၏ အပြောင်းအလဲ၊ ခေတ်ကာလ၏ အပြောင်းအလဲ၊ သမိုင်း၏ အပြောင်းအလဲကို ရင်ဆိုင်ရာတွင် တရုတ်-ရုရှား နှစ်နိုင်ငံသည် နှစ်ဖက်ဆက်ဆံရေး ရှေ့သို့ လှမ်းချီသည့် ဦးတည်ချက်နှင့် လူသားမျိုးနွယ် လူမှုအသိုက်အဝန်း တိုးတက်ရေး အခြေအနေကြီးကို ခိုင်မြဲစွာ လက်ကိုင်ထား၍ မဆုတ်မနစ် ရဲဝံ့စွာ တာဝန်ထမ်းဆောင်ခြင်း၊ ဘက်စုံ ညှိနှိုင်းပူးပေါင်းဆောင်ရွက်ခြင်းဖြင့် နှစ်နိုင်ငံ ဖွံ့ဖြိုးတိုးတက်ရေးကို မြှင့်တင်ရန်၊ နိုင်ငံတကာ တရားမျှတ သမာသမတ်ကျမှုကို ကာကွယ်ထိန်းသိမ်းရန်အတွက် ပို၍ကြီးမားသော အကျိုးသစ်ကို ထမ်းဆောင်ရမည်ကြောင်း ရှီကျင့်ဖိန်က ပြောကြားခဲ့သည်။

ခေတ်အဆက်ဆက် ချစ်ကြည်ရေးကို မြဲမြံစွာ လက်ကိုင်ထားရမည်ဖြစ်သလို အခက်အခဲများကို ကြိမ်ဖန်များစွာ ဖြတ်ကျော်၍ သံမဏိသဖွယ် ခိုင်မာရင်းနှီးလာသည့် မိတ်ဆွေစစ်လုပ်ရမည် ဖြစ်ကြောင်း ရှီက ပြောကြားခဲ့သည်။ လွန်ခဲ့သည် နှစ်ပေါင်း ၈၀ က စစ်ဝါဒနှင့် နာဇီဝါဒ ဟူသော ရန်စွယ်ရန်ငြောင့်ကို ရင်ဆိုင်ရာတွင် တရုတ်-ရုရှား နှစ်နိုင်ငံ စစ်တပ်နှင့် ပြည်သူများသည် ဘုံရန်သူကို အတူတကွ ခုခံရင်ဆိုင်ကာ လက်တွဲအတူ တိုက်ပွဲဝင်ခြင်းဖြင့် ခမ်းနားထည်ဝါ၍ ရင်ကို ထိမိစေသော ဂုဏ်ယူဖွယ် သမိုင်းအခန်းကဏ္ဍသစ်ကို ရေးသားခဲ့ကြောင်း၊ နှစ်နိုင်ငံပြည်သူများသည် အသက်သွေးချွေးနှင့် စစ်မက်မီးလျှံ၏ ကြိမ်ဖန်များစွာကြိုးပမ်းတိုက်ခိုက်မှုတွင် သွေးစည်းခဲ့သည့် ကြီးမြတ်သော ချစ်ကြည်ရေးသည် နှစ်ဖက်ဆက်ဆံရေး အဆင့်မြင့် ဖွံ့ဖြိုးတိုးတက်ရန်အတွက် ခိုင်မာသော အခြေခံအုတ်မြစ် ချမှတ်ပေးခဲ့ကြောင်း၊ တရုတ်-ရုရှား နှစ်နိုင်ငံသည် နိုင်ငံရေး အပြန်အလှန်ယုံကြည်မှုကို နက်ရှိုင်းစွာ ဆောင်ရွက်ရမည် ဖြစ်ပြီး၊ မဟာဗျူဟာ ညှိနှိုင်းပူးပေါင်းဆောင်ရွက်မှုများကို နီးကပ်စွာ ဆောင်ရွက်ကာ နှစ်ဖက်ဆက်ဆံရေး ပို၍ ရင့်ကျက်မှုနှင့် ကြံ့ကြံ့ခံမှုရှိသည့် မနက်ဖြန်ဆီသို့ လျှောက်လှမ်းရန် တွန်းအားပေးရမည် ဖြစ်ကြောင်း ၎င်းက ပြောကြားခဲ့သည်။

အပြန်အလှန် အကျိုးဖြစ်ထွန်းသည့် ဘုံအကျိုးစီးပွား ဖော်ဆောင်မှုကို အခိုင်အမာ လက်ကိုင်ထားကာ အပြန်အလှန် အောင်မြင်ဖြစ်ထွန်းစေသည့် မိတ်ဖက်ကောင်းလုပ်ရမည်ဖြစ်ကြောင်း ရှီကျင့်ဖိန်က ပြောကြားခဲ့သည်။ ဒုတိယကမ္ဘာစစ်ကာလအတွင်း အခက်အခဲ၊ အကျပ်အတည်း၊ အန္တရာယ်အတားအဆီးများကို ကျော်လွှားကာ အရေးပေါ် အထောက်အပံ့ပစ္စည်းများစွာ အပြန်အလှန်ပေးပို့သည်မှစ၍ ယနေ့အခါ နှစ်ဖက်ကုန်သွယ်ရေး ပမာဏသည် အကြိမ်ပေါင်းများစွာ သမိုင်းစံချိန်သစ်တင်သည်အထိ တရုတ်-ရုရှား အပြန်အလှန်အကျိုးဖြစ်ထွန်းမှုရှိသော ပူးပေါင်းဆောင်ရွက်ရေး “အမြန်ရထား” က တောတောင်၊ ချိုင့်ဝှမ်းများကို ဖြတ်ကျော်ကာ သာမန်မဟုတ်သော ထူးခြားသည့်ဖြစ်စဉ်ကို မောင်းနှင်ကျော်ဖြတ်ခဲ့ရကြောင်း၊ တရုတ်-ရုရှား နှစ်နိုင်ငံသည် ကဏ္ဍစုံ လက်တွေ့ ပူးပေါင်းဆောင်ရွက်မှုများကို ဆက်လက်နက်ရှိုင်းအောင် ဆောင်ရွက်ပြီး ဘက်စုံ မဟာဗျူဟာ ညှိနှိုင်းပူးပေါင်းဆောင်ရွက်မှု၏ ရုပ်ဝတ္တုအခြေခံကို ခိုင်မြဲအောင်လုပ်ဆောင်ရမည်ဖြစ်ကြောင်း၊ နှစ်နိုင်ငံပြည်သူများ၏ အကျိုးစီးပွားကို စဉ်ဆက်မပြတ် ဖော်ဆောင်၍ ကမ္ဘာ့ဖွံ့ဖြိုးတိုးတက်ရေးအတွက် တောင့်တင်းခိုင်မာသည့်စွမ်းအားကို ဖြည့်တင်းရမည် ဖြစ်ကြောင်း ၎င်းက ပြောကြားခဲ့သည်။

တရားမျှတ၊ သမာသမတ်ကျမှုကို မြဲမြံစွာ လက်ကိုင်ထားကာ နိုင်ငံတကာ စည်းစနစ်၏ ကာကွယ်ထိန်းသိမ်းသူ လုပ်ရမည် ဖြစ်ကြောင်း ရှီကျင့်ဖိန်က ပြောကြားခဲ့သည်။ ဒုတိယ ကမ္ဘာစစ်တွင် အာရှတိုက်နှင့် ဥရောပတိုက်၏ အဓိက စစ်မြေပြင် ဖြစ်ခဲ့သည့် တရုတ်နိုင်ငံနှင့် ရုရှားနိုင်ငံသည် ကမ္ဘာ့ဖက်ဆစ်တော်လှန်ရေးစစ်ပွဲ အောင်နိုင်ရေးအတွက် အဆုံးအဖြတ်ပေးသည့် အကျိုးဆောင်မှုရှိခဲ့သလို စစ်အလွန် နိုင်ငံတကာ စည်းစနစ် တည်ဆောက်ရာတွင်လည်း အခြေခံအုတ်မြစ်ချပေးခဲ့ကြောင်း၊ နိုင်ငံတကာအသိုက်အဝန်း၏ တည်ငြိမ်မှု၊ တက်ကြွမှု၊ တိုးတက်မှု အင်အားအနေဖြင့် တရုတ်-ရုရှား နှစ်နိုင်ငံသည် ဆက်လက်၍ ခိုင်မာစွာ အတူတကွ ရပ်တည်ရမည် ဖြစ်ကြောင်း၊ ကုလသမဂ္ဂကို ဗဟိုပြုသည့် နိုင်ငံတကာစနစ်နှင့် နိုင်ငံတကာဥပဒေကို အခြေခံသည့် နိုင်ငံတကာစည်းစနစ်ကို ခိုင်မာစွာ ကာကွယ်ထိန်းသိမ်းရမည် ဖြစ်ကြောင်း၊ တန်းတူညီမျှ စနစ်ကျသည့် ကမ္ဘာဗဟိုဝင်ရိုးအသွင်ပြောင်းရေးကို စဉ်ဆက်မပြတ် တွန်းအားပေးရမည် ဖြစ်ကြောင်း ၎င်းက ပြောကြားခဲ့သည်။

တက်ညီလက်ညီ အခက်အခဲများကို အတူကျော်လွှားကာ ကမ္ဘာလုံးဆိုင်ရာ စီမံခန့်ခွဲမှု၏ ဦးဆောင်သူလုပ်ရမည် ဖြစ်ကြောင်း ရှီက ပြောကြားခဲ့သည်။ ကမ္ဘာ၏ အနာဂတ်ကံကြမ္မာကို နိုင်ငံတိုင်းအသီးသီးက အတူတကွ ဆုပ်ကိုင်ထားသင့်ကြောင်း၊ ကမ္ဘာ့ဖွံ့ဖြိုးတိုးတက်ရေးအောင်မြင်မှုရလဒ်ကို နိုင်ငံအသီးသီးက အတူတကွ မျှဝေခံစားသင့်ကြောင်း၊ တရုတ်နှင့်ရုရှားသည် ကမ္ဘာ့နိုင်ငံကြီးနှင့် အရေးကြီးသည့် ထွန်းသစ်စဈေးကွက် နိုင်ငံအနေဖြင့် ပခုံးထက်တွင် ကမ္ဘာလုံးဆိုင်ရာ စီမံခန့်ခွဲမှု ပို၍ တရားမျှတမှု၊ သင့်လျော်မှုရှိသော ဦးတည်ချက်သို့ တိုးတက်ရန် တွန်းအားပေးရေး ဟူသည့် ကြီးမြတ်လှသော သမိုင်းတာဝန်ရှိနေကြောင်း၊ နှစ်ဖက်အနေဖြင့် ကုလသမဂ္ဂ၊ ရှန်ဟိုင်းပူးပေါင်းဆောင်ရွက်မှုအဖွဲ့၊ BRICS စသည့် နိုင်ငံစုံ ပလက်ဖောင်း၏ ညှိနှိုင်းပူးပေါင်းဆောင်ရွက်မှုကို အားဖြည့်ရမည် ဖြစ်ကြောင်း၊ စစ်မှန်သည့် နိုင်ငံစုံပူးပေါင်းဆောင်ရွက်ရေးဝါဒကို အခိုင်အမာ စောင့်ထိန်းကာ ကမ္ဘာလုံးဆိုင်ရာ စီမံခန့်ခွဲမှုကို မှန်ကန်သည့် ဦးတည်ချက်သို့ ဦးဆောင်ရမည်ဖြစ်သလို အများအကျိုးဖြစ်ထွန်း၍ အားလုံးပါဝင်မှုရှိသည့် စီးပွားရေးကမ္ဘာလုံးဆိုင်ရာအသွင်ပြောင်းရေးကို တွန်းအားပေးရမည် ဖြစ်ကြောင်း ၎င်းက ပြောကြားခဲ့သည်။

ပြောင်းလဲရှုပ်ထွေး ရောယှက်နေသည့် နိုင်ငံတကာ အခြေအနေကို ရင်ဆိုင်ရာတွင် တရုတ်-ရုရှား နှစ်နိုင်ငံသည် ထာဝရ အိမ်နီးချင်းကောင်းချစ်ကြည်ရေး၊ ဘက်စုံ မဟာဗျူဟာ ညှိနှိုင်းပူးပေါင်းဆောင်ရွက်ရေး၊ အပြန်အလှန် အကျိုးဖြစ်ထွန်းစေသည့် ပူးပေါင်းဆောင်ရွက်မှုဖြင့် ဘုံအကျိုးစီးပွားဖော်ဆောင်ရေး စိတ်ဓာတ်ကို မြဲမြံစွာ လက်ကိုင်ထားကာ တစ်လှေတည်းစီးတစ်ခရီးတည်းသွား၊ အခက်အခဲ အကျပ်အတည်းများကို အတူဖြတ်သန်းရင်း တရုတ်-ရုရှား ဆက်ဆံရေး အဆင့်၊ နယ်ပယ်၊ ကြံ့ကြံ့ခံမှုကို ဘက်စုံ မြှင့်တင်ရမည်ဖြစ်ကြောင်း၊ ကမ္ဘာ့ငြိမ်းချမ်းရေးနှင့် လုံခြုံရေးအတွက် ပို၍များပြားသော တည်ငြိမ်မှုကို ဖြည့်တင်းရမည်ဖြစ်သလို ကမ္ဘာ့ဖွံ့ဖြိုးတိုးတက်ရေးနှင့် စည်ပင်ဝပြောရေးအတွက် ပို၍အားကောင်းသော တွန်းအားကို ပံ့ပိုးပေးရမည် ဖြစ်ကြောင်း ရှီကျင့်ဖိန်က အလေးအနက်ထား ပြောကြားခဲ့သည်။

အဆိုပါတွေ့ဆုံပွဲကို ချိုက်ချီ၊ ဝမ်ရိ တို့လည်း တက်ရောက်ခဲ့ကြောင်း သိရသည်။ (Xinhua)

———————
(Chinese Version)
习近平同俄罗斯总统普京共同会见记者
新华社莫斯科5月8日电（记者郝薇薇　黄河）当地时间5月8日中午，国家主席习近平同俄罗斯总统普京在莫斯科克里姆林宫会谈后共同会见记者。
习近平指出，刚才，我同普京总统举行了深入友好、富有成果的会谈，达成许多新的重要共识。我们共同签署《中华人民共和国和俄罗斯联邦在纪念中国人民抗日战争、苏联伟大卫国战争胜利和联合国成立80周年之际关于进一步深化中俄新时代全面战略协作伙伴关系的联合声明》，见证两国有关部门交换多份合作文本，为中俄关系发展注入新的动能。
习近平强调，俄罗斯是我作为中华人民共和国主席到访最多的国家，这已经是第十一次来到俄罗斯。明天，我将出席纪念苏联伟大卫国战争胜利80周年庆典，这也将是我时隔10年再次出席这一盛大纪念活动。过去10年，是国际形势大动荡大变革的10年，也是中俄关系大发展大跨越的10年。我们共同见证了中俄两国政治互信不断巩固和深化，见证了两国各领域合作“芝麻开花节节高”。面对世界之变、时代之变、历史之变，中俄两国要牢牢把握双边关系前进方向和人类社会发展大势，挺膺担当，全面协作，为促进两国发展振兴、维护国际公平正义作出新的更大贡献。
要坚持世代友好，做百炼成钢的真朋友。80年前，面对军国主义和纳粹主义的魔爪，中俄两国军民同仇敌忾、并肩作战，书写了波澜壮阔、可歌可泣的历史篇章。两国人民在血与火的淬炼中凝结而成的伟大友谊，为双边关系高水平发展奠定了坚实基础。中俄双方要深化政治互信，密切战略协作，推动双边关系迈向更加成熟和坚韧的明天。
要坚持互利共赢，做彼此成就的好伙伴。从第二次世界大战期间克服艰难险阻互相输送大量急需物资，到如今双边贸易额屡创新高，中俄互利合作的“高速列车”穿山越岭、爬坡过坎，驶过了极不平凡的历程。中俄双方要继续深化各领域务实合作，夯实全面战略协作的物质基础，不断造福两国人民，为全球发展注入更强劲动能。
要坚持公平正义，做国际秩序的捍卫者。中国和俄罗斯作为第二次世界大战的亚洲和欧洲主战场，为世界反法西斯战争胜利作出决定性贡献，也为战后国际秩序的建立奠定了基石。作为国际社会的稳定、积极、进步力量，中俄两国要继续坚定站在一起，坚决维护以联合国为核心的国际体系和以国际法为基础的国际秩序，持续推进平等有序的世界多极化。
要坚持和衷共济，做全球治理的引领者。世界前途命运应该由各国共同掌握，全球发展成果应该由各国共同分享。中俄同为世界大国和重要新兴市场国家，都肩负着推动全球治理向更加公正合理方向发展的崇高使命。双方要加强在联合国、上海合作组织、金砖国家等多边平台的协作，坚守真正的多边主义，引领全球治理正确方向，推动普惠包容的经济全球化。
习近平强调，面对变乱交织的国际形势，中俄两国要坚定秉持永久睦邻友好、全面战略协作、互利合作共赢精神，风雨同渡、关山共越，全面提升中俄关系的高度、维度、韧度，为世界和平和安全注入更多稳定性，为全球发展繁荣提供更强推动力。
蔡奇、王毅等参加。（完）
1. 当地时间5月8日中午，国家主席习近平同俄罗斯总统普京在莫斯科克里姆林宫会谈后共同会见记者。 新华社记者 翟健岚 摄