လီချန်နှင့် စင်ကာပူနိုင်ငံ ဝန်ကြီးချုပ် လောရင့်စ်ဝေါင် တွေ့ဆုံဆွေးနွေး

ပေကျင်း၊ ဇွန် ၂၄ ရက် (ဆင်ဟွာ)
တရုတ်နိုင်ငံ နိုင်ငံတော်ကောင်စီ ဝန်ကြီးချုပ် လီချန်သည် ဇွန် ၂၃ ရက် ညနေပိုင်းတွင် တရုတ်နိုင်ငံ ပေကျင်းမြို့ ပြည်သူ့ခန်းမဆောင်၌ တရုတ်နိုင်ငံသို့ တရားဝင်ခရီးစဉ်လာရောက်သည့် စင်ကာပူနိုင်ငံ ဝန်ကြီးချုပ် လောရင့်စ်ဝေါင်အား တွေ့ဆုံဆွေးနွေးခဲ့သည်။
ထိုသို့တွေ့ဆုံရာတွင် လီချန်က တရုတ်နှင့် စင်ကာပူသည် ချစ်ကြည်ရင်းနှီးသည့် အိမ်နီးချင်းနှင့် အရေးကြီးမိတ်ဖက် ဖြစ်ကြောင်း၊ သံတမန်ဆက်ဆံရေး ထူထောင်သည့် ၃၅ နှစ်အတွင်း နှစ်နိုင်ငံခေါင်းဆောင်များ၏ မဟာဗျူဟာဦးဆောင်မှုအောက်တွင် တရုတ်-စင်ကာပူ အစဉ်အလာ ချစ်ကြည်ရေး အဆက်မပြတ် နက်ရှိုင်းလာကြောင်း၊ နှစ်ဖက်ဆက်ဆံရေး စဉ်ဆက်မပြတ် တိုးတက်လာပြီး လက်တွေ့ကျကျ ပူးပေါင်းဆောင်ရွက်မှုများလည်း ကြွယ်ဝသောရလဒ်များ ရရှိခဲ့ကြောင်း ပြောကြားခဲ့သည်။

သမ္မတ ရှီကျင့်ဖိန်လည်း အဆွေတော် ဝန်ကြီးချုပ်နှင့် တွေ့ဆုံဆွေးနွေးသွားမည်ဖြစ်ပြီး နှစ်နိုင်ငံဆက်ဆံရေး ဖွံ့ဖြိုးတိုးတက် နက်ရှိုင်းစေရေးအတွက် တစ်ဆင့်တိုးစီမံသွားမည်ဖြစ်ကြောင်း၊ တရုတ်နိုင်ငံအနေဖြင့် စင်ကာပူနိုင်ငံနှင့်အတူ ကြိုးပမ်း၍ အပြန်အလှန်လေးစားမှုနှင့် အပြန်အလှန် ယုံကြည်မှု၊ တန်းတူညီမျှစွာ ဆက်ဆံမှု၊ အပြန်အလှန်အကျိုးဖြစ်ထွန်း၍ ဘုံအကျိုးစီးပွားဖော်ဆောင်မှု စသည့် ကောင်းမွန်သော အစဉ်အလာများကို အရင်းခံကာ အဆင့်မြင့်အလွှာ ရင်းနှီးစွာ သွားလာဆက်ဆံမှုကို ထိန်းသိမ်းထားရန်၊ မဟာဗျူဟာချိတ်ဆက်မှုများ တိုးမြှင့်သွားရန်၊ နိုင်ငံရေးအရ အပြန်အလှန်ယုံကြည်မှုကို ခိုင်မာစေပြီး နှစ်ဖက်ဆက်ဆံရေးနှင့် ပူးပေါင်းဆောင်ရွက်မှုများတွင် ပိုမိုများပြားသော ရလဒ်များရရှိရေးကို တွန်းအားပေးဆောင်ရွက်သွားရန် ဆန္ဒရှိကြောင်း ၎င်းက ပြောကြားခဲ့သည်။
လတ်တလောနှစ်ပိုင်းတွင် တရုတ်-စင်ကာပူ ကုန်သွယ်စီးပွားရေး ပူးပေါင်းဆောင်ရွက်မှုများ အဆက်မပြတ် နက်ရှိုင်းလာပြီး အားကောင်းသောတိုးတက်မှုစွမ်းအားနှင့် ကြံ့ကြံ့ခံနိုင်မှုအား ပြသလျက်ရှိကြောင်း လီချန်က ထောက်ပြပြောကြားခဲ့သည်။

တရုတ်နိုင်ငံအနေဖြင့် စင်ကာပူနိုင်ငံနှင့်အတူ နှစ်ဖက်ပူးပေါင်းဆောင်ရွက်မှု ယန္တရားများအား ဆက်လက် ကောင်းမွန်ပြည့်ဝစွာ အသုံးပြု၍ “ရပ်ဝန်းနှင့် ပိုးလမ်းမ” အတူတကွတည်ဆောက်ရေး ပူးပေါင်းဆောင်ရွက်မှု အစီအစဉ်များကို ကောင်းမွန်စွာ အကောင်အထည်ဖော်သွားခြင်းဖြင့် အထင်ကရ ပူးပေါင်းဆောင်ရွက်မှု စီမံကိန်းများကို တစ်ဆင့်တိုး တိုးတက်အားကောင်းလာအောင် လုပ်ဆောင်သွားလိုကြောင်း၊ နှစ်ဖက် ကုန်သွယ်ရေး ပူးပေါင်းဆောင်ရွက်မှု ပမာဏကိုတိုးချဲ့ကာ ဒစ်ဂျစ်တယ်စီးပွားရေး၊ အစိမ်းရောင်စီးပွားရေး၊ ဉာဏ်ရည်တု၊ စမတ်မြို့ပြ၊ သမုဒ္ဒရာစွမ်းအင် စသည့်ကဏ္ဍများတွင် ပိုမိုများပြားသည့် ပူးပေါင်းဆောင်ရွက်မှု ထူးခြားချက်များကို ဖန်တီးသွားပြီး တတိယဘက်ဈေးကွက် ပူးပေါင်းဆောင်ရွက်မှုများကို တက်ကြွစွာ ဖော်ဆောင်သွားလိုကြောင်း ၎င်းက ပြောကြားခဲ့သည်။

နှစ်ဖက်အနေဖြင့် သံတမန်ဆက်ဆံရေး ထူထောင်ခြင်း ၃၅ နှစ်ပြည့် အထိမ်းအမှတ် လှုပ်ရှားမှုများကို ကောင်းမွန်စွာ ကျင်းပပြီး အပြန်အလှန် ဗီဇာကင်းလွတ်ခွင့်ပေးသည့် “အကျိုးအမြတ်” ကို ကောင်းမွန်စွာ အသုံးပြုရမည်ဖြစ်ကြောင်း၊ ပညာရေး၊ ယဉ်ကျေးမှု၊ ခရီးသွားလာရေး၊ မီဒီယာ စသည့်ကဏ္ဍများတွင် ကူးလူးဖလှယ်မှုကို မြှင့်တင်ကာ နှစ်နိုင်ငံ ချစ်ကြည်ရင်းနှီးစွာ ပူးပေါင်းဆောင်ရွက်မှုအတွက် ပြည်သူ့ဆန္ဒအခြေခံအား အဆက်မပြတ် ခိုင်မြဲအောင် လုပ်ဆောင်သွားရမည်ဖြစ်ကြောင်း လီချန်က ပြောကြားခဲ့သည်။
တရုတ်-စင်ကာပူ နှစ်နိုင်ငံသည် စီးပွားရေး ကမ္ဘာလုံးဆိုင်ရာ အသွင်ပြောင်းရေးနှင့် လွတ်လပ်စွာ ကုန်သွယ်ရေး၏ အကျိုးအမြတ်ခံစားရသူနှင့် ကာကွယ်သူအနေဖြင့် တံခါးဖွင့်လှစ်သော ဒေသတွင်းဝါဒနှင့် စစ်မှန်သော နိုင်ငံစုံပူးပေါင်းဆောင်ရွက်ရေးဝါဒကို လက်ကိုင်ထားကာ ကုန်သွယ်မှုနှင့် ရင်းနှီးမြှုပ်နှံမှု လွတ်လပ်ရေးနှင့် အဆင်ပြေချောမွေ့ရေးကို တက်ကြွစွာဖော်ဆောင်ပြီး တစ်ကမ္ဘာလုံးဆိုင်ရာ ကုန်ထုတ်လုပ်ငန်းကွင်းဆက်နှင့် ထောက်ပံ့ရေးကွင်းဆက် တည်ငြိမ် အဆင်ပြေချောမွေ့မှုကို ကာကွယ်ထိန်းသိမ်းရမည်ဖြစ်ကြောင်း ၎င်းက ပြောကြားခဲ့သည်။

တရုတ်နိုင်ငံအနေဖြင့် စင်ကာပူနိုင်ငံအပါအဝင် အာဆီယံနိုင်ငံများနှင့်အတူ တရုတ်-အာဆီယံ လွတ်လပ်စွာ ကုန်သွယ်ရေးဒေသ ၃.၀ ဗားရှင်း အဆင့်မြှင့်တင်မှု ပရိုတိုကောလ် (Protocol) အား အချိန်မီ လက်မှတ်ရေးထိုး၍ အကောင်အထည်ဖော်ရန် တွန်းအားပေး၍ ဒေသတွင်း ဘက်စုံစီးပွားရေး ပူးပေါင်းဆောင်ရွက်မှု သဘောတူစာချုပ် (RCEP) အား အရည်အသွေးမြင့်ဖော်ဆောင်ကာ ဒေသတွင်းစီးပွားရေး တစ်သားတည်းအသွင်ပြောင်းမှု လုပ်ငန်းစဉ်အား အရှိန်မြှင့်ဖော်ဆောင်သွားလိုကြောင်း လီချန်က ပြောကြားခဲ့သည်။

လောရင့်စ်ဝေါင်က စင်ကာပူ-တရုတ်ဆက်ဆံရေးသည် အပြန်အလှန်လေးစားမှု၊ အပြန်အလှန်နားလည်မှုနှင့် အပြန်အလှန်ယုံကြည်မှုကို အခြေခံထားကာ နှစ်နိုင်ငံ ခေတ်အဆက်ဆက် ခေါင်းဆောင်များ၏ဂရုတစိုက် ပျိုးထောင်မှုအောက်တွင် ကာလကြာရှည်ပို၍ခိုင်မြဲလာလျက်ရှိကြောင်း ပြောကြားခဲ့သည်။

စင်ကာပူနိုင်ငံအနေဖြင့် နှစ်နိုင်ငံခေါင်းဆောင်များ၏ မဟာဗျူဟာမြောက် ဦးဆောင်မှုအောက်တွင် ယခုနှစ် သံတမန်ဆက်ဆံရေး ထူထောင်ခြင်း ၃၅ နှစ်ပြည့်အား အခါအခွင့်ကြုံခိုက် တရုတ်နိုင်ငံနှင့်အတူ အဆင့်မြင့်အလွှာ သွားလာဆက်ဆံမှုနှင့် နယ်ပယ်စုံပူးပေါင်းဆောင်ရွက်မှုများ နီးကပ်လာစေရန်၊ ချစ်ကြည်ရေးနှင့် အပြန်အလှန်ယုံကြည်မှု နက်ရှိုင်းလာစေရန် ဖော်ဆောင်သွားလိုကြောင်း၊ စူးကျိုး စက်မှုဥယျာဉ်ဇုန် စသည့် အထင်ကရ ပူးပေါင်းဆောင်ရွက်မှု စီမံကိန်းများကို တွန်းအားပေးဖော်ဆောင်ကာ ဒစ်ဂျစ်တယ်စီးပွားရေး၊ အစိမ်းရောင်စီးပွားရေး၊ ဉာဏ်ရည်တု၊ ဇီဝဆေးပညာ စသည့် ထွန်းသစ်စကဏ္ဍများတွင် ပူးပေါင်းဆောင်ရွက်မှု အလားအလာကို ဖော်ထုတ်သွားလိုကြောင်း၊ တတိယဘက်ပူးပေါင်းဆောင်ရွက်မှုကို တစ်ဆင့်တိုး တိုးချဲ့ကာ လူမှုယဉ်ကျေးမှု ကူးလူးဖလှယ်ရေး နီးကပ်လာစေရန် လုပ်ဆောင်သွားလိုကြောင်း ၎င်းက ပြောကြားခဲ့သည်။

စင်ကာပူနိုင်ငံအနေဖြင့် တရုတ်နိုင်ငံစီးပွားရေးအပေါ် ယုံကြည်ချက် အပြည့်အဝရှိကြောင်း၊ တရုတ်နိုင်ငံက “ပစိဖိတ်ဖြတ်ကျော် မိတ်ဖက်ဆက်ဆံမှု ဘက်စုံတိုးတက်ရေး သဘောတူညီချက်” နှင့် “ဒစ်ဂျစ်တယ် စီးပွားရေးကဏ္ဍ မိတ်ဖက်ဆက်ဆံရေး သဘောတူညီချက်” တွင်ပါဝင်မှုအား ထောက်ခံအားပေးကြောင်း၊ တရုတ်-အာဆီယံ လွတ်လပ်စွာ ကုန်သွယ်ရေးဒေသ ၃.၀ ဗားရှင်း အဆင့်မြှင့်တင်မှု ပရိုတိုကောလ် (Protocol) ဆောလျင်စွာ အသက်ဝင်၍ အကောင်အထည်ဖော်ရန် မျှော်လင့်ကြောင်း၊ တရုတ်နိုင်ငံနှင့်အတူ ဒေသတွင်းနှင့် နိုင်ငံစုံပလက်ဖောင်းများတွင် ညှိနှိုင်းချိတ်ဆက်လုပ်ဆောင်မှုကို မြှင့်တင်ကာ လွတ်လပ်စွာကုန်သွယ်ရေးနှင့် နိုင်ငံစုံကုန်သွယ်ရေးယန္တရားကို ကာကွယ်ထိန်းသိမ်းသွားလိုကြောင်း ၎င်းက ပြောကြားခဲ့သည်။

တွေ့ဆုံဆွေးနွေးပွဲပြီးနောက် နှစ်နိုင်ငံ ဝန်ကြီးချုပ်များက လူရည်ချွန်ပျိုးထောင်ရေး၊ ဉာဏပစ္စည်းမူပိုင်ခွင့်၊ တတိယဘက်နှင့် ပူးပေါင်းဆောင်ရွက်မှု စသည့် ပူးပေါင်းဆောင်ရွက်မှု စာချုပ်စာတမ်းများစွာ လက်မှတ်ရေးထိုးမှုကို အတူတကွသက်သေထူခဲ့ကြသည်။

တွေ့ဆုံဆွေးနွေးပွဲမကျင်းပမီ လီချန်က ပြည်သူ့ခန်းမဆောင် မြောက်ဘက်ခန်းမ၌ လောရင့်စ်ဝေါင်အတွက် ကြိုဆိုပွဲအခမ်းအနား ကျင်းပခဲ့သည်။

အထက်ပါအခမ်းအနားများသို့ ဝူကျိန့်လုံလည်း တက်ရောက်ခဲ့ကြောင်း သိရသည်။ (Xinhua)

တရုတ်နိုင်ငံ နိုင်ငံတော်ကောင်စီ ဝန်ကြီးချုပ် လီချန်က ဇွန် ၂၃ ရက် ညနေပိုင်းတွင် တရုတ်နိုင်ငံ ပေကျင်းမြို့ ပြည်သူ့ခန်းမဆောင်၌ တရုတ်နိုင်ငံသို့ တရားဝင်ခရီးစဉ်လာရောက်သည့် စင်ကာပူနိုင်ငံ ဝန်ကြီးချုပ် လောရင့်စ်ဝေါင်နှင့် တွေ့ဆုံဆွေးနွေးစဉ် (ဆင်ဟွာ)

———————
(Chinese Version)
李强同新加坡总理黄循财会谈
新华社北京6月23日电　国务院总理李强6月23日下午在北京人民大会堂同来华进行正式访问的新加坡总理黄循财举行会谈。
李强表示，中新是友好近邻和重要伙伴。建交35年来，在两国领导人战略引领下，中新传统友谊不断深化，双边关系持续提升，务实合作收获丰硕成果。习近平主席将同总理先生举行会见，就深化发展两国关系作出进一步规划。中方愿同新方一道努力，秉承互尊互信、平等相待、互利共赢等优良传统，保持高层密切交往，加强战略沟通，夯实政治互信，推动双边关系与合作结出更多硕果。
李强指出，近年来，中新经贸合作不断深化，展现出很强的活力和韧性。中方愿同新方继续用好用足双边合作机制，落实好共建“一带一路”合作规划，进一步做大做强旗舰合作项目，扩大双向贸易投资规模，在数字经济、绿色经济、人工智能、智慧城市、海洋能等领域打造更多合作亮点，积极拓展第三方市场合作。双方要办好庆祝建交35周年系列活动，用好互免签证“红利”，加强教育、文化、旅游、媒体等领域交流，持续打牢两国友好合作的民意基础。中新同为经济全球化和自由贸易的受益者和捍卫者，要坚持开放的区域主义和真正的多边主义，积极推进贸易投资自由化便利化，维护全球产业链供应链稳定畅通。中方愿同包括新加坡在内的东盟国家一道，推动如期签署并实施中国－东盟自由贸易区3.0版升级议定书，高质量实施《区域全面经济伙伴关系协定》，加快区域经济一体化进程。
黄循财表示，新中关系植根于相互尊重、相互理解和相互信任，在两国历代领导人精心培育下，历久弥坚。新方期待在两国领导人战略引领下，以今年两国建交35周年为契机，同中方密切高层交往及各领域合作，深化友谊和互信，推进苏州工业园区等旗舰合作项目，挖掘数字经济、绿色经济、人工智能、生物医药等新兴领域合作潜力，进一步拓展第三方合作，密切人文交流。新方对中国经济充满信心，支持中方加入《全面与进步跨太平洋伙伴关系协定》和《数字经济伙伴关系协定》，期待中国－东盟自贸区3.0版升级议定书早日生效实施，愿同中方加强在区域和多边平台沟通协作，维护自由贸易和多边贸易体制。
会谈后，两国总理共同见证签署人才培养、知识产权、第三方合作等多项合作文件。
会谈前，李强在人民大会堂北大厅为黄循财举行欢迎仪式。
吴政隆参加上述活动。（完）
图说：6月23日下午，国务院总理李强在北京人民大会堂同来华进行正式访问的新加坡总理黄循财举行会谈。 新华社记者 李响 摄