မြန်မာနိုင်ငံ ရခိုင်ပြည်နယ်အရေး ဖြေရှင်းရန် တရုတ်နိုင်ငံက အပြုသဘောဆောင်သော အခန်းကဏ္ဍမှ ပါဝင်မည်ဟု ကတိပြု

ကုလသမဂ္ဂ၊ ဧပြီ ၅ ရက် (ဆင်ဟွာ)
မြန်မာနိုင်ငံ ရခိုင်ပြည်နယ်တွင် လတ်တလောပြန်လည်ဖြစ်ပွားနေသော တိုက်ခိုက်မှုများနှင့် ပတ်သက်၍ မြေပြင်အခြေအနေများ ဆောလျင်စွာတည်ငြိမ်ရေးအတွက် တရုတ်နိုင်ငံက အပြုသဘောဆောင်သော အခန်းကဏ္ဍမှ ဆက်လက်ပါဝင်မည်ဟု ကတိပြုခဲ့ကြောင်း သိရသည်။
ရခိုင်ပြည်နယ်တွင် လက်ရှိဖြစ်ပွားနေသော ပဋိပက္ခအပေါ် တရုတ်နိုင်ငံ၏ ရပ်တည်ချက်ကို ကုလသမဂ္ဂဆိုင်ရာ တရုတ်နိုင်ငံ ဒုတိယအမြဲတမ်းကိုယ်စားလှယ် ကိန်းစွမ်က ရခိုင်ပြည်နယ်အခြေအနေနှင့်စပ်လျဉ်းသည့် လုံခြုံရေးကောင်စီအစည်းအဝေးတွင် ပြောကြားခဲ့ခြင်းဖြစ်သည်။
လက်ရှိတွင် နိုင်ငံတကာအာရုံစိုက်မှုမှာ မြင့်တက်လျက်ရှိကြောင်း၊ အဆိုပါ ပဋိပက္ခမှာ မြန်မာနိုင်ငံ၏ ပြည်တွင်းရေးဖြစ်သည့်အတွက် ကမ္ဘာ့အသိုင်းအဝိုင်းအနေဖြင့် မြန်မာနိုင်ငံ၏ အချုပ်အခြာအာဏာကို လေးစားရန်နှင့် ပါဝင်ပတ်သက်လျက်ရှိသောနိုင်ငံများအကြား ဆွေးနွေးညှိနှိုင်းမှု အဆင်ပြေချောမွေ့စေရန် ကိန်းက အလေးထားပြောကြားခဲ့သည်။
“မြန်မာနိုင်ငံရဲ့ ချစ်ကြည်ရင်းနှီးသောအိမ်နီးချင်းဖြစ်တဲ့အားလျော်စွာ တရုတ်နိုင်ငံက ရခိုင်ပြည်နယ်တွင် ဖြစ်ပေါ်မှုများကို အနီးကပ်စောင့်ကြည့်လျက်ရှိပါတယ်” ဟု ကိန်းက ဆိုသည်။ တရုတ်နိုင်ငံအနေဖြင့် “နည်းလမ်းမျိုးစုံ” မှတစ်ဆင့် ငြိမ်းချမ်းရေးမြှင့်တင်ရန် အာရုံစိုက်ဆောင်ရွက်လျက်ရှိကြောင်း ကိန်းက အလေးထားပြောခဲ့သည်။
လက်ရှိတွင် စေ့စပ်ဆွေးနွေးမှုများ ဆောင်ရွက်ရန် မြန်မာနိုင်ငံ၌ တရုတ်နိုင်ငံမှ ကိုယ်စားလှယ်အဖွဲ့ ရောက်ရှိနေကြောင်း၊ ယင်းမှာ ပဋိပက္ခဖြေရှင်းရေး တရုတ်နိုင်ငံ၏ လက်တွေ့ကျသောချဉ်းကပ်မှုကို ဖော်ပြနေခြင်းဖြစ်ကြောင်း ဒုတိယအမြဲတမ်းကိုယ်စားလှယ် ကိန်းက ဆိုသည်။
ထို့ပြင် တရုတ်နိုင်ငံအနေဖြင့် မြန်မာနိုင်ငံနှင့် နက်နက်ရှိုင်းရှိုင်း ဆက်သွယ်လျက်ရှိကြောင်းနှင့် မြန်မာနိုင်ငံ၏ တည်ငြိမ်ရေး၊ ဖွံ့ဖြိုးတိုးတက်ရေးနှင့် သာယာဝပြောရေးကို ပံ့ပိုးပေးမည့် ၎င်းတို့၏ ကတိကဝတ်ကိုလည်း ကိန်းက ထပ်လောင်းပြောကြားခဲ့သည်။ မြန်မာနိုင်ငံနှင့် တရုတ်နိုင်ငံ၏ ချစ်ကြည်ရေးမူဝါဒက မြန်မာပြည်သူများအားလုံးနှင့် သက်ဆိုင်ပါကြောင်း၊ ရခိုင်ပြည်နယ်ပဋိပက္ခကို ငြိမ်းချမ်းစွာအဖြေရှာရာတွင် တရုတ်နိုင်ငံက ဆက်လက်ကူညီကာ အပြုသဘောဆောင်သော အခန်းကဏ္ဍမှ ဆက်လက်ပါဝင်မည်ဟု ကတိပြုကြောင်း ၎င်းက ထပ်လောင်းပြောခဲ့သည်။
ထို့ပြင် ရခိုင်ပြည်နယ်မှ ဒုက္ခသည်များအား ဘင်္ဂလားဒေ့ရှ်နိုင်ငံက ၂၀၁၇ ခုနှစ်မှစ၍ ကူညီပံ့ပိုးသည့်အတွက်လည်း ကျေးဇူးတင်ကြောင်း ကိန်းက ပြောကြားခဲ့သည်။
ပဋိပက္ခတစ်ကျော့ပြန်ဖြစ်ပွားမှုကြောင့် ပြန်လည်ဆိုးဝါးလာသော စိန်ခေါ်မှုများကို ကိုင်တွယ်ရာတွင် ကိန်းက မြန်မာနိုင်ငံနှင့် ဘင်္ဂလားဒေ့ရှ်နိုင်ငံတို့၏ အခြေခံလုပ်ဆောင်မှု၊ နေရပ်စွန့်ခွာထွက်ပြေးသူများ နေရပ်ပြန်ရေး အဆင်ပြေစေရန် ဒေသတွင်းနိုင်ငံများနှင့် ကုလသမဂ္ဂတို့၏ ပံ့ပိုးကူညီမှုများကိုလည်း ကိန်းက ချီးကျူးပြောကြားခဲ့ကြောင်း သိရသည်။
နေရပ်ပြန်ရေး အဆင်ပြေချောမွေ့စေရန် သံတမန်ရေးနည်းလမ်းကြိုးပမ်းမှုများကို တရုတ်နိုင်ငံက တက်ကြွစွာဆောင်ရွက်လျက်ရှိကြောင်း၊ နေရပ်ပြန်ရေးကိစ္စကို ဆောလျင်စွာအဖြေရှာမှု ရရှိရန် နှစ်နိုင်ငံလုံးကို ကူညီမည့် တရုတ်နိုင်ငံ၏ ကတိကိုလည်း ကိန်းက ထပ်လောင်းပြောကြားခဲ့သည်။
မြန်မာနိုင်ငံ၊ ဘင်္ဂလားဒေ့ရှ်နိုင်ငံနှင့် တရုတ်နိုင်ငံ၏ ကာလရှည်ချစ်ကြည်ရင်းနှီးမှုကို အလေးထားဖော်ပြလျက် မြန်မာနိုင်ငံအပေါ် အဆိုပြုထားသော ဒဏ်ခတ်ပိတ်ဆို့မှုများကို ဆန့်ကျင်ကြောင်း၊ စစ်မက်ဖြစ်ပွားမှုများနှင့် ထိပ်တိုက်တွေ့ဆုံမှုက အခြေအနေပိုမိုဆိုးရွားမှုကိုသာလျှင်ဖြစ်ပေါ်စေကြောင်း ကိန်းက ပြောခဲ့သည်။ ထိုသို့အစား ဆွေးနွေးညှိနှိုင်းမှု၊ အပြန်အလှန်နားလည်မှု၊ နေရပ်ပြန်ရေးနှင့် ပဋိပက္ခအဖြေရှာရေးအတွက် ကောင်းမွန်သောပတ်ဝန်းကျင် ဖန်တီးရန် အပြန်အလှန်ယုံကြည်မှုတည်ဆောက်ခြင်း စီမံဆောင်ရွက်မှုများကို အားပေးထောက်ခံကြောင်း ၎င်းက ပြောခဲ့သည်။
ထို့နောက် ကိန်းက ယင်းလုပ်ငန်းစဉ်တွင် အရှေ့တောင်အာရှနိုင်ငံများအသင်း (ASEAN) ၏ မရှိမဖြစ်အခန်းကဏ္ဍကိုလည်း ဖော်ပြခဲ့ပြီး မြန်မာနိုင်ငံနှင့် စေ့စပ်ညှိနှိုင်းရေးနှင့် လူသားချင်းစာနာထောက်ထားမှု အကူအညီပေးအပ်ရေးဆိုင်ရာ တိုးတက်မှုကို ချီးကျူးပြောကြားခဲ့သည်။
နိုင်ငံတကာအနေဖြင့် အာဆီယံ၏ ဦးဆောင်မှုကို ဆက်လက်ပံ့ပိုးကူညီရန် ကိန်းက တိုက်တွန်းခဲ့သလို စည်းလုံးညီညွတ်မှုနှင့် ဆွေးနွေးညှိနှိုင်းမှုဆိုင်ရာ အာဆီယံနည်းလမ်းကိုလည်း လေးစားကြရန် အလေးထားပြောကြားခဲ့ကြောင်း သိရသည်။ (Xinhua)
……………………..
(English Version)

China pledges constructive role in resolving Myanmar’s Rakhine State crisis
UNITED NATIONS, April 4 (Xinhua) — China on Thursday pledged to continue to play “a constructive role” in stabilizing the situation on the ground as soon as possible in Myanmar’s Rakhine State, amidst the recent renewal of fighting.
Addressing the UN Security Council briefing on the situation of Rakhine State of Myanmar, Geng Shuang, China’s deputy permanent representative to the United Nations, detailed China’s stance on the ongoing conflict in Myanmar’s Rakhine State.
With recent escalations drawing international concern, Geng emphasized the conflict as Myanmar’s internal affair, urging the global community to respect Myanmar’s sovereignty and facilitate dialogue among the involved parties.
“As a friendly neighbor of Myanmar, China has been closely following the developments in the Rakhine State,” Geng stated, highlighting China’s dedication to promoting peace through “multiple channels.”
A Chinese delegation is currently in Myanmar to mediate and communicate, demonstrating China’s proactive approach to resolving the conflict, said the ambassador.
Geng reiterated China’s deep connection with Myanmar and its commitment to supporting Myanmar’s stability, development, and well-being. “China’s policy of friendship with Myanmar extends to all people of Myanmar,” he affirmed, promising continued assistance and “a constructive role” in seeking a peaceful resolution to the crisis in the Rakhine State.
The ambassador expressed appreciation for Bangladesh’s support to refugees from the Rakhine State since 2017.
Recognizing the challenges in repatriation exacerbated by the conflict’s resurgence, Geng praised the foundational work by Myanmar and Bangladesh, supported by regional countries and the UN, to facilitate the return of displaced individuals.
“China has been actively undertaking diplomatic efforts to facilitate repatriation,” Geng mentioned, reaffirming China’s commitment to assist both nations in achieving an early resolution to the repatriation issue.
Highlighting China’s long-standing relationship with both Myanmar and Bangladesh, Geng voiced opposition to proposed sanctions on Myanmar, arguing they would “only aggravate hostilities and confrontation.” Instead, he advocated for dialogue, mutual understanding, and trust-building measures to create a conducive environment for repatriation and conflict resolution.
Geng also pointed out the essential role of the Association of Southeast Asian Nations (ASEAN) in the process, commending its positive progress in engaging Myanmar and providing humanitarian aid.
He urged continued international support for ASEAN’s leadership, emphasizing respect for the “ASEAN way” of solidarity and dialogue. Enditem
Photo: A UN Security Council briefing on the situation of Rakhine State of Myanmar is held at the UN headquarters in New York, on April 4, 2024. (Loey Felipe/UN Photo/Handout via Xinhua)