အာဖရိကဒေသမှ တရုတ်နိုင်ငံ၏ ပတ်ဝန်းကျင်စိမ်းလန်းရေးကို ဦးတည်သော စွမ်းအင်စီမံကိန်းများက ကမ္ဘာ့တောင်ဘက်ခြမ်း နိုင်ငံအချင်းချင်း ပူးပေါင်းဆောင်ရွက်မှုအတွက် အကျိုးပြုလျက်ရှိကြောင်း အီဂျစ်ကျွမ်းကျင်ပညာရှင် ပြောကြား

ကိုင်ရို၊ စက်တင်ဘာ ၁၃ ရက် (ဆင်ဟွာ)

အာဖရိကဒေသရှိ ပတ်ဝန်းကျင်စိမ်းလန်းရေးကို ဦးတည်သော တရုတ်နိုင်ငံ၏ စွမ်းအင်စီမံကိန်းများက ပြန်လည်ပြည့်ဖြိုးမြဲစွမ်းအင် ထုတ်လုပ်နိုင်စွမ်းကို အားဖြည့်ထောက်ကူလျက်ရှိကာ ကမ္ဘာ့တောင်ဘက်ခြမ်း နိုင်ငံများ၏ ပူးပေါင်းဆောင်ရွက်မှုကို ခိုင်မာအားကောင်းစေသည်ဟု အီဂျစ်နိုင်ငံမှ ရေရှည်တည်တံ့နိုင်မှုနှင့် ရာသီဥတုအန္တရာယ် ဆန်းစစ်အကဲဖြတ်ရေးဆိုင်ရာ ကျွမ်းကျင်သူ မိုစတာဖာ ရှာဘီနီက ပြောကြားခဲ့သည်။

အာရပ်အဖွဲ့ချုပ် ပညာရေး၊ ယဉ်ကျေးမှုနှင့် သိပ္ပံဆိုင်ရာ အဖွဲ့အစည်း၏ Scientific Chair for Carbon Footprint and Sustainability အကြီးအကဲလည်းဖြစ်သည့် ရှာဘီနီက အာဖရိကဒေသ၏ စွမ်းအင်အသွင်ကူးပြောင်းမှုတွင် တရုတ်နိုင်ငံ၏ အရေးပါသော အခန်းကဏ္ဍအား မီးမောင်းထိုးပြခဲ့သည်။
“အာဖရိကမှာရှိတဲ့ ပြည်သူ သန်း ၅၀၀ လောက်ဟာ လျှပ်စစ်မီးမရကြပါဘူး” ဟု ရှာဘီနီက ဆိုသည်။ သို့ရာတွင် အာဖရိကနိုင်ငံအများစုအတွက် တရုတ်နိုင်ငံ၏ အကူအညီနှင့် နေရောင်ခြည်စွမ်းအင် စီမံကိန်းများ အကောင်အထည်ဖော်မှုသည် အာဖရိကတိုက်အား များစွာအထောက်အကူဖြစ်စေသည်ဟု ၎င်းက ပြောကြားခဲ့သည်။
တရုတ်နိုင်ငံက ပြန်လည်ပြည့်ဖြိုးမြဲစွမ်းအင် စီမံကိန်းများအတွက် ငွေကြေးထောက်ပံ့သည့် ယန္တရားအမျိုးမျိုးကို မည်သည့်နိုင်ငံရေးအနှောင်အဖွဲ့မှမပါဘဲ ပံ့ပိုးလျက်ရှိကြောင်း ၎င်းက အလေးအနက်ပြောကြားခဲ့သည်။ နိုင်ငံရေးဖိအားထက် ဘုံအကျိုးစီးပွားများအပေါ် အခြေတည်သော တရုတ်-အာရပ်၊ တရုတ်-အာဖရိက ပူးပေါင်းဆောင်ရွက်မှုများ ပိုမိုခိုင်မာစေရန် ကိုင်တွယ်ဆောင်ရွက်ခြင်း၏ အရေးပါပုံကိုလည်း ရှာဘီနီက အလေးအနက်ပြောကြားခဲ့သည်။
တရုတ်နိုင်ငံ၏ စီမံကိန်းအများစုမှာ ရင်းနှီးမြှုပ်နှံမှုနှင့်အတူ ငွေကြေးထောက်ပံ့ခြင်းဖြစ်ကြောင်း သိရသည်။ “အဲဒါက ပြန်လည်ပြည့်ဖြိုးမြဲစွမ်းအင် အသုံးပြုနိုင်ဖို့ နည်းပညာလွှဲပြောင်းမှု လုပ်ငန်းစဉ်အတွက် သိပ်ကိုအရေးကြီးပါတယ်” ဟု ၎င်းက ဆိုသည်။
အထူးသဖြင့် အီဂျစ်နိုင်ငံအထက်ပိုင်း အက်စ်ဝမ်ပြည်နယ်ရှိ ဘန်ဘန်း နေရောင်ခြည်စွမ်းအင်ဥယျာဉ်ကဲ့သို့ စီမံကိန်းများမှတစ်ဆင့် ပြည်တွင်း၌ ကျွမ်းကျင်မှုမြှင့်တင်ပေးကာ ပတ်ဝန်းကျင်စိမ်းလန်းရေးကို ဦးတည်သော အလုပ်အကိုင်များကို ဖန်တီးပေးခြင်းဖြင့် အီဂျစ်နိုင်ငံ၏ စွမ်းအင်ကဏ္ဍအား အထောက်အကူပေးရာတွင် တရုတ်နိုင်ငံ၏ အလွန်အရေးပါသော အခန်းကဏ္ဍအား ရှာဘီနီက မီးမောင်းထိုးပြခဲ့သည်။

အီဂျစ်နိုင်ငံက ဂရင်း (Green)ဟိုက်ဒရိုဂျင်၊ ဂရင်း(Green)အမိုးနီးယားနှင့် အခြား ဟိုက်ဒရိုဂျင် ဆင့်ပွားထွက်ကုန်များကို ပြည်ပသို့တင်ပို့ခြင်းဖြင့် ဒေသတွင်း၌သာမက ကမ္ဘာကြီး၏ စွမ်းအင်ဗဟိုချက်ဖြစ်လာရန် ရည်မှန်းထားသည့်အလျောက် ပြန်လည်ပြည့်ဖြိုးမြဲစွမ်းအင် ကဏ္ဍ၌ တရုတ်နိုင်ငံ၏ ကျွမ်းကျင်မှုအပေါ် အလွန်အမင်း မှီခိုအားထားနေရခြင်းကို အဆိုပါ ကျွမ်းကျင်သူက ထောက်ပြခဲ့သည်။
“အီဂျစ်နိုင်ငံနဲ့ တရုတ်နိုင်ငံအကြား ပြန်လည်ပြည့်ဖြိုးမြဲစွမ်းအင် နယ်ပယ်မှာ ပူးပေါင်းဆောင်ရွက်မယ့် တခြားစီမံကိန်းတွေ ရှိလာမယ်ဆိုတာနဲ့ ဘန်ဘန်း နေရောင်ခြည်စွမ်းအင်ဥယျာဉ်မှာ တရုတ်နိုင်ငံရဲ့ အတွေ့အကြုံက တစ်မူထူးခြားနေတယ်လို့ မိမိအနေနဲ့ ယုံကြည်ပါတယ်” ဟု ရှာဘီနီက ပြောကြားခဲ့သည်။
ရာသီဥတုပြောင်းလဲမှုကို ကိုင်တွယ်ဖြေရှင်းရာတွင် တရုတ်နိုင်ငံက အဓိကအခန်းကဏ္ဍမှ ပါဝင်လျက်ရှိသော ပြန်လည်ပြည့်ဖြိုးမြဲစွမ်းအင်ဆီသို့ အသွင်ကူးပြောင်းသည့် အရွေ့တစ်ခုကို လိုအပ်နေသည်ဟု ၎င်းက ထောက်ပြပြောဆိုခဲ့သည်။
“ကမ္ဘာ့နိုင်ငံတွေကို အကျိုးဖြစ်ထွန်းစေရုံတင်မကဘဲ ဆက်ဆံရေးကောင်းတွေကို မြှင့်တင်ပေးပြီး ပူးပေါင်းဆောင်ရွက်ရေး ပေါင်းကူးတံတားတွေကို တည်ဆောက်ပေးတဲ့ တရုတ်နိုင်ငံရဲ့ မူဝါဒအပေါ် အထင်ကြီးလေးစားမိပါတယ်” ဟုလည်း ရှာဘီနီက ဆိုသည်။
COP15 ညီလာခံ ဥက္ကဋ္ဌအဖြစ် ဆောင်ရွက်စဉ်က ကမ္ဘာတစ်ဝန်းရှိ ဇီဝမျိုးစုံမျိုးကွဲများ ပျက်သုဉ်းမှု လျော့ပါးစေရန် ရည်ရွယ်လျက် ကူမင်း-မွန်ထရီယယ် ကမ္ဘာ့ဇီဝမျိုးစုံမျိုးကွဲဆိုင်ရာ မူဘောင်ကို ရယူနိုင်ခဲ့သည့် တရုတ်နိုင်ငံ၏ အောင်မြင်မှုကိုလည်း ၎င်းက မီးမောင်းထိုးပြခဲ့သည်။
ကမ္ဘာတစ်ဝန်း၌ ရေရှည်တည်တံ့၍ သဘာဝပတ်ဝန်းကျင်နှင့် သဟဇာတဖြစ်သော ဖွံ့ဖြိုးတိုးတက်မှုကို ဖော်ဆောင်ရာတွင် တရုတ်နိုင်ငံ၏ အခန်းကဏ္ဍက အဓိကကျကြောင်း၊ တစ်ကမ္ဘာလုံးကို အကျိုးရှိစေသည့် ကူမင်းသဘောတူညီချက်နှင့် ရပ်ဝန်းနှင့်ပိုးလမ်းမ အဆိုပြုချက်တို့က ယင်းအတွက် အကောင်းဆုံးဥပမာဖြစ်ကြောင်း ရှာဘီနီက အခိုင်အမာပြောကြားခဲ့သည်။ (Xinhua)

………………….
(English Version)
China’s green energy projects in Africa a boon for South-South cooperation, says Egyptian expert
CAIRO, Sept. 11 (Xinhua) — China’s green energy projects in Africa have bolstered renewable energy capacity and consolidated South-South cooperation, said Mostafa Sherbiny, an Egyptian expert in sustainability and climate risk assessment.
Sherbiny, also head of the Scientific Chair for Carbon Footprint and Sustainability at the Arab League Educational, Cultural and Scientific Organization, highlighted the importance of China’s role in Africa’s energy transformation.
“About 500 million people in Africa were deprived of electricity,” said Sherbiny. But China’s help for “most African countries and the implementation of solar energy projects provided a great boost to the African continent,” he added.
He noted that China provides multiple financing mechanisms for renewable energy projects without political strings attached. He emphasized the importance of the approach in fostering stronger Chinese-Arab and Chinese-African cooperation based on common interests rather than political pressure.
Most of the Chinese projects provide financing along with investment. “This is very important for the process of transferring technology to use renewable energy,” he added.
Sherbiny highlighted China’s vital role in supporting Egypt’s energy sector by enhancing local expertise and creating green jobs, particularly through projects like the Benban Solar Energy Park in Upper Egypt’s Aswan Province.
The expert pointed out that Egypt relies heavily on China’s expertise in renewable energy, given the country’s ambitions to become a regional and global energy hub by exporting green hydrogen, green ammonia and other hydrogen derivatives.
“I believe that there will be other cooperation projects in the field of renewable energy between Egypt and China, and the Chinese experience in Benban Park is unique,” Sherbiny said.
He further noted that addressing climate change requires a shift to renewable energy, a transition in which China already plays a key role.
“I am impressed by the Chinese policy that benefits countries in addition to extending good relations and building bridges of cooperation,” said Sherbiny.
Sherbiny also highlighted China’s success in securing the Kunming-Montreal Global Biodiversity Framework during its presidency of COP15, which aims to reverse biodiversity loss worldwide.
He affirmed China’s central role in achieving sustainable and environmentally friendly growth globally. “The best examples of this are the Kunming Agreement and the Belt and Road Initiative, which benefit the entire world,” Sherbiny said. Enditem
English Caption
Aerial photo taken on Feb. 15, 2019 shows the China-financed solar power plant Garissa Solar in Garissa County, Kenya. (China Jiangxi Corporation for International Economic and Technical Cooperation/Handout via Xinhua)