မွမ်ဘိုင်း၊ ဒီဇင်ဘာ ၂၄ ရက် (ဆင်ဟွာ) အိန္ဒိယနိုင်ငံသို့ အလည်အပတ်ရောက်ရှိနေသော တရုတ်နိုင်ငံ နိုင်ငံတော်ကောင်စီဝင် နှင့် နိုင်ငံခြားရေးဝန်ကြီး ဝမ်ရိ နှင့် အိန္ဒိယနိုင်ငံ အမျိုးသားလုံခြုံရေးအကြံပေး အဂျစ်ဒိုဗယ် (Ajit Doval) တို့သည် ဒီဇင်ဘာ ၂၃ ရက်က မွမ်ဘိုင်းမြို့၌ တွေ့ဆုံခဲ့ကြောင်း သိရသည်။
ဝါရှင်တန်၊ ဒီဇင်ဘာ ၂၄ ရက် (ဆင်ဟွာ) အမေရိကန်နိုင်ငံ သမ္မတ ဒေါ်နယ်ထရမ့် က ဒုတိယ ကာကွယ်ရေးဝန်ကြီး ပက်ထရစ်ရှာနာဟန် (Patrick Shanahan) အား ပင်တဂွန်စစ်ဌာနချုပ် ယာယီအကြီးအကဲအဖြစ်ခန့်အပ်ကြောင်း ဒီဇင်ဘာ ၂၃ရက်တွင်ကြေညာခဲ့သည်။
မော်စကို၊ ဒီဇင်ဘာ ၂၄ရက် (ဆင်ဟွာ) ရုရှားနိုင်ငံ Solikamsk မြို့ ရှိ ပိုတက်ဆီယမ် သတ္တုတွင်းတစ်ခု မီးလောင်မှုကြောင့် ပိတ်မိနေသည့် မိုင်းလုပ်သား ၉ဦးအနက် ၈ဦး၏ ရုပ်အလောင်းများကို ကယ်ဆယ်ရေးသမားများက ရှာဖွေတွေ့ရှိခဲ့ကြောင်း TASS သတင်းဌာနက ဒီဇင်ဘာ ၂၃ ရက်ကဖော်ပြခဲ့သည်။
နူကူးအလိုဖာ၊ ဒီဇင်ဘာ၂၄ ရက်(ဆင်ဟွာ) တောင်ပစိဖိတ်သမုဒ္ဒရာအတွင်းရှိ တွန်ဂါ(Tonga)နိုင်ငံ၏ မြို့တော် နူကူးအလိုဖာမြို့(Nuku’alofa) မြောက်ဘက် ၈၄ ကီလိုမီတာတွင် ဒီဇင်ဘာ ၂၄ ရက်က ပြင်းအား ၆.၄ အဆင့်ရှိ ငလျင်လှုပ်ခတ် ခဲ့ကြောင်း အမေရိကန် ဘူမိဗေဒ လေ့လာရေးဌာန(USGS)၏ ထုတ်ပြန်သည့် သတင်းများအရ သိရသည်။
ဂျကာတာ၊ ဒီဇင်ဘာ ၂၄ ရက်(ဆင်ဟွာ) အင်ဒိုနီးရှားနိုင်ငံ၌ မီးတောင် တစ်လုံးပေါက်ကွဲမှုဖြစ်ပွားပြီးနောက် ဆူနာမီလှိုင်းဖြစ်ပေါ်ခဲ့ရာ လက်ရှိအချိန်ထိသေဆုံးသူ ၂၈၁ ဦးထိ ရောက်ရှိသွားပြီဖြစ်ကြောင်း အင်ဒိုနီးရှားနိုင်ငံအမျိုးသားသဘာဝဘေးအန္တရာယ်စီမံခန့်ခွဲမှုအေဂျင်စီက ယနေ့ဒီဇင်ဘာ ၂၄ ရက်တွင်ပြောကြားခဲ့သည်။(Xinhua)
မင့်စ်ခ် ၊ ဒီဇင်ဘာ ၂၃ ရက်(ဆင်ဟွာ) တရုတ်နိုင်ငံ၏“ဘီလာရုဇ်နိုင်ငံ ခရီးသွားနှစ်” ပိတ်ပွဲအခမ်းအနားကို ဘီလာရုဇ်နိုင်ငံ မြို့တော်မင့်စ်ခ် တွင် ဒီဇင်ဘာ ၂၂ ရက်က အောင်မြင်စွာ ကျင်းပခဲ့ရာ ဘီလာရုဇ်နိုင်ငံက တရုတ်နိုင်ငံနှင့် ခရီးသွား ကဏ္ဍပူးပေါင်းဆောင်ရွက်မှုများကို ဆက်လက်တိုးချဲ့လုပ်ဆောင်သွား လိုကြောင်း ပြောကြားခဲ့သည်။
မော်စကို၊ ဒီဇင်ဘာ ၂၃ ရက် (ဆင်ဟွာ) ရုရှားနိုင်ငံ Ural တောင်တန်းများအနီး Perm ဒေသ တွင် မီးလောင်မှုတစ်ခုဖြစ်ပွားခဲ့ပြီးနောက် မိုင်းတွင်းတစ်ခု ၌ မိုင်းလုပ်သား ၉ဦးပိတ်မိနေကြောင်း မိုင်းတွင်းပိုင်ရှင် က ဒီဇင်ဘာ ၂၂ရက်တွင်ပြောကြားခဲ့သည်။
တီဟီရန်၊ ဒီဇင်ဘာ ၂၃ ရက်(ဆင်ဟွာ) အရှေ့အလယ်ပိုင်းဒေသတွင် အမေရိကန် စစ်တပ်ရှိနေခြင်းသည် ဒေသတွင်းမတည်မငြိမ်ဖြစ်ရသည့် အဓိကအကြောင်းအရင်းဖြစ်ကြောင်း အီရန်နိုင်ငံ နိုင်ငံခြားရေး ဝန်ကြီးဌာနက က ဒီဇင်ဘာ ၂၂ရက် တွင် ကြေညာချက်ထုတ်ပြန်ခဲ့သည်။
မိုဂါဒစ်ရှူး၊ ဒီဇင်ဘာ ၂၃ ရက်(ဆင်ဟွာ) ဆိုမာလီယာနိုင်ငံ မြို့တော်မိုဂါဒစ်ရှူးတွင် ဒီဇင်ဘာ ၂၂ ရက်က ဖြစ်ပွားခဲ့သော ကားဗုံးခွဲတိုက်ခိုက်မှု ၂ ခုကြောင့် သေဆုံးသူသည် ၁၅ ဦးအထိရှိပြီး အခြားဒဏ်ရာရသူ အများအပြား ရှိကြောင်း ဆိုမာလီယာအရာရှိတစ်ဦးက ယင်းနေ့တွင် ပြောကြားခဲ့သည်။
ဂျာကာတာ၊ ဒီဇင်ဘာ ၂၃ ရက် (ဆင်ဟွာ) အင်ဒိုနီးရှားနိုင်ငံ တွင် မီးတောင်ပေါက်ကွဲရာမှ ဖြစ်ပွားခဲ့သည့် ဆူနာမီရေလှိုင်းရိုက်ခတ်မှု ကြောင့် သေဆုံးသူ ၆၂ဦးထိရှိလာခဲ့ပြီး ဒဏ်ရာရသူ ၅၈၄ဦးထိရှိကြောင်း အမျိုးသား သဘာဝဘေးအန္တရာယ်စီမံခန့်ခွဲရေးဌာနက ဒီဇင်ဘာ ၂၃ရက်တွင်ဖော်ပြခဲ့သည်။
