တီဟီရန် ၊ မေ ၉ ရက်(ဆင်ဟွာ) ဂျေရုဆလမ်မြို့ အရှေ့ဘက်တွင် တည်ရှိသော Al-Aqsa ဗလီအား အစ္စရေးရဲတပ်ဖွဲ့က ဝင်ရောက်စီးနင်းခဲ့ပြီး နှစ်ဖက်ပဋိပက္ခအတွင်း လူ ရာပေါင်းများစွာ ထိခိုက်ဒဏ်ရာရခဲ့ခြင်းအပေါ် အီရန်နိုင်ငံခြားရေးဝန်ကြီးဌာနက စနေနေ့တွင် ပြင်းထန်စွာ ကန့်ကွက်ရှုံ့ချလိုက်သည်ဟု နိုင်ငံပိုင် IRNA သတင်းဌာနက ဖော်ပြခဲ့သည်။
ကဘူးလ်၊မေ ၉ ရက်(ဆင်ဟွာ) အာဖဂန်နစ္စတန်နိုင်ငံ ကဘူးလ်မြို့ အနောက်ပိုင်းတွင်တည်ရှိသော စာသင်ကျောင်းတစ်ခု၏ ကျောင်းဝင်အပြင်ဘက်၌ မေ ၈ ရက်က ပေါက်ကွဲမှု သုံးခု ဆက်တိုက်ဖြစ်ပွားခဲ့ပြီးနောက် အနည်းဆုံး လူ ၂၅ ဦးသေဆုံးကာ အခြား ၅၂ ဦးထိခိုက်ဒဏ်ရာရခဲ့ကြောင်း မြို့တော်ရဲတပ်ဖွဲ့က အတည်ပြုပြောကြားခဲ့သည်။
နယူးဒေလီ၊ မေ ၈ ရက် (ဆင်ဟွာ) အိန္ဒိယနိုင်ငံတောင်ပိုင်း အန်ဒရာပရာဒက်ရှ်ပြည်နယ်၌ ထုံးကျောက် ကျောက်မိုင်းတစ်ခုအတွင်း မေ ၈ ရက်၌ ပေါက်ကွဲမှုဖြစ်ပွားခဲ့ပြီး အနည်းဆုံး အလုပ်သမား ၁၀ ဦးသေဆုံးနိုင်ကြောင်း တာဝန်ရှိသူများကပြောသည်။
ကဘူးလ်၊ မေ ၈ ရက် (ဆင်ဟွာ) ဒေသခံ တာလီဘန်ခေါင်းဆောင်တစ်ဦးအပါအဝင် တာလီဘန်စစ်သွေးကြွ ၄ ဦး သည် အာဖဂန်အမျိုးသား ကာကွယ်ရေးနှင့် လုံခြုံရေးတပ်ဖွဲ့ (ANDSF) ၏ Logar ပြည်နယ်အရှေ့ဘက်၌ ထိုးစစ်ဆင်မှုအတွင်း သေဆုံးခဲ့ကြောင်း ကာကွယ်ရေးဝန်ကြီးဌာနက မေ ၈ ရက်တွင် အတည်ပြုခဲ့သည်။
အစ္စလာမ်မာဘတ်၊ မေ ၆ ရက် (ဆင်ဟွာ) ပါကစ္စတန်နိုင်ငံအနေဖြင့် စက်မှုနှင့် စိုက်ပျိုးရေး ဖွံ့ဖြိုးတိုးတက်မှုနှင့် ကောင်းမွန်သော လမ်းကွန်ရက်ချိတ်ဆက်မှု ပုံစံအရ တရုတ်-ပါကစ္စတန် စီးပွားရေးစင်္ကြံ (CPEC) ဒုတိယအဆင့်၏ အကျိုးကျေးဇူးများကို စတင်ရရှိတော့မည်ဖြစ်ကြောင်း ပါကစ္စတန်နိုင်ငံဆိုင်ရာ CPEC အာဏာပိုင် Asim Saleem Bajwa က ပြောကြားခဲ့သည်။
