ပေကျင်း ၊ မတ် ၁၈ ရက်(ဆင်ဟွာ) တရုတ်နိုင်ငံ၏ အမျိုးသားဥပဒေပြုရေးဖြစ်သော ကျင်းပဆဲ ၁၃ ကြိမ်မြောက် အမျိုးသားပြည်သူ့ကွန်ဂရက်၏ ပထမအကြိမ်အစည်းအဝေး၌ တရုတ်နိုင်ငံ၏ ဝန်ကြီးချုပ်အဖြစ် လီခဲ့ချန်ကို ယနေ့(မတ်လ ၁၈ ရက် နံနက်ပိုင်း)တွင် ထောက်ခံရွေးချယ်လိုက်ကြောင်း သိရသည်။ (Xinhua)
ရန်ကုန်၊ မတ် ၁၈ ရက် (ဆင်ဟွာ) လယ်ဝေးမြို့နယ် ရန်ကုန်-မန္တလေး ကားလမ်းဟောင်း မိုင်တိုင်(၂၂၀/၃)အနီး စက်ရုံစုရပ်ကွက် အုပ်ချုပ်ရေးမှူးရုံးရှေ့၌ မတ် ၁၇ရက်နေ့ ညနေ ၃နာရီကျော်တွင် ဆီဘောက်ဆာယာဉ် တိမ်းမှောက် မီးလောင်မှုဖြစ်ပွားပြီး နေအိမ်၉လုံး မီးကူးစက်လောင်ကျွမ်းကာ လူတစ်ဦးသေဆုံးခဲ့ကြောင်း ပြည်ထဲရေးဝန်ကြီးဌာနက ထုတ်ပြန်သော သတင်းအရ သိရသည်။
ရန်ကုန်၊ မတ် ၁၈ ရက် (ဆင်ဟွာ) မောင်တောကုန်သွယ်ရေးစခန်း၌ ယခုနှစ်တွင် ကုန်သွယ်မှုပမာဏ အမေရိကန် ဒေါ်လာ ခုနစ်သန်းကျော် တိုးလာကြောင်း ပြန်ကြားရေးဝန်ကြီးဌာနက ထုတ်ပြန်သောသတင်းအရ သိရသည်။
ရန်ကုန်၊ မတ် ၁၈ ရက် (ဆင်ဟွာ) ကချင်ပြည်နယ် မိုးညှင်းခရိုင် ဖားကန့်မြို့နယ် လုံးခင်းကျေးရွာအုပ်စု ကန်ခါကျေးရွာ အနီး ကျောက်စိမ်းတောင် ကျောက်မျက် တူးဖော်ရေးကုမ္ပဏီတွင် မတ် ၁၆ ရက် ည ၁ဝ နာရီ ၄၅ မိနစ်က စွန့်ပစ်မြေစာပုံ ပြိုကျမှုကြောင့် မြေစာပုံပိ၍ ရေမဆေး...