ထိုင်ဝမ်သီးခြားရပ်တည်ရေး ခွဲထွက်ရေးသမားများအနေဖြင့် တရုတ်နှင့် သံတမန်ဆက်ဆံရေးရှိသည့် နိုင်ငံများသို့ သွားရောက်ခြင်းကို တရုတ်နိုင်ငံက ပြတ်ပြတ်သားသား ကန့်ကွက်

ပေကျင်း၊ အောက်တိုဘာ ၁၀ ရက် (ဆင်ဟွာ)
ထိုင်ဝမ်သီးခြားရပ်တည်ရေးအတွက် ကြိုးပမ်းနေသူများအနေဖြင့် တရုတ်နိုင်ငံနှင့် သံတမန်ဆက်ဆံရေး ထူထောင်ထားသော နိုင်ငံများဆီသို့ မည်သည့်အကြောင်းပြချက်ဖြင့်ဖြစ်စေ သွားရောက်ခြင်းကို တရုတ်နိုင်ငံက ပြတ်ပြတ်သားသား ကန့်ကွက်ကြောင်း တရုတ်နိုင်ငံ နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်က အောက်တိုဘာ ၈ ရက်တွင် ပြောကြားခဲ့သည်။
ထိုင်ဝမ်ဒေသ၏ ခေါင်းဆောင်ဟောင်း ချိုက်အင်းဝမ်အနေဖြင့် ယခုလအတွင်း ချက်သမ္မတနိုင်ငံသို့ သွားရောက်မည်ဟု သတင်းထွက်ပေါ်နေခြင်းနှင့် ပတ်သက်၍ တုံ့ပြန်ပြောကြားစဉ် တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် မော်နင်က အထက်ပါအတိုင်း ထည့်သွင်းပြောကြားခဲ့ခြင်းဖြစ်သည်။
ထိုင်ဝမ်အရေးနှင့် ပတ်သက်၍ တရုတ်နိုင်ငံ၏ သဘောထားမှာ ရှင်းလင်းပြတ်သား၍ တစ်သမတ်တည်းရှိကြောင်း မော်က အလေးအနက်ပြောကြားခဲ့သည်။ “ထိုင်ဝမ်သီးခြားရပ်တည်ရေးအတွက် ကြိုးပမ်းနေတဲ့သူ ဘယ်သူမဆို တရုတ်နိုင်ငံနဲ့ သံတမန်ဆက်ဆံရေးရှိတဲ့ နိုင်ငံတွေဆီ ဘယ်လိုအကြောင်းပြချက်နဲ့ပဲဖြစ်ဖြစ် သွားရောက်တာကို မိမိတို့အနေနဲ့ ပြတ်ပြတ်သားသား ကန့်ကွက်ပါတယ်” ဟု ၎င်းက ဆိုသည်။
“တရုတ်တစ်နိုင်ငံတည်း မူဝါဒကို အလေးအနက်လိုက်နာပြီး တရုတ်နိုင်ငံရဲ့ အချုပ်အခြာအာဏာနဲ့ နယ်မြေပိုင်နက်ပြည့်စုံမှုကို လေးစားဖို့၊ ထိုင်ဝမ်သီးခြားရပ်တည်ရေး ခွဲထွက်ရေးအင်အားစုတွေကို ဘယ်လိုပုံစံမျိုးနဲ့ပဲဖြစ်ဖြစ် အားပေးအားမြှောက်မလုပ်ဖို့၊ တရုတ်နိုင်ငံနဲ့ ဆက်ဆံရေးကို ထိခိုက်စေတဲ့ အရာတွေကို မလုပ်ဆောင်ဖို့ ချက်သမ္မတနိုင်ငံနဲ့ သက်ဆိုင်ရာနိုင်ငံတွေကို မိမိတို့အနေနဲ့ တိုက်တွန်းပါတယ်” ဟု မော်က ပြောကြားခဲ့သည်။
“ဒီမိုကရက်တစ် တိုးတက်ရေးပါတီ တာဝန်ရှိသူတွေအတွက်လည်း ပြတ်သားတဲ့ သတင်းစကားတစ်ခုရှိပါတယ်။ အဲဒါကတော့ ထိုင်ဝမ်သီးခြားရပ်တည်ရေးအတွက် ကြိုးပမ်းမှုဟာ မုချကျရှုံးမှာဖြစ်သလို နိုင်ငံရေးအရခြယ်လှယ်တာတွေ၊ အဲဒီအကြံအစည်အတွက် ပြည်ပကနေ အထောက်အပံ့ရယူဖို့ ကြိုးပမ်းတာတွေဟာ အချည်းနှီးပဲဖြစ်ပါလိမ့်မယ်” ဟု တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်က ပြောကြားခဲ့သည်။ (Xinhua)
……………………….
(English Version)
China firmly opposes “Taiwan independence” separatists visiting countries with diplomatic ties with China: spokesperson
BEIJING, Oct. 8 (Xinhua) — China firmly opposes anyone who seeks “Taiwan independence” visiting countries with diplomatic ties with China under any pretext, a Chinese foreign ministry spokesperson said on Tuesday.
Spokesperson Mao Ning made the remarks in response to the news that Tsai Ing-wen, former leader of the Taiwan region, will reportedly visit the Czech Republic this month.
Mao noted that China’s position on the Taiwan question is consistent and clear. “We firmly oppose anyone who seeks ‘Taiwan independence’ visiting countries with diplomatic ties with China under any pretext,” she said.
“We urge the Czech Republic and relevant countries to earnestly abide by the one-China principle and respect China’s sovereignty and territorial integrity, and not to provide facilitation for ‘Taiwan independence’ separatist forces in any form or do things that harm bilateral relations with China,” Mao said.
“We also have a clear message for the Democratic Progressive Party authorities: seeking ‘Taiwan independence’ is bound to fail, and any political manipulation and attempt to solicit foreign support for that agenda will prove futile,” the spokesperson said. Enditem