မြန်မာနိုင်ငံတွင် LMC အထူးရန်ပုံငွေဖြင့် အကောင်အထည်ဖော်ဆောင်ရွက်သည့် ကျေးလက် သန့်ရှင်းသောရေရရှိရေးစီမံကိန်း ပြီးမြောက်အောင်မြင်

ရန်ကုန်၊ ဒီဇင်ဘာ ၂၈ ရက် (ဆင်ဟွာ)
လန်ချန်း-မဲခေါင် ပူးပေါင်းဆောင်ရွက်မှု အထူးရန်ပုံငွေဖြင့် အကောင်အထည်ဖော်ဆောင်ရွက်သည့် “စဉ်ဆက်မပြတ် ဖွံ့ဖြိုးတိုးတက်ရေးအတွက် သန့်ရှင်းသောသောက်သုံးရေရရှိရေး သရုပ်ပြစီမံကိန်း” ပြီးမြောက်အောင်မြင်ခြင်း အခမ်းအနားကို နေပြည်တော်တွင် ဒီဇင်ဘာ ၂၇ ရက်က ကျင်းပခဲ့သည်။
လယ်ဝေးမြို့နယ်ရှိ စီမံကိန်းနေရာ၌ ကျင်းပသော အဆိုပါ အခမ်းအနားတွင် သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးလှမိုးက မြန်မာနိုင်ငံမှ ကျေးလက်နေပြည်သူများအတွက် သောက်သုံးရေစီမံကိန်း ပံ့ပိုးကူညီမှုအတွက် တရုတ်နိုင်ငံကို ကျေးဇူးတင်ကြောင်း ပြောကြားခဲ့သည်။
တရုတ်နိုင်ငံက မဲခေါင်-လန်ချန်းဒေသတွင်းနိုင်ငံများ လူမှုစီးပွားဖွံ့ဖြိုးတိုးတက်ရေးကို အထောက်အကူပြုပြီး သာယာဝပြောမှုကို မြှင့်တင်ပေးရန် အစိုးရအချင်းချင်း ပူးပေါင်းဆောင်ရွက်မှုအစီအစဉ်နှင့် ပုဂ္ဂလိက ကဏ္ဍမှ ချိတ်ဆက်ဆောင်ရွက်မှုစီမံကိန်းများ လုပ်ဆောင်လျက်ရှိကြောင်း ပြည်ထောင်စုဝန်ကြီး ဦးလှမိုးက ပြောခဲ့သည်။
လန်ချန်း-မဲခေါင် ပူးပေါင်းဆောင်ရွက်မှု အထူးရန်ပုံငွေဖြင့် အကောင်အထည်ဖော်ခဲ့သော ထိုစီမံကိန်းက ကျေးရွာသူ/ကျေးရွာသားများအတွက် သန့်ရှင်းသောသောက်သုံးရေရရှိစေရေးအတွက်သာမက ကျေးရွာအတွင်းရှိ မွေးမြူရေးလုပ်ငန်းများနှင့် စိုက်ပျိုးရေးလုပ်ငန်းများအတွက်ပါ အထောက်အကူဖြစ်စေ‌ကြောင်း ၎င်းက ဆိုသည်။
ထို့နောက် မြန်မာနိုင်ငံဆိုင်ရာ တရုတ်နိုင်ငံသံရုံးမှ စီးပွားရေးသံမှူး Ouyang Daobing က လန်ချန်း-မဲခေါင် ရေအရင်းအမြစ်များဆိုင်ရာ လက်တွေ့ကျသောပူးပေါင်းဆောင်ရွက်မှုကို တက်ကြွစွာ မြှင့်တင်နိုင်ရန် တရုတ်နိုင်ငံအနေဖြင့် ပြည်သူများ၏ လိုအပ်ချက်များနှင့် လူမှုစီးပွားတိုးတက်မှုအတွက် အဓိကထား အကောင်အထည်ဖော်ဆောင်ရွက်သော စီမံကိန်းများကို ရန်ပုံငွေပံ့ပိုးပေးခဲ့ကြောင်း ပြောကြားခဲ့သည်။
မြန်မာနိုင်ငံ နေပြည်တော်ရှိ အဆိုပါ စီမံကိန်းသည် တရုတ်-မြန်မာ ပူးပေါင်းဆောင်ရွက်မှုနှင့် ကျေးလက်ဖွံ့ဖြိုးရေးလမ်းကြောင်းအတွက် အရေးပါသော စီမံကိန်းအဖြစ် ပါဝင်လျက်ရှိသည်။ ထိုစီမံကိန်းက ကျေးရွာသူ/ကျေးရွာသားများ ကြုံတွေ့နေရသော ရေရှားပါးမှုပြဿနာကို ဖြေရှင်းပေးနိုင်သည်သာမက အောင်သာကျေးရွာ၏ စိမ်းလန်းစိုပြည်ရေးနှင့် ဖွံ့ဖြိုးတိုးတက်ရေးကို ရေရှည်မြှင့်တင်ပေးခြင်းလည်းဖြစ်ကြောင်း ၎င်းက ပြောခဲ့သည်။
တရုတ်နိုင်ငံအနေဖြင့် တရုတ်၊ မြန်မာ နှစ်နိုင်ငံကြား ယဉ်ကျေးမှုကူးလူးဖလှယ်ရေးကို ဆက်လက်၍ တက်ကြွစွာမြှင့်တင်ပေးမည်ဖြစ်သလို နှစ်နိုင်ငံပြည်သူများကြား အပြန်အလှန်နားလည်မှုနှင့် ချစ်ကြည်ရင်းနှီးမှုကိုလည်း မြှင့်တင်ပေးမည်ဖြစ်ကြောင်း၊ မြန်မာပြည်သူများ၏ သာယာဝပြောမှု၊ ဖွံ့ဖြိုးတိုးတက်မှု၊ ပြည်သူများ၏ ပျော်ရွှင်မှု၊ ပို၍နီးကပ်သော တရုတ်-မြန်မာ အေးအတူပူအမျှ အသိုက်အဝန်း တည်ဆောက်မှုအတွက် ပိုမိုပံ့ပိုးကူညီမည်ဖြစ်ကြောင်း Ouyang Daobing က ပြောကြားခဲ့သည်။
တရုတ်နိုင်ငံ ရေအရင်းအမြစ်ဆိုင်ရာဝန်ကြီးဌာန၊ Changjiang ရေအရင်းအမြစ်ကော်မရှင်၊ Changjiang River Scientific Research Institute ၏ တာဝန်ယူကြီးကြပ်မှုဖြင့် SPIC Yunnan International Power Investment ကုမ္ပဏီလီမိတက်က တည်ဆောက်သည့် ကျေးလက် သန့်ရှင်းသော သောက်သုံးရေရရှိရေးစီမံကိန်းသည် ကျေးရွာသူ/ကျေးရွာသား ၃၀၀ ကျော် ရင်ဆိုင်နေရသော သောက်သုံးရေပြဿနာကို ထိရောက်စွာ ဖြေရှင်းပေးနိုင်ခဲ့သလို ၎င်းတို့အတွက် သန့်ရှင်းသောသောက်သုံးရေဖူလုံမှုကိုလည်း မြှင့်တင်ပေးနိုင်ခဲ့ကြောင်း သိရသည်။
ထို့ပြင် ထိုရေရရှိရေးစီမံကိန်းက မွေးမြူရေးလုပ်ငန်းများအတွက် ရေရရှိရေးအတွက် ပြဿနာများ လျော့ပါးသက်သာရေး၊ ခြောက်သွေ့သောရာသီအတွင်း မွေးမြူရေးလုပ်ငန်းများအတွက် သောက်သုံးရေရရှိရေး၊ မွေးမြူရေးတိရစ္ဆာန်များ အသက်ရှင်သန်မှုနှုန်း တိုးတက်ရေးနှင့် ကျေးရွာသူ/ကျေးရွာသားများ၏ ဝင်ငွေတိုးရေးအတွက် ဆောင်ရွက်ပေးခဲ့ကြောင်း သိရသည်။ (Xinhua)

…………………………
(English Version)
LMC-funded rural clean water project completed in Myanmar’s Nay Pyi Taw

NAY PYI TAW, Dec. 28 (Xinhua) — A ceremony to mark the completion of a rural clean water project, funded by Lancang-Mekong Cooperation Special Fund, was held in Nay Pyi Taw on Friday.
During the ceremony held at the project site in Lewe township, Myanmar’s Union Minister for Cooperatives and Rural Development U Hla Moe thanked China for its support for the drinking water project for Myanmar people.
He said that China has actively helped the development of the people’s livelihood in countries within the Mekong-Lancang River region through both intergovernmental and private projects.
The project, funded by the Lancang-Mekong Cooperation Special Fund, not only provides clean drinking water for villagers, but also supports agriculture and animal husbandry in the village, he said.
Ouyang Daobing, economic and commercial counselor of the Chinese Embassy in Myanmar, said that in order to actively promote practical cooperation on Lancang-Mekong water resources, China has funded a series of projects that focus on needs and benefit people’s livelihood.
The project in Myanmar’s Nay Pyi Taw is an important node on the road of China-Myanmar cooperation and rural development. It can not only solve the water shortage problem faced by villagers, but also promote the green and sustainable development of Aung Thar Village, he said.
Ouyang Daobing said that China will continue to actively promote cultural exchanges between China and Myanmar, enhance mutual understanding and friendship between the people, and provide more help for Myanmar’s prosperity and development, people’s happiness and the construction of a closer China-Myanmar community with a shared future.
Undertaken by the Changjiang River Scientific Research Institute of Changjiang Water Resources Commission of China’s Ministry of Water Resources, and constructed by SPIC Yunnan International Power Investment Co., Ltd, the rural clean water project effectively solved the drinking water problem for more than 300 villagers and improved the safety of their drinking water.
Meanwhile, the project alleviated the problem of water access for livestock, ensured drinking water for livestock in the dry season, improved the survival rate of livestock and poultry, and increased villagers’ income.