ဂျပန်နိုင်ငံ ဖူကူရှီးမား ဒိုင်အိချိ နျူကလီးယားဓာတ်အားပေးစက်ရုံမှ နျူကလီးယား ရေဆိုးရေများကို ပင်လယ်ထဲသို့ စွန့်ထုတ်ရေးကိစ္စရပ်နှင့် ပတ်သက်၍ တရုတ်နှင့် ဂျပန် သဘောတူညီမှု ရရှိ

ပေကျင်း၊ စက်တင်ဘာ ၂၀ ရက် (ဆင်ဟွာ)
၂၀၂၃ ခုနှစ် သြဂုတ်လ ၂၄ ရက်တွင် ဂျပန်အစိုးရက ဖူကူရှီးမား ဒိုင်အိချိ နျူကလီးယားဓာတ်အားပေးစက်ရုံမှ နျူကလီးယား ရေဆိုးရေများကို ပင်လယ်ထဲသို့ စွန့်ထုတ်ရန် တစ်ဖက်သက် စတင်လုပ်ဆောင်ခဲ့သည်။ တရုတ်နိုင်ငံသည် အရေးအပါဆုံးဖြစ်သည့် အကျိုးစီးပွားသက်ဆိုင်မှုရှိသော နိုင်ငံများအနက် တစ်ခုအနေဖြင့် ဤတာဝန်မဲ့သော လုပ်ရပ်ကို ပြတ်ပြတ်သားသား ကန့်ကွက်ခဲ့သည်။ တစ်ချိန်တည်းမှာပင် ဂျပန်နိုင်ငံအား ပြည်တွင်းပြည်ပစိုးရိမ်မှုများကို အလေးအနက်ထား တုံ့ပြန်သင့်ကြောင်း၊ မိမိ၏တာဝန်ဝတ္တရားများကို လက်တွေ့လိုက်နာဆောင်ရွက်ရန်၊ အကျိုးစီးပွားသက်ဆိုင်မှုရှိသောနိုင်ငံများ၏ အမှန်တကယ်ပါဝင်မှု၊ လွတ်လပ်မှု၊ ထိရောက်သော ရေရှည် နိုင်ငံတကာစောင့်ကြည့်စစ်ဆေးမှု စီစဉ်ခြင်းဖြင့် ဘက်စုံပူးပေါင်းဆောင်ရွက်ရေး ထူထောင်ပြီး တရုတ်နိုင်ငံ၏ သီးခြား နမူနာရယူ စစ်ဆေးခြင်းကို သဘောတူရန် တရုတ်နိုင်ငံက တိုက်တွန်းခဲ့သည်။
နှစ်နိုင်ငံ အဓိကတာဝန်ရှိဌာနများက ယခုကာလများတွင် ဖူကူရှီးမား ဒိုင်အိချိ နျူကလီးယားဓာတ်အားပေးစက်ရုံမှ ရေဆိုးရေများကို ပင်လယ်ထဲသို့ စွန့်ထုတ်ရေးကိစ္စရပ်နှင့် ပတ်သက်၍ အကြိမ်ကြိမ် ဆွေးနွေးညှိနှိုင်းခဲ့ရာ အောက်ပါအတိုင်း သဘောတူညီမှု ရရှိခဲ့သည်။
၁။ ဂျပန်နိုင်ငံသည် နိုင်ငံတကာဥပဒေ၏ တာဝန်ဝတ္တရားများကို လက်တွေ့လိုက်နာဆောင်ရွက်မည်ဖြစ်ပြီး လူ့ခန္ဓာကိုယ်နှင့် သဘာဝပတ်ဝန်းကျင်အပေါ် အပျက်သဘောဆောင်သော သက်ရောက်မှုများကို အတတ်နိုင်ဆုံး ရှောင်ကြဉ်ပြီး အဏ္ဏဝါပတ်ဝန်းကျင်နှင့် အဏ္ဏဝါဂေဟဗေဒအပေါ် သက်ရောက်မှုအကဲဖြတ်မှုများကို ဆက်လက်လုပ်ဆောင်သွားမည်ဖြစ်ကြောင်း အတိအလင်း ပြောကြားခဲ့သည်။
၂။ တရုတ်နိုင်ငံ စသည့် အကျိုးစီးပွားသက်ဆိုင်မှုရှိသောနိုင်ငံများအားလုံး၏ စိုးရိမ်ပူပန်မှုများကို အခြေခံ၍ ဂျပန်နိုင်ငံသည် အပြည်ပြည်ဆိုင်ရာ အဏုမြူစွမ်းအင် အေဂျင်စီ (IAEA) ၏ မူဘောင်အောက်တွင် ပင်လယ်ထဲသို့ စွန့်ထုတ်ခြင်းဆိုင်ရာ အဓိက ကဏ္ဍများကို လွှမ်းခြုံသည့် ရေရှည် နိုင်ငံတကာ စောင့်ကြည့်စစ်ဆေးရေး အစီအစဉ်တစ်ရပ် ထူထောင်ခြင်းကို ကြိုဆိုသလို တရုတ်နိုင်ငံ စသည့် အကျိုးစီးပွားသက်ဆိုင်မှုရှိသော နိုင်ငံများအားလုံးက ယင်းတွင် ထိရောက်စွာ ပူးပေါင်းပါဝင်နိုင်မှုနှင့် ၎င်းနိုင်ငံများမှ သီးခြား နမူနာရယူ စစ်ဆေးခြင်း၊ ဓာတ်ခွဲခန်း ခွဲခြမ်းစိတ်ဖြာခြင်းနှင့် နှိုင်းယှဉ်ခြင်းတို့ကို အကောင်အထည်ဖော် ဆောင်ရွက်နိုင်မှု ရရှိစေရမည်ဖြစ်သည်။
၃။ နှစ်ဖက်စလုံးသည် ဂေဟဗေဒပတ်ဝန်းကျင်နှင့် ပြည်သူလူထု၏ အသက်ရှင်ကျန်းမာသန်စွမ်းရေးအပေါ် တာဝန်ယူမှုကြီးစွာဖြင့် သိပ္ပံပညာအခြေခံ၍ အပြုသဘောဆောင်သော ဆွေးနွေးမှုများ ဆက်လက်လုပ်ဆောင်ရန်နှင့် စွန့်ထုတ်မှုဆိုင်ရာ စိုးရိမ်ပူပန်မှုများကို သင့်လျော်စွာ ကိုင်တွယ်ဖြေရှင်းရန် တစ်ပြေးညီ သဘောတူညီခဲ့ကြသည်။
၄။ တရုတ်နိုင်ငံ သက်ဆိုင်ရာ ဥပဒေစည်းမျဉ်းများနှင့် ကမ္ဘာ့ကုန်သွယ်ရေးအဖွဲ့ (WTO) စည်းမျဉ်းများနှင့်အညီ မူရင်းထုတ်လုပ်သည့်နိုင်ငံမှာ ဂျပန် ဖြစ်သော ရေထွက်ထုတ်ကုန်များအပေါ် အရေးပေါ် ကြိုတင်ကာကွယ်ရေး ယာယီအစီအမံများ ချမှတ်ခဲ့ကြောင်း တရုတ်နိုင်ငံက ပြောကြားခဲ့သည်။ IAEA ၏ မူဘောင်အောက်ရှိ ရေရှည် နိုင်ငံတကာ စောင့်ကြည့်စစ်ဆေးရေးတွင် တရုတ်နိုင်ငံက ထိရောက်စွာ ပါဝင်မည်ဖြစ်ပြီး ပါ၀င်သော နိုင်ငံများ၏ သီးခြား နမူနာရယူ စစ်ဆေးခြင်း လုပ်ငန်းများ လုပ်ဆောင်ပြီးနောက် သိပ္ပံနည်းကျ အထောက်အထားများကို အခြေခံ၍ သက်ဆိုင်ရာ အစီအမံများကို စတင်ပြင်ဆင်မည်ဖြစ်သလို စံသတ်မှတ်ချက်များနှင့်ကိုက်ညီသော ဂျပန်ရေထွက်ထုတ်ကုန် တင်သွင်းမှုကို ဖြည်းဖြည်းချင်း ပြန်လည် စတင်မည်ဖြစ်ကြောင်း ဖော်ပြခဲ့သည်။ (Xinhua)
…………………………….
(Chinese Version)
中日双方就福岛第一核电站核污染水排海问题达成共识
新华社北京9月20日电 2023年8月24日，日本政府单方面启动福岛第一核电站核污染水排海。中国作为最重要的利益攸关国之一，坚决反对这一不负责任的做法。同时，我们敦促日方认真回应国内外关切，切实履行自身责任，全面配合建立利益攸关国实质参与、独立、有效的长期国际监测安排，并同意中方独立取样监测。
两国主管部门近期就福岛第一核电站核污染水排海问题持续进行多轮磋商，达成如下共识：
一、日方明确将切实履行国际法义务，尽最大努力避免给人体和环境造成负面影响，并将持续开展海洋环境及海洋生态影响评估。
二、基于中国等所有利益攸关国的关切，日方欢迎在国际原子能机构框架下设立覆盖排海关键环节的长期国际监测安排，并将确保中国等所有利益攸关国有效参与其中以及这些参与国的独立取样监测、实验室分析比对得以实施。
三、双方一致同意，本着对生态环境和民众生命健康高度负责任态度，基于科学持续开展建设性对话，妥善处理涉及排放的关切。
四、中方表示，根据中国相关法律法规和世贸组织规定，中方对原产地为日本的水产品采取了紧急预防性临时措施。中方将在有效参与国际原子能机构框架下的长期国际监测和参与国的独立取样等监测活动实施后，基于科学证据着手调整有关措施，逐步恢复符合规准的日本水产品进口。（完）
图说：图为2021年2月13日拍摄的日本福岛第一核电站核污水储水罐。 新华社/共同社