နိုင်ငံအသီးသီးမှ မိတ်ဆွေများ ရေခဲ၊ ဆီးနှင်း ပွဲတော်ကြီးသို့ လာရောက်မှုကို ကြိုဆိုကြောင်း တရုတ်နိုင်ငံခြားရေးဝန်ကြီးဌာန ပြောကြား

ပေကျင်း၊ ဖေဖော်ဝါရီ ၇ ရက် (ဆင်ဟွာ)

ဟားအယ်ပင်း ၉ ကြိမ်မြောက် အာရှ ဆောင်းရာသီ အားကစားပွဲ စတင်ဖွင့်လှစ်တော့မည် ဖြစ်ရာ တရုတ်နိုင်ငံ အနေဖြင့် နိုင်ငံအသီးသီးမှ မိတ်ဆွေများ ရေခဲ၊ ဆီးနှင်း ပွဲတော်ကြီးသို့ လာရောက်၍ ချစ်ကြည်ရေး၊ ပူးပေါင်းဆောင်ရွက်ရေး အတူဆွေးနွေးကြမှုအပေါ် ကြိုဆိုကြောင်း တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ကောကျားခွန်းက ဖေဖော်ဝါရီ ၆ ရက်တွင် ပြောကြားခဲ့သည်။

ယမန်နှစ်က တရုတ်နိုင်ငံ ဒေသအများအပြားတွင် ရေခဲ၊ ဆီးနှင်း “နာမည်ကတ်” ကို တောက်ပလာအောင် ဆောင်ရွက်ပြီး ရေခဲ၊ ဆီးနှင်း အားကစားနှင့် ရေခဲ၊ ဆီးနှင်း ခရီးသွားကဏ္ဍ စဉ်ဆက်မပြတ် အရှိန်အဟုန်မြင့် ရေပန်းစားလာကာ ရေခဲ၊ ဆီးနှင်းနေရာတွင် ချိန်းဆိုခြင်းက တရုတ်နိုင်ငံသားများ “နှစ်သစ်နွေဦး ပျော်ရွှင်စွာ လည်ပတ်မှု” ၏ ရွေးချယ်မှုအသစ် ဖြစ်လာသလို ပို၍ များပြားသော နိုင်ငံခြားသားများအား ဆွဲဆောင်ခဲ့သည်ကို မိမိတို့အနေဖြင့် သတိထားမိကြောင်း၊ ထို့အပေါ် ပြောရေးဆိုခွင့်ရှိသူအနေဖြင့် မည်သို့ သုံးသပ် ပြောကြားလိုပါသနည်းဟု ယင်းနေ့ သတင်းစာရှင်းလင်းပွဲတွင် သတင်းထောက်တစ်ဦးက မေးမြန်းခဲ့သည်။

ထို့အပေါ် ကောကျားခွန်းက ယမန်နှစ် နှစ်ဆန်းတွင် “ဟားအယ်ပင်း” သည် ရေခဲ၊ ဆီးနှင်း ဆွဲဆောင်မှုဖြင့် အကြီးအကျယ် ရေပန်းစားခဲ့သည်ကို အားလုံးအနေဖြင့် အမှတ်တရရှိနေကြမည် ဖြစ်ကြောင်း၊ တစ်နှစ်ကျော်ကြာကာလတွင် တရုတ်နိုင်ငံ ဒေသအသီးသီး၏ ရေခဲ၊ ဆီးနှင်း အားကစားနှင့် ခရီးသွား စသည့် အရင်းအမြစ်များကို အဆက်မပြတ် ဖော်ထုတ်ပြီး သွက်လက်အောင် ဆောင်ရွက်ခဲ့ရာ “အေးခဲအရင်းအမြစ်” မှ “နွေးထွေးသည့် လှုပ်ရှားမှု” များ ဖြစ်ပေါ်လာကြောင်း ပြောကြားခဲ့သည်။

ရှင်းကျန်း၊ အတွင်းမွန်ဂိုလီးယား စသည့် ဒေသများတွင် ရေခဲ၊ ဆီးနှင်း အားသာချက်ကို ကောင်းမွန်စွာ အသုံးချခဲ့ကြသလို ရှန်ဟိုင်း၊ ကွမ်တုန်း စသည့် ဒေသများတွင် မိုးလုံလေလုံ နှင်းလျှောစီးကွင်းများ ဖွင့်လှစ်ခဲ့ကြပြီး ယူနန်၊ ကွေ့ကျိုး စသည့်ဒေသများတွင် တိုင်းရင်းသားရိုးရာဓလေ့နှင့် သဘာဝရှုခင်းများကို ရေခဲ၊ ဆီးနှင်း ခရီးသွားကဏ္ဍတွင် ပေါင်းစည်းခဲ့ကြရာ မတူကွဲပြားသည့် ဒေသအသီးသီး၏ ရေခဲ၊ ဆီးနှင်း ကဏ္ဍစားသုံးမှုသည် စဉ်ဆက်မပြတ် လူကြိုက်များခဲ့ကြောင်း ၎င်းက ပြောကြားခဲ့သည်။

“ရေခဲ၊ ဆီးနှင်းကဏ္ဍ လူကြိုက်များ” သည့် နောက်ကွယ်က “ရေခဲ၊ ဆီးနှင်းကမ္ဘာကလည်း ရွှေတောင်ငွေတောင် ဖြစ်တယ်” ဟူသော အတွေးအခေါ်အား အောင်မြင်စွာ လက်တွေ့ဖော်ဆောင်မှု ဖြစ်သလို တရုတ်စီးပွားရေး အားကောင်းသော အလားလာ၏ သက်ဝင်ထင်ရှားသည့် ဖော်ပြမှုလည်း ဖြစ်ကြောင်း ကောကျားခွန်းက ပြောကြားခဲ့သည်။ ၂၀၂၃ ခုနှစ်မှ ၂၀၂၄ ခုနှစ်အထိ ရေခဲ၊ ဆီးနှင်းရာသီ တရုတ်နိုင်ငံ၏ ရေခဲ၊ ဆီးနှင်း အပန်းဖြေ ခရီးသွား အကြိမ်ရေမှာ ၄၃၀ သန်း ရှိပြီး ၂၀၂၄ ခုနှစ်မှ ၂၀၂၅ ခုနှစ်အထိ ရေခဲ၊ ဆီးနှင်းရာသီတွင် အကြိမ်ရေ ၅၂၀ သန်း ရှိကာ ခရီးသွား ဝင်ငွေ ယွမ် ၆၃၀ ဘီလီယံကျော်မည်ဟု ခန့်မှန်းရကြောင်း ကိန်းဂဏန်းအချက်အလက်များတွင် ဖော်ပြထားကြောင်း၊ ရေခဲ၊ ဆီးနှင်းနေရာတွင် ချိန်းဆိုခြင်းက ပို၍များပြားသော နိုင်ငံခြားသားများကို ဆွဲဆောင်ခဲ့ကြောင်း၊ ယင်းမှာ တရုတ်နိုင်ငံ၏ “ရေခဲ၊ ဆီးနှင်း ကဏ္ဍ စီးပွားရေး” သည်လည်း ကမ္ဘာ့ ခရီးသွားဈေးကွက်အတွက် စွမ်းအင်သစ်များ ဖြည့်တင်းပေးနေသည်ကို ဖော်ပြကြောင်း ၎င်းက ပြောကြားခဲ့သည်။

“ဟားအယ်ပင်း ၉ ကြိမ်မြောက် အာရှ ဆောင်းရာသီ အားကစားပွဲ မကြာမီ ဖွင့်လှစ်တော့မှာ ဖြစ်ပါတယ်။ နိုင်ငံအသီးသီးမှ မိတ်ဆွေများ ရေခဲ၊ ဆီးနှင်း ပွဲတော်ကြီးသို့ လာရောက်ပြီး ချစ်ကြည်ရေး၊ ပူးပေါင်းဆောင်ရွက်ရေး အတူဆွေးနွေးကြဖို့၊ ‘မိုင်တစ်ထောင်ကျော် ရေခဲပြီး မိုင်တစ်သောင်းကျော် နှင်းများတစ်ဖွဲဖွဲကျနေ’ တဲ့ လှပတဲ့ရှုခင်းကို အတူရှုစားကြဖို့ ကျွန်တော်တို့အနေနဲ့ ကြိုဆိုပါတယ်” ဟု ကောကျားခွန်းက ပြောကြားခဲ့သည်။ (Xinhua)

………………………
(Chinese Version)

外交部：欢迎各国朋友共赴冰雪盛会
新华社北京2月6日电（记者成欣、白鑫雨）外交部发言人郭嘉昆6日表示，哈尔滨第九届亚洲冬季运动会即将拉开帷幕。中方欢迎各国朋友共赴冰雪盛会，共叙友谊、共话合作。
当日例行记者会上，有记者问：我们注意到，过去一年中国多地不断擦亮冰雪“名片”，冰雪运动、冰雪旅游热度持续攀升，赴冰雪之约成为国人“闹新春”的新选择，也吸引了越来越多外国游客。发言人对此有何评论？
郭嘉昆表示，去年年初，“尔滨”凭借冰雪魅力火爆出圈，想必大家都记忆犹新。一年多来，中国各地的冰雪运动、冰雪旅游等资源被不断挖掘盘活，“冷资源”迸发出“热活力”。新疆、内蒙古等地发力用好冰雪优势，上海、广东等地借势开辟室内雪场，云南、贵州等地更将民族风情、自然风光融入冰雪旅游，天南地北的冰雪消费持续火热。 　　郭嘉昆说，“冰雪热”的背后，是“冰天雪地也是金山银山”理念的成功实践，也是中国经济蕴含强劲潜力的生动体现。数据显示，2023至2024年冰雪季中国冰雪休闲旅游人次达到4.3亿，预计2024至2025年冰雪季有望达到5.2亿，旅游收入将超过6300亿元。赴冰雪之约吸引了越来越多外国游客，这说明中国的“冰雪经济”也为全球旅游市场注入了新动能。
“哈尔滨第九届亚洲冬季运动会即将拉开帷幕。我们欢迎各国朋友共赴冰雪盛会，共叙友谊、共话合作，共赏‘千里冰封、万里雪飘’的大好风光。”郭嘉昆说。（完）