မြန်မာနိုင်ငံတွင် အမြဲရှိနေမည့် ကူးစက်ရောဂါကာကွယ်ရေးအဖွဲ့ ချန်ထားခဲ့သည်… မြန်မာနိုင်ငံသို့ တရုတ်နိုင်ငံ ကူးစက်ရောဂါကာကွယ်ရေးအဖွဲ့၏ ကူညီဖေးမမှု မှတ်တမ်း

ကူမင်း၊ မေ ၁၉ ရက် (ဆင်ဟွာ)

မေ ၁၈ ရက် နေ့လယ်ပိုင်းတွင် တရုတ်နိုင်ငံအစိုးရမှ မြန်မာနိုင်ငံသို့ ကူညီပေးသည့် ကျန်းမာရေးဆိုင်ရာ ကူးစက်ရောဂါ ကာကွယ်ရေးအဖွဲ့သည် တာဝန်များ အပြည့်အဝ ပြီးမြောက်၍ ကူမင်းမြို့ ချန်ရွှေအပြည်ပြည်ဆိုင်ရာလေဆိပ်သို့ ပြန်လည်ရောက်ရှိခဲ့သည်။ အဖွဲ့ဝင်များက တရုတ်နိုင်ငံအလံများကို ဝှေ့ယမ်းလျက် လေယာဉ်မှ ထွက်လာစဉ် လေယာဉ်ဆိုက်နားရာနေရာတွင် လက်ခုပ်ဩဘာသံများဖြင့် လှိုက်လှဲစွာကြိုဆိုခဲ့ကြသည်။

မတ်လက မြန်မာနိုင်ငံတွင် ပြင်းအား ၇.၉ အဆင့်ရှိ အင်အားပြင်းငလျင်ကြီးလှုပ်ခတ်ခဲ့ရာ လူသေဆုံးဒဏ်ရာရမှု များစွာ ဖြစ်ပွားခဲ့သည်။ အချင်းဖြစ်ပွားပြီး ပထမဆုံးအချိန်တွင်ပင် တရုတ်နိုင်ငံက ကူညီကယ်ဆယ်ရေးအင်အားစေလွှတ်ခဲ့သလို လူသားချင်းစာနာထောက်ထားမှုဆိုင်ရာ အထောက်အပံ့ပစ္စည်း အသုတ် ၁၄ သုတ် ပံ့ပိုးကာ ပြန်လည်နေရာချထားရေး၊ ကူညီပံ့ပိုးရေး စသည့် ကဏ္ဍစုံတွင် မြန်မာနိုင်ငံ၏ အန္တရာယ်အခက်အခဲများကို ကူညီဖေးမခဲ့သည်။

“ငလျင်ဘေးကြီးအလွန် ကူးစက်ရောဂါကာကွယ်ရေး” ဖြစ်သောကြောင့် သဘာဝကပ်ဘေးကြီးအလွန် ကူးစက်ရောဂါ ကာကွယ်ရေးသည် အရေးကြီးသည့် အစီအမံဖြစ်သည်။ တရုတ်နိုင်ငံမှ မြန်မာနိုင်ငံသို့ အရေးပေါ် လူသားချင်းစာနာထောက်ထားမှု ကပ်ဘေးကယ်ဆယ်ရေး အကူအညီ၏ အရေးကြီး အစိတ်အပိုင်းအနေဖြင့် တရုတ်နိုင်ငံအစိုးရမှ မြန်မာနိုင်ငံသို့ ကူညီပေးသည့် ကျန်းမာရေးဆိုင်ရာ ကူးစက်ရောဂါကာကွယ်ရေးအဖွဲ့သည် ဧပြီ ၁၉ ရက်တွင် ကူမင်းမှ ငလျင်ဒဏ်ပြင်းထန်စွာခံစားရသည့် မန္တလေးတိုင်းဒေသကြီးသို့ ရောက်ရှိပြီး တစ်လကြာ ငလျင်ဘေးအလွန် ကျန်းမာရေးဆိုင်ရာ ကူးစက်ရောဂါ ကာကွယ်ရေးလုပ်ငန်းများ လုပ်ဆောင်ခဲ့သည်။

တရုတ်နိုင်ငံအစိုးရမှ မြန်မာနိုင်ငံအား ကူညီပေးသည့် ကျန်းမာရေးဆိုင်ရာ ကူးစက်ရောဂါ ကာကွယ်ရေး အဖွဲ့ခေါင်းဆောင်၊ တရုတ်နိုင်ငံ ရောဂါထိန်းချုပ်ရေးနှင့် ကာကွယ်ရေးဦးစီးဌာန အရေးပေါ်တုံ့ပြန်ဆောင်ရွက်ရေး ဌာနခွဲ ဒုတိယညွှန်ကြားရေးမှူးချုပ် ချန်လေက မန္တလေး၌ လုပ်ငန်းများဆောင်ရွက်စဉ်ကာလအတွင်း ကူးစက်ရောဂါ ကာကွယ်ရေးအဖွဲ့သည် ကွင်းဆင်းလေ့လာစစ်ဆေးခြင်း၊ ကူးစက်ရောဂါဖြစ်ပွားစေသည့် ကြားခံသတ္တဝါအား စောင့်ကြည့်ထိန်းချုပ်ခြင်း၊ ပတ်ဝန်းကျင်ပိုးသတ်ခြင်း၊ နမူနာယူ၍ စမ်းသပ်စစ်ဆေးခြင်း၊ ကျန်းမာရေး အသိပညာပေးခြင်းနှင့် စိတ်ပိုင်းဆိုင်ရာ ဆွေးနွေးခြင်း စသည့်လုပ်ငန်းများ လုပ်ဆောင်ခဲ့ကြောင်း၊ ငလျင်ဒုက္ခသည်များ ပြန်လည်နေရာချထားရေး အဓိက စခန်း ၄ ခုတွင် အကဲဖြတ် လေ့လာစစ်ဆေးမှု ၅ ကြိမ် လုပ်ဆောင်ခဲ့ပြီး တရုတ်နိုင်ငံမှ ကူညီပံ့ပိုးသော ကာလဝမ်းရောဂါ ကာကွယ်ဆေး အကြိမ်ရေ ၆၈၀,၀၀၀ ထိုးနှံရေးလုပ်ငန်းများကို လမ်းညွှန်ပေးခဲ့ကြောင်း မိတ်ဆက်ပြောကြားခဲ့သည်။

သဘာဝကပ်ဘေးက ရက်စက်ကြမ်းကြုတ်သော်လည်း လူ့လောကတွင် မေတ္တာတရားဟူ၍ ရှိကြပေသည်။

“တရုတ် ကူးစက်ရောဂါကာကွယ်ရေးအဖွဲ့က လူတွေကို တွေ့လိုက်တိုင်း ကျွန်တော်တို့ စိတ်အေးသွားတယ်၊ သိပ်ပြီး အားတက်သွားတယ်လို့ ခံစားရတယ်” ဟူသော မန္တလေး ငလျင်ဒုက္ခသည်များ၏ ရင်တွင်းစကားများက တရုတ်နိုင်ငံ ကျန်းမာရေးဆိုင်ရာ ကူညီကယ်ဆယ်ရေးအင်အားအပေါ် ယုံကြည်မှုကို ဖော်ပြခြင်းပင်ဖြစ်သည်။

“‘တရုတ် ကျန်းမာရေးဝန်ထမ်း’ လို့ တံဆိပ်နှိပ်ထားတဲ့ ဝတ်စုံကို ကျွန်တော်တို့ ဝတ်ပြီး ပြန်လည်နေရာချထားရေး စခန်းက ရွက်ဖျင်တဲတွေမှာ ဖြတ်သွားရင် ဒေသခံပြည်သူတွေက လက်အုပ်ချီကာ ပြုံးရယ်ပြီး ‘လာကူညီတာ ကျေးဇူးတင်လိုက်တာ’ လို့ ပြောကြပါတယ်။ အဲဒီလိုစကားတွေ ကြားရတဲ့အခါတိုင်း ကျွန်တော်တို့ရင်ထဲမှာ နွေးထွေးရသလို ဂုဏ်လည်းယူမိတယ် ” ဟု အဖွဲ့ဝင်တစ်ဦးဖြစ်သူ ဝမ်ယွဲ့ပင်းက ဆိုသည်။

တရုတ်-မြန်မာ နှစ်နိုင်ငံသည် တောတောင်ရေမြေချင်း ဆက်စပ်နေသလို နက်ရှိုင်းလှသည့် ဆွေမျိုးပေါက်ဖော် ချစ်ကြည်ရေးလည်း ရှိပေသည်။

တစ်မြေခြား တစ်ရေခြားသည့် တိုင်းတစ်ပါးတွင် ဘာသာစကားမပေါက်ခြင်းသည် အလွယ်တကူ အတားအဆီး ဖြစ်စေသော်လည်း ယခုအကြိမ်တွင် ဘာသာပြန်အခက်အခဲဟူ၍ မရှိခဲ့ပေ။ ဒေသန္တရ ပရဟိတအဖွဲ့အစည်းများက တရုတ်-မြန်မာ-အင်္ဂလိပ် ဘာသာစကားသုံးမျိုး ကျွမ်းကျင်သည့် စေတနာ့ဝန်ထမ်းများစွာကို ဆက်သွယ်ကာ ကူးစက်ရောဂါ ကာကွယ်ရေးအဖွဲ့ကို ကူညီပေးခဲ့သည်။

ကူးစက်ရောဂါကာကွယ်ရေးအဖွဲ့ မြန်မာနိုင်ငံသို့ ရောက်ပြီး မကြာမီတွင်ပင် ပြန်လည်နေရာချထားရေးစခန်း၌ “ငလျင်ကာလ ကလေးငယ်” တစ်ဦး မွေးဖွားမှုနှင့်ကြုံခဲ့ရာ အဖွဲ့ဝင်များက ယင်းမိခင်နှင့်ကလေးငယ်ကို မကြာခဏ သွားရောက်ကြည့်ရှုပြီး ကလေးငယ်အတွက် ကျန်းမာရေးစစ်ဆေးမှု ကူညီလုပ်ဆောင်ပေးသလို မိခင်အတွက် စိတ်ပိုင်းဆိုင်ရာ တိုင်ပင်ဆွေးနွေးမှုလည်း လုပ်ဆောင်ပေးခဲ့သည်။
အပြန်ခရီးစဉ်မတိုင်မီ အားလုံးနှင့် နှုတ်ဆက်ခဲ့ကြောင်း အဖွဲ့ဝင် ကျန်းရီဝန်က ပြောသည်။
“မိခင်လည်း ပြန်ပြီးကောင်းလာတယ်၊ ကလေးကလည်း သန်မာလာတယ်။ သူတို့ကိုကြည့်ပြီး ကပ်ဘေးရဲ့ စာနာတရားမရှိမှုကို သံဝေဂရသလို ဘဝရဲ့ ရှင်သန်စွမ်းအားကြီးမားပုံကိုလည်း အံဩမိတယ်။ အားလုံးကောင်းလာမှာပါ၊ ကလေးက ဘဝရဲ့အနာဂတ်၊ မိသားစုက ဘဝရဲ့ မျှော်လင့်ချက်ပါလို့ ကလေးအမေကို ကျွန်မ ပြောခဲ့ပါတယ်” ဟု ၎င်းက ဆိုသည်။

“ရှေ့ရက်ပိုင်းက ပြန်လည်နေရာချထားရေးစခန်းကို ကျွန်တော်တို့ နောက်ဆုံးတစ်ခေါက်သွားခဲ့တယ်။ ကျွန်တော်တို့ ပြန်တော့မယ် ဆိုတာလည်း သိရော ကလေးအမေနှစ်ယောက်က မျက်ရည်တွေကျလာပြီး ကျွန်တော်တို့ကို ဖက်ထားတယ်ဗျာ” ဟု ဝမ်ယွဲ့ပင်းက မျက်ရည်ဝဲလျက် ပြောကြားခဲ့သည်။

မြန်မာနိုင်ငံသို့ မသွားမီ “ဆွေမျိုးပေါက်ဖော်ချစ်ကြည်ရေး၊ အပြန်အလှန်ကူညီဖေးမပေး” ဟူသော စာတန်းပေါ်က စာလုံးများသည် တစ်လကြာပြီးနောက် အဖွဲ့ဝင်များ၏ရင်ထဲဝယ် စွဲမြဲလို့နေပေသည်။

မေတ္တာဟူသည် အတုံ့အလှည့်ရှိကြစမြဲပင်ဖြစ်သည်။ မြန်မာပြည်သူလူထု၏ ရိုးသားပွင့်လင်းသည့် ချစ်ကြည်ရင်းနှီးမှုက တရုတ်ကူးစက်ရောဂါကာကွယ်ရေးအဖွဲ့၏ စိတ်နှလုံးကို လှုပ်ခတ်စေသလို ၎င်းတို့က ကူးစက်ရောဂါကာကွယ်ရေး တာဝန်များ ပိုမိုကောင်းမွန်စွာ ပြီးမြောက်အောင် ထမ်းဆောင်ရန် နှိုးဆော်သည့်အင်အားလည်း ဖြစ်ခဲ့သည်။

မြန်မာနိုင်ငံတွင် ရှိစဉ်ကာလက တရုတ်ကူးစက်ရောဂါကာကွယ်ရေးအဖွဲ့သည် အပူချိန်ဆက်တိုက်မြင့်မားမှုကို ကြုံတွေ့ခဲ့ရသည်။ အဖွဲ့ဝင်များသည် ၄၄ ဒီဂရီစင်တီဂရိတ်ရှိသည့် ပြင်ပတွင် လုပ်ငန်းများ လုပ်ဆောင်ရန် လိုအပ်သလို ခြင်၊ယင်ပိုးကောင်များပြားမှု၊ နောက်ဆက်တွဲငလျင် မကြာခဏဖြစ်ပွားမှု၊ လျှပ်စစ်မီး မကြာခဏ ပြတ်တောက်မှုများကလည်း လုပ်ငန်းဆောင်တာများအပေါ် ဆိုးရွားသည့် စိန်ခေါ်မှု ဖြစ်စေခဲ့သည်။
“ဒီအခက်အခဲတွေကလည်း ကျွန်တော်တို့အပေါ် မသက်ရောက်နိုင်ခဲ့ပါဘူး၊ အဖွဲ့အနေနဲ့ နောက်ဆုံး ‘အောင်မြင်မှုရပြီး သေဆုံးဒဏ်ရာရမှုမရှိစေရ’ ဆိုတဲ့ ရည်မှန်းချက်ကို ဖော်ဆောင်နိုင်ခဲ့ပါတယ်” ဟု ချန်လေက ပြောကြားခဲ့သည်။

ကူညီပံ့ပိုးခြင်းဟူသည် နည်းလမ်းပံ့ပိုးပေးခြင်းလည်းပါရမည် ဖြစ်သည်။ ပတ်ဝန်းကျင်ပိုးသတ်ခြင်း၊ ဓာတ်ခွဲခန်း စမ်းသပ်ခြင်း စသည့် အဓိကနည်းပညာများကို မြန်မာနိုင်ငံအနေဖြင့် လျင်မြန်စွာ ကျွမ်းကျင်အောင် ကူညီနိုင်ရန်အတွက် တရုတ်ကူးစက်ရောဂါကာကွယ်ရေးအဖွဲ့သည် သီအိုရီပိုင်းဆိုင်ရာ လေ့ကျင့်ပေးခြင်း၊ လက်တွေ့ကွင်းဆင်း သင်ကြားခြင်းတို့ဖြင့် မြန်မာနိုင်ငံ ပြည်သူ့ကျန်းမာရေးကဏ္ဍ ကျွမ်းကျင်ဝန်ထမ်း ၁၀၅ အား မွမ်းမံသင်တန်းပေးခဲ့သလို မြန်မာနိုင်ငံအတွက် ကပ်ဘေးအလွန် ကျန်းမာရေးနှင့် ကူးစက်ရောဂါ ကာကွယ်ရေးဆိုင်ရာ နည်းပညာလမ်းညွှန်စာတမ်း ၁၃ စောင်အား မြန်မာနိုင်ငံအတွက် ကူညီရေးဆွဲပေးခဲ့ရာ ရေပေးဝေမှုဘေးကင်းရေး၊ ရောဂါကာကွယ်ထိန်းချုပ်ရေး စသည့် အရေးကြီးကဏ္ဍများ လွှမ်းခြုံပါဝင်ကြောင်း သိရသည်။
မြန်မာနိုင်ငံမှ မထွက်ခွာမီ တရုတ်ကူးစက်ရောဂါကာကွယ်ရေးအဖွဲ့သည် စမ်းသပ်ဆေး၊ ပိုးသတ်ကိရိယာနှင့် အထောက်အပံ့ပစ္စည်း အလုံးစုံကို လှူဒါန်းခဲ့သလို မြန်မာနိုင်ငံအတွက် ရေရှည်ထိရောက်သည့် နည်းပညာပံ့ပိုးမှု ပေးခဲ့သည်။

“ကျွန်တော်တို့ရဲ့ ရည်မှန်းချက်က မြန်မာနိုင်ငံမှာ ‘အမြဲရှိနေမယ့် ကူးစက်ရောဂါကာကွယ်ရေးအဖွဲ့’ တစ်ဖွဲ့ ချန်ထားနိုင်ဖို့ပါ” ဟု ချန်လေက ပြောကြားခဲ့သည်။
မြန်မာနိုင်ငံ မန္တလေးတိုင်းဒေသကြီး အစိုးရအဖွဲ့ဝန်ကြီးချုပ် ဦးမျိုးအောင်က တရုတ်နိုင်ငံ ကူးစက်ရောဂါ ကာကွယ်ရေးအဖွဲ့မှာ မြန်မာနိုင်ငံ မန္တလေးငလျင်ကြီးပြီးနောက် မန္တလေးမြို့သို့ ရောက်ရှိလာသည့် တစ်ခုတည်းသော အပြည်ပြည်ဆိုင်ရာ ကူးစက်ရောဂါကာကွယ်ရေးအဖွဲ့ ဖြစ်ကြောင်း၊ တရုတ်နိုင်ငံ၏ အင်တိုက်အားတိုက် ပံ့ပိုးမှုများအတွက် ကျေးဇူးတင်ရှိကြောင်း ပြောကြားခဲ့သည်။

တရုတ်နိုင်ငံ ရောဂါထိန်းချုပ်ရေးနှင့် ကာကွယ်ရေးဦးစီးဌာန သက်ဆိုင်ရာ တာဝန်ရှိသူက ယခုအကြိမ် မြန်မာနိုင်ငံသို့ သွားရောက်အကူအညီပေးခြင်းသည် တရုတ်နိုင်ငံ ရောဂါထိန်းချုပ်ရေးနှင့် ကာကွယ်ရေးဦးစီးဌာန ထူထောင်ပြီးချိန်မှစ၍ ပထမအကြိမ် ပြည်ပသို့သွားရောက်ကူညီပေးသော ကျန်းမာရေးဆိုင်ရာမစ်ရှင်ဖြစ်ကြောင်း၊ အဖွဲ့ဝင်များသည် လူသားမျိုးနွယ် ကျန်းမာရေးကဏ္ဍ အေးအတူ ပူအမျှ အသိုက်အဝန်း၏ အတွေးအခေါ်ကို လက်တွေ့လှုပ်ရှားမှုဖြင့် ဖော်ဆောင်ခဲ့ရာ တရုတ်နိုင်ငံ ရောဂါကာကွယ်ထိန်းချုပ်ရေးအဖွဲ့၏ ပေးဆပ်လိုမှုစိတ်ဓာတ်ကို ပြသခဲ့သလို တရုတ်နိုင်ငံ၏ တာဝန်သိစိတ်ကို အထင်အရှားပြသခဲ့ကြောင်း ပြောကြားခဲ့သည်။
တရုတ်နိုင်ငံ၏ အတွေ့အကြုံနှင့် နည်းပညာအား မျှဝေမှု၊ သက်ဆိုင်ရာကဏ္ဍ ပံ့ပိုးမှုများမှတစ်ဆင့် ငလျင်ဒဏ်သင့်ဒေသ၌ ကူးစက်ရောဂါများ ကပ်ရောဂါအသွင် ကူးစက်ဖြစ်ပွားနိုင်မှုအန္တရာယ်ကို ထိရောက်စွာ လျှော့ချခဲ့ကြောင်း ၎င်းက ဆိုသည်။

တောတောင်ရေမြေချင်း ဆက်စပ်နေသည့် ခေတ်အဆက်ဆက် အိမ်နီးချင်း၏ ဆွေမျိုးပေါက်ဖော်ချစ်ကြည်ရေးသည် အခက်ကြုံလျှင် အပြန်အလှန်အကူအညီပေးကြစမြဲပင် ဖြစ်သည်။ မြန်မာနိုင်ငံ ကျန်းမာရေးဝန်ကြီးဌာန မန္တလေးခရိုင် တိုးချဲ့/ကူးစက်အဖွဲ့ခေါင်းဆောင် ဆရာဝန် ဒေါက်တာဝင်းလှိုင်ဖြိုးက “တရုတ်ကူးစက်ရောဂါကာကွယ်ရေးအဖွဲ့က ကျန်းမာရေးဆိုင်ရာ ကူးစက်ရောဂါ ကာကွယ်ရေးလုပ်ငန်းတွေ လုပ်ဆောင်ရာမှာ စည်းစနစ်တကျရှိပြီး ရလဒ်တွေ သိသာထင်ရှားပါတယ်။ နှစ်နိုင်ငံ ကျန်းမာရေးကဏ္ဍ ပူးပေါင်းဆောင်ရွက်မှုကိုလည်း မြှင့်တင်ပေးတယ်” ဟု ပြောကြားခဲ့သည်။ (Xinhua)

———————-
(Chinese Version)
留下一支“不走的防疫队”——中国防疫队援缅纪实
新华社昆明5月18日电　题：留下一支“不走的防疫队”——中国防疫队援缅纪实 　　新华社记者岳冉冉、顾天成
5月18日中午，中国政府援缅卫生防疫队圆满完成任务，从昆明长水国际机场入境回国。当队员们手举国旗，走出舱门时，停机坪爆发出热烈的掌声。
3月，缅甸发生7.9级地震，造成大量人员伤亡。中国第一时间派出救援力量，提供14批紧急人道主义物资，在安置、赈济等各方面为缅方扶危济困。
“大灾后防大疫”，重大自然灾害后的疫病防范是关键之举。作为中国对缅甸紧急人道主义救灾援助的重要部分，中国政府援缅卫生防疫队4月19日从昆明奔赴地震重灾区曼德勒省，开展为期1个月的灾后卫生防疫工作。
中国政府援缅卫生防疫队领队、国家疾控局应急处置司副司长陈雷介绍，在曼德勒工作期间，防疫队开展了现场调查、病媒生物监测、环境消杀、采样检测、健康教育和心理调节等工作，对4个灾民重点安置点开展5轮评估调查，并指导开展中国援助的68万剂霍乱疫苗免疫接种工作。
天灾无情，人间有爱。
“每当看到中国防疫队的身影，我们感到安心，感到非常有力量。”曼德勒灾民的真挚话语，道出了对中国卫生救援力量的信任。
“当我们穿着印有‘中国卫生’的制服，穿梭在安置点各帐篷时，当地的百姓都会双手合十，面带微笑地说，‘谢谢你们来帮助我们’，每当听到这些话，我们既温暖又自豪。”队员王跃兵说。
中缅两国山水相连，具有深厚的胞波情谊。
在异国他乡，语言不通容易成为障碍，但这次，翻译问题没有成为困扰。当地公益组织联系了不少精通中、缅、英三语的志愿者给防疫队帮忙。
防疫队到达缅甸不久，安置点就有个“地震宝宝”出生，队员们常去探望这对母子，不仅帮孩子体检，还给母亲做心理疏导。返程前，大家去道别，“母亲恢复得好，小朋友也长得壮，看着他们，我既感叹灾难的无情，也感叹生命的伟大。我同那位母亲说，一切都会好起来的，孩子就是未来、家就是希望。”队员张怡雯说。
“前几天，我们最后一次去安置点，在得知我们即将回国时，两位当地母亲流下了眼泪，和我们拥抱在一起。”王跃兵湿了眼角。
去缅甸前，“胞波情深、守望相助”是横幅上的一段文字，一个月后，这句话已深深烙在了队员们心中。
投我以木桃，报之以琼瑶。缅甸民众真挚的情谊，深深打动了防疫队，也激励了他们更好地完成防疫任务。
在缅期间，防疫队遇上了持续高温，队员们需要在44摄氏度的户外工作，加上蚊虫肆虐、余震频发、频繁断电，给工作带来了严峻挑战，“这些不利因素没有影响我们，队伍最终实现了‘打胜仗、零伤亡’的目标。”陈雷说。
授人以鱼，也要授人以渔。为帮助缅方迅速掌握环境消杀、实验室检测等核心技术，中国防疫队通过理论培训、现场教学，培训缅方公共卫生专业人员105人，并帮助缅方制定了13份灾后卫生防疫技术文件，涵盖供水安全、疾病防控等关键领域。离缅前，防疫队将全部检测试剂、消杀设备及物资捐赠当地，为缅方提供了长效技术支撑。
“我们的目标是，在缅甸留下一支‘不走的防疫队’。”陈雷说。
缅甸曼德勒省首席部长苗昂说，中国防疫队是缅甸震后唯一一支抵达曼德勒省的国际卫生防疫队，感谢中方大力支持。
国家疾控局相关负责人说，此次援缅是国家疾控局成立以来开展的首次援外任务，防疫队队员用实际行动践行人类卫生健康共同体的理念，展现了中国疾控队伍的奉献精神，彰显了中国担当。通过分享中国经验和技术、提供相关支持，有效降低了灾区传染病疫情暴发流行风险。
山水相连，世代比邻；胞波情谊，有难相助。缅甸卫生部曼德勒流行病学部门团队负责人温莱漂说：“中国防疫队开展卫生防疫工作井然有序、成效显著，促进了两国卫生领域的合作。”（完）
1. 5月18日，工作人员在昆明长水国际机场为中国政府援缅卫生防疫队队员献花。新华社发（彭奕凯摄）