ကိုင်ရို၊ ဇူလိုင် ၂၉ ရက် (ဆင်ဟွာ) အီဂျစ်နိုင်ငံ တရားရုံးတစ်ခု က မတရားအသင်းတစ်ခုဖြစ်သည့် မွတ်စလင်ညီနောင်များအဖွဲ့မှ အဖွဲ့ဝင် ၇၅ဦးကို အကြမ်းဖက်မှု နှင့် လူသတ်မှုစွဲချက်များဖြင့် ဇူလိုင် ၂၈ ရက် တွင် သေဒဏ်ချမှတ်ခဲ့ကြောင်း နိုင်ငံပိုင် MENA သတင်းဌာနကဖော်ပြခဲ့သည်။
ဂျိုဟမ်နက်စ်ဘာ့ဂ် ၊ ဇူလိုင် ၂၆ ရက်(ဆင်ဟွာ) တရုတ်နိုင်ငံသမ္မတရှီကျင့်ဖိန်သည် ဇူလိုင်၂၅ ရက်တွင်ပြုလုပ်သည့် BRICS စီးပွားရေးဖိုရမ် ဖွင့်ပွဲအခမ်းအနား၌ မိန့်ခွန်းပြောကြားရာတွင် ကုန်သွယ်ရေးစစ်ပွဲသည် မည်သူ့အတွက်မှ အကျိုးမရှိသောကြောင့် မဖြစ်ပွားသင့်ကြောင်း ပြောကြားခဲ့သည်။(Xinhua)
ဂျိုဟမ်နက်စ်ဘာ့ဂ် ၊ ဇူလိုင် ၂၆ ရက်(ဆင်ဟွာ) တရုတ်နိုင်ငံသမ္မတရှီကျင့်ဖိန်သည် ဇူလိုင်၂၅ ရက်တွင်ပြုလုပ်သည့် BRICS စီးပွားရေးဖိုရမ် ဖွင့်ပွဲအခမ်းအနား၌ မိန့်ခွန်းပြောကြားရာတွင် တရုတ်နိုင်ငံအနေဖြင့် ဈေးကွက်တံခါးဖွင့်ခြင်း နှင့် လွတ်လပ်သော ကုန်သွယ်မှုကို အပြည့်အဝထောက်ခံအားပေးကြောင်း ၊ BRICS အဖွဲ့ဝင်နိုင်ငံများအားလုံးသည် နိုင်ငံတကာ စံချိန်စံနှုန်းများနှင့်အညီ အကျိုးတူပူးပေါင်းဆောင်ရွက်ရန်လိုအပ်ကြောင်းထည့်သွင်းပြောကြားခဲ့သည်။(Xinhua)
ချီကာဂို ၊ ဇူလိုင်၂၉ ရက်(ဆင်ဟွာ) အမေရိကန်နိုင်ငံ မီချီဂန်ပြည်နယ် အနောက်တောင်ပိုင်းရှိ မိုတယ်တစ်ခု၌ ဇူလိုင် ၂၈ ရက် နံနက်ပိုင်းက မီးလောင်မှုဖြစ်ပွားခဲ့ရာ အမျိုးသမီး ၁ဦးနှင့် ၎င်း၏ ကလေးငယ် ၅ ဦး သေဆုံးခဲ့ကြောင်း သိရသည်။
ပေါ့တ်လူးဝစ္စစ်၊ ဇူလိုင် ၂၉ ရက် (ဆင်ဟွာ) တရုတ်နိုင်ငံ နိုင်ငံတော်ကောင်စီဝင် နှင့် နိုင်ငံခြားရေးဝန်ကြီး ဝမ်ရိ က တရုတ်နိုင်ငံ သမ္မတ ရှီကျင့်ဖိန် ၏ မောရစ်သျှခရီးစဉ်သည် နှစ်နိုင်ငံ ဆက်ဆံရေး သမိုင်းတွင် မှတ်ကျောက်တိုင်တစ်ခု ဖြစ်ကြောင်း ဇူလိုင် ၂၈ ရက်ကပြောကြားခဲ့သည်။
