Hot Q&A ｜ဂျာမနီက ကုန်းကြောင်းနယ်စပ်စစ်ဆေးရေးဂိတ်များ ပြန်လည်စတင်ခြင်းက ကွင်းဆက်တန်ပြန်မှုကိုဖြစ်ပေါ်စေမည်လား

ဘာလင်၊ စက်တင်ဘာ ၁၇ ရက် (ဆင်ဟွာ)

ဂျာမနီနိုင်ငံသည် စက်တင်ဘာ ၁၆ ရက်မှစတင်၍ ပြင်သစ်၊ လူဇင်ဘတ်၊ နယ်သာလန်စသည့် နိုင်ငံများနှင့် နယ်စပ်ဂိတ်များတွင် နိုင်ငံကူးလက်မှတ် သို့မဟုတ် မှတ်ပုံတင်စာရွက်စာတမ်းစစ်ဆေးခြင်းများ လုပ်ဆောင်ခဲ့ပြီး စစ်ဆေးခံရသူအချို့ကိုပြည်ဝင်ခွင့် ငြင်းပယ်ခဲ့သည်။ ဤအစီအမံ၏ အကောင်အထည်ဖော်မှုကာလကို ၆ လအဖြစ် ယာယီသတ်မှတ်ထားသည်။ ဂျာမနီက နယ်စပ်ထိန်းချုပ်မှုကို အဘယ်ကြောင့်တင်းကျပ်လာသနည်း။ အိမ်နီးချင်းနိုင်ငံများက မည်သို့တုံ့ပြန်ကြသနည်း။ ဂျာမနီ၏ ဤလုပ်ဆောင်မှုသည် “ရှင်ဂန် (Schengen) သဘောတူညီချက်” ကို အဆုံးသတ်မည့် အဓိပ္ပါယ်ကို ဖော်ဆောင်နေခြင်း ဖြစ်သလော။
ဂျာမနီက နယ်စပ်ထိန်းချုပ်မှုကို အဘယ်ကြောင့် တင်းကျပ်လာသနည်း

ဤအစီအမံကို လုပ်ဆောင်ရခြင်းသည် ပုံမှန်မဟုတ်သော လူဝင်မှုကြီးကြပ်ရေးကို ကန့်သတ်ရန်၊ ဖြစ်နိုင်ခြေရှိသော အကြမ်းဖက်ခြိမ်းခြောက်မှုများနှင့် နယ်စပ်ဖြတ်ကျော်ရာဇ၀တ်မှု စသည့်ပြသနာများကို တုံ့ပြန်ရန်နှင့် ဂျာမနီနိုင်ငံ၏ လုံခြုံရေးကို ကာကွယ်ရန် ဖြစ်ကြောင်း ဂျာမနီအစိုးရက ဖော်ပြခဲ့သည်။

လက်တလော ဂျာမနီတွင် ရွှေ့ပြောင်းနေထိုင်သူများနှင့်ပတ်သက်သည့် အကြမ်းဖက် ရာဇ၀တ်မှုအများအပြားဖြစ်ပွားခဲ့သည်။ ဩဂုတ် ၂၃ ရက် North Rhine-Westphalia ပြည်နယ် ဆိုလင်ဂမ်မြို့ တည်ထောင်ခြင်း နှစ် (၆၅၀) ပြည့်အထိမ်းအမှတ် အခမ်းအနား၌ ဓားဖြင့် တိုက်ခိုက်မှု ဖြစ်ပွားခဲ့ရာ လူ ၃ ဦးသေဆုံး၍ လူအများအပြား ဒဏ်ရာရရှိခဲ့ရာ ပြစ်မှုကျူးလွန်သူဟု သံသယရှိသူမှာ ဆီးရီးယားနိုင်ငံမှ ရွှေ့ပြောင်းနေထိုင်သူ တစ်ဦးဖြစ်သည်။ အဆိုပါဖြစ်ရပ်ကို “ကျွန်ုပ်တို့အားလုံးကိုပစ်မှတ်ထားသော အကြမ်းဖက်ဝါဒ” ဟုခေါ်ဆိုပြီး ဂျာမနီနိုင်ငံအနေဖြင့် ပုံမှန်မဟုတ်သော ပြည်ပရွှေ့ပြောင်းနေထိုင်သူများကို ကြိုးစားလျှော့ချရမည်ဖြစ်သလို ပုံမှန်မဟုတ်သော ရွှေ့ပြောင်းနေထိုင်သူများ နှင်ထုတ်ခြင်းဆိုင်ရာလုပ်ထုံးလုပ်နည်းများကို တင်းတင်းကျပ်ကျပ်ဆောင်ရွက်ရမည်ဟု ဂျာမန်နိုင်ငံ ဝန်ကြီးချုပ် Scholz က ပြောကြားခဲ့သည်။
ယခင်က ဂျာမနီသည် နယ်စပ်ဒေသအချို့တွင် ယာယီထိန်းချုပ်မှုအစီအမံများကို လုပ်ဆောင်ခဲ့ပြီး ဖြစ်သည်။ ပြီးခဲ့သည့်နှစ်အောက်တိုဘာလကတည်းက ဩစတြီးယား၊ ချက်သမ္မတနိုင်ငံ၊ ပိုလန်နှင့် ဆွစ်ဇာလန်တို့၏ နယ်စပ်ဂိတ်များတွင် စစ်ဆေးမှုများပြုလုပ်ရာ၌ ဂျာမနီပြည်တွင်းဝင်ရောက်သူ ၃၀,၀၀၀ ကျော်ကို  ငြင်းပယ်ခဲ့ပြီးဖြစ်ကြောင်း ဂျာမန် ပြည်ထဲရေးနှင့် မြေယာဝန်ကြီးဌာနက ပြောကြားခဲ့သည်။

ဂျာမနီ၏ နယ်စပ်ထိန်းချုပ်မှုများ တင်းကျပ်ခြင်းသည် ပြည်တွင်းနိုင်ငံရေးအရ ထည့်သွင်းစဉ်းစားမှုကြောင့်လည်းဖြစ်သည်ဟု လေ့လာသုံးသပ်သူများက ထင်မြင်ကြသည်။ တစ်ဖက်တွင် လက်ရှိ Scholz ဦးဆောင်သော ဂျာမန်အာဏာရညွန့်ပေါင်းအဖွဲ့၏ စုစုပေါင်း ထောက်ခံမှုနှုန်းသည် ၃၀ ရာခိုင်နှုန်းပင် မပြည့်ခဲ့ရာ လာမည့်နှစ် ဂျာမန် Bundestag လွှတ်တော်ရွေးကောက်ပွဲအတွက် အချိန်မှာ ၁ နှစ်ပင် မကျန်တော့သဖြင့် လက်ရှိအာဏာရ ညွန့်ပေါင်းအဖွဲ့သည် ပိုမိုများပြားသောဖိအားများနှင့် ရင်ဆိုင်နေရသည်။
အခြားတစ်ဖက်တွင် လက်ယာစွန်းပါတီ၏ အော်တာနေးတစ်ဖော်ဂျာမနီပါတီက ယခုလမှစ၍ လူဝင်မှုကြီးကြပ်ရေးဆိုင်ရာကိစ္စရပ်များတွင် ကွန်ဆာဗေးတစ်ဝါဒီ သဘောထားကို လက်ခံခဲ့ပြီး မဲဆွယ်စည်းရုံးရေး ဆောင်ပုဒ်အဖြစ် အသုံးပြုကာ Thuringia ပြည်နယ် ပါလီမန်ရွေးကောက်ပွဲတွင် အနိုင်ရခဲ့သည်။ ရွေးကောက်ပွဲ ကျင်းပတော့မည့် Brandenburg ပြည်နယ်တွင်လည်း လူဝင်မှုကြီးကြပ်ရေးကိစ္စရပ်သည် မဲဆန္ဒရှင်များအစိုးရိမ်ဆုံး ဆွေးနွေးနေကြသောပြဿနာများထဲမှ တစ်ခုဖြစ်သည်။
ဂျာမနီနိုင်ငံ DIE WELT သတင်းစာ၏ စစ်တမ်းတစ်ခုတွင် ဖြေဆိုသူ ၄၄ ရာခိုင်နှုန်းခန့်က “တရားမ၀င်ရွှေ့ပြောင်းနေထိုင်သူများနှင့် ဒုက္ခသည်များသည် ဂျာမနီရင်ဆိုင်နေရသော အရေးတကြီး ပြဿနာများဖြစ်သည်”၊ ဖြေဆိုသူ ၇၇ ရာခိုင်နှုန်းခန့်ကမူ “ဂျာမနီနိုင်ငံအနေဖြင့် ခိုလှုံခွင့်မူဝါဒကို ပြောင်းလဲရန်လိုအပ်သည်”ဟု ဖြေကြားခဲ့ကြောင်း ဖော်ပြထားသည်။
အိမ်နီးချင်းနိုင်ငံများက မည်သို့တုံ့ပြန်ကြသနည်း
ဂျာမနီမှ နယ်စပ်ထိန်းချုပ်မှုကို ပြန်လည်စတင်ကြောင်း ကြေညာပြီးနောက် အိမ်နီးချင်းနိုင်ငံများ၏ သဘောထားမှာ မတူညီကြဘဲ ဆန့်ကျင်သူ ပိုလန်၏ သဘောထားမှာ အပြင်းထန်ဆုံးဖြစ်သည်။ ဂျာမနီနိုင်ငံ၏ ဤလုပ်ရပ်သည် ရှင်ဂန်နိုင်ငံများကြား လွတ်လပ်စွာ သွားလာလှုပ်ရှားမှုကို ကျယ်ကျယ်ပြန့်ပြန့် အတိုင်းအတာတစ်ခုအထိ ရပ်ဆိုင်းသွားမည်ဖြစ်ရာ ဤကဲ့သို့ အရင်ဆုံး လူတိုင်းအတွက် တံခါးမကြီးကို ဖွင့်ပေးလိုက်ပြီး ရုတ်တရက် ပြန်ပိတ်လိုက်ခြင်းသည် အစွန်းတစ်ဖက်မှ အခြားအစွန်းတစ်ဖက်သို့သွားခြင်းဖြစ်ပြီး မလုပ်သင့်ကြောင်း မကြာသေးမီရက်များက ပြုလုပ်သော ပိုလန်နိုင်ငံရှိ နိုင်ငံခြားသံတမန်များ အစည်းအဝေးတွင် ပိုလန်နိုင်ငံ ဝန်ကြီးချုပ် Donald Tusk က ပြောကြားခဲ့သည်။ အဆိုပါကိစ္စရပ်နှင့် ပတ်သက်၍ ဥရောပသမဂ္ဂအဖွဲ့အတွင်း အရေးပေါ် ညှိနှိုင်းမှုများ ပြုလုပ်ရန် Tusk က တိုက်တွန်းခဲ့သည်။

ယခုနှစ် ဇွန်လတွင် ဂျာမနီသည် ပိုလန်ဘက်မှ သဘောတူညီချက်မရရှိသေးသော အခြေအနေတွင် ပိုလန်နိုင်ငံမှ ဝင်ရောက်သော ပုံမှန်မဟုတ်သော ရွှေ့ပြောင်းနေထိုင်သူတစ်စုကို ပိုလန်သို့ပြန်ပို့ခဲ့ရာ ပိုလန်၏ မကျေနပ်မှုများ ဖြစ်ပေါ်ခဲ့သည်။ ဂျာမနီ၏လုပ်ရပ်များသည် “လက်ခံနိုင်စရာမရှိ” ကြောင်း၊ အကယ်၍ ဂျာမန်အစိုးရက နောက်ဆုံးတွင် ကုန်းကြောင်းနယ်စပ်ထိန်းချုပ်မှုများ ပြန်လည်လုပ်ဆောင်ရန် ဆုံးဖြတ်ပါက ပိုလန်မှ ဂျာမနီသို့ဝင်ရောက်ရန် ကြိုးစားနေသော ဒုက္ခသည် အများအပြားသည် ပိုလန်တွင် သောင်တင်နေမည်ဖြစ်ကာ နှစ်နိုင်ငံကြား“ ရှောင်ရှား၍မရသည့် ပြင်းထန်သော နိုင်ငံရေး အငြင်းပွားမှု ပေါ်ပေါက်လာမည်” ဟု ဆိုလိုကြောင်း ယင်းမတိုင်မီ Tusk က ပြောကြားခဲ့သည်။
သြစတြီးယားနိုင်ငံသည်လည်း မကြာသေးမီနှစ်များအတွင်း ပုံမှန်မဟုတ်သော ရွှေ့ပြောင်းနေထိုင်မှုပြဿနာကြောင့် အလွန်အနှောင့်အယှက်ဖြစ်ခဲ့သည်။ လက်ရှိတွင် သြစတြီးယားနိုင်ငံသည် ဆလိုဗက်ကီးယား၊ ချက်သမ္မတနိုင်ငံ၊ ဆလိုဗေးနီးယား၊ ဟန်ဂေရီတို့နှင့် ထိစပ်နေသော နယ်စပ်မျဉ်းများတွင် စစ်ဆေးရေးဂိတ်များ ထားရှိခဲ့သည်။ ထို့အပြင် ဩစတြီးယားအမျိုးသားလွှတ်တော် ရွေးကောက်ပွဲကို ယခုလကုန်တွင် ကျင်းပတော့မည် ဖြစ်ပြီး ပုံမှန်မဟုတ်သော ရွှေ့ပြောင်းနေထိုင်သူများနှင့် ဒုက္ခသည်များဆိုင်ရာ ပြဿနာများသည် မဲဆန္ဒရှင်များအစိုးရိမ်ရဆုံး ဆွေးနွေးနေကြသော ပြဿနာများအနက် တစ်ခုဖြစ်သည်။
ဂျာမနီ၏ လုပ်ရပ်ကို ကြိုဆိုကြောင်း၊ သြစတြီးယားနိုင်ငံနှင့်အလားတူသည့် နယ်စပ်ထိန်းချုပ်မှုနှင့် ပုံမှန်မဟုတ်သောရွှေ့ပြောင်းနေထိုင်သူများအား နှင်ထုတ်ခြင်း အစီအမံ လုပ်ဆောင်ခြင်းကို ထောက်ခံကြောင်း သြစတြီးယားနိုင်ငံဝန်ကြီးချုပ် Karl Nehammer က စက်တင်ဘာ ၁၁ ရက်၌ ပြောကြားခဲ့သည်။ သို့သော်လည်း သြစတြီးယား-ဂျာမနီနယ်စပ်တွင် ဂျာမနီက ပြည်ဝင်ခွင့် ငြင်းပယ်ခံရပြီး နေရပ်သို့ပြန်ပို့ခံရသူများအား သြစတြီးယားနိုင်ငံအနေဖြင့် လက်ခံတော့မည်မဟုတ်ကြောင်း သြစတြီးယားပြည်ထဲရေးဝန်ကြီး Gerhard Karner က မီဒီယာများအား ပြောကြားခဲ့သည်။
နယ်သာလန် အစိုးရအနေဖြင့် ဂျာမနီနိုင်ငံ၏ လုပ်ရပ်ကို အတုယူသင့်ပြီး နယ်စပ်ထိန်းချုပ်မှုများ အားကောင်းလာစေရန်လုပ်ဆောင်သင့်ကြောင်း နယ်သာလန် လေးပါတီ အာဏာရ ညွန့်ပေါင်းအဖွဲ့ မှ အဓိက ပါတီကြီး နှစ်ခု၏ ခေါင်းဆောင်များက ပြောကြားခဲ့သည်။ အစိုးရအနေဖြင့် အလားတူအစီအမံများကို အမြန်ဆုံးဆောင်ရွက်ရန် လစ်ဘရယ်ပါတီ ခေါင်းဆောင် Geert Wilders က တိုက်တွန်းခဲ့သည်။
“ရှင်ဂန်သဘောတူညီချက်” အဆုံးသတ်တော့မည်လော
ရှင်ဂန်သဘောတူညီချက်အရ ရှင်ဂန်ဒေသရှိ နိုင်ငံများကြားတွင်လူနှင့်ကုန်ပစ္စည်းများ လွတ်လပ်စွာ ရွှေ့ပြောင်းသွားလာခြင်းကို အကောင်အထည်ဖော်ဆောင်ရွက်သည်။ နိုင်ငံ ၉ နိုင်ငံနှင့် နယ်နိမိတ်ချင်းထိစပ်ပြီး ဥရောပတွင် ပထဝီဝင်နှင့် စီးပွားရေးအရ အရေးပါသော နိုင်ငံတစ်ခုဖြစ်သည့် ဂျာမနီသည် နယ်စပ်ထိန်းချုပ်မှုများ တင်းကျပ်ခြင်း အစီအမံအား ကြေညာပြီးနောက် ဥရောပအတွင်းတွင် “ရှင်ဂန်သဘောတူညီချက်အဆုံးသတ်တော့မည်” ဟူသော အဆိုးမြင်ပြောဆိုမှုများရှိခဲ့ရာ ဤလုပ်ဆောင်မှုကြောင့် ကုန်သွယ်မှု၊ အပြန်အလှန်သွားလာဆက်ဆံရေးစသည်တို့တွင် အပျက်သဘောဆောင်သော သက်ရောက်မှုများရှိလာပြီး ဒေသတွင်းစီးပွါးရေးတိုးတက်မှုအပေါ် ခြိမ်းခြောက်မည်ကို စိုးရိမ်ပူပန်ခဲ့ကြသည်။

ဂျာမနီ၏ ဤလုပ်ရပ်သည် အိမ်နီးချင်းနိုင်ငံများအား စိုးရိမ်မှုဖြစ်စေနိုင်ပြီး အချို့နိုင်ငံများက “ဒိုမီနိုအကျိုးသက်ရောက်မှု (Domino effect)” ဖြစ်ပေါ်မည်ကို စိုးရိမ်နေကြကြောင်း ပြင်သစ်နိုင်ငံ “Les Echos” က သတင်းထုတ်ပြန်ခဲ့သည်။ နယ်စပ်ထိန်းချုပ်မှုများကို ပြန်လည်စတင်ခြင်းသည် နှစ်ပေါင်းများစွာကြာအောင် တည်ရှိနေသည့် လူများနှင့် ကုန်စည်များ လွတ်လပ်စွာသွားလာမှုကို ပျက်စီးနိုင်ကြောင်း သိရသည်။

ပြင်သစ်နှင့် နယ်သာလန်စသည့် နိုင်ငံများသည် ဂျာမနီ၏ လုပ်ဆောင်မှုအတိုင်း အတုယူနိုင်ပြီး “လက်တွေ့ကျသောနိုင်ငံရေး၊ ရေတိုဝါဒနှင့် နိုင်ငံတော်အကျိုးစီးပွားများသည် ဥရောပသမဂ္ဂနှင့် နိုင်ငံ၏ နိုင်ငံရေး လုပ်ငန်းစဉ်များကို လွှမ်းမိုးလိမ့်မည်” ဟု ဥရောပမူဝါဒစင်တာမှ အကြီးတန်း မူဝါဒလေ့လာသုံးသပ်သူ Alberto-Horst Neidhardt က ယူဆခဲ့သည်။

နယ်သာလန် သယ်ယူပို့ဆောင်ရေးနှင့် ထောက်ပံ့ပို့ဆောင်ရေးလုပ်ငန်းအသင်းက ဂျာမနီ၏ ဤလုပ်ရပ်သည် ကုန်သွယ်မှုအား အပျက်သဘောဆောင်သော သက်ရောက်မှုများ ရှိနိုင်သည်ကို စိုးရိမ်နေပြီး အလားတူ အစီအမံများကြောင့် ကပ်ရောဂါကာလနှင့် အဓိကအကြီးစားယှဉ်ပြိုင်မှုကာလအတွင်း ထောက်ပံ့ရေးကွင်းဆက်အပေါ် ဆိုးရွားစွာ သက်ရောက်မှုရှိခဲ့ဖူးကြောင်း ထောက်ပြခဲ့သည်။
ဂျာမနီ၏ ဤလုပ်ရပ်သည် ရှင်ဂန်ဒေသတွင် လွတ်လပ်စွာသွားလာခြင်း အခြေခံမူနှင့် မကိုက်ညီသော်လည်း လက်ရှိတွင် ရှင်ဂန် အဆုံးသတ်တော့မည်လောဟူသောကောက်ချက်ချရန်မှာ စောလွန်းနေသေး၍ အခြေအနေကို ထပ်မံစောင့်ကြည့်ရန် လိုအပ်သေးကြောင်း တရုတ်ခေတ်မီနိုင်ငံတကာဆက်ဆံရေး လေ့လာရေးဌာနမှ လက်ထောက် သုတေသီ လျှိုချိန်က ယူဆပေသည်။ (Xinhua)

ပိုလန်နှင့် နယ်နိမိတ်ချင်း ထိစပ်နေသော ဂျာမနီ အရှေ့ပိုင်းရှိ Frankfurt an der Oder မြို့တွင် ဂျာမနီနှင့် ပိုလန်နယ်စပ်တွင် တာဝန်ကျနေသော ရဲတပ်ဖွဲ့ဝင်များအား စက်တင်ဘာ ၁၀ရက်က တွေ့ရစဉ် (ဆင်ဟွာ)

…………………………………
(Chinese Version)
热点问答｜德国重开陆地边检会引发连锁反应吗
新华社柏林9月16日电 德国自16日起在同法国、卢森堡、荷兰等国边境口岸实施护照或身份证件检查，可拒绝部分受检人员入境。该措施暂定实施期限为6个月。德国为何收紧边境管控？邻国反应如何？德国这一做法是否意味着《申根协定》将走向终结？
德国为何加强边境管控
德国政府表示，实施这一措施是为了限制非正常移民、应对潜在的恐怖主义威胁和跨境犯罪等问题，以保护德国的安全。
德国近期发生多起与移民相关的暴力犯罪事件。8月23日，北莱茵-威斯特法伦州索林根市建城650周年庆祝活动上发生一起持刀袭击事件，造成3人死亡、多人受伤，嫌疑人为来自叙利亚的移民。德国总理朔尔茨称该事件为“针对我们所有人的恐怖主义”，并表示德国必须继续努力减少非正常移民，并严格执行非正常移民的驱逐程序。
德国此前已在部分边境地区实施临时管制措施。德国内政与国土部说，自去年10月以来，在与奥地利、捷克、波兰和瑞士边境口岸开展的检查中，已有超过3万人被拒绝入境德国。
分析人士认为，德国收紧边境管控也出于国内政治考量。一方面，当前朔尔茨领导的德国执政联盟总支持率不足30%。距明年德国联邦议院选举只剩不到一年，执政联盟面临越来越大的压力。另一方面，本月初，极右翼政党德国选择党凭借在移民等议题上的保守倾向口号，赢得图林根州议会选举。在即将举行选举的勃兰登堡州，移民问题同样是选民最关注的议题之一。
德国《世界报》一项民调显示，约44%的受访者表示“非法移民和难民是德国面临的最紧迫问题”，约77%的受访者表示“德国需要改变庇护政策”。
邻国作何反应
德国宣布恢复边境管控后，邻国态度不一，反对者中波兰的态度尤为强烈。波兰总理图斯克日前在波兰驻外使节会议上说，德国此举意味着申根国家间的自由流动将大规模暂停，这种先向所有人敞开大门，然后突然将大门关闭的做法，是从一个极端走到另一个极端，并不可取。图斯克呼吁欧盟内部就这一问题进行紧急磋商。
今年6月，德国在未经波兰方面同意的情况下将一批自波兰入境的非正常移民遣返波兰，引发波方不满。图斯克此前表示，德方的做法“不可接受”。如果德国政府最终决定恢复陆路边境管控，意味着大批试图从波兰入境德国的难民将滞留在波兰，两国间“将不可避免出现一场严重的政治争端”。
奥地利近年来也深受非正常移民问题的困扰。目前，奥地利在与斯洛伐克、捷克、斯洛文尼亚和匈牙利的边境线上都设置了检查站。此外，奥地利国民议会选举将于本月底举行，非正常移民和难民问题也是选民最关注的议题之一。
奥地利总理内哈默11日表示欢迎德方的做法，支持德国采取与奥地利相似的边境管控和驱逐非正常移民措施。不过，奥地利内政部长卡纳对媒体表示，奥地利将不会接收在奥德边境被德方拒绝入境并遣返的人员。
荷兰四党执政联盟中两大政党的领导人表示，荷兰政府应效仿德国的做法，加强边境管控。自由党领导人维尔德斯呼吁政府迅速行动，实施类似措施。
《申根协定》会否走向终结
根据《申根协定》，申根区国家之间实行人员和货物自由往来。作为与9个国家接壤的欧洲地理和经济要地，德国宣布收紧边境管控措施后，欧洲内部出现“《申根协定》走向终结”的悲观论调，担心此举会对贸易、人员往来等带来负面影响，威胁地区经济增长。
法国《回声报》报道说，德国此举可能会让邻国感到担忧，一些国家担心会出现“多米诺骨牌效应”。恢复边境管控可能会破坏多年来实行的人员和货物自由流动。
欧洲政策中心高级政策分析师阿尔贝托-霍斯特·奈德哈特认为，法国、荷兰等国可能效仿德国，“现实政治、短期主义和国家利益将席卷欧盟和国家政治议程”。
荷兰运输及物流行业协会担忧德国此举可能对贸易造成负面影响，指出类似措施在疫情期间和重大赛事期间曾对供应链造成严重影响。
中国现代国际关系研究院助理研究员刘晨认为，德国此举不符合申根区自由流动的原则，但目前判断申根是否终结为时过早，还需进一步观察事态具体走势。（完）
图说1：9月10日，在德国东部与波兰接壤的城市奥得河畔法兰克福，警察检查进入德国的车辆。新华社记者任鹏飞摄
图说2：9月10日，在德国东部与波兰接壤的城市奥得河畔法兰克福，警察在德国和波兰边境执勤。新华社记者任鹏飞摄