ပါကစ္စတန်နိုင်ငံ၌ နေ့စဉ် COVID-19 ရောဂါကြောင့် သေဆုံးသူ အရေအတွက်မှာ ရောဂါစတင်ဖြစ်ပွားချိန်မှစ၍ အမြင့်ဆုံးရောက်ရှိ

အစ္စလာမ်မာဘတ် ၊ ဧပြီ ၂၅ ရက်(ဆင်ဟွာ)

ပါကစ္စတန်နိုင်ငံ၌ ပြီးခဲ့သော ၂၄ နာရီအတွင်း COVID-19 ရောဂါကြောင့် သေဆုံးသူ ၁၅၇ ဦး ရှိခဲ့ရာ ပြီးခဲ့သော ၂၀၂၀ ပြည့်နှစ် ဖေဖော်ဝါရီလနှောင်းပိုင်း ကပ်ရောဂါ စတင်ဖြစ်ပွားချိန်မှ စ၍ တစ်ရက်အတွင်း သေဆုံးသူ အရေအတွက် အမြင့်ဆုံး ရောက်ရှိလာခဲ့ကြောင်း ပါကစ္စတန်နိုင်ငံ အမျိုးသားလမ်းညွှန်မှု နှင့် စီမံခန့်ခွဲရေးဌာန(NCOC) မှ ထုတ်ပြန်သော အချက်အလက်များအရ သိရသည်။

ပါကစ္စတန်နိုင်ငံ၌ COVID-19 လူနာပေါင်း ၇၉၀,၀၁၆ ဦး စစ်ဆေးတွေ့ရှိခဲ့ပြီး ယခုထိ သေဆုံးသူပေါင်း ၁၆,၉၉၉ ဦး ရှိကာ ပြန်လည်သက်သာလာသူ ၆၈၆,၄၈၈ ဦး ရှိကြောင်း NCOC ထံမှ သိရသည်။ပါကစ္စတန်နိုင်ငံ ပြန်ကြားရေး နှင့် ရုပ်သံလွှင့် ဝန်ကြီး Fawad Chaudhry က ရောဂါပြန့်နှံ့မှု အမြင့်ဆုံး ရောက်ရှိခြင်းသည် ပြည်သူလူထု၏ ပေါ့ဆမှုကြောင့် ဖြစ်ကြောင်း ဧပြီ ၂၄ ရက် ညပိုင်းတွင် သတင်းထောက်များအား ပြောကြားခဲ့သည်။

ပြည်သူ ၈၀ ရာခိုင်နှုန်းသည် အစိုးရမှ ချမှတ်ထားသော လမ်းညွှန်မှုများအား လိုက်နာမှု မရှိကြောင်း နှင့် အဓိကမြို့ကြီးများတွင် ပိတ်ဆို့မှုများ ချမှတ်သင့်သော်လည်း ခေါင်းဆောင်ပိုင်းအနေဖြင့် အခွင့်အရေး မရှိကြောင်း ၎င်းက ပြောကြားခဲ့သည်။

“အကယ်လို့ လာမယ့်အပတ်မှာ COVID-19 ရောဂါ ဖြစ်ပွားမှုက ဆက်ပြီးမြင့်နေမယ်ဆိုရင် ကျွန်တော်တို့အနေနဲ့ ဘဏ္ဍာရေးဆိုင်ရာ ပူပန်မှုနဲ့ စီးပွားရေးဆိုင်ရာ ဆုံးရှုံးမှုတွေကို ဘေးဖယ်ထားပြီးတော့ လူတွေရဲ့အသက်ကို ကယ်တင်ဖို့ lockdown ချမှတ်သွားရပါမယ်။”ဟု ဝန်ကြီး Fawad Chaudhry က ပြောကြားခဲ့သည်။

ပါကစ္စတန်နိုင်ငံ စစ်တပ်သည် အစိုးရမှ ချမှတ်ထားသည့် စံလုပ်ထုံးလုပ်နည်းများ(SOPs) လိုက်နာမှုကို သေချာစေရန် တာဝန်ယူခဲ့ပြီး လာမည့်ရက်များတွင် ပြည်နယ်အစိုးရများအား ကူညီသွားမည် ဖြစ်ကြောင်း NCOC ထံမှ သိရသည်။

ဧပြီ ၂၄ ရက်တွင် ပြုလုပ်သော အစည်းအဝေးတွင် ပါကစ္စတန်နိုင်ငံ အမျိုးသားလမ်းညွှန်မှု နှင့် စီမံခန့်ခွဲရေးဌာန(NCOC) မှ အဖွဲ့ဝင်များသည် ရောဂါပြန့်နှံ့မှု မြင့်မားသည့် မြို့များတွင် အဆိုပြုထားသည့် ပိတ်ဆို့မှုများအပေါ် ဆွေးနွေးခဲ့ကြကြောင်း သိရသည်။

သက်ဆိုင်သူများအားလုံးအကြား သီးသန့်ဆွေးနွေးပြီးနောက် Lockdown ပြုလုပ်ရန် ဆုံးဖြတ်ခဲ့ကြောင်း ၊ ပိတ်ဆို့မှုများ၏ ရည်ရွယ်ချက်မှာ စံလုပ်ထုံးလုပ်နည်းများ(SOPs) အကောင်အထည်ဖော်မှုများမှတစ်ဆင့် ရောဂါပြန့်နှံ့မှုကို ထိန်းချုပ်ရန် ဖြစ်ကြောင်း NCOC မှ ထုတ်ပြန်ခဲ့သည်။

ပါကစ္စတန်နိုင်ငံ သိပ္ပံ နှင့် နည်းပညာ ဝန်ကြီး Shibli Faraz က လတ်တလောတွင် ဆေးရုံများအတွက် အောက်စီဂျင် အထောက်အပံ့သည် လုံလောက်ကြောင်း ၊ သို့သော် ကျန်းမာရေး ကဏ္ဍတွင် အောက်စီဂျင်ပြတ်လတ်မှု ကြုံတွေ့ရပါက ဆေးရုံများ၏ လိုအပ်ချက်ကို ဖြည့်ဆည်းရန် စက်မှုကဏ္ဍသို့ ထောက်ပံ့မှုများအား ရပ်ဆိုင်းသွားမည် ဖြစ်ကြောင်း ဧပြီ ၂၄ ရက် ညပိုင်းတွင် ပြောကြားခဲ့သည်။ (Xinhua)

———————————————
(English Version)

Daily COVID-19 death toll hits highest record since outbreak in Pakistan

ISLAMABAD, April 25 (Xinhua) — Pakistan registered 157 deaths of COVID-19 over the last 24 hours, making it the highest single-day death toll since the outbreak of the pandemic in the country in late February of last year, according to the statistics issued by the National Command and Operation Center (NCOC).

A total of 790,016 cases of the disease have been detected in the country so far out of which 16,999 died and 686,488 recovered, the NCOC said.
Pakistan’s Federal Minister for Information and Broadcasting Fawad Chaudhry told media on Saturday night that the peak in the spread of the disease is caused by the negligence of the public.

He said that 80 percent of the public is not following the guidelines set by the government and the leadership will have no chance but to impose lockdowns in major cities.
“If COVID-19 cases keep on rising next week, we have to put aside financial concerns and economic losses and have to impose lockdown to save the lives of people,” he said.

The Pakistani army took charge of the duty to ensure compliance of the standard operating procedures (SOPs) set by the government, and will also assist provincial governments in the coming days, the NCOC said.

In a meeting on Saturday, the NCOC members deliberated upon proposed lockdowns in high disease prevalence cities.
“Decision on lockdown will be taken after deliberate discussion amongst all stakeholders. Purpose of lockdowns will be to contain disease spread through implementation of SOPs,” a statement from the NCOC said.

Pakistan’s Federal Minister for Science and Technology Shibli Faraz said Saturday night that currently the oxygen supply in the country is enough for hospitals, but if the health sector faced shortage of oxygen, they will suspend its supply to the industrial sector to meet the hospitals’ needs. Enditem