ဝါရှင်တန် ၊ အောက်တိုဘာ ၅ ရက်(ဆင်ဟွာ) အမေရိကန်နိုင်ငံသမ္မတဒေါ်နယ်ထရမ့်(Donald Trump) အား ပုဂ္ဂိုလ်ရေး ဝေဖန်မှုပြုလုပ်ခဲ့ပြီး လာမည့်နွေရာသီတွင် ရာထူးမှ နုတ်ထွက်မည်ဟူသော ကောလာဟလများကို အမေရိကန်နိုင်ငံ နိုင်ငံခြားရေးဝန်ကြီးဌာန ဝန်ကြီး တီလာဆန်က အောက်တိုဘာလ ၄ ရက်တွင် ငြင်းဆိုလိုက်သည်။
အဘူဂျာ ၊ အောက်တိုဘာ ၅ ရက်(ဆင်ဟွာ) နိုက်ဂျီးရီးယားနိုင်ငံ အလယ်ပိုင်း၌ စက်လှေတစ်စင်းတိမ်းမှောက်မှု ဖြစ်ပွားရာ လူပေါင်း ၂၂ ဦး သေဆုံးကြောင်း အတည်ပြုနိုင်ခဲ့သည်ဟု ဒေသတွင်း မီဒီယာက အောက်တိုဘာ ၄ ရက်တွင် ဖော်ပြခဲ့သည်။
ကဘူးလ် ၊ အောက်တိုဘာ ၅ ရက်(ဆင်ဟွာ) အာဖဂန်နစ္စတန်နိုင်ငံ၌ အာဖဂန်လုံခြုံရေးတပ်ဖွဲ့ဝင်များ၏ စစ်သွေးကြွနှိမ်နင်းရေး စစ်ဆင်ရေးများကြောင့် ၂၄ နာရီအတွင်း စစ်သွေးကြွ ၈၁ ဦးကို သုတ်သင်နိုင်ခဲ့ပြီး အခြား ၁၉ ဦးထိခိုက်ဒဏ်ရာရခဲ့ကြောင်း ကာကွယ်ရေးဝန်ကြီးဌာနက အောက်တိုဘာလ ၄ ရက်တွင် ပြောကြားခဲ့သည်။
ဘေရွတ်၊ အောက်တိုဘာ ၄ ရက် (ဆင်ဟွာ) လက်ဘနွန်နိုင်ငံအတွင်း လုံခြုံရေး အခြေအနေ တည်ငြိမ်လာသည့်အတွက် ခရီးသွားလာရေး အကြောင်းကြားချက်အား ဗြိတိန်အစိုးရက အောက်တိုဘာလ ၂ ရက်တွင် ဖြေလျှော့ပေးလိုက်ကြောင်း သိရသည်။
မော်စကို၊ အောက်တိုဘာ ၄ ရက် (ဆင်ဟွာ) ဆီးရီးယားနိုင်ငံတွင် ရုရှားတပ်ဖွဲ့လုပ်ဆောင်ခဲ့သည့် လေကြောင်းတိုက်ခိုက်မှုကြောင့် အယ်ကေဒါ အကြမ်းဖက်အဖွဲ့ နှင့် ဆက်စပ်မှုရှိသော နျူဆာတပ်ဦး ခေါင်းဆောင် ဒဏ်ရာအပြင်းအထန်ရရှိခဲ့ပြီး ယင်းအကြမ်းဖက်အုပ်စု၏ တပ်မှူး ၁၂ဦး သေဆုံးခဲ့ကြောင်း ရုရှားနိုင်ငံကာကွယ်ရေးဝန်ကြီးဋ္ဌာနက အောက်တိုဘာ ၄ ရက်တွင်ပြောကြားခဲ့သည်။
အော့တိုဝါ၊ အောက်တိုဘာ ၄ ရက် (ဆင်ဟွာ) ကနေဒါနိုင်ငံဝန်ကြီးချုပ် Justin Trudeau သည် အောက်တိုဘာ လလယ်တွင် အမေရိကန်နိုင်ငံ နှင့် မက္ကဆီကိုနိုင်ငံများ သို့ အလည်အပတ်သွားရောက်မည်ဖြစ်ကြောင်း ကနေဒါဝန်ကြီးချုပ်ရုံးက အောက်တိုဘာ ၃ရက်တွင် ပြောကြားခဲ့သည်။
အက်စ်တာနာ၊ အောက်တိုဘာ ၄ ရက် (ဆင်ဟွာ) ကာဇက်စတန်နိုင်ငံ တောင်ပိုင်းဒေသတွင် အောက်တိုဘာလ ၃ ရက်က လေယာဉ် တစ်စင်း ပျက်ကျခဲ့ရာ လေယာဉ်ပေါ်လိုက်ပါလာသူ ငါးဦးလုံး သေဆုံးခဲ့ကြောင်း တာဝန်ရှိသူများက ပြောကြားခဲ့သည်။
တီဟီရန်၊ အောက်တိုဘာ ၄ ရက် (ဆင်ဟွာ) ဆီးရီးယား ပဋိပက္ခများအတွင်း အာဖဂန်ကလေးငယ်များကို အသုံးပြုနေကြောင်း အမေရိကန်အခြေစိုက် လူ့အခွင့်အရေးစောင့်ကြည့်ရေးအဖွဲ့၏ ထုတ်ပြန်ချက်တစ်ခုကို အာဖဂန်နစ္စတန်နိုင်ငံရှိ အီရန်သံရုံးက ငြင်းဆိုခဲ့ကြောင်း တီဟီရန်တိုင်းမ် နေ့စဉ် သတင်းစာက အောက်တိုဘာ ၃ ရက်တွင်ဖော်ပြခဲ့သည်။
မော်စကို ၊ အောက်တိုဘာ ၄ ရက် (ဆင်ဟွာ) ဆီးရီးယားစစ်တပ်အား ကျောထောက်နောက်ခံပေးထားသည့် ရုရှားစစ်လေယာဉ်များ၏ တိုက်ခိုက်မှုကြောင့် ဆီးရီးယားနိုင်ငံ အနောက်ဘက်ကမ်းခြေတွင် ပြီးခဲ့သော နှစ်ရက်တာအတွင်း အိုင်အက်စ်အကြမ်းဖက်သမား ၃ဝ၄ ဦးကို သုတ်သင်ရှင်းလင်းနိုင်ခဲ့ကြောင်း ရုရှားနိုင်ငံကာကွယ်ရေးဝန်ကြီးဌာနက အောက်တိုဘာလ ၃ ရက်တွင်ပြောကြားခဲ့သည်။
ဟနွိုင်း၊ အောက်တိုဘာ ၃ ရက် (ဆင်ဟွာ) လာအိုနိုင်ငံမှ ဗီယက်နမ်နိုင်ငံသို့ မူးယစ်ဆေးများ မှောင်ခို တင်သွင်းသည့် ဂိုဏ်းတစ်ခု၏ အဖွဲ့ဝင် ဒေသခံ အမျိုးသား တစ်ဦး အား ဗီယက်နမ်နိုင်ငံ အလယ်ပိုင်း Nghe An စီရင်စုတွင် ဖမ်းဆီးနိုင်ခဲ့ကြောင်း ဒေသခံ မီဒီယာက အောက်တိုဘာလ ၃...
