ကဘူးလ်၊ ဇန်နဝါရီ ၆ ရက် (ဆင်ဟွာ) အာဖဂန်နစ္စတန်နိုင်ငံ ကဘူးလ်မြို့ ၏ အရှေ့ဘက်ခြမ်းတွင် ဇန်နဝါရီလ ၅ ရက်နေ့ က ဖြစ်ပွားခဲ့သော ဗုံးခွဲတိုက်ခိုက်မှု တွင် အနည်းဆုံး အာဖဂန် လုံခြုံရေးဝန်ထမ်း ၃ ဦးထိခိုက်ဒဏ်ရာရရှိခဲ့ကြောင်း ပြည်ထဲရေးဝန်ကြီးဌာနမှ ပြောရေးဆိုခွင့်ရှိသူ တစ်ဦးကပြောသည်။
ဘန်ဂျူလ်၊ ဇန်နဝါရီ ၆ ရက်(ဆင်ဟွာ) ဂမ်ဘီယာနိုင်ငံ သမ္မတ Barrowသည် ဇန်နဝါရီ ၅ ရက်က ဂမ်ဘီယာနိုင်ငံ ဘန်ဂျူလ်မြို့တွင် တရုတ်နိုင်ငံ နိုင်ငံတော်ကောင်စီဝင်နှင့်နိုင်ငံခြားရေးဝန်ကြီး ဝမ်ရိအား လက်ခံတွေ့ဆုံဆွေးနွေး ခဲ့ကြောင်း သိရသည်။
ပပ်ပီ ၊ ဇန်နဝါရီ ၆ ရက်(ဆင်ဟွာ) တရုတ်-ပါကစ္စတန် နှစ်နိုင်ငံပူးပေါင်းပြုလုပ်သည့် အကြမ်းဖက်မှုတိုက်ဖျက်ရေး ပူးတွဲစစ်ရေးလေ့ကျင့်မှု “ရဲဝင့်စစ်သည်-၆” လှုပ်ရှားမှုကို ဇန်နဝါရီ ၅ ရက်က ပါကစ္စတန်နိုင်ငံ Punjab ပြည်နယ်ရှိ Pabbi အမျိုးသား အကြမ်းဖက်ဆန့်ကျင် တိုက်ဖျက်မှု လေ့ကျင့်ရေးစခန်းတွင် အောင်မြင်စွာ အဆုံးသတ်နိုင် ခဲ့ကြောင်း သိရသည်။
နယူးယောက်၊ ဇန်နဝါရီ ၆ ရက် (ဆင်ဟွာ) အမေရိကန်နိုင်ငံ နယူးယောက်မြို့တွင် ဆင်းရဲနွမ်းပါးမှုအား တိုက်ဖျက်ရေး ကြိုးပမ်းမှုတစ်ခုအနေဖြင့် ၂၀၁၉ခုနှစ်တွင် အနိမ့်ဆုံးလုပ်ခလစာ ကို တစ်နာရီလျှင် အမေရိကန်ဒေါ်လာ ၁၅ဒေါ်လာ အထိ တိုးမြှင့်ခဲ့ကြောင်း သိရသည်။
ဝါရှင်တန်၊ ဇန်နဝါရီ ၆ ရက် (ဆင်ဟွာ) အမေရိကန်နိုင်ငံ စစ်ဦးစီးချုပ် ကီဗင်ဆွင်နီ (Kevin Sweeney) သည် ၎င်းအနေဖြင့် ရာထူးမှ နှုတ်ထွက်ကြောင်းကို ဇန်နဝါရီ ၅ရက်တွင်ကြေညာခဲ့သည်။
မနီလာ ၊ ဇန်နဝါရီ ၆ ရက်(ဆင်ဟွာ) အင်အားအလွန်ပြင်းထန်သော မုန်တိုင်းတစ်လုံး တိုက်ခတ်ခံရပြီးနောက် ဖိလစ်ပိုင်နိုင်ငံ၌ ရေကြီးမှု နှင့် မြေပြိုမှုများဖြစ်ပွားခဲ့ရာ လက်ရှိအချိန်ထိသေဆုံးသူ ၁၂၆ ဦးထိ ရောက်ရှိသွားပြီဖြစ်ကြောင်း အစိုးရသဘာဝဘေးအန္တရာယ်အေဂျင်စီတစ်ခုက ယနေ့ဇန်နဝါရီ ၆ ရက်တွင်ပြောကြားခဲ့သည်။
နယူးယောက်၊ ဇန်နဝါရီ ၆ ရက် (ဆင်ဟွာ) အမေရိကန်နိုင်ငံ အလက်စကာပြည်နယ် Amatignak ကျွန်း အရှေ့အရှေ့တောင်ဘက် ၆၈ကီလိုမီတာ အကွာတွင် ဇန်နဝါရီ ၅ရက်က အင်အား ၆.၀ ပမာဏရှိ ငလျင်ပြင်းတစ်ခု လှုပ်ခတ်ခဲ့ကြောင်း အမေရိကန်ဘူမိဗေဒတိုင်းတာရေးအဖွဲ့ (USGS) ကပြောကြားခဲ့သည်။
တိုကျို ၊ ဇန်နဝါရီ ၆ ရက်(ဆင်ဟွာ) ဂျပန်နိုင်ငံ တိုကျိုမြို့ရှိ တိုယိုဆု(Toyosu) ငါးဈေးတွင် ပထမဆုံးနှစ်သစ်လေးလံပွဲ၌ အပြာရောင်ကြေးခွံတူနာငါးကြီးတစ်ကောင်ကို ဂျပန်ယန်း ၃၃၃.၆ သန်း ( အမေရိကန်ဒေါ်လာ ၃.၁ သန်း) ဖြင့် အရောင်းအဝယ်ဖြစ်ခဲ့ကြောင်း ဂျပန်မီဒီယာကဖော်ပြခဲ့သည်။
ကိုင်ရို၊ ဇန်နဝါရီ ၆ ရက်(ဆင်ဟွာ) အီဂျစ်နိုင်ငံ မြို့တော်ကိုင်ရိုမြို့တွင် ဇန်နဝါရီ ၅ ရက်က ဗုံးပေါက်ကွဲမှုဖြစ်ပွားရာ ရဲတပ်ဖွဲ့ဝင် ၁ ဦး သေဆုံးပြီး အခြား ၁ ဦး ဒဏ်ရာရရှိကြောင်း သိရသည်။
နယူးယောက် ၊ ဇန်နဝါရီ ၆ ရက်(ဆင်ဟွာ) ဘရာဇီးနိုင်ငံ Tarauaca ဒေသ အနောက်ဖက် ၈၉ ကီလိုမီတာအကွာ၌ ပြင်းအား ၆.၈ အဆင့်ရှိ အင်အားပြင်း ငလျင်တစ်ခုလှုပ်ခတ်သွားကြောင်း အမေရိကန်နိုင်ငံ ဘူမိဗေဒတိုင်းတာရေးဌာနက ဇန်နဝါရီ ၅ ရက်တွင် ပြောကြားခဲ့သည်။
