လန်ဒန်၊ ဖေဖော်ဝါရီ ၁၉ ရက် (ဆင်ဟွာ) ဂျပန်နိုင်ငံ မော်တော်ကားထုတ်လုပ်သူ ဟွန်ဒါ (Honda) က ဗြိတိန်နိုင်ငံ တောင်ပိုင်း ဆွင်းဒန်မြို့ရှိ ကားစက်ရုံအား ၂၀၂၂ ခုနှစ်တွင် ပိတ်သိမ်းမည် ဖြစ်ကြောင်း၊ အလုပ်အကိုင် ၃,၅၀၀ ဆုံးရှုံးမှုရှိနိုင်ကြောင်း သတင်းရင်းမြစ်များက ပြောကြားခဲ့သည်။
ဒါကာ၊ ဖေဖော်ဝါရီ ၁၉ ရက် (ဆင်ဟွာ) ဘင်္ဂလားဒေရှ့်နိုင်ငံ၌ နိုင်ငံအထက် တရားရုံးအမိန့်နှင့် မကြာမီက လောင်းကစားနှင့် ညစ်ညမ်း ဝက်စ်ဆိုက် ၂၀၀၀ နီးပါးအား ဘင်္ဂလားဒေရှ့်အစိုးရက ဖယ်ရှားလိုက်ကြောင်း သိရသည်။
နယူးဒေလီ၊ ဖေဖော်ဝါရီ ၁၉ ရက် (ဆင်ဟွာ) အိန္ဒိယနိုင်ငံ တောင်ပိုင်း ဘန်ဂယ်လူရူမြို့ရှိ လေတပ်အခြေစိုက်စခန်းတွင် “၂၀၁၉ ခုနှစ် အိန္ဒိယလေကြောင်းပြပွဲ” အတွက် အစမ်းလေ့ကျင့်မှုပြုလုပ်ခဲ့ရာ “ဆာရာကီရန် လေယာဉ်အလှပျံသန်းခြင်းအဖွဲ့” ၏ လေယာဉ် နှစ်စင်း ဖေဖော်ဝါရီလ ၁၉ ရက်က ပျက်ကျခဲ့ကြောင်း မီဒီယာသတင်းများအရ သိရသည်။
ဘာလင် ၊ဖေဖော်ဝါရီ ၁၉ ရက်(ဆင်ဟွာ) ၂၀၁၈ခုနှစ်တွင် ဂျာမနီနိုင်ငံ၏ အကြီးဆုံးကုန်သွယ်ဖက်နိုင်ငံအဖြစ် တရုတ်နိုင်ငံသည် ၃ နှစ်ဆက်တိုက်တည်ရှိနေပြီဖြစ်ရာ နှစ်ဖက်ကုန်သွယ်မှုပမာဏ စုစုပေါင်း ယူရိုငွေ ၁၉၉.၃ ဘီလီယံရှိကြောင်း ဂျာမနီနိုင်ငံ ပြည်ထောင်စု စာရင်းအင်းဌာန၏ ဖေဖော်ဝါရီ ၁၈ ရက်တွင် ထုတ်ပြန်သည့် စာရင်းများအရ သိရသည်။
SKOPJE ၊ ဖေဖော်ဝါရီ ၁၉ ရက်(ဆင်ဟွာ) မြောက်မက်ဆီဒိုးနီးယား နိုင်ငံ ရဲတပ်ဖွဲ့ဝင်များက တရားမဝင် လက်နက်များ ကုန်သွယ်မှုများတွင် ပါဝင်သော အုပ်စု တစ်စုအား ချေမှုန်းခဲ့ကြောင်း ပြည်ထဲရေး ဝန်ကြီး ဌာနက ဖေဖော်ဝါရီ ၁၈ ရက်တွင် သတင်း ထုတ်ပြန်ခဲ့သည်။
နီယာမေ၊ဖေဖော်ဝါရီ ၁၉ ရက်(ဆင်ဟွာ) နိုင်ဂျာနိုင်ငံ အရှေ့တောင်ပိုင်း Diffa ပြည်နယ်ရှိ ဒုက္ခသည်စခန်းတစ်ခု ဖေဖော်ဝါရီ ၁၇ ရက်နေ့တွင် ဘိုကိုဟာရမ် အစွန်းရောက်များ၏ အသေခံ ဗုံးခွဲတိုက်ခိုက်မှုကို ခံရရာ အရပ်သား ၄ ဦး သေဆုံးခဲ့ကြောင်း သိရသည်။
ချီကာဂို၊ ဖေဖော်ဝါရီ ၁၉ ရက် (ဆင်ဟွာ) အမေရိကန်နိုင်ငံ အနောက်အလယ်ပိုင်း မီချီဂန်ပြည်နယ် မြောက်ပိုင်း ကျေးလက်ဒေသ ကင့်နယ်မြေတွင် ဖေဖော်ဝါရီလ ၁၈ ရက် နေ့လယ်ပိုင်းက အဆောက်အအုံတစ်ခုအတွင်း သေနတ်ပစ်ခတ်မှုကြောင့် ကလေး ၃ ဦးနှင့် အမျိုးသမီး ၁ ဦးသေဆုံးခဲ့ကြောင်း သိရသည်။
လာပက်ဇ် ၊ ဖေဖော်ဝါရီ ၁၉ ရက်(ဆင်ဟွာ) ဘိုလီဗီးယားနိုင်ငံအနောက်တောင်ပိုင်းရှိ အဝေးပြေးလမ်းမတစ်ခုပေါ်တွင် ဘတ်စ်ကားတစ်စီး နှင့် မြေသယ်ကားတစ်စီးတို့ယာဉ်တိုက်မှုဖြစ်ပွားရာ အနည်းဆုံး လူ ၂၄ ဦးသေဆုံးပြီး အခြား ၁၅ ဦးထိခိုက်ဒဏ်ရာရခဲ့ကြောင်း ရဲတပ်ဖွဲ့၏ ကနဦးထုတ်ပြန်ချက်အရ သိရသည်။
ဆိုးလ် ၊ ဖေဖော်ဝါရီ ၁၉ ရက်(ဆင်ဟွာ) တောင်ကိုရီးယားနိုင်ငံ အရှေ့တောင်ပိုင်းရှိ အများပြည်သူသုံး ရေချိုးအိမ်တစ်လုံးတွင် ဖေဖော်ဝါရီ ၁၉ ရက် နံနက်အစောပိုင်းတွင် မီးလောင်မှုဖြစ်ပွားခဲ့ရာ အမျိုးသား ၂ ဦးသေဆုံးပြီး အနည်းဆုံးအခြား လူပေါင်း ၅ဝ ကျော်ထိခိုက်ဒဏ်ရာရခဲ့ကြောင်း ပြည်တွင်းမီဒီယာများ၏ သတင်းဖော်ပြချက်အရ သိရသည်။
မက္ကဆီကိုစီးတီး၊ ဖေဖော်ဝါရီ ၁၈ ရက် (ဆင်ဟွာ) မက္ကဆီကိုစီးတီးရှိ အစ်ဇ်တာပလာပါနယ်မြေတွင် ဖေဖော်ဝါရီလ ၁၇ ရက်က လမ်းနံဘေးပါတီပွဲတစ်ခုအတွင်း သေနတ်ပစ်ခတ်မှုဖြစ်ပွားခဲ့ရာ လူ ၆ ဦးသေဆုံးပြီး အခြားသူ ၃ ဦး ဒဏ်ရာရရှိခဲ့ကြောင်း သိရသည်။
