ဝါရှင်တန်၊ ဧပြီ ၂၂ ရက် (ဆင်ဟွာ) အမေရိကန်နိုင်ငံတွင် COVID-19 ကာကွယ်ဆေး အလုံးရေ သန်း ၂၀၀ ကျော်ထိုးနှံခဲ့ပြီးဖြစ်ကြောင်း အမေရိကန် ရောဂါထိန်းချုပ် ကာကွယ်ရေးစင်တာ (CDC) အရ သိရသည်။
ပေကျင်း ၊ ဧပြီ ၂၂ ရက်(ဆင်ဟွာ) ကမ္ဘာတစ်ဝှမ်း COVID-19 လူနာအရေအတွက် ဆက်လက်မြင့်တက်လာသည်နှင့်အမျှ ပြည်ပမှ ဝင်ရောက်လာသူများမှတစ်ဆင့် COVID-19 ရောဂါပြန့်နှံ့ခြင်းကို ထိန်းချုပ်ရန် စဉ်ဆက်မပြတ် အားထုတ်ကြရန် တရုတ်နိုင်ငံ ကျန်းမာရေးတာဝန်ရှိသူတစ်ဦးက ဧပြီ ၂၁ ရက်တွင် ပြောကြားခဲ့သည်။
ဂျကာတာ၊ဧပြီ ၂၂ ရက်(ဆင်ဟွာ) သင်္ဘောသား ၅၃ ဦး လိုက်ပါသွားသည့် အင်ဒိုနီးရှားရေငုပ်သင်္ဘောတစ်စင်းသည် ဘာလီကျွန်း ပင်လယ်ပြင်တွင် လေ့ကျင့်ရေးဆောင်ရွက်နေစဉ် ရေတပ်နှင့် အဆက်အသွယ်ပြတ်တောက်သွားကြောင်း အင်ဒိုနီးရှားရေတပ်ပြောရေးဆိုခွင့်ရှိသူတစ်ဦးက သတင်းမီဒီယာသို့ ဧပြီ ၂၁ ရက်တွင် ပြောကြားခဲ့သည်။
မော်စကို၊ဧပြီ ၂၂ ရက်(ဆင်ဟွာ) ရုရှားနိုင်ငံ မော်စကိုမြို့ရှိ အမေရိကန်သံရုံးမှ သံရုံးဝန်ထမ်း ၁၀ ဦးကို အပြန်အလှန် လက်တုံ့ပြန်သည့်အနေဖြင့် လာမည့် မေလ ၂၁ ရက် နောက်ဆုံးထား၍ နိုင်ငံမှ ထွက်ခွာသွားရန် ရုရှားနိုင်ငံခြားရေးဝန်ကြီးဌာနက ဧပြီ ၂၁ ရက်တွင် အကြောင်းကြားစာ ပေးပို့ခဲ့သည်။
ပေကျင်း၊ ဧပြီ ၂၁ရက်(ဆင်ဟွာ) တရုတ်နိုင်ငံထုတ်COVID-19 ကာကွယ်ဆေးများသည် ထိရောက်မှု စိတ်ချလုံခြုံမှုရှိကြောင်း ကို ကမ္ဘာအနှံ့ရှိ ကျွမ်းကျင်သူများက သက်သေပြသခဲ့ပြီးဖြစ်သည့်အပြင် ၎င်းကာကွယ်ဆေးများဖြင့် ကမ္ဘာတစ်ဝန်းရှိ နိုင်ငံများစွာတွင် ကပ်ရောဂါတိုက်ဖျက်ရာ၌ ကူညီပေးနိုင်ခဲ့သည်။ တရုတ်နိုင်ငံမှ ထုတ်လုပ်သည့်ကာကွယ်ဆေးများကို နိုင်ငံခေါင်းဆောင်များအပါအဝင် တစ်ကမ္ဘာလုံး၌ လူဦးရေ သန်း ၁၀၀ ကျော် ထိုးနှံခဲ့ပြီးဖြစ်ကြောင်းသိရသည်။ဟန်ဂေရီနိုင်ငံမှ ကျွမ်းကျင်သူ...
