ကနေဒါနိုင်ငံ တိုရန်းတိုမြို့ တွင် နိုဝင်ဘာ ၁၁ရက် က ကျင်းပခဲ့သော ၂၀၁၈ခုနှစ် ဆောင်းရာသီတော်ဝင်စိုက်ပျိုးရေး ပြပွဲ ၌ ဝင်ရောက်ယှဉ်ပြိုင်သည့် ယုန် နှင့် ကြက်ဘဲများအားတွေ့ရစဉ် (ဆင်ဟွာ)

တရုတ်နိုင်ငံဝန်ကြီးချုပ် အရှေ့အာရှခေါင်းဆောင်များ အစည်းအဝေးများ တက်ရောက်ရန် စင်ကာပူနိုင်ငံသို့ ထွက်ခွာ

\ပေကျင်း၊ နိုဝင်ဘာ ၁၂ ရက် (ဆင်ဟွာ) တရုတ်နိုင်ငံ ဝန်ကြီးချုပ်လီခဲ့ချန် သည် စင်ကာပူနိုင်ငံ ဝန်ကြီးချုပ် လီရှန်လွန်း၏ ဖိတ်ကြားချက်အရ နိုဝင်ဘာ ၁၂ရက် နံနက်ပိုင်းတွင် ပေကျင်းမြို့မှ စင်ကာပူနိုင်ငံသို့ တရားဝင် ခရီးစဉ် ထွက်ခွာလာခဲ့ပြီး အရှေ့အာရှပူးပေါင်းဆောင်ရွက်မှု ဆိုင်ရာ အစည်းအဝေးပွဲများသို့ တက်ရောက်သွားမည်ဖြစ်ကြောင်း သိရသည်။

ဘရာဇီးတွင် မြေပြိုမှုကြောင့် သေဆုံးသူ ၁၄ဦးထိရှိလာ

ရီယိုဒီဂျနေရိုး၊ နိုဝင်ဘာ ၁၂ ရက် (ဆင်ဟွာ) ဘရာဇီးနိုင်ငံ ရီယိုဒီဂျနေရိုးမြို့ တွင် မြေပြိုမှုတစ်ခုဖြစ်ပွားခဲ့ပြီးနောက် ကယ်ဆယ်ရေးဝန်ထမ်းများသည် ရွှံ့ညွန်များအတွင်း ရုပ်အလောင်းများကို ဆက်လက်ရှာဖွေခဲ့ရာ သေဆုံးသူ ၁၄ဦးအထိ တွေ့ရှိခဲ့ကြောင်း အာဏာပိုင်များက နိုဝင်ဘာ ၁၂ ရက်တွင်ပြောကြားခဲ့သည်။

မြောက်အတ္တလန္တိတ်ပင်လယ်ပြင်တွင် ပြင်းအား ၆.၃ အဆင့် ငလျင်လှုပ်ခတ်

မက္ကဆီကိုစီးတီး ၊ နိုဝင်ဘာ ၁၂ ရက်(ဆင်ဟွာ) မြောက်အတ္တလန္တိတ်ပင်လယ်ပြင်တွင် နိုဝင်ဘာ ၁၁ရက်က ပြင်းအား ၆.၃ အဆင့်ရှိ အင်အားပြင်း ငလျင်တစ်ခုလှုပ်ခတ်ခဲ့ပြီး ယင်းငလျင်သည်မြေပြင်အောက်အနက် ၇.၃ ကီလိုမီတာ ကို ဗဟိုပြု လှုပ်ခတ်ခဲ့ ကြောင်း အမေရိကန် ဘူမိဗေဒ လေ့လာရေးဌာန(USGS)၏ ငလျင်သတင်းဝက်ဘ်ဆိုက်မှ သိရသည်။

သြစတြေးလျတွင် စတော်ဘယ်ရီသီးထဲ အပ်ထည့်သူအား ထောင်ဒဏ် ၁၀နှစ်အထိချမှတ်

ဆစ်ဒနီ၊ နိုဝင်ဘာ ၁၂ ရက် (ဆင်ဟွာ) သြစတြေးလျနိုင်ငံ ကွင်းစလန်းပြည်နယ်တွင် စတော်ဘယ်ရီသီးများထဲ အပ်ထည့်မှု ဖြင့် အသက် ၅၀နှစ်အရွယ် အမျိုးသမီးတစ်ဦးအား တရားစွဲဆိုခဲ့ပြီး ထောင်ဒဏ် ၁၀နှစ်အထိ ချမှတ်ခဲ့ကြောင်း ရဲတပ်ဖွဲ့ကပြောကြားခဲ့သည်။