ဂါဇ်နီ ၊ မေ ၈ ရက်(ဆင်ဟွာ) အာဖဂန်နစ္စတန်နိုင်ငံ ဂါဇ်နီ(Ghazni) ပြည်နယ်၌ အဝေးထိန်းမိုင်းတစ်လုံး(IED)ကို တပ်ဆင်နေစဉ် မတော်တဆပေါက်ကွဲမှုဖြစ်ပွားခဲ့ရာ အနည်းဆုံး စစ်သွေးကြွ ၁၁ ဦးသေဆုံးသွားကြောင်း ပြည်နယ်အစိုးရပြောရေးဆိုခွင့်ရှိသူက မေ ၈ ရက်တွင်ပြောကြားခဲ့သည်။
ဘာလင်၊ မေလ ၈ ရက်(ဆင်ဟွာ) ဂျာမနီနိုင်ငံ အရှေ့တောင်ပိုင်း အာချဒ်(Aichach)မြို့ မီးရထားဘူတာအနီးတွင် မေလ ၇ ရက်နေ့ က ရထားနှစ်စီးတိုက်မိမှုဖြစ်ပွားခဲ့ရာ လူ ၂ ဦးသေဆုံးပြီး ဒဏ်ရာရသူအမြောက်အမြားရှိခဲ့ကြောင်း သိရှိရသည်။
မော်စကို၊ မေ ၈ ရက် (ဆင်ဟွာ) ဆီးရီးယားနိုင်ငံ အရှေ့ပိုင်း တွင် ရုရှား Ka-52 တိုက်ခိုက်ရေး ရဟတ်ယာဉ်တစ်စီး ပျက်ကျခဲ့ရာ လေယာဉ်မှူး ၂ဦးစလုံး သေဆုံးသွားခဲ့ကြောင်း ရုရှားကာကွယ်ရေးဝန်ကြီးဌာန က မေ ၇ရက်တွင်ပြောကြားခဲ့သည်။
ဂျေရုစလမ် ၊ မေ ၈ ရက် (ဆင်ဟွာ) အစ္စရေးနိုင်ငံ ဝန်ကြီးချုပ် ဘင်ဂျမင်နက်တန်ယာဟုက အစ္စရေးနိုင်ငံအား မည်သည့်တိုက်ခိုက်လာမှုမျိုးကိုမဆို ပြတ်ပြတ်သားသား တုံ့ပြန်မှုမျိုးဖြင့် ကြုံတွေ့သွားရမည်ဖြစ်ကြောင်း မေလ ၇ ရက် မွန်းလွဲပိုင်းတွင် ပြောကြားခဲ့သည်။
ရန်ကုန်၊ မေ ၈ ရက် (ဆင်ဟွာ) ရခိုင်ပြည်နယ် သံတွဲမြို့၏ အရှေ့ မြောက်ဘက် (၁၂)မိုင်ခန့် အကွာ သူဌေးချောင်းပေါ်တွင် တည်ဆောက်နေသော သူဌေး ရေအားလျှပ်စစ်စီမံကိန်းသည် ၄၇ ရာခိုင်နှုန်းကျော် ပြီးစီးနေကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။
