နန်ချန်း ၊ ကျန်းရှီး ၊ ဇန်နဝါရီ ၂၈ ရက်(ဆင်ဟွာ) နိုဗယ်ကိုရိုနာဗိုင်းရပ်စ်(2019-nCoV) ရောဂါခံစားနေရသော လူနာတစ်ဦးသည် ရောဂါသက်သာလာ၍ တရုတ်နိုင်ငံအရှေ့ပိုင်း ကျန်းရှီးပြည်နယ် ဆေးရုံတစ်ရုံမှ ဇန်နဝါရီ ၂၇ ရက်တွင် ဆင်းခွင့်ရရှိခဲ့ပြီး ၎င်းသည် ပြည်နယ်အတွင်း ပထမဆုံးရောဂါပျောက်ကင်းသည့် ဝေဒနာရှင်တစ်ဦးဖြစ်လာသည်။
ပေကျင်း၊ ဇန်နဝါရီ ၂၇ ရက် (ဆင်ဟွာ) တရုတ်နိုင်ငံ၏ အဆင့်မြင့်စီးပွားရေးအစီအစဉ်က ဝူဟန်မြို့၌ နိုဗယ် ကိုရိုနာဗိုင်းရပ်စ် (2019-nCoV) တိုက်ဖျက်ရေးအတွက် ထောက်ပံ့ရန် ရန်ပုံငွေ ယွမ် သန်း ၃၀၀ (အမေရိကန်ဒေါ်လာ ၄၄ သန်းကျော်) ခွဲဝေသတ်မှတ်ထားကြောင်း သိရသည်။
ပေကျင်း ၊ ဇန်နဝါရီ ၂၇ ရက်(ဆင်ဟွာ) တရုတ်နိုင်ငံ၌ နိုဗယ်ကိုရိုနာဗိုင်းရပ်စ်ပြန့်နှံ့မှုကို ထိန်းချုပ်ရန်ဆောင်ရွက်ချက်တစ်ခု အနေဖြင့် နွေဦးပွဲတော် နှစ်သစ်ကူးအားလပ်ရက်ကို ဖေဖော်ဝါရီ ၂ ရက်ထိ တိုးမြှင့်သတ်မှတ်လိုက်ကြောင်း ယနေ့ ဇန်နဝါရီ ၂၇ ရက်တွင် ထုတ်ပြန်ကြေညာခဲ့သည်။
ဖနွမ်းပင်၊ ဇန်နဝါရီ ၂၆ရက်(ဆင်ဟွာ) လွန်ခဲ့သော နှစ်ပေါင်း ၄၀ ကျော်ကြာကာလအတွင်း တရုတ်နိုင်ငံ၏ ဆင်းရဲနွမ်းပါးမှုလျှော့ချရေးလုပ်ငန်းများသည် ကမ္ဘာတစ်ဝန်းလုံးအာရုံထားဂရုပြုရလောက်သည့် အောင်မြင်မှုများရရှိခဲ့ရာ နိုင်ငံတကာအသိုက်အဝန်း၊အထူးသဖြင့် ဖွံ့ဖြိုးဆဲနိုင်ငံများ၏ စံပြနမူနာ ဖြစ်လာခဲ့ကြောင်း ကမ္ဘောဒီးယားနိုင်ငံ ပြန်ကြားရေးဝန်ကြီးနှင့်အစိုးရပြောရေးဆိုခွင့်ရှိသူKhieu Kanharithက ဆင်ဟွာ၏ ယခုရက်ပိုင်းများအတွင်း သီးသန့်တွေ့ဆုံမေးမြန်းမှုတွင် ပြောကြားခဲ့သည်။
ဝူဟန် ၊ ဇန်နဝါရီ ၂၆ ရက်(ဆင်ဟွာ) ကိုရိုနာဗိုင်းရပ်စ် ပြန့်နှံ့မှုဒဏ်အဆိုးရွားဆုံးခံစားနေရသည့် တရုတ်နိုင်ငံအလယ်ပိုင်း ဝူဟန်မြို့၌ အရေအတွက် တိုးပွားလာသော လူနာများအတွက် ဆေးရုံပေါင်း၂၄ ရုံတွင် ကုသမှုပြုလုပ်ပေးသွားရန် စီစဉ်နေကြောင်း မြို့တော်ကျန်းမာရေးကော်မရှင်က ဇန်နဝါရီ ၂၅ ရက်တွင် ပြောကြားခဲ့သည်။
ဝူဟန်၊ ဇန်နဝါရီ ၂၄ ရက် (ဆင်ဟွာ) တရုတ်နိုင်ငံ အလယ်ပိုင်း ဟူပေပြည်နယ် ဝူဟန်မြို့တွင် နိုဗယ် ကိုရိုနာဗိုင်းရပ်စ် (Novel Coronavirus) ကြောင့် ဖြစ်ပွားသော အဆုတ်ရောင်ရောဂါခံစားရသည့် လူနာများတက်ရောက်ကုသရန် အထူးဆေးရုံတစ်ရုံအား ဖေဖော်ဝါရီ ၃ ရက်၌ စတင်အသုံးပြုနိုင်ရန် တည်ဆောက်နေကြောင်း သိရသည်။
ဂျီနီဗာ၊ ဇန်နဝါရီ ၂၄ ရက် (ဆင်ဟွာ) တရုတ်နိုင်ငံ ဝူဟန်မြို့တွင် ဖြစ်ပွားလျက်ရှိသော နိုဗယ် ကိုရိုနာဗိုင်းရပ်စ် (Novel Coronavirus) ကို ပြည်သူ့ကျန်းမာရေး အရေးပေါ်အခြေအနေ (PHEIC) တစ်ခုအဖြစ် ကြေညာရန် စောလွန်းကြောင်း ကမ္ဘာ့ကျန်းမာရေးအဖွဲ့ (WHO) က ဇန်နဝါရီ ၂၃ ရက်၌ ပြောကြားခဲ့သည်။
မနီလာ၊ ဇန်နဝါရီ ၂၃ ရက် (ဆင်ဟွာ) တရုတ်နိုင်ငံက ဖိလစ်ပိုင်နိုင်ငံ Taal မီးတောင်ပေါက်ကွဲမှုဒဏ်ခံစားခဲ့ရသည့် ဒေသခံများကို ကူညီထောက်ပံ့ရန် ယွမ် တစ်သန်း (အမေရိကန်ဒေါ်လာ ၁၄၄,၀၀၀ ခန့်) လှူဒါန်းခဲ့ကြောင်း ဖိလစ်ပိုင်နိုင်ငံဆိုင်ရာ တရုတ်သံရုံးက ဇန်နဝါရီ ၂၃ ရက်တွင် ပြောကြားလိုက်သည်။
ပေကျင်း၊ ဇန်နဝါရီ ၂၃ ရက် (ဆင်ဟွာ) တရုတ်နိုင်ငံ၏ အင်တာနက်နှင့် အခြားဆက်စပ်သော ဝန်ဆောင်မှုလုပ်ငန်းကဏ္ဍများရှိ စီးပွားရေးလုပ်ငန်းများသည် ၂၀၁၉ ခုနှစ်တွင် ဝင်ငွေတိုးတက်မှု ခိုင်မာလာခဲ့ပြီး နည်းပညာသစ်များနှင့် လုပ်ဆောင်မှုအသစ်များက နိုင်ငံ၏စီးပွားရေးကို ပြန်လည်ပုံဖော်ရာတွင် ကြီးမားသောအခန်းကဏ္ဍများမှ ပါဝင်မှုမြင့်မားလာခဲ့ကြောင်း သိရသည်။
ချန်ဒူ၊ ဇန်နဝါရီ ၂၂ ရက် (ဆင်ဟွာ) တရုတ်နိုင်ငံ အနောက်တောင်ပိုင်းရှိ ပြည်နယ်သုံးခုကို ချိတ်ဆက်ထားသော အဓိကတံတားကြီးတစ်စင်းကို ခရီးသည်တင်ကားများ ဖြတ်သန်းသွားလာခွင့်ပြုပေးလိုက်ကြောင်း သိရသည်။
