Connect with us

Asia

မြန်မာနိုင်ငံနှင့် ထိုင်းနိုင်ငံတို့တွင် အင်အားပြင်းငလျင် လှုပ်ခတ်ခဲ့မှုအပေါ် ကမ္ဘောဒီးယား ဝန်ကြီးချုပ် နှစ်သိမ့်စကားပြောကြား

ကမ္ဘောဒီးယားနိုင်ငံ ဖနွမ်းပင်မြို့၌ ကျင်းပသည့် ၂၀၂၄ ခုနှစ် ကမ္ဘာလုံးဆိုင်ရာ တရုတ်စီးပွားရေးနှင့် နည်းပညာ (GCET) ထိပ်သီးအစည်းအဝေးအတွင်း ကမ္ဘောဒီးယား ဝန်ကြီးချုပ် ဟွန်မန်နက် အမှာစကားပြောကြားနေပုံကို ၂၀၂၄ ခုနှစ် နိုဝင်ဘာ ၂၆ ရက်က တွေ့ရစဉ် (ဆင်ဟွာ)

ဖနွမ်းပင်၊ မတ် ၃၀ ရက် (ဆင်ဟွာ)
မတ် ၂၈ ရက် မွန်းလွဲပိုင်းက အင်အားပြင်းငလျင် လှုပ်ခတ်သွားခဲ့သည့် မြန်မာနိုင်ငံနှင့် ထိုင်းနိုင်ငံတို့မှ အစိုးရနှင့် ပြည်သူများအတွက် ကမ္ဘောဒီးယားနိုင်ငံ ဝန်ကြီးချုပ် ဟွန်မန်နက်က မတ် ၂၉ ရက်၌ နှစ်သိမ့်စကား ပြောကြားခဲ့ကြောင်း သိရသည်။
မြန်မာနိုင်ငံ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ထံ ပေးပို့ခဲ့သော နှစ်သိမ့်စကား ပြောကြားသည့် သဝဏ်လွှာတွင် ကမ္ဘောဒီးယားခေါင်းဆောင်က မြန်မာနိုင်ငံ အလယ်ပိုင်းတွင် ဖျက်အားပြင်းငလျင် လှုပ်ခတ်ခဲ့ခြင်းကြောင့် ဝမ်းနည်းဖွယ် လူသေဆုံးမှုများနှင့် ဒဏ်ရာရရှိမှုများ၊ အဆောက်အအုံနှင့် ဥစ္စာပစ္စည်း ကျယ်ကျယ်ပြန့်ပြန့် ပျက်စီးဆုံးရှုံးမှုများ ဖြစ်ပေါ်ခဲ့သည်ဟု ကြားသိရသည့်အပေါ် များစွာစိတ်မကောင်းဖြစ်မိကြောင်း ထည့်သွင်းပြောကြားခဲ့သည်။
“ထိခိုက်သေဆုံးသူတွေအတွက် စာနာထောက်ထားပြီး ဆုတောင်းမေတ္တာ ပို့သလိုက်ရပါတယ်။ ဒဏ်ရာရရှိသူတွေလည်း အမြန်ဆုံး ပြန်လည်သက်သာလာမယ်လို့ မျှော်လင့်ပါတယ်” ဟု ဟွန်မန်နက်က ပြောကြားခဲ့သည်။
“ကမ္ဘောဒီးယားနိုင်ငံအနေနဲ့ အခုလို ခက်ခဲတဲ့ကာလမှာ မြန်မာပြည်သူတွေနဲ့အတူ ခိုင်ခိုင်မာမာ တစ်သားတည်းရှိနေပါတယ်” ဟု ၎င်းက ဆိုသည်။
ထိုင်းနိုင်ငံ ဝန်ကြီးချုပ် ပေထုံတန် ရှင်နာဝပ်ထရာထံ သီးခြားပေးပို့ခဲ့သော သဝဏ်လွှာတွင်လည်း ဟွန်မန်နက်က ဘန်ကောက်မြို့တွင် လှုပ်ခတ်ခဲ့သော အင်အားပြင်းငလျင်ကြောင့် လူသေဆုံးမှုများ၊ လူအများအပြား ဒဏ်ရာရရှိမှုများနှင့် တိုက်တာအဆောက်အအုံများ ဆိုးဆိုးရွားရွား ပျက်စီးဆုံးရှုံးခဲ့မှုကို အလွန်ဝမ်းနည်းစွာဖြင့် သိရှိခဲ့ရကြောင်း ပြောကြားခဲ့သည်။ “ဒဏ်ရာရသူတွေ လျင်လျင်မြန်မြန်နဲ့ အပြည့်အဝ ပြန်လည်သက်သာလာဖို့ ဆုတောင်းပေးပါတယ်” ဟုလည်း ၎င်းက ပြောကြားခဲ့သည်။ (Xinhua)
……………….
(English Version)
Cambodian PM expresses condolences over quake tragedy in Myanmar, Thailand
PHNOM PENH, March 29 (Xinhua) — Cambodian Prime Minister Hun Manet on Saturday expressed his condolences to the governments and peoples of Myanmar and Thailand over a massive earthquake on Friday afternoon.
In a condolence message to Myanmar’s State Administration Council Chairman Senior General Min Aung Hlaing, the Cambodian leader said he was profoundly saddened to hear about the devastating earthquake that struck central Myanmar, resulting in the tragic loss of lives, injuries, and widespread damage to property.
“Our thoughts and prayers are with the victims, and we hope for the swift recovery of those injured,” Hun Manet said.
“Cambodia stands in unwavering solidarity with the people of Myanmar during this challenging time,” he said.
In another condolence letter to his Thai counterpart Paetongtarn Shinawatra, Hun Manet said he had learnt, with profound sadness, about the loss of lives, many injuries and severe damage to properties caused by the powerful earthquake in Bangkok.
“I wish the injured a full and speedy recovery,” he said.
English Caption
Cambodian Prime Minister Hun Manet speaks at the Global Chinese Economic and Technology (GCET) Summit 2024 in Phnom Penh, Cambodia, Nov. 26, 2024. (Photo by Ly Lay/Xinhua)