ချီကာဂို ၊ အောက်တိုဘာ ၁ ရက် (ဆင်ဟွာ)

အမေရိကန် နိုင်ငံ Wisconsin ပြည်နယ် Milwaukee မြို့ ရှိ နာရေးအခမ်းအနား တစ်ခုတွင် စက်တင်ဘာ ၃၀ ရက် နေ့လယ်ပိုင်း အချိန်က သေနတ်ပစ်ခတ်မှု ဖြစ်ပွား ခဲ့ရာ လူ ၇ ဦး ဒဏ်ရာရရှိခဲ့သည်။

ဝါရှင်တန်၊ အောက်တိုဘာ ၁ ရက် (ဆင်ဟွာ)

ပထမအကြိမ် အမေရိကန်သမ္မတလောင်း စကားစစ်ထိုးပွဲ၏ အခြေအနေအရ နောက်ဆက်လက် ကျင်းပမည့် စကားစစ်ထိုးပွဲများတွင် စည်းမျဉ်းစည်းကမ်းများကိုပြင်ဆင်သွားမည်ဖြစ်ကြောင်း ၊ ယင်းမှာပွဲစနစ်တကျ ဖြစ်စေရန် ရည်ရွယ်ကြောင်းအမေရိကန် သမ္မတလောင်းရုပ်မြင်သံကြား စကားစစ်ထိုးပွဲ တာဝန်ယူကြီးမှူးကျင်းပသည့် အမေရိကန်နိုင်ငံ သမ္မတစကားစစ်ထိုးပွဲဆိုင်ရာကော်မတီ(CPD)က စက်တင်ဘာ ၃၀ ရက်တွင် ပြောကြားခဲ့သည်။

မော်စကို ၊အောက်တိုဘာ ၁ ရက်(ဆင်ဟွာ)

ဆီးရီးယားနိုင်ငံတွင် လုပ်ဆောင်လျက်ရှိသည့် ရုရှားနိုင်ငံ၏ အကြမ်းဖက်မှုနှိမ်နင်းရေး စစ်ပွဲများသည် နိုင်ငံ၏ စစ်ရေးစွမ်းရည်မြင့်မားမှုကို ဖော်ပြနေခြင်းဖြစ်ကြောင်း ရုရှားနိုင်ငံကာကွယ်ရေးဝန်ကြီးဌာန ဝန်ကြီး Sergei Shoigu က စက်တင်ဘာ ၃၀ ရက်တွင် ရေးသားခဲ့သော ဆောင်းပါးတစ်ပုဒ်တွင်  ဖော်ပြထားသည်။

ခတ္တမန္ဒူ၊ စက်တင်ဘာ ၃၀ ရက် (ဆင်ဟွာ)

နီပေါနိုင်ငံ အစိုးရက အောက်တိုဘာ ၁၇ ရက်မှစပြီး တောင်တက်ခြင်းနှင့် ခြေလျင်တောင်တက်ခြင်း ခရီးစဉ်များအတွက် နိုင်ငံခြားခရီးသွားများကို ပြန်လည်ကြိုဆိုရန် ဆုံးဖြတ်ချက်ချခဲ့ခြင်းကြောင့် နီပေါတွင် ၇ လ နီးပါး ရပ်တန့်ခဲ့ရသော နိုင်ငံခြားသားများအတွက် ခရီးသွားဗီဇာများ ပြန်လည်ထုတ်ပေးနေပြီ ဖြစ်ကြောင်း ယဉ်ကျေးမှု၊ ခရီးသွားလုပ်ငန်းနှင့် ပြည်သူ့လေကြောင်း ပို့ဆောင်ရေးဝန်ကြီးဌာနက ပြောကြားခဲ့သည်။

နီပေါအစိုးရက COVID-19 ရောဂါပျံ့နှံ့မှုကို ထိန်းချုပ်ရန် မတ်လအစောပိုင်းက ခရီးသွားဗီဇာများထုတ်ပေးခြင်းကို ဆိုင်းငံ့ခဲ့ခြင်းဖြစ် သည်။ “အခုတော့ နိုင်ငံခြားသားတွေက နီပေါနိုင်ငံကို လာရောက်ပြီး တောင်တက်ခြင်းနှင့် ခြေလျင်တောင်တက်ခရီးစဉ်များ လုပ်ဆောင်လိုတဲ့ နိုင်ငံရပ်ခြားရှိ ကျွန်တော်တို့ရဲ့ သံရုံးတွေကနေ ခရီးသွားဗီဇာများ ရရှိနိုင်ပါပြီ” ဟု ခရီးသွားလာရေးဝန်ကြီးဌာန ပြောရေးဆိုခွင့်ရှိသူ Kamal Prasad Bhattarai က စက်တင်ဘာ၂၉ ရက်တွင် ဆင်ဟွာသို့ ပြောခဲ့သည်။ နီပေါနိုင်ငံ သံတမန်ရေးရာဌာနမရှိသည့် နိုင်ငံများမှ ခရီးသွားများအနေဖြင့်မူ ဆိုက်ရောက်ဗီဇာ ရယူနိုင်မည်ဖြစ်သည်။

“နိုင်ငံခြားခရီးသွားများအတွက် ခရီးသွားဗီဇာထုတ်ပေးခြင်းတွေမှာ ခရီးသွားဝန်ကြီးဌာနနဲ့ အခြားသောဆက်စပ်တဲ့ အေဂျင်စီများနဲ့အတူ ကျွန်တော်တို့ ပူးပေါင်းဆောင်ရွက်မှာဖြစ်ပါတယ်” ဟု လူဝင်မှုကြီးကြပ်ရေးဦးစီးဌာန ညွှန်ကြားရေးမှူးချုပ် Ramesh Kumar KC က ဆင်ဟွာကို ပြောကြားခဲ့သည်။ ၇လ နီးပါး ရပ်တန့်ခဲ့ရပြီးနောက် ပထမဆုံးအကြိမ် ခရီးသွားဗီဇာများ ပြန်လည်ထုတ်ပေးခြင်းဖြစ်သည်။

လူဝင်မှုကြီးကြပ်ရေးဌာနသည်  နီပေါအစိုးရအေဂျင်စီများ၏ ထောက်ခံချက်အလိုက် နိုင်ငံခြားသားများကို ကိစ္စတစ်ခုချင်းစီအလိုက် အကန့်အသတ်ဖြင့် ခရီးသွားဗီဇများ ထုတ်ပေးလျက်ရှိသည်။စက်တင်ဘာ ၂၉ ရက်က ထုတ်ပြန်လိုက်သည့်စံနှုန်းများအရ  နိုင်ငံခြားခရီးသွားများသည် ကိုရိုနာဗိုင်းရပ်စ် ကူးစက်ထားခြင်းမရှိကြောင်းအတည်ပြုရန် နီပေါနိုင်ငံသို့ မဝင်ရောက်မီ အနည်းဆုံး ၇၂ နာရီအတွင်း polymerase chain reaction (PCR) စစ်ဆေးမှု လုပ်ဆောင်ထားကြောင်းကို ဖြည့်စွက်ရန် လိုအပ်မည် ဖြစ်သည်။  

ထို့ပြင် ၎င်းတို့သည် နီပေါတွင် ကြိုတင်စာရင်းပေးသွင်းထားသည့် ဟိုတယ်၌ ခုနစ်ရက် အသွားအလာကန့်သတ်စောင့်ကြည့်မှုခံယူရန် အတည်ပြုစာရွက်စာတမ်းများလည်း တင်ပြရမည်ဖြစ်ကြောင်း၊ ခရီးသွားများအနေဖြင့် အသွားအလာကန့်သတ်စောင့်ကြည့်သည့် ၅ ရက်မြောက်နေ့တွင် နောက်ထပ်စစ်ဆေးမှု လုပ်ဆောင်ရမည်ဖြစ်ကြောင်း၊ အသွားအလာကန့်သတ်မှုစောင့်ကြည့်သည့်ကာလအတွင်း COVID-19 ကူးစက်ခံရခြင်းမရှိကြောင်း စစ်ဆေးမှုခံယူပြီးနောက်တွင်မူ တောင်တက်ခြင်းနှင့် အခြားသောခြေလျင်တောင်တက် ခရီးစဉ်များ သွားရောက်နိုင်ပြီဖြစ်ကြောင်း သိရသည်။

၎င်းတို့အနေဖြင့် တောင်တက်ခြင်းနှင့်အခြားသောခြေကျင်ခရီးစဉ်များ လုပ်ဆောင်စဉ်တွင် တင်းကျပ်သည့် ကျန်းမာရေးဆိုင်ရာ ကန့်သတ်ချက်များ လိုက်နာရမည်ဖြစ်သည်။နီပေါအစိုးရသည် COVID-19 ကပ်ရောဂါကြောင့် ခရီးသွားလုပ်ငန်းကဏ္ဍ ဆိုးဆိုးရွားရွားထိခိုက်ခဲ့ရသဖြင့် ခရီးသွားလုပ်ငန်း၏ သေချာသည့်ကဏ္ဍများကို ပြန်လည်ဖွင့်လှစ်ခဲ့ခြင်းဖြစ်သည်ဟု Bhattarai က ဆိုသည်။“ကျွန်တော်တို့  ကျန်းမာရေးကန့်သတ်ချက်တွေကို တင်းတင်းကြပ်ကြပ်လိုက်နာခြင်းဖြင့် ခရီးသွားလုပ်ငန်းတစ်ခုလုံး ပြန်လည်ဖွင့်လှစ်နိုင်ဖို့လည်းဆွေးနွေးနေပါတယ်” ဟု ၎င်းက ပြောကြားခဲ့သည်။  (Xinhua)

ရောမ ၊ စက်တင်ဘာ ၃၀ ရက် (ဆင်ဟွာ)

ကုလသမဂ္ဂ စားနပ်ရိက္ခာအဖွဲ့ ညွှန်ကြားရေးမှူးချုပ် ကျွိတုန်းယွီ က စားနပ်ရိက္ခာ ဆုံးရှုံးမှု နှင့် ဖြုန်းတီးမှု ပြဿနာသည် လက်ရှိတွင် ရင်ဆိုင်နေရသော ကြီးမားသည့် စိန်ခေါ်မှု တစ်ရပ်ဖြစ်ပြီး သီထွင်စမ်းသစ်သည့် စီမံခန့်ခွဲမှု ပြုလုပ်ရမည် ဖြစ်ကြောင်း ၊ စိုက်ပျိုးရေး လုပ်ငန်း နှင့် စာနပ်ရိက္ခာ စနစ် အား ဒစ်ဂျစ်တယ် ပုံစံအဖြစ် ပြောင်းလဲခြင်း ၊ စားနပ်ရိက္ခာဈေးကွက် ကို အသစ်ပြန်လည် ရေးဆွဲခြင်း တို့ဖြင့် စိန်ခေါ်မှုအား ရင်ဆိုင်သွားရမည် ဖြစ်ကြောင်း စက်တင်ဘာ ၂၉ ရက် ၌ ပြောကြား ခဲ့သည်။

ကုလသမဂ္ဂ ၊ စက်တင်ဘာ ၃၀ ရက် (ဆင်ဟွာ)

နယူးယောက်မြို့ရှိ ကုလသမဂ္ဂရုံးချုပ်တွင် ဗီဒီယိုလင့်ခ်မှတဆင့် ကျင်းပသော ၇၅ ကြိမ်မြောက် ကုလသမဂ္ဂအထွေထွေညီလာခံ(UNGA75) တွင် ကမ္ဘာ့ခေါင်းဆောင်အများစု နှင့် သက်ဆိုင်ရာ နိုင်ငံကိုယ်စားပြုသူများသည် နိုင်ငံစုံပါဝင်ရေးဝါဒ နှင့် ကုလသမဂ္ဂအား ခိုင်မာစွာ ထောက်ခံကြောင်း အပြုသဘောဆောင်သည့် မှတ်ချက်တစ်ခုနှင့်အတူ စက်တင်ဘာ ၂၉ ရက်တွင် ပြီးဆုံးခဲ့ကြောင်း သိရသည်။

ဝါရှင်တန် ၊ စက်တင်ဘာ ၂၈ ရက်(ဆင်ဟွာ)

အမေရိကန်နိုင်ငံတွင် လူကြိုက်များနေသော TikTok ဗီဒီယိုမျှဝေရေး အက်ပလီကေးရှင်းအား ပိတ်ပင်တားဆီးခြင်းဆိုင်ရာ သမ္မတထရမ့်အစိုးရအဖွဲ့၏ အမိန့်ကို အမေရိကန်နိုင်ငံ ပြည်ထောင်စုတရားသူကြီးတစ်ဦးက စက်တင်ဘာ ၂၇ ရက် တွင် ရပ်တံ့ပစ်ရန် ဆုံးဖြတ်လိုက်ကြောင်း သိရသည်။ သမ္မတထရမ့်၏ ယင်းအငြင်းပွားဖွယ်ရာ TikTok ပိတ်ပင်တားဆီးခြင်း အမိန့် အသက်ဝင်ခြင်း မပြုမီ နာရီပိုင်းအလိုတွင် ယခုကဲ့သို့ ပြည်ထောင်စု တရာသူကြီးတစ်ဦးက ရပ်တံ့ဖယ်ရှားပစ်ရန် ဆုံးဖြတ်လိုက်ခြင်း ဖြစ်ကြောင်းသိရသည်။ (Xinhua)

ကုလသမဂ္ဂ ၊ စက်တင်ဘာ ၂၇ ရက်(ဆင်ဟွာ)

ကမ္ဘာ့ကုလသမဂ္ဂ အထွေထွေအတွင်းရေးမှူးချုပ် အန်တိုနီယိုဂူတာရက်စ်က နျူကလီးယားစစ်ပွဲတစ်ခုသည် အောင်မြင်မှုရရှိမည်မဟုတ်ကြောင်း နှင့် တိုက်ခိုက်၍လည်း မရနိုင်ကြောင်း စက်တင်ဘာ ၂၆ ရက်တွင် ထုတ်ဖော် ပြောကြားခဲ့သည်။ 

ကိယက်ဗ် ၊ စက်တင်ဘာ ၂၆ ရက် (ဆင်ဟွာ)

ယူကရိန်းနိုင်ငံ အရှေ့မြောက်ပိုင်း Kharkiv ပြည်နယ်တွင် ဖြစ်ပွားခဲ့သည့် စစ်လေယာဉ်ပျက်ကျမှုကြောင့် သေဆုံးသူ ၂၅ ဦးအထိရောက်ရှိလာခဲ့ပြီး ၂ ဦးပြင်းထန်စွာဒဏ်ရာရရှိခဲ့ကာ ယူကရိန်းနိုင်ငံအစိုးရ အနေဖြင့် အခင်းဖြစ်ပွားရခြင်းနှင့်ပတ်သက်၍ စုံစမ်းစစ်ဆေးမှုဆောင်ရွက်နေကြောင်း ယူကရိန်းနိုင်ငံ လေတပ်စစ်ဌာနချုပ်၏ စက်တင်ဘာ ၂၆ ရက်နံနက်ပိုင်းထုတ်ပြန်ကြေညာချက်အရ သိရှိရသည်။