တရုတ်နိုင်ငံ၏ ပထမဆုံး ကုန်ပစ္စည်းထောက်ပံ့ရေးအာကာသယာဉ် Tianzhou-1 အား လွှတ်တင်တော့မည်

ပေကျင်း၊ ဧပြီ ၁၈ ရက် (ဆင်ဟွာ)

တရုတ်နိုင်ငံ၏ ပထမဆုံး ကုန်ပစ္စည်းထောက်ပံ့ရေးအာကာသယာဉ် ဖြစ်သော Tianzhou-1 အား အာကာသအတွင်းသို့ ဧပြီ ၂၀ ရက် မှ ၂၄ရက်ကြား လွှတ်တင်သွားမည်ဖြစ်ကြောင်း တရုတ်နိုင်ငံ လူလိုက်ပါသည့်အာကာသအစီအစဉ်ရုံး၏ ပြောကြားချက်အရ သိရသည်။

ကုန်ပစ္စည်းထောက်ပံ့ရေးအာကာသယာဉ် Tianzhou-1 အား Long March- 7 Y2 ဂြိုလ်တုသယ်ဆောင်ရေး ဒုံးပျံ နှင့်အတူ စမ်းသပ်စင်တာမှ တရုတ်နိုင်ငံ တောင်ပိုင်း ဟိုင်နန်ပြည်နယ်၊ ဝမ်ချောင်းမြို့ရှိ ပစ်လွှတ်ရေးဇုန်သို့ ရွှေ့ပြောင်းထားပြီးဖြစ်ကြောင်း ဧပြီ ၁၇ ရက်တွင် ရုံးမှထုတ်ပြန်ချက်တစ်ခုအရ သိရသည်။

အဆိုပါ ကုန်ပစ္စည်းထောက်ပံ့ရေး အာကာသယာဉ်သည် ကမ္ဘာမြေပေါ်သို့ ပြန်လည် မကျရောက်ခင် အာကာသတွင်းစမ်းသပ်မှုများကိုလည်း လုပ်ဆောင်မည်ဖြစ်ကြောင်း သိရသည်။ (Xinhua)