ရေပေါ်ရုပ်ရှင်ရုံလေးက ရုပ်ရှင်ချစ်သူများအကြား လူကြိုက်များ ရေပန်းစား လျက်ရှိ 

တယ်လ်အာဗီရာဖို၊ ဩဂုတ် ၂၅ ရက်(ဆင်ဟွာ) 

တယ်လ်အာဗီရာဖိုမြို့ရှိ Yarkon ဥယျာဉ်ရေကန်တွင် အစ္စရေး၏ ပထမဆုံး ရေပေါ် ရုပ်ရှင်ရုံကို ဖွင့်လှစ်ခဲ့သည်။ ထိုရုပ်ရှင်ရုံကို ဩဂုတ် ၂၃ ရက်မှ ဩဂုတ်လကုန်အထိ ဖွင့်လှစ်မည် ဖြစ်ကြောင်းသိရသည်။ ရုပ်ရှင်ရုံ screenမြင်ကွင်းကျယ်ကြီးကို ရေပေါ်တွင် ကြည့်ရှုရခြင်းဖြစ်ပြီး လှေတစ်စီးလျှင် ပရိသတ် ၄ ဦး လှေလေးတငြိမ့်ငြိမ့်ဖြင့် ကြည့်ရှုနိုင်ကြောင်း သိရသည်။ 

ပြည်သူ့ကျန်းမာရေးစည်းကမ်းသတ်မှတ်ချက်များအရ လူ ၂၀၀ ကြည့်ရှုနိုင်ရန် လှေ အစီး ၇၀ စီစဉ်ထားရာ လှေတစ်စီးနှင့်တစ်စီးအကြား အကွာအဝေးကို ၂ မီတာ ထားရှိရမည် ဖြစ်သည်။COVID-19 ကပ်ရောဂါဖြစ်ပွားမှုကြောင့် အစ္စရေး၏ ယဉ်ကျေးမှုလှုပ်ရှားပွဲများ စိန်ခေါ်မှုနှင့် ရင်ဆိုင်ရလျက်ရှိရာ ပြဇတ်ရုံနှင့် ရုပ်ရှင်ရုံများ အားလုံးကို ပိတ်ထားရပြီး ပြင်ပတွင်သာ လုပ်ဆောင်ခွင့်ရှိကြောင်း သိရသည်။ ဇူလိုင်လနှင့် ဩဂုတ်လတွင် အစ္စရေး၏တစ်ဦးချင်း ကိုရိုနာဗိုင်းရပ်စ်ကူးစက်မှုနှုန်းသည် ကမ္ဘာတွင် အမြင့်ဆုံးဖြစ်ကြောင်း သိရသည်။  (Xinhua)