တရုတ်နိုင်ငံက အီတလီနိုင်ငံသို့ ဆေးဘက်ကျွမ်းကျင်အဖွဲ့ တတိယအသုတ် ထပ်မံစေလွှတ်

ပေကျင်း၊ မတ် ၂၆ ရက် (ဆင်ဟွာ)

တရုတ်နိုင်ငံက အီတလီနိုင်ငံတွင် COVID-19 တိုက်ဖျက်ရေး အထောက်အပံ့ ဖြစ်စေရန် ဆေးဘက်ဆိုင်ရာကျွမ်းကျင်သူများပါဝင်သည့် ဆေးဘက်အကူအဖွဲ့ တစ်ဖွဲ့ကို တတိယအသုတ်အဖြစ် အီတလီနိုင်ငံသို့ ထပ်မံစေလွှတ်ခဲ့ကြောင်းသိရသည်။  ဖူကျန့်ပြည်နယ်မှ ကျွမ်းကျင်သူ ၁၄ ဦးပါဝင်သည့်အဖွဲ့သည် မတ် ၂၅ ရက်တွင် တရုတ်နိုင်ငံမှ အီတလီ နိုင်ငံသို့ ထွက်ခွါသွားပြီဖြစ်သည်။ ၎င်းတို့၏ အဓိက တာဝန်မှာ အီတလီနိုင်ငံရှိ ဆေးရုံများနှင့် ကျွမ်းကျင်သူများကို COVID-19 ကာကွယ်ရေးနှင့် ကုသရေးအတွေ့အကြုံများ ဖလှယ်ရန်နှင့် ကုသရေးတွင် အထောက်အကူဖြစ်စေမည့် အကြံဉာဏ်များပေးရန်တို့ဖြစ်သည်။ ကျွမ်းကျင်သူအဖွဲ့နှင့်အတူ ဖူကျန့်ပြည်နယ်မှ လှူဒါန်းသည့် ဆေးဝါးအထောက်အပံ့ ပစ္စည်းတန်ချိန်ပေါင်း ၈တန်ကို လည်း တစ်ပါတည်းသယ်ဆောင်သွားခဲ့သည်။ တရုတ်နိုင်ငံက ဆေးဘက်ကျွမ်းကျင်အဖွဲ့ နှစ်ဖွဲ့နှင့်အတူ ဆေးဝါးအထောက်အပံ့ပစ္စည်းတန်ချိန်ပေါင်း ၂၀ ကျော်ကိုလည်း ပထမအသုတ်နှင့် ဒုတိယအသုတ်အဖြစ် အီတလီနိုင်ငံသို့ အသီးသီး ပို့ဆောင်ခဲ့ပြီးဖြစ်ကြောင်းသိရသည်။  (Xinhua)