ဝမ်ရိနှင့် ပါကစ္စတန်နိုင်ငံ ဒုတိယ၀န်ကြီးချုပ်၊ နိုင်ငံခြားရေးဝန်ကြီး Ishaq Dar တို့က ပဉ္စမအကြိမ်မြောက် တရုတ်-ပါကစ္စတန် နိုင်ငံခြားရေးဝန်ကြီးများ မဟာဗျူဟာမြောက် တွေ့ဆုံဆွေးနွေးပွဲ ကျင်းပ

ပေကျင်း၊ မေ ၁၆ ရက် (ဆင်ဟွာ)
တရုတ်ကွန်မြူနစ်ပါတီ (CPC) ဗဟိုကော်မတီ နိုင်ငံရေးဗျူရို အဖွဲ့ဝင်၊ နိုင်ငံခြားရေးဝန်ကြီး ဝမ်ရိနှင့် ပါကစ္စတန် ဒုတိယ၀န်ကြီးချုပ်၊ နိုင်ငံခြားရေးဝန်ကြီး Ishaq Dar တို့သည် ပဉ္စမအကြိမ်မြောက် တရုတ်-ပါကစ္စတန် နိုင်ငံခြားရေးဝန်ကြီးများ မဟာဗျူဟာမြောက် တွေ့ဆုံဆွေးနွေးပွဲကို တရုတ်နိုင်ငံ ပေကျင်းမြို့၌ မေ ၁၅ ရက်က ကျင်းပခဲ့ကြောင်း သိရသည်။

တရုတ်ကွန်မြူနစ်ပါတီ (CPC) ဗဟိုကော်မတီ နိုင်ငံရေးဗျူရို အဖွဲ့ဝင်၊ နိုင်ငံခြားရေးဝန်ကြီး ဝမ်ရိနှင့် ပါကစ္စတန် ဒုတိယ၀န်ကြီးချုပ်၊ နိုင်ငံခြားရေးဝန်ကြီး Ishaq Dar တို့ ပဉ္စမအကြိမ်မြောက် တရုတ်-ပါကစ္စတန် နိုင်ငံခြားရေးဝန်ကြီးများ မဟာဗျူဟာမြောက် တွေ့ဆုံဆွေးနွေးပွဲကို တရုတ်နိုင်ငံ ပေကျင်းမြို့၌ မေ ၁၅ ရက်က ကျင်းပခဲ့စဉ် (ဆင်ဟွာ)

ဝမ်ရိက တရုတ်နိုင်ငံနှင့် ပါကစ္စတန်နိုင်ငံတို့သည် အချိန်အခါမရွေး မဟာဗျူဟာမြောက် မိတ်ဖက်ဆက်ဆံရေးဖြစ်ကြောင်း၊ ကာလရှည်ကြာစွာ ပါကစ္စတန်သည် တရုတ် တစ်နိုင်ငံတည်း မူဝါဒကို အခိုင်အမာ လိုက်နာစောင့်ထိန်းခဲ့ပြီး တရုတ်နိုင်ငံ၏ အဓိက အကျိုးစီးပွားများနှင့် စပ်လျဉ်းသည့် ကိစ္စရပ်များတွင် တရုတ်နိုင်ငံအား အရေးပါသော ပံ့ပိုးကူညီမှုများ ပေးခဲ့ကြောင်း၊ တရုတ်နိုင်ငံကလည်း ပါကစ္စတန်နိုင်ငံ၏ အချုပ်အခြာအာဏာ၊ လွတ်လပ်ရေးနှင့် နယ်မြေပိုင်နက်ပြည့်စုံမှုကို ကာကွယ်ရန်နှင့် ပါကစ္စတန်နိုင်ငံအား နိုင်ငံတကာနှင့် ဒေသတွင်းရေးရာများတွင် ပိုမိုကြီးမားသောအခန်းကဏ္ဍ မှပါဝင်ဆောင်ရွက်ရာတွင် အမြဲတမ်း အခိုင်အမာ ထောက်ခံခဲ့ကြောင်း၊ အစိုးရသစ်၏ ဦးဆောင်မှုအောက်တွင် ပါကစ္စတန်နိုင်ငံသည် နိုင်ငံရေး စည်းလုံးညီညွတ်မှု၊ လူမှုရေးတည်ငြိမ်မှု၊ လုံခြုံရေးတွင် ထိန်းချုပ်နိုင်မှုနှင့် ရေရှည်တည်တံ့သော ဖွံ့ဖြိုးတိုးတက်မှု အဆင့်သစ်တစ်ခုသို့ ရောက်ရှိမည်ဟု ယုံကြည်ကြောင်း၊ တရုတ်နှင့် ပါကစ္စတန်တို့သည် အချင်းချင်း ထောက်ပံ့ကူညီခြင်း၊ အေးအတူ ပူအမျှ မျှဝေခံစားကာ ရှေ့သို့ အတူဖြတ်သန်းရန် တရုတ်-ပါကစ္စတန် အချိန်အခါမရွေး မဟာဗျူဟာမြောက် ပူးပေါင်းဆောင်ရွက်မှု မိတ်ဖက်ဆက်ဆံရေးကို အဆင့်သစ်သို့ မြှင့်တင်မည်ဖြစ်ကြောင်း ပြောကြားခဲ့သည်။

ထို့ပြင် တရုတ်နိုင်ငံသည် ပါကစ္စတန်နိုင်ငံနှင့်အတူ နှစ်နိုင်ငံခေါင်းဆောင်များ ရရှိပြီးသော အရေးကြီးသဘောတူညီချက်များကို အကောင်အထည်ဖော်ရန်၊ အင်အားများစုစည်းပြီး တရုတ်-ပါကစ္စတန် စီးပွားရေးစင်္ကြံကို အဆင့်မြှင့်တင်တည်ဆောက်ရေးတိုးမြှင့်ရန်၊ တရုတ်-ပါကစ္စတန် အချိန်အခါမရွေး မဟာဗျူဟာမြောက် ပူးပေါင်းဆောင်ရွက်မှု မိတ်ဖက်ဆက်ဆံရေးကို ပိုမိုမြင့်မားသော အရည်အသွေး၊ ပိုမိုလုံခြုံပြီး ပိုမိုရေရှည်တည်တံ့သော အဆင့်သစ်တစ်ခုသို့ မြှင့်တင်ရန် ခေတ်သစ်ဖွဲ့စည်းတည်ဆောက်မှုကို အရှိန်မြှင့်လုပ်ဆောင်သွားပြီး တရုတ်-ပါကစ္စတန် အေးအတူ ပူအမျှ အသိုက်အဝန်း ကို နီးကပ်စွာလုပ်ဆောင်သွားရန် ဆန္ဒရှိကြောင်း၊ တရုတ်နိုင်ငံသည် ပါကစ္စတန်နိုင်ငံနှင့် အတူ ပူးပေါင်းဆောင်ရွက်မှုကို နက်ရှိုင်းစွာလုပ်ဆောင်ရန် ယိမ်းယိုင်သွားမည်မဟုတ်ကြောင်း၊ တစ်ချိန်တည်းမှာပင် ပါကစ္စတန်နိုင်ငံ အတွင်းရှိ တရုတ်နိုင်ငံသားများ၊ စီမံကိန်းများနှင့် အဖွဲ့အစည်းများ၏ လုံခြုံရေးကို သေချာစေရန် ဆောင်ရွက်ပေးပြီး တရုတ်ကုမ္ပဏီများနှင့် ဝန်ထမ်းများ၏ စိုးရိမ်ပူပန်မှုများကို ဖယ်ရှားပေးမည်ဟု မျှော်လင့်ကြောင်း ဝမ်ရိက ပြောကြားခဲ့သည်။

Ishaq Dar က တရုတ်-ပါကစ္စတန်ဆက်ဆံရေးသည် ပါကစ္စတန်၏ နိုင်ငံခြားရေးမူဝါဒ၏ အုတ်မြစ်ဖြစ်ကြောင်း၊ ပါကစ္စတန်သည် တရုတ်တစ်နိုင်ငံတည်းမူကို လိုက်နာပြီး တရုတ်နိုင်ငံ၏ အဓိက အကျိုးစီးပွားများနှင့် ပတ်သက်သည့် ကိစ္စရပ်အားလုံးကို မဆိုင်းမတွ အခိုင်အမာ ထောက်ခံကာ နယ်ပယ်အသီးသီးတွင် ပါကစ္စတန်နှင့် တရုတ်ကြား လက်တွေ့ကျသော ပူးပေါင်းဆောင်ရွက်မှုကို ပိုမိုနက်ရှိုင်းအောင် လုပ်ဆောင်ရန် မျှော်လင့်ထားကြောင်း၊ ပါကစ္စတန် နိုင်ငံအတွင်းရှိ တရုတ်နိုင်ငံသားများနှင့် အဖွဲ့အစည်းများ၏ လုံခြုံရေး သေချာစေရန် အစွမ်းကုန် ကြိုးပမ်းသွားမည်ဟု ပြောကြားခဲ့ကြောင်း သိရသည်။ (Xinhua)

………………………………
(Chinese Version)
王毅同巴基斯坦副总理兼外长达尔举行第五次中巴外长战略对话
新华社北京5月15日电（记者成欣、曹嘉玥）中共中央政治局委员、外交部长王毅15日在北京同巴基斯坦副总理兼外长达尔举行第五次中巴外长战略对话。
王毅表示，中国和巴基斯坦是全天候战略合作伙伴。长期以来，巴基斯坦坚定奉行一个中国原则，在涉及中国核心利益问题上毫无保留给予中方宝贵支持。中方也始终坚定支持巴方捍卫国家主权、独立和领土完整，支持巴方在国际和地区事务中发挥更大作用。相信在新一届政府领导下，巴基斯坦将步入政治团结、社会稳定、安全可控、持续发展的新阶段。中方将同巴方相互支持、同甘共苦、携手前行，推动中巴全天候战略合作伙伴关系迈上新台阶。
王毅说，中方愿同巴方落实两国领导人重要共识，汇集力量推进中巴经济走廊“升级版”建设，推动中巴全天候战略合作伙伴关系步入更高质量、更为安全、更可持续的新阶段，携手加快构建新时代更加紧密的中巴命运共同体。中方同巴方深化合作的决心不会动摇，同时希望巴方继续全力保障中国在巴人员、项目和机构安全，消除中国企业和人员的后顾之忧。
达尔表示，对华关系是巴对外政策的基石。巴方恪守一个中国原则，在所有涉及中方核心利益的问题上毫不犹豫地坚定支持中方，期待进一步深化巴中各领域务实合作。巴方将全力保障中国在巴人员和机构安全。
图说：5月15日，中共中央政治局委员、外交部长王毅在北京同巴基斯坦副总理兼外长达尔举行第五次中巴外长战略对话。