တရုတ်နိုင်ငံက ကုန်သွယ်မှုမြှင့်တင်ရေး ကူညီမှုအစီအစဉ် လက်တွေ့ဖော်ဆောင်မှုအပေါ် ကမ္ဘာ့ကုန်သွယ်ရေးအဖွဲ့ (WTO) အထူးအသိအမှတ်ပြု

ဂျီနီဗာ၊ ဇွန် ၁၈ ရက် (ဆင်ဟွာ)
ကမ္ဘာ့ကုန်သွယ်ရေးအဖွဲ့ (WTO) ၏ ၆၃ ကြိမ်မြောက် “ကုန်သွယ်မှုမြှင့်တင်ရေး ကူညီမှုအစီအစဉ်” အထူးခေါင်းစဉ်ဖြင့် အစည်းအဝေးကို ဇွန် ၁၇ ရက်တွင် ဆွစ်ဇာလန်နိုင်ငံ ဂျီနီဗာမြို့၌ ကျင်းပခဲ့သည်။ တရုတ်နိုင်ငံက “ဖွံ့ဖြိုးဆဲနိုင်ငံများ ပူးပေါင်းဆောင်ရွက်မှု အလားအလာ မျှော်မှန်းချက်” ဆိုင်ရာ ဆွေးနွေးမှုအစီအစဉ်တွင် ဖွံ့ဖြိုးဆဲနိုင်ငံများက ကုန်သွယ်ရေးဆိုင်ရာ အခြေခံအဆောက်အဦးများ မြှင့်တင်ခြင်း၊ ကုန်သွယ်ရေးမူဝါဒ ရေးဆွဲခြင်းစွမ်းရည်၏ အဓိကကျသော လုပ်ထုံးလုပ်နည်းနှင့် အောင်မြင်မှု အတွေ့အကြုံများအား အားဖြည့်ခြင်းအပေါ် တရုတ်နိုင်ငံ၏ ထောက်ခံအားပေးမှုများကို စနစ်တကျ မိတ်ဆက်ပြောကြားခဲ့ရာ အစည်းအဝေးတက်ရောက်လာကြသော ဘက်အသီးသီး၏ အထူးအသိအမှတ်ပြုခြင်းကို ခံခဲ့ရသည်။
ဖွံ့ဖြိုးဆဲနိုင်ငံများက ကုန်သွယ်ရေးဆိုင်ရာအခြေခံအဆောက်အဦးများအဆင့်နှင့် စံနှုန်းညီမှုစွမ်းရည် မြှင့်တင်ခြင်းအပေါ် တရုတ်နိုင်ငံ၏ ကူညီမှုများ၊ ဖွံ့ဖြိုးဆဲနိုင်ငံများ၏ ကုန်သွယ်ရေးမူဝါဒနှင့် ဥပဒေစည်းမျဉ်းများ၊ E-commerce စံနှုန်းများ စသည့်ကဏ္ဍများတွင် စွမ်းရည်တည်ဆောက်ခြင်းဆိုင်ရာ အထူးကိစ္စရပ်များကို တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန စီးပွားရေးပူးပေါင်းဆောင်ရွက်မှုဗျူရို ကိုယ်စားလှယ်က မိတ်ဆက်ပေးခဲ့သည်။ တရုတ်နိုင်ငံအနေဖြင့် ဖွံ့ဖြိုးဆဲနိုင်ငံများ ပူးပေါင်းဆောင်ရွက်မှုကို စဉ်ဆက်မပြတ် အားဖြည့်သွားကာ အားလုံးပါဝင်မှုရှိသော ဖွံ့ဖြိုးတိုးတက်မှုတွင် ပိုမိုကောင်းမွန်စွာ ဝန်ဆောင်မှုပေးနိုင်ရန် ကုန်သွယ်မှုမြှင့်တင်ရေးကူညီမှုအစီအစဉ်အား တွန်းအားပေးပြီး ဖွံ့ဖြိုးတိုးတက်မှု ရလဒ်များက နိုင်ငံအသီးသီးမှ ပြည်သူများအား ပိုမိုအကျိုးပြုနိုင်ရန် ကမ္ဘာ့ကုန်သွယ်ရေးအဖွဲ့အား ဗဟိုပြုသော နိုင်ငံစုံကုန်သွယ်ရေးစနစ်ကို အခိုင်အမာ ထောက်ခံအားပေးသွားမည်ဖြစ်ကြောင်း ၎င်းက ပြောကြားခဲ့သည်။

တရုတ်နိုင်ငံ၏ ဖိတ်ကြားမှုအရ လာအိုနိုင်ငံ လာအို-တရုတ် ပူးပေါင်းဆောင်ရွက်ရေးကော်မတီ ကိုယ်စားလှယ်က လာအိုနိုင်ငံ၏ ကုန်သွယ်ရေးဆိုင်ရာ မူဝါဒ၊ ဥပဒေစည်းမျဉ်းများ၊ အခြေခံအဆောက်အဦ၊ မီးရထားလမ်း အပြန်အလှန် ချိတ်ဆက်မှု၊ ဒစ်ဂျစ်တယ် ကုန်သွယ်ရေး၊ လူ့စွမ်းအားအရင်းအမြစ် စသည့် ကဏ္ဍများတွင် တရုတ်နိုင်ငံ၏ ဘက်စုံ ကူညီပံ့ပိုးမှုများကို မိတ်ဆက်ပြောကြားခဲ့သည်။ တရုတ်နိုင်ငံ၏ ပံ့ပိုးကူညီမှုများသည် လာအိုနိုင်ငံ၏ ကုန်သွယ်မှု အဆင်ပြေချောမွေ့ရေးအဆင့်ကို မြှင့်တင်ပေးရုံသာမက လာအိုအား “ကုန်းတွင်းပိတ်နိုင်ငံ” မှ “ကုန်းမြေချိတ်ဆက်နိုင်ငံ” အဖြစ်သို့ အသွင်ပြောင်းလဲရေးကိုပါ ပို၍ ကူညီအားဖြည့်ပေးခဲ့ရာ လာအို၏ ဒေသတွင်း ပါဝင်မှုနှင့် ကမ္ဘာလုံးဆိုင်ရာ တန်ဖိုးကွင်းဆက်အတွက် အဓိကျသော အားအင်များကို ဆောင်ကြဉ်းပေးခဲ့ကြောင်း ပြောကြားခဲ့သည်။
အဆိုပါအစည်းအဝေးသို့ တက်ရောက်လာကြသော ဘက်အသီးသီးကလည်း ကုန်သွယ်မှုမြှင့်တင်ရေး ကူညီမှုအစီအစဉ် (Aid for Trade) ကဏ္ဍတွင် တရုတ်နိုင်ငံ၏ လုပ်ဆောင်မှုများကို တက်ကြွစွာ မှတ်ချက်ပေးခဲ့ပြီး တရုတ်နိုင်ငံက ဖွံ့ဖြိုးဆဲနိုင်ငံအကြားပူးပေါင်းဆောင်ရွက်မှု မူဘောင်အောက်တွင် လုပ်ဆောင်ခဲ့သော ပံ့ပိုးကူညီမှုများကို အထူးလေးစားချီးကျူးခဲ့ကြသည်။
တရုတ်နိုင်ငံက ကမ္ဘာ့တောင်ဘက်ခြမ်းနိုင်ငံများ ပူးပေါင်းဆောင်ရွက်မှုမှတစ်ဆင့် ဖွံ့ဖြိုးဆဲနိုင်ငံများ၏ အခြေခံအဆောက်အဦနှင့် မူဝါဒစွမ်းရည်တည်ဆောက်ရေးကို အားဖြည့်ပေးရာ ယင်းသည် နိုင်ငံစုံကုန်သွယ်မှုစနစ်အပေါ် ၎င်း၏ ခိုင်မာသော ကတိကဝတ်ကို သက်သေပြခဲ့သလို ဖွံ့ဖြိုးတိုးတက်မှုရလဒ်များကို ပြည်သူများအား ပိုမိုကျယ်ကျယ်ပြန့်ပြန့် အကျိုးဖြစ်ထွန်းစေရန် တွန်းအားပေးခဲ့ကြောင်း မိုဇမ်ဘစ်နိုင်ငံက အာဖရိကနိုင်ငံများအုပ်စုကို ကိုယ်စားပြု၍ ပြောကြားခဲ့သည်။

တရုတ်-လာအို ပူးပေါင်းဆောင်ရွက်သည် ကောင်းမွန်သော စံနမူနာအဖြစ် ရပ်တည်ခဲ့ရာ အကောက်ခွန် ခေတ်မီအသွင်ပြောင်းရေး၊ ကုန်သွယ်မှု ဥပဒေပြဋ္ဌာန်းရေး၊ ဒစ်ဂျစ်တယ်ဖွံ့ဖြိုးတိုးတက်ရေးစသည့် ကဏ္ဍများတွင် အခိုင်အမာ ထောက်ခံအားပေးမှုအပေါ် တရုတ်နိုင်ငံအား ကျေးဇူးတင်ကြောင်း နီပေါနိုင်ငံက ဖွံ့ဖြိုးမှုအနည်းဆုံးနိုင်ငံများအစုအဖွဲ့ကို ကိုယ်စားပြု၍ ပြောကြားခဲ့သည်။
အာဖရိကကုန်သွယ်ရေး အခြေခံအဆောက်အဦတည်ဆောက်ရေး၊ စည်းမျဉ်းစည်းကမ်းများနှင့်အညီ စံနှုန်းမီရေးနှင့် စွမ်းရည် မြှင့်တင်မှု ကဏ္ဍများတွင် တရုတ်နိုင်ငံက အရေးပါသော ပံ့ပိုးကူညီမှုများ ဆောင်ရွက်ခဲ့ခြင်းအပေါ် ကျေးဇူးတင်ရှိကြောင်း၊ ယင်းက အာဖရိကကုန်သွယ်ရေး အဆင်ပြေလွယ်ကူမှု အသွင်ပြောင်းရေးနှင့် စဉ်ဆက်မပြတ် ဖွံ့ဖြိုးတိုးတက်ရေးအား သိသိသာသာ တွန်းအားပေးခဲ့ကြောင်း ကင်မရွန်းနိုင်ငံ ကိုယ်စားလှယ်အဖွဲ့က ပြောကြားခဲ့သည်။
ကုန်သွယ်မှုမြှင့်တင်ရေး ကူညီမှုအစီအစဉ်များတွင် တရုတ်နိုင်ငံ၏ ထိထိရောက်ရောက်လုပ်ဆောင်မှုကို လေးစားချီးကျူးကြောင်း၊ တရုတ်နိုင်ငံက အမျိုးစုံလင်သော တီထွင်ဆန်းသစ်မှု နည်းလမ်းဖြင့် ဖွံ့ဖြိုးဆဲနိုင်ငံများအကြား ပူးပေါင်းဆောင်ရွက်မှုကို နက်ရှိုင်းစေခဲ့ပြီး ဖွံ့ဖြိုးဆဲနိုင်ငံများအား ကမ္ဘာ့ကုန်သွယ်ရေးစနစ်တွင် ပိုမိုကောင်းမွန်စွာ ပါဝင်နိုင်ရန် အားဖြည့်ကူညီမှုအပေါ် ကျေးဇူးတင်ကြောင်း တန်ဇန်းနီးယားနိုင်ငံ ကိုယ်စားလှယ်အဖွဲ့က ပြောကြားခဲ့သည်။
ကမ္ဘာ့ကုန်သွယ်ရေးအဖွဲ့ (WTO) ၏ ကုန်သွယ်မှုမြှင့်တင်ရေး ကူညီမှုအစီအစဉ် (Aid for Trade) အဆိုပြုချက် ရည်ရွယ်ချက်မှာ ဖွံ့ဖြိုးဆဲနိုင်ငံအဖွဲ့ဝင်များအား ကူညီရန်၊ အထူးသဖြင့် ဖွံ့ဖြိုးမှုအနည်းဆုံး အဖွဲ့ဝင်များ၏ နိုင်ငံတကာ ကုန်သွယ်ရေးတွင် ပါဝင်နိုင်စွမ်းကို ခိုင်မာအားကောင်းစေရန် ဖြစ်သည်။ အဆိုပါ အဆိုပြုချက်သည် ရင်းနှီးငွေ ထောက်ပံ့မှု၊ နည်းပညာကူညီပံ့ပိုးမှုနှင့် စွမ်းဆောင်ရည်တည်ဆောက်မှုမှတစ်ဆင့် ၎င်း၏ ကုန်သွယ်ရေးအခြေခံအဆောက်အဦ ပိုမိုကောင်းမွန်စေရန်၊ မူဝါဒနှင့် ဥပဒေစည်းမျဉ်းစနစ်အား အားကောင်းစေရန် ကူညီပြီး ကမ္ဘာ့ကုန်သွယ်ရေးတွင် ပိုမိုကောင်းမွန်စွာ ပါဝင်ခြင်းဖြင့် စဉ်ဆက်မပြတ် ဖွံ့ဖြိုးတိုးတက်မှုကို အကောင်အထည်ဖော်မည်ဖြစ်သည်။ (Xinhua)
………………
(Chinese Version)
中方促贸援助实践在世贸组织受到高度肯定
新华社日内瓦6月17日电（记者焦倩）世界贸易组织第63次“促贸援助”专题会议17日在日内瓦召开。中方在“南南合作前景展望”议程下系统介绍了中国支持发展中国家提升贸易基础设施、加强贸易政策制定能力的主要做法和成功经验，受到与会各方高度肯定。
中国商务部经济合作局代表介绍了中方帮助发展中国家提升贸易基础设施水平和合规能力，以及加强发展中国家贸易政策与法规、电子商务标准等领域能力建设的具体案例，表示中国将持续加强南南合作，推动促贸援助更好服务于包容性发展，坚定支持以世贸组织为核心的多边贸易体制，让发展成果更多惠及各国人民。
应中方邀请，老挝老中合作委员会代表介绍了中方在贸易政策法规、基础设施、铁路互联互通、数字贸易和人力资源等领域对老方的全方位支持，表示中方援助不仅提升了老挝的贸易便利化水平，更助力老挝从“陆锁国”向“陆联国”转型，为老挝融入区域和全球价值链提供了关键动力。
与会各方积极评价中国在促贸援助方面开展的工作，高度赞赏中国在南南合作框架下所作贡献。莫桑比克代表非洲集团赞赏中国通过南南合作助力发展中国家加强基础设施与政策能力建设，体现了对多边贸易体制的坚定承诺，推动发展成果更广泛惠及民众。尼泊尔代表最不发达国家集团表示，中老合作树立了良好典范，感谢中方在海关现代化、贸易立法、数字发展等方面提供的大力支持。喀麦隆代表团感谢中国在非洲贸易基础设施建设、规则合规与能力提升方面作出的重要贡献，显著推动了非洲贸易便利化与可持续发展。坦桑尼亚代表团赞赏中方促贸援助成效，感谢中国以多元创新方式深化南南合作，助力发展中国家更好融入全球贸易体系。
世贸组织促贸援助倡议旨在帮助发展中成员，特别是最不发达成员，增强参与国际贸易的能力。该倡议通过提供资金支持、技术援助与能力建设，帮助其改善贸易基础设施、强化政策和法规体系，以更好融入全球贸易，实现可持续发展。（完）
这是6月17日在瑞士日内瓦世贸组织总部拍摄的世界贸易组织第63次“促贸援助”专题会议现场。新华社发（世贸组织供图）