ဆင်းရဲနွမ်းပါးမှုနှင့် ဖွံ့ဖြိုးတိုးတက်မှုအားနည်းချက်များကြောင့် ဖြစ်ပွားသော ပဋိပက္ခများကို ဘက်စုံမူဝါဒများဖော်ဆောင်ခြင်းဖြင့် ဖြေရှင်းရန် လိုအပ်ကြောင်း တရုတ်ကိုယ်စားလှယ်က အလေးပေးပြောကြား

ကုလသမဂ္ဂ၊ ဇွန် ၂၀ ရက် (ဆင်ဟွာ)
ဆင်းရဲနွမ်းပါးမှုနှင့် ဖွံ့ဖြိုးတိုးတက်မှုအားနည်းချက်များသည် ပဋိပက္ခဖြစ်ပွားရခြင်း၏ အဓိကအရင်းအမြစ်များဖြစ်ကြောင်း၊ လူအများအာရုံစိုက်သော ပြဿနာ အများအပြားသည် ရေရှည်တွင်လည်း ဖြေရှင်းမှုမရရှိဘဲ ဖွံ့ဖြိုးတိုးတက်ရေးရှုထောင့်မှ ဘက်စုံပါဝင်မှုရှိသော ဖြေရှင်းရေးနည်းလမ်းများ အဆိုပြုရန်လိုအပ်ကြောင်း ကုလသမဂ္ဂဆိုင်ရာ တရုတ်နိုင်ငံ အမြဲတမ်းကိုယ်စားလှယ် ဖုချုံးက ဇွန် ၁၉ ရက် လုံခြုံရေးကောင်စီ၏ “ဆင်းရဲနွမ်းပါးမှု၊ ဖွံ့ဖြိုးတိုးတက်ရေး မရှိမှုနှင့် ပဋိပက္ခ” တံခါးဖွင့် အချေအတင်ဆွေးနွေးပွဲတွင် ပြောကြားခဲ့သည်။

ဖွံ့ဖြိုးဆဲနိုင်ငံများ ဖွံ့ဖြိုးတိုးတက်မှု ကွာဟချက် ကျော်လွှားနိုင်အောင် ကူညီရန်၊ နိုင်ငံအသီးသီး၏ လွတ်လပ်စွာ ကိုယ်တိုင် ရွေးချယ်သော ဖွံ့ဖြိုးတိုးတက်မှုလမ်းကြောင်းကို လေးစားရန်၊ ကမ္ဘာလုံးဆိုင်ရာ ဖွံ့ဖြိုးတိုးတက်မှုမိတ်ဖက်ဆက်ဆံရေးအား တိုးချဲ့ရန်၊ ကမ္ဘာလုံးဆိုင်ရာ စီမံခန့်ခွဲရေး ကောင်းမွန်ပြည့်စုံရေး၊ အပြုသဘောဆောင်သော ငြိမ်းချမ်းရေးလုပ်ငန်းများ အလေးထားရေး တွန်းအားပေးရန် ဖုချုံးက ပြောကြားခဲ့သည်။

နိုင်ငံတကာ အသိုင်းအဝိုင်းအနေဖြင့် ဖွံ့ဖြိုးရေးဆိုင်ရာ ဆွေးနွေးမှုကို နိုင်ငံတကာ အစည်းအဝေးလုပ်ငန်းစဉ်၏ အချက်အချာနေရာတွင် ပြန်လည်ထားရှိကာ ဆင်းရဲနွမ်းပါးမှု၊ ပညာရေး၊ အလုပ်အကိုင်အခွင့်အလမ်း၊ စွမ်းဆောင်ရည်တည်ဆောက်မှု စသည့်အဓိကကဏ္ဍများတွင် အရင်းအမြစ်များအား ဦးစားပေးဖြည့်တင်းပေးပြီး မည်သည့်နိုင်ငံတစ်နိုင်ငံ၊ မည်သူတစ်ဦးတစ်ယောက်ကိုမျှ လက်တွဲပြုတ်မကျန်ခဲ့စေရန် ကြိုးစားသင့်ကြောင်း၊ ဖွံ့ဖြိုးပြီးနိုင်ငံများသည် တရားဝင် ဖွံ့ဖြိုးတိုးတက်ရေး ကူညီပံ့ပိုးမှုဆိုင်ရာ ကတိကဝတ်များကို လက်တွေ့လိုက်နာဆောင်ရွက်ကာ ဖွံ့ဖြိုးဆဲနိုင်ငံများအပေါ် အရင်းအနှီးနှင့် နည်းပညာထောက်ပံ့မှုအား မြှင့်တင်ပေးသင့်ကြောင်း၊ နိုင်ငံအသီးသီးအနေဖြင့် အများအကျိုးဖြစ်ထွန်း၍ အားလုံးပါဝင်နိုင်သော စီးပွားရေး ကမ္ဘာလုံးဆိုင်ရာအသွင်ပြောင်းမှုအား အဆိုပြု၍ ကမ္ဘာ့ကုန်သွယ်ရေးအဖွဲ့ (WTO) အား ဗဟိုပြုသော၊ စည်းမျဉ်းစည်းကမ်းများအား အရင်းခံသော နိုင်ငံစုံ ကုန်သွယ်ရေးစနစ်ကို အတူအကွ ထိန်းသိမ်းကာကွယ်ပြီး တံခါးဖွင့်လှစ်မှုရှိသော ကမ္ဘာ့စီးပွားရေးကို တည်ဆောက်ကာ တစ်ဖက်သတ်ဝါဒ၊ ကိုယ်ကျိုးစီးပွားကာကွယ်ရေးဝါဒနှင့် မိမိနိုင်ငံ အကျိုးစီးပွား ဦးထိပ်ထားမှုကို ကန့်ကွက်သင့်ကြောင်း ၎င်းက ပြောကြားခဲ့သည်။

တရုတ်နိုင်ငံသည် ကမ္ဘာ့ငြိမ်းချမ်းရေး တည်ဆောက်သူ၊ ကမ္ဘာလုံးဆိုင်ရာ ဖွံ့ဖြိုးတိုးတက်မှုအတွက် ကူညီပံ့ပိုးသူ၊ နိုင်ငံတကာစည်းစနစ် ထိန်းသိမ်းကာကွယ်သူ အစဉ်အမြဲဖြစ်ကြောင်း ဖုချုံးက ပြောကြားခဲ့သည်။

တရုတ်နိုင်ငံက ကမ္ဘာလုံးဆိုင်ရာ လုံခြုံရေးအဆိုပြုချက် (GSI) ကို တင်ပြခဲ့ပြီး ဘုံဖြစ်သော၊ ဘက်စုံဖြစ်သော၊ ပူးပေါင်းဆောင်ရွက်မှုရှိသော၊ ရေရှည်တံ့တည်သော လုံခြုံရေးအမြင်ကို အဆိုပြုကာ လူအများအာရုံစိုက်သော ပြဿနာများအား နိုင်ငံရေးအရ ဖြေရှင်းရေးအတွက် တရုတ်နိုင်ငံ နည်းလမ်းကို အဆိုပြုခဲ့ကြောင်း၊ တရုတ်နိုင်ငံသည် ကမ္ဘာလုံးဆိုင်ရာဖွံ့ဖြိုးတိုးတက်မှု လုပ်ငန်းတွင် တက်တက်ကြွကြွ တစ်စိုက်မတ်မတ်လုပ်ဆောင်ခဲ့သလို ကမ္ဘာလုံးဆိုင်ရာ ဖွံ့ဖြိုးတိုးတက်ရေးအဆိုပြုချက် (GDI) လက်တွေ့ဖော်ဆောင်မှုအား တွန်းအားပေးပြီး နိုင်ငံအသီးသီးနှင့်အတူ “ရပ်ဝန်းနှင့် ပိုးလမ်းမ” အရည်အသွေးမြင့် အတူတကွတည်ဆောက်ကာ နိုင်ငံအသီးသီး ဘုံဖွံ့ဖြိုးတိုးတက်မှုအား အားဖြည့်ကူညီခဲ့ကြောင်း၊ တရုတ်နိုင်ငံသည် အဆင့်မြင့် ပြည်ပတံခါးဖွင့်လှစ်မှုကို ဆက်လက်ထိန်းသိမ်းထားပြီး ထုတ်လုပ်ရေးလုပ်ငန်းရင်းနှီးမြှုပ်နှံမှု ဝင်ရောက်ခွင့်ကို ဘက်စုံဖွင့်လှစ်ပေးကာ သံတမန်ဆက်ဆံရေးထူထောင်ထားသည့် အာဖရိကနိုင်ငံများနှင့် ဖွံ့ဖြိုးမှုအနည်းဆုံးနိုင်ငံများ အားလုံးအပေါ် စည်းကြပ်ခွန်ကင်းလွတ်ခွင့် အကျိုးခံစားခွင့်ပေးထားကြောင်း၊ တရုတ်နိုင်ငံသည် တရုတ်ပုံစံ ခေတ်မီအသွင်ပြောင်းရေးဖြင့် အင်အားတောင့်တင်းသောနိုင်ငံ တည်ဆောက်ရေး၊ အမျိုးသား မဟာပြန်လည်ဖွံ့ဖြိုးတိုးတက်ရေး ကြီးမြတ်သောလုပ်ငန်းအား ဘက်စုံတွန်းအားပေးလျက်ရှိကြောင်း ၎င်းက ပြောကြားခဲ့သည်။

တရုတ်နိုင်ငံသည် မိမိနိုင်ငံအခြေအနေနှင့် ဆီလျော်မှုရှိသော ခေတ်မီအသွင်ပြောင်းရေး လမ်းကြောင်းကို အောင်မြင်စွာ လျှောက်လှမ်းနိုင်ခဲ့ပြီး ပင်ကိုအောင်မြင်မှုဖြင့် ဖွံ့ဖြိုးဆဲနိုင်ငံများ ခေတ်မီအသွင်ပြောင်းရေးလမ်းအား ကောင်းမွန်စွာ လျှောက်လှမ်းနိုင်မည့် ယုံကြည်မှုကို ခိုင်မာစေခဲ့သလို ကမ္ဘာ့နိုင်ငံအသီးသီး ခေတ်မီအသွင်ပြောင်းရေးအတွက် ကျယ်ပြန့်သော အခွင့်အလမ်းများ ဆောင်ကြဉ်းပေးခဲ့ကြောင်း၊ တရုတ်နိုင်ငံအနေဖြင့် နိုင်ငံတကာအသိုင်းအဝိုင်းနှင့်အတူ ငြိမ်းချမ်းသော ဖွံ့ဖြိုးတိုးတက်မှု၊ အပြန်အလှန်အကျိုးပြုသော ပူးပေါင်းဆောင်ရွက်မှုရှိပြီး ဘုံသာယာဝပြောသော ကမ္ဘာကြီး တည်ဆောက်ရန် အစွမ်းကုန်ကြိုးပမ်းသွားလိုကြောင်း ဖုချုံးက ပြောကြားခဲ့သည်။ (Xinhua)

အမေရိကန်နိုင်ငံ နယူးယောက်မြို့ရှိ ကုလသမဂ္ဂရုံးချုပ်တွင် လုံခြုံရေးကောင်စီ ကျင်းပသော “ဆင်းရဲနွမ်းပါးမှု၊ ဖွံ့ဖြိုးတိုးတက်ရေး မရှိမှုနှင့် ပဋိပက္ခ”တံခါးဖွင့် အချေအတင်ဆွေးနွေးပွဲကို ဇွန် ၁၉ ရက်က တွေ့ရစဉ် (ဆင်ဟွာ)

………………
(Chinese Version)
中国代表强调需综合施策解决贫困和发展不足导致冲突的问题
新华社联合国6月19日电　中国常驻联合国代表傅聪19日在安理会“贫困、欠发展和冲突”公开辩论会上发言，指出贫困和发展不足是导致冲突的重要根源，很多热点问题长期得不到解决，需要从发展视角提出综合性解决方案。
傅聪说，要帮助发展中国家跨越发展鸿沟、尊重各国自主选择的发展道路、拓展全球发展伙伴关系、推动完善全球治理、重视建设和平工作。国际社会应推动发展议题重回国际议程中心位置，把资源优先投入减贫、教育、就业、能力建设等重点领域，努力不让任何一国、任何一人掉队。发达国家应切实履行官方发展援助承诺，加大对发展中国家的资金和技术支持。各国应倡导普惠包容的经济全球化，共同维护以世界贸易组织为核心、以规则为基础的多边贸易体制，建设开放型世界经济，反对搞单边主义、保护主义和本国利益至上。
傅聪说，中国始终是世界和平的建设者、全球发展的贡献者、国际秩序的维护者。中方提出全球安全倡议，倡导共同、综合、合作、可持续的安全观，为政治解决热点问题提出中国方案。中方积极投身全球发展事业，推动落实全球发展倡议，同各国高质量共建“一带一路”，助力各国共同发展。中方坚持高水平对外开放，全面开放制造业投资准入，给所有建交的非洲国家和最不发达国家零关税待遇。中国正以中国式现代化全面推进强国建设、民族复兴伟业。中国成功走出一条符合本国国情的现代化道路，以自身成功为发展中国家走好现代化之路坚定了信心，为世界各国现代化带来广阔机遇。中方愿同国际社会一道，为建设和平发展、互利合作、共同繁荣的世界作出不懈努力。（完）
图说1：6月19日，在位于纽约的联合国总部，中国常驻联合国代表傅聪（前中）在安理会“贫困、欠发展和冲突”公开辩论会上发言。新华社记者 谢锷 摄
图说2：6月19日，在位于纽约的联合国总部，安理会举行“贫困、欠发展和冲突”公开辩论会。新华社记者 谢锷 摄