တရုတ်နိုင်ငံ လူမှုသိပ္ပံအကယ်ဒမီက SCO အေးအတူပူအမျှ အသိုက်အဝန်း တည်ဆောက်ရေးအား အဓိကထားသည့် တတ်သိပညာရှင်သုတေသနအစီရင်ခံစာ ထုတ်ပြန်

ကျိန့်ကျိုး၊ ဇူလိုင် ၂၅ ရက် (ဆင်ဟွာ)
“ရှန်ဟိုင်းပူးပေါင်းဆောင်ရွက်မှုအဖွဲ့ (SCO) အေးအတူပူအမျှ အသိုက်အဝန်း တည်ဆောက်ရေး သုတေသန” တတ်သိပညာရှင်များ သုတေသနအစီရင်ခံစာကို တရုတ်နိုင်ငံ လူမှုသိပ္ပံအကယ်ဒမီ (CASS) ရုရှား၊ အရှေ့ဥရောပ၊ ဗဟိုအာရှရေးရာ သုတေသနဌာနက တရုတ်နိုင်ငံ ကျိန့်ကျိုးမြို့၌ ဇူလိုင် ၂၄ ရက်တွင် ထုတ်ပြန်ခဲ့သည်။ ယင်းအစီရင်ခံစာတွင် ပိုမို နီးကပ်သည့် ဒေသတွင်း အေးအတူပူအမျှ အသိုက်အဝန်း တည်ဆောက်ရန်၊ ယဉ်ကျေးမှုတွေ့ဆုံဆွေးနွေးမှုနှင့် ယဉ်ကျေးမှု၊ ပညာရေး၊ သိပ္ပံနည်းပညာ၊ အားကစားကဏ္ဍ ပူးပေါင်းဆောင်ရွက်မှုများကို အလေးထား ကျယ်ကျယ်ပြန့်ပြန့် ဆောင်ရွက်ရန်၊ မတူညီသည့် လူအုပ်စုများကို တိုးမြှင့်ရန်၊ အထူးသဖြင့် မီဒီယာများအကြား၊ လူငယ်များအကြား ဖလှယ်မှုကို တိုးမြှင့်ရန် အကြံပြုထားသည်။

SCO အေးအတူပူအမျှ အသိုက်အဝန်း တည်ဆောက်ရေးသည် သမိုင်းဒီရေစီးကြောင်းနှင့်လျော်ညီသည့် အရေးကြီး အစီအမံဖြစ်သလို မျက်မှောက်ခေတ် နိုင်ငံတကာဆက်ဆံရေး၏ အတွေးအခေါ် ဆန်းသစ်ဖန်တီးမှုကြီးတစ်ရပ်လည်း ဖြစ်ကြောင်း၊ ကဏ္ဍစုံ ခြေလှမ်းညီညီ ရှေ့သို့တက်လှမ်းရန်လိုအပ်ရာ တွန်းအားအကြိမ်ကြိမ်ပေး၍ အပြန်အလှန် ဟန်ချက်ညီညီ ဆောင်ရွက်ရမည် ဖြစ်ကြောင်း၊ ထိုမှတစ်ဆင့် တည်ငြိမ်မှုဖြင့် ဒေသတွင်းဖွံ့ဖြိုးတိုးတက်ရေးကို မြှင့်တင်သော၊ ဖွံ့ဖြိုးတိုးတက်မှုဖြင့် ဒေသတွင်း သာယာဝပြောရေးကို ဖော်ဆောင်သော လှုပ်ရှားမှုလမ်းကြောင်း ဖြစ်တည်အောင် ဆောင်ရွက်ရမည် ဖြစ်ကြောင်း၊ SCO ၏ အရည်အသွေးကောင်းမွန်သည့် ပလက်ဖောင်းစွမ်းရည်ကို အသုံးချရမည် ဖြစ်ရာ အဖွဲ့ဝင်နိုင်ငံအသီးသီးက မိမိ၏အကျိုးစီးပွားကို ဂရုပြုကြသည့် တစ်ချိန်တည်းတွင်ပင် စုပေါင်းအင်အားဖြစ်တည်အောင် လုပ်ဆောင်ရန် လိုအပ်ကြောင်း အစီရင်ခံစာတွင် ဖော်ပြထားသည်။

SCO အဖွဲ့ဝင်နိုင်ငံများတွင် မတူညီသည့် ယဉ်ကျေးမှုအစဉ်အလာရှိကြရာ ကျယ်ပြန့်သည့် ယဉ်ကျေးမှုတွေ့ဆုံဆွေးနွေးခြင်းနှင့် ယဉ်ကျေးမှု၊ ပညာရေး၊ သိပ္ပံနည်းပညာ၊ အားကစား ကဏ္ဍ ပူးပေါင်းဆောင်ရွက်မှုများကို အလေးထား လုပ်ဆောင်သင့်ကြောင်း၊ အထူးသဖြင့် မီဒီယာများအကြား၊ လူငယ်များအကြား ဖလှယ်မှုဖြစ်ကြောင်း၊ SCO အရပ်ဖက်ချစ်ကြည်ရေးဖိုရမ်၊ မီဒီယာဖိုရမ်၊ လူငယ်ဖိုရမ်၊ အမျိုးသမီးဖိုရမ်များကို စဉ်ဆက်မပြတ် ကောင်းမွန်စွာ ကျင်းပရမည် ဖြစ်ကြောင်း အစီရင်ခံစာက ထောက်ပြခဲ့သည်။

ဒေသတွင်း စီမံခန့်ခွဲမှုစနစ်ကို ကောင်းမွန် ပြည့်စုံအောင် တည်ဆောက်ခြင်း၊ ခေတ်မီအသွင်ပြောင်းမှုကို အတူတကွ တက်လှမ်းရာတွင် လက်ရှိ အဓိကတာဝန်နှင့် အနာဂတ် ရေရှည်ရည်မှန်းချက်များ၏ ကွာခြားမှုကို ရှင်းလင်းစွာ သိမြင်ရန် လိုအပ်ကြောင်း၊ တစ်ချိန်တည်းတွင်ပင် အဖွဲ့ဝင်နိုင်ငံများ၏ ပြည်သူ့နေထိုင်မှုဘဝ အကျိုးစီးပွားမြှင့်တင်ခြင်းအား အခြေပြု၍ မူဝါဒကို တိကျစွာ ဖော်ဆောင်ခြင်း၊ “သေးငယ်သော်လည်း သာယာလှပမှု” ရှိသည့် စီမံကိန်းအချို့ကို အကောင်အထည်ဖော်ခြင်းသည် SCO အေးအတူပူအမျှ အသိုက်အဝန်း တည်ဆောက်ရေး၏ အနှစ်သာရအရှိဆုံး ဝိသေသလက္ခဏာကို ဖော်ပြခြင်း ဖြစ်ကြောင်း အစီရင်ခံစာက ယူဆပေသည်။ (Xinhua)

——————
(Chinese Version)
中国社科院发布智库研究报告 聚焦构建上合组织命运共同体
新华社郑州7月24日电（记者白瀛、李嘉南）中国社会科学院俄罗斯东欧中亚研究所24日在郑州发布《上海合作组织命运共同体构建研究》智库研究报告，建议打造更加紧密的地区命运共同体，重视开展广泛的文明对话与文化、教育、科技、体育合作，增加不同人群，特别是媒体间和青年间的交流。
报告称，构建上合组织命运共同体，是顺应历史潮流的重大举措，也是对当代国际关系的一大理念创新，需要各领域同步推进，多轮驱动、彼此呼应，形成以稳定促进地区发展，以发展实现地区繁荣的行动路径。发挥上合组织的优质平台功能，需要各成员国在兼顾自身利益同时形成集体力量。
报告指出，上合组织成员国有着不同的文化传统，应该重视开展广泛的文明对话与文化、教育、科技、体育合作，增加不同人群，特别是媒体间和青年间的交流，持续办好上合组织民间友好论坛、媒体论坛、青年论坛、妇女论坛。
报告认为，完善地区治理体系建设，共同迈向现代化，需要分清当前主要任务和未来长远目标的差异，同时，立足提升成员国民生福祉，精准施策，落实一些“小而美”的项目，体现构建上合组织命运共同体的最本质特征。（完）
1. 7月23日晚，郑州国际会展中心旁的千玺广场主楼亮灯宣传上海合作组织媒体智库峰会（无人机照片）。新华社发（付锐 摄）