နီပေါနိုင်ငံတွင် လောင်စာဆီသုံးစွဲမှု လျှော့ချရန် တစ်ပတ်လျှင် အများပြည်သူရုံးပိတ်ရက် ၂ ရက်သတ်မှတ်ရေး အကောင်အထည်ဖော်မည်

ခတ္တမန္ဒူ၊ ဧပြီ ၂၈ ရက် (ဆင်ဟွာ)

နီပေါနိုင်ငံ အစိုးရက မကြာသေးမီလများအတွင်း လောင်စာဆီဈေးနှုန်းများ အဆမတန်မြင့်တက်နေသဖြင့် လောင်စာဆီသုံးစွဲမှု လျှော့ချရေး ကြိုးပမ်းအားထုတ်မှုအဖြစ် တစ်ပတ်လျှင် ပုံမှန်အများပြည်သူဆိုင်ရာရုံးပိတ်ရက် ၂ ရက် တိုးမြှင့်သတ်မှတ်ရန် ဆုံးဖြတ်ခဲ့ကြောင်း အစိုးရအဖွဲ့ ဝန်ကြီးတစ်ဦးက ဧပြီ ၂၇ ရက်၌ ပြောကြားခဲ့သည်။

“ဧပြီ ၂၆ ရက် အစိုးရအဖွဲ့အစည်းအဝေးမှာ မေလ ၁၅ ရက်ကစပြီးတော့ တစ်ပတ်ကို အများပြည်သူဆိုင်ရာ ရုံးပိတ်ရက် ၂ ရက် စမ်းသပ်လုပ်ဆောင်ရေး အကောင်အထည်ဖော်ဖို့ ဆုံးဖြတ်ခဲ့ပါတယ်” ဟု ဆက်သွယ်ရေးနှင့် သတင်းအချက်အလက် နည်းပညာဝန်ကြီး Gyanendra Bahadur Karki က သတင်းထောက်များအား ပြောခဲ့သည်။

လက်ရှိတွင် နီပေါနိုင်ငံသည် စနေနေ့ကို တစ်ပတ်လျှင် အများပြည်သူဆိုင်ရာရုံးပိတ်ရက် တစ်ရက် အကောင်အထည်ဖော်လျက်ရှိကာ ဥပဒေသစ်အရ တနင်္ဂနွေနေ့ကိုလည်း ထပ်တိုးပိတ်ရက်အဖြစ် ထည့်သွင်းခဲ့ခြင်း ဖြစ်သည်။

အစိုးရအဖွဲ့ဆုံးဖြတ်ချက်အရ အလုပ်လုပ်ရက် ၅ ရက်အတွင်း အလုပ်ချိန်နာရီကို နံနက် ၁၀:၀၀ နာရီမှ ၅:၀၀ နာရီအထိ သတ်မှတ်ထားရာမှ နံနက် ၉:၃၀ နာရီမှ ညနေ ၅:၃၀ နာရီအထိ ပြန်လည်ပြင်ဆင်သွားမည်ဖြစ်ကြောင်း သိရသည်။

ယခင်က နီပေါနိုင်ငံ ဗဟိုဘဏ်က အားလပ်ရက်များအတွင်း အများပြည်သူသွားလာရေးအတွက် သိသိသာလျှော့ချနိုင်ရန် မြေပြင်၌ လောင်စာဆီသုံးစွဲမှုများကို လျှော့ချရန် အများပြည်သူဆိုင်ရာရုံးပိတ်ရက် နှစ်ရက် အကောင်အထည်ဖော်ရန် အစိုးရကို အကြံပြုထားခြင်းဖြစ်သည်။

လောင်စာဆီများသည် နီပေါနိုင်ငံအတွက် အကြီးမားဆုံး သွင်းကုန်ပစ္စည်းဖြစ်ပြီး ၂၀၂၁ ခုနှစ် ဇူလိုင်လလယ်ပိုင်းတွင် စတင်ခဲ့သော လက်ရှိဘဏ္ဍာနှစ်၏ ပထမ ၈ လအတွင်း စုစုပေါင်း သွင်းကုန်များ၏ ၁၄ ရာခိုင်နှုန်းကျော်ရှိကြောင်း ကုန်သွယ်ရေးနှင့် ပို့ကုန်မြှင့်တင်ရေးစင်တာအရ သိရသည်။
ကမ္ဘာပေါ်ရှိ အခြားသောနိုင်ငံများကဲ့သို့ပင် နီပေါနိုင်ငံသည် မကြာသေးမီလများက ရုရှား-ယူကရိန်း ပဋိပက္ခနှင့် အခြားသောအကြောင်းအရာများအတွင်း လောင်စာဆီဈေးနှုန်း မြင့်မားမှုကို ကြုံတွေ့ခဲ့ရသည်။

တစ်ချိန်တည်းမှာပင် နီပေါနိုင်ငံ၏ နိုင်ငံခြားအရန်ငွေမှာလည်း လက်ရှိဘဏ္ဍာနှစ် အစပိုင်းက အမေရိကန်ဒေါ်လာ ၁၁.၇၅ ဘီလီယံရှိရာမှ မတ်လလယ်အတွင်း ၁၈.၅ ရာခိုင်နှုန်းဖြင့် အမေရိကန်ဒေါ်လာ ၉.၅၈ ဘီလီယံ ကျဆင်းခဲ့ကြောင်း ဗဟိုဘဏ် စာရင်းအင်းများအရ သိရသည်။

နိုင်ငံခြားအရန်ငွေကျဆင်းခြင်းကို တုံ့ပြန်သောအားဖြင့် အစိုးရသည် ကုန်ပစ္စည်းအချို့ တင်သွင်းခြင်းကို တားမြစ်ခဲ့သလို အစိုးရအဖွဲ့အစည်းများအတွက် လောင်စာဆီ ထောက်ပံ့မှုကိုလည်း လက်ရှိဘဏ္ဍာနှစ်မကုန်မီအထိ ၂၀ ရာခိုင်နှုန်းလျှော့ချခဲ့သည်။

၁၉၉၀ ပြည့်လွန်နှစ်များက နီပေါနိုင်ငံသည် အစိုးရဝန်ထမ်းများ၏ ကျွမ်းကျင်မှုနှင့် ကုန်ထုတ်စွမ်းအား မြှင့်တင်ရန်အတွက် နှစ်ရက်တာ အားလပ်ရက်များသတ်မှတ်ခြင်းကို ကြုံတွေ့ခဲ့ဖူးပြီးဖြစ်သည်။ အဆိုပါ ဆုံးဖြတ်ချက်အား လအနည်းငယ်ကြာပြီးနောက် ပြန်လည်ရုပ်သိမ်းခဲ့ကြောင်း သိရသည်။ (Xinhua)
………………………………………..
(English Version)
Nepal to implement 2-day public holidays per week to cut fuel consumption
Source: Xinhua| 2022-04-28 00:57:30|Editor: huaxia

KATHMANDU, April 27 (Xinhua) — The Nepali government has decided to increase regular public holidays to two days in a week in an effort to cut the consumption of fuels whose prices have skyrocketed in recent months in the country, a cabinet minister said on Wednesday.
“A cabinet meeting on April 26 decided to implement the two-day public holidays in a week effective from May 15 on a trial basis,” Gyanendra Bahadur Karki, minister for communication and information technology, told reporters.
Currently, Nepal is implementing a one-day public holiday in a week on Saturday, the new rule adds Sunday as an extra off-day.
As per the cabinet decision, the five-day work hours will be rescheduled to 9:30 a.m. to 5:30 p.m., from the existing office hours of 10:00 a.m. to 5:00 p.m.
Earlier, Nepal’s central bank had advised the government to implement two-day public holidays to reduce the consumption of fuels on the grounds that public mobility is reduced substantially during holidays.
Fuels are the largest import item for Nepal, accounting for over 14 percent of the total merchandise imports in the first eight months of the current fiscal year that began in mid-July 2021, according to the Trade and Export Promotion Center.
As in other parts of the world, Nepal has seen the prices of fuels hike in recent months over the Russia-Ukraine conflict and other factors.
Meanwhile, Nepal’s gross foreign exchange reserves had decreased by 18.5 percent to 9.58 billion U.S. dollars in mid-March, from 11.75 billion dollars at the beginning of the current fiscal year, according to central bank statistics.
In response to falling forex reserves, the government has imposed a ban on the import of some products, and the fuel allowance for government bodies has been cut by 20 percent until the end of the current fiscal year.
In the late 1990s, Nepal had experimented with two-day weekly holidays with a view to increasing the efficiency and productivity of government employees. The decision was then rolled back a few months later. ■
Photo : A man refuels his vehicle at a gas station in Lalitpur, Nepal, April 6, 2022. Fuel prices in Nepal saw an increase recently. (Photo by Hari Maharjan/Xinhua)