ခေတ်မီအသွင်ပြောင်းမှု အဆင့်မြှင့်တင်ရေးအတွက် အတူတကွ ရှေ့ဆက်လုပ်ဆောင်မည်ဟု တရုတ်နိုင်ငံနှင့် အာဖရိကနိုင်ငံများ ကတိပြု

ပေကျင်း၊ စက်တင်ဘာ ၆ ရက် (ဆင်ဟွာ)
တရုတ်နိုင်ငံနှင့် အာဖရိကနိုင်ငံများသည် ခေတ်မီအသွင်ပြောင်းမှု အဆင့်မြှင့်တင်ရေးအတွက် အတူတကွ ရှေ့ဆက်လုပ်ဆောင်မည်ဖြစ်ကြောင်း စက်တင်ဘာ ၅ ရက်တွင် ပြုလုပ်ခဲ့သည့် ကျင်းပဆဲ ၂၀၂၄ ခုနှစ် တရုတ်-အာဖရိက ပူးပေါင်းဆောင်ရွက်မှုဖိုရမ် (FOCAC) ထိပ်သီးအစည်းအဝေး၏ အဆင့်မြင့်အစည်းအဝေး၌ တရုတ်နိုင်ငံနှင့် အာဖရိကနိုင်ငံများ၏ ခေါင်းဆောင်များက ပြောကြားခဲ့သည်။
စက်မှုလုပ်ငန်းဖွံ့ဖြိုးရေးနှင့် လယ်ယာစိုက်ပျိုးရေးကဏ္ဍ ခေတ်မီအသွင်ပြောင်းရေးဆိုင်ရာ အစည်းအဝေးအား တရုတ်ပြည်သူ့နိုင်ငံရေး အတိုင်ပင်ခံကွန်ဖရင့် ပြည်လုံးဆိုင်ရာကော်မတီဥက္ကဋ္ဌ ဝမ်ဟုနင်နှင့် တောင်အာဖရိကသမ္မတ ဆီရယ်လ် ရာမာဖိုဆာတို့က သဘာပတိအဖြစ် ပူးတွဲတာဝန်ယူခဲ့သည်။
တရုတ်နိုင်ငံနှင့် အာဖရိကနိုင်ငံများအနေဖြင့် မိမိတို့နိုင်ငံများ၏ သက်ဆိုင်ရာ အခြေအနေများနှင့် လျော်ညီသော စက်မှုလုပ်ငန်းဖွံ့ဖြိုးရေးနှင့် လယ်ယာစိုက်ပျိုးရေးကဏ္ဍ ခေတ်မီအသွင်ပြောင်းရေး လမ်းကြောင်းများကို ထိန်းသိမ်းကာ သာတူညီမျှရှိ၍ ဘက်မလိုက်သော ကမ္ဘာလုံးဆိုင်ရာ အုပ်ချုပ်မှုကို အထောက်အကူပြုသင့်ကြောင်း ဝမ်က ပြောကြားခဲ့သည်။
စက်မှုကဏ္ဍတွင် အပြန်အလှန်ဆက်နွှယ်နေသည့် လုပ်ငန်းစုများ ဖွံ့ဖြိုးရေးအတွက် ပူးပေါင်းဆောင်ရွက်မှု တိုးမြှင့်ရန်၊ ချိတ်ဆက်ဆောင်ရွက်မှု တိုးမြှင့်ရန်၊ စက်မှုလုပ်ငန်းနှင့် ထောက်ပံ့ကွင်းဆက်တို့တွင် ပူးပေါင်းဆောင်ရွက်မှု ခိုင်မာအားကောင်းစေရန်အတွက် အာဖရိကနိုင်ငံများနှင့် ဆက်လက် လက်တွဲလုပ်ဆောင်ရန် တရုတ်နိုင်ငံက ဆန္ဒရှိကြောင်းလည်း ဝမ်က ပြောကြားခဲ့သည်။
တရုတ်နိုင်ငံက အာဖရိကနိုင်ငံများနှင့် စီးပွားရေး အကျိုးတူပူးပေါင်းမှုဆိုင်ရာ သဘောတူညီချက်မူဘောင်များ စတင်ဖော်ဆောင်ရန် အသင့်ရှိနေကာ ကမ္ဘာလုံးဆိုင်ရာ ဖွံ့ဖြိုးတိုးတက်ရေး အဆိုပြုချက်အား အကောင်အထည်ဖော်မည့် စံနမူနာတစ်ခုကို အတူတကွဖန်တီးရန်လည်း ရည်ရွယ်လျက်ရှိကြောင်း ဝမ်က ဆိုသည်။
တရုတ်နိုင်ငံအနေဖြင့် အာဖရိကဒေသ၌ ဆင်းရဲနွမ်းပါးမှုလျှော့ချရေး၊ အလုပ်အကိုင်များ ဖန်တီးရေး၊ အာဖရိကပြည်သူများ ဝင်ငွေရရှိရေးနှင့် လူနေမှုဘဝတိုးတက်ရေးတို့အတွက် ပံ့ပိုးကူညီရန် ကြိုးပမ်းလျက်ရှိကြောင်း၊ အာဖရိကနိုင်ငံများအား ပြန်လည်ပြည့်ဖြိုးမြဲစွမ်းအင် နည်းပညာများနှင့် ထုတ်ကုန်များ ဆက်လက်ထောက်ပံ့သွားမည်ဖြစ်ကြောင်း၊ အာဖရိကဒေသ၏ စွမ်းအင်အသွင်ကူးပြောင်းမှုနှင့် သဘာဝပတ်ဝန်းကျင် ရေရှည်တည်တံ့ရေးနှင့် ရာသီဥတုဒဏ် ကြံ့ကြံ့ခံနိုင်စွမ်း မြှင့်တင်ရေးအတွက် ပံ့ပိုးသွားမည်ဖြစ်ကြောင်း ဝမ်က ပြောကြားခဲ့သည်။
စက်မှုလုပ်ငန်းဖွံ့ဖြိုးမှု၊ စိုက်ပျိုးရေးကဏ္ဍ ခေတ်မီတိုးတက်မှုနှင့် ပတ်ဝန်းကျင် စိမ်းလန်းစိုပြည်ရေးကို ဦးတည်သော ဖွံ့ဖြိုးတိုးတက်မှု နယ်ပယ်များ၌ အာဖရိက-တရုတ် ပူးပေါင်းဆောင်ရွက်ရေးဆိုင်ရာ တိုးတက်ဖြစ်ထွန်းမှုများအပေါ် အာဖရိကခေါင်းဆောင်များက ချီးကျူးပြောဆိုခဲ့ကြောင်း သိရသည်။
အာဖရိကနိုင်ငံများအနေဖြင့် မိမိတို့၏ အမျိုးသားသွင်ပြင်လက္ခဏာများနှင့်အညီ စက်မှုလုပ်ငန်းဖွံ့ဖြိုးမှု၊ စိုက်ပျိုးရေးကဏ္ဍ ခေတ်မီအသွင်ပြောင်းမှုနှင့် ပတ်ဝန်းကျင် စိမ်းလန်းစိုပြည်ရေးကို ဦးတည်သော ဖွံ့ဖြိုးတိုးတက်မှု လမ်းကြောင်းတစ်ခုကို ရှာဖွေရန်နှင့် ကမ္ဘာ့တောင်ဘက်ခြမ်း၏ ခေတ်မီအသွင်ပြောင်းရေး လုပ်ငန်းစဉ်အား ဦးဆောင်ရန် မျှော်လင့်လျက်ရှိကြောင်းလည်း အာဖရိကခေါင်းဆောင်များက ပြောကြားခဲ့သည်။ (Xinhua)

……………………..
(English Version)
China, African countries pledge to jointly advance modernization
BEIJING, Sept. 5 (Xinhua) — China and African countries will work together to advance their respective modernization, according to leaders at a high-level meeting of the ongoing 2024 Summit of the Forum on China-Africa Cooperation (FOCAC) held on Thursday.
The meeting on industrialization and agricultural modernization was co-chaired by Wang Huning, chairman of the National Committee of the Chinese People’s Political Consultative Conference, and South African President Cyril Ramaphosa.
Wang said China and African countries should adhere to paths of industrialization and agricultural modernization suited to their respective national conditions, and promote fair and equitable global governance.
Wang stated that China is willing to continue working with African countries to foster industry cooperation growth clusters, enhance connectivity, and strengthen cooperation in industrial and supply chains.
China is prepared to enter into framework agreements on economic partnerships with African countries, and aims to build together a model for implementing the Global Development Initiative, Wang said.
China seeks to contribute to poverty reduction, employment, income generation and the improvement of people’s livelihoods in Africa, Wang said, adding that China will continue to provide African countries with new energy technologies and products, support Africa’s energy transition, and enhance Africa’s environmental sustainability and climate resilience.
African leaders praised the achievements of Africa-China cooperation in the areas of industrialization, agricultural modernization and green development.
They said their countries look forward to exploring a path of industrialization, agricultural modernization and green development with their own national characteristics, and spearheading the process of modernization in the Global South. Enditem