၂၀၂၅ ခုနှစ် ဧပြီ ၄ ရက်အတွက် ဆင်ဟွာ၏ စိတ်ဝင်စားဖွယ်ရာ အားကစားသတင်းကောက်နုတ်ချက်

— ဖီဖာ အမျိုးသားဘောလုံးအသင်း ကမ္ဘာ့အဆင့်သတ်မှတ်ချက်တွင် အာဂျင်တီးနား ဦးဆောင်နေပြီး စပိန်က အဆင့်-၂ သို့ ရောက်ရှိလာ
ကမ္ဘာ့ဘောလုံးအဖွဲ့ချုပ် (ဖီဖာ) က အမျိုးသားဘောလုံးအသင်း ကမ္ဘာ့အဆင့် သတ်မှတ်ချက်များကို ဧပြီ ၃ ရက်၌ ထုတ်ပြန်ခဲ့ရာ အာဂျင်တီးနားက ထိပ်ဆုံး၌ ဆက်လက်ရပ်တည်နေပြီး စပိန်က ပြင်သစ်ကိုကျော်တက်၍ အဆင့်-၂ သို့ ရောက်ရှိလာခဲ့သည်။
အာဂျင်တီးနားက ကမ္ဘာ့ဖလားခြေစစ်ပွဲတွင် ဥရုဂွေးအား အဝေးကွင်း၌ ၁-၀ ဂိုးဖြင့်လည်းကောင်း၊ ဘရာဇီးအား အိမ်ကွင်း၌ ၄-၁ ဂိုးဖြင့်လည်းကောင်း အနိုင်ရရှိခဲ့ပြီးနောက် ထိပ်ဆုံးနေရာကို ဆက်လက်ထိန်းထားနိုင်ခဲ့ခြင်းဖြစ်သည်။ ယူအီးအက်ဖ်အေ နေးရှင်းလိဂ်ပြိုင်ပွဲ ကွာတားဖိုင်နယ် ပထမအကျော့တွင် နယ်သာလန်နှင့် နှစ်ဂိုးစီ သရေကျကာ ဒုတိယအကျော့တွင် ပင်နယ်တီအဆုံးအဖြတ် ကန်သွင်းရာ၌ ၅-၄ ဂိုးဖြင့် အနိုင်ရရှိခဲ့သည့် စပိန်က အဆင့်-၂ သို့ ရောက်ရှိလာခဲ့သည်။
အဆင့်-၃ သို့ ရောက်ရှိသွားသည့် ပြင်သစ်အသင်းမှာလည်း နေးရှင်းလိဂ် ကွာတားဖိုင်နယ် ပထမအကျော့တွင် ခရိုအေးရှားကို ၀-၂ ဂိုးဖြင့် ရှုံးနိမ့်ခဲ့ပြီး ဒုတိယအကျော့ ပင်နယ်တီအဆုံးအဖြတ် ကန်သွင်းရာ၌ ၅-၄ ဂိုးဖြင့် အနိုင်ယူကာ နောက်တစ်ဆင့်သို့ တက်ရောက်နိုင်ခဲ့သည်။ အင်္ဂလန်နှင့် ဘရာဇီးအသင်းတို့က အဆင့်-၄ နှင့် အဆင့်-၅ နေရာတွင် အသီးသီး ဆက်လက်ရပ်တည်နေပြီး နယ်သာလန်ကမူ အဆင့်တစ်ဆင့်တက်၍ အဆင့်-၆ သို့ ရောက်ရှိလာခဲ့သည်။
…..
— စပိန်ဘုရင့်ဖလား ဗိုလ်လုပွဲသို့ တက်ရောက်သွားပြီဖြစ်သည့် ဘာစီလိုနာနှင့် ရီးရဲလ်မက်ဒရစ် လာလီဂါဆုဖလားအတွက် အကြိတ်အနယ် ဆက်လက်အားပြိုင်မည်
ဘာစီလိုနာအသင်းမှာ ဧပြီ ၂ ရက် ညပိုင်းက ယှဉ်ပြိုင်ကစားခဲ့သည့် အက်သလက်တီကိုမက်ဒရစ်နှင့် စပိန်ဘုရင့်ဖလား ဆီမီးဖိုင်နယ် ဒုတိယအကျော့ အဝေးကွင်းပွဲစဉ်တွင် အနိုင်ရရှိပြီးနောက် လာလီဂါပွဲစဉ်အဖြစ် ရီးရဲလ်ဘက်တစ်နှင့် ဧပြီ ၅ ရက်၌ ယှဉ်ပြိုင်ကစားရမည်ဖြစ်သည်။ ဘာစီလိုနာအနေဖြင့် လာလီဂါ၌ သုံးမှတ်အသာဖြင့် ဦးဆောင်နေမှုကို ဆက်လက်ထိန်းထားနိုင်ရန် နားရက်အနည်းငယ်သာရှိခဲ့သည်။
ဘာစီလိုနာအနေဖြင့် ၁၀ ရက်အတွင်း လေးပွဲမြောက် ယှဉ်ပြိုင်ကစားရမည်ဖြစ်ပြီး နည်းပြ ဟန်ဆီဖလစ်ခ်အနေဖြင့် လာလီဂါတွင် လတ်တလော အကောင်းဆုံးပုံစံပြသနေသည့် အသင်းတစ်သင်းနှင့် ရင်ဆိုင်ရချိန်တွင် ပွဲထွက်လူစာရင်းအား အပြောင်းအလဲပြုလုပ်ရဖွယ်ရှိသည်။
ကာလို အန်ဆယ်လော့တီ၏ ရီးရဲလ်မက်ဒရစ်ကလည်း ယခုတစ်ပတ်တွင် ဗလင်စီယာအား အိမ်ကွင်း၌ ဧည့်ခံကစားရမည်ဖြစ်သည်။ ဧပြီ ၁ ရက်က ရီးရဲလ်ဆိုစီဒက်နှင့် ယှဉ်ပြိုင်ကစားခဲ့သည့် စပိန်ဘုရင့်ဖလား ဆီမီးဖိုင်နယ်ပွဲစဉ်တွင် ရီးရဲလ်အနေဖြင့် အချိန်ပိုကစားပြီးမှ အနိုင်ရရှိခဲ့ခြင်းဖြစ်ကာ အဆိုပါပွဲစဉ်တွင် ရီးရဲလ်၏ ခံစစ်ပိုင်းပြဿနာများကို မြင်တွေ့ခဲ့ရသည်။
ရီးရဲလ်အသင်းမှာ စပိန်ဘုရင့်ဖလား ဆီမီးဖိုင်နယ်ပွဲစဉ် ယှဉ်ပြိုင်ကစားထားရသလို လာမည့်တစ်ပတ်တွင်လည်း အာဆင်နယ်အသင်းနှင့် ချန်ပီယံလိဂ် အဝေးကွင်းပွဲစဉ် ယှဉ်ပြိုင်ကစားရမည်ဖြစ်ရာ အန်ဆယ်လော့တီအနေဖြင့် ပွဲထွက်လူစာရင်း အပြောင်းအလဲပြုလုပ်ရဖွယ်ရှိသည်။
…..
— ချာလ်စတင်အိုးပင်း တင်းနစ်ပြိုင်ပွဲတွင် တရုတ်တင်းနစ်မယ် ကျိန့်ချင်းဝန် ကွာတားဖိုင်နယ်တက်ရောက်
ဧပြီ ၃ ရက်က ယှဉ်ပြိုင်ကစားခဲ့သည့် WTA 500 တင်းနစ်ပြိုင်ပွဲအမျိုးအစားဖြစ်သည့် ချာလ်စတင်အိုးပင်း တင်းနစ်ပြိုင်ပွဲတွင် တရုတ်နိုင်ငံ၏ အိုလံပစ်ချန်ပီယံ တင်းနစ်မယ် ကျိန့်ချင်းဝန်က ဘယ်လ်ဂျီယမ်တင်းနစ်မယ် အလိစ်မာတင်စ် (ဆီဒင်-၁၃) အား ၆-၃၊ ၃-၆၊ ၆-၃ ဖြင့် အနိုင်ယူကာ ကွာတားဖိုင်နယ်သို့ တက်ရောက်နိုင်ခဲ့ပြီး မြေစေးကွင်း၌ ၁၃ ပွဲဆက်တိုက် နိုင်ပွဲရယူနိုင်ခဲ့သည်။
ဆီဒင်-၃ တင်းနစ်မယ် ကျိန့်မှာ လာမည့်ပွဲစဉ်တွင် ရုရှားတင်းနစ်မယ် အီကာတာရီနာ အလက်ဇန်ဒရိုဗာ (ဆီဒင်-၉) နှင့် ရင်ဆိုင်ရမည်ဖြစ်ကာ ၎င်းတို့နှစ်ဦး နှစ်ကြိမ်ထိပ်တိုက်တွေ့ဆုံရာ၌ အလက်ဇန်ဒရိုဗာက နှစ်ကြိမ်စလုံး အနိုင်ရရှိထားသည်။
…..
— AFC ယူ-၁၇ အာရှဖလား ဘောလုံးပြိုင်ပွဲ အဖွင့်ပွဲစဉ်တွင် တရုတ်အသင်းက အိမ်ရှင်ဆော်ဒီအသင်းကို ပွတ်ကာသီကာရှုံးနိမ့်
ဧပြီ ၃ ရက်က ဆော်ဒီအာရေဗျနိုင်ငံ တာအစ်ဖ်မြို့၌ ယှဉ်ပြိုင်ကစားခဲ့သည့် ၂၀၂၅ AFC ယူ-၁၇ အာရှဖလား ဘောလုံးပြိုင်ပွဲ အဖွင့်ပွဲစဉ်တွင် တရုတ်အသင်းက အိမ်ရှင်ဆော်ဒီအာရေဗျအသင်းအား ၁-၂ ဂိုးဖြင့် ရှုံးနိမ့်ခဲ့ကြောင်း သိရသည်။ (Xinhua)

……………….
(English Version)
Argentina leads FIFA men’s world rankings, Spain rises to second
World football governing body FIFA released its latest men’s world rankings on Thursday, with Argentina remaining on top of the standings, while Spain jumped over France into second place.
Argentina maintained its top position with a 1-0 win away to Uruguay and a 4-1 home victory over Brazil in the World Cup qualifiers. Spain climbed to second with a 2-2 draw with the Netherlands in the quarterfinal of the UEFA Nations League, before triumphing 5-4 in a penalty shoot-out over the Dutch in the return leg.
France also advanced from the Nations League quarterfinals with a 5-4 penalty shoot-out win over Croatia, while losing 2-0 in the first leg. England and Brazil kept their fourth and fifth positions respectively, while the Netherlands climbed one spot up to sixth place.
…..
Barcelona, Real Madrid renew title duel after midweek Cup semis
After winning its semifinal return leg away to Atletico Madrid on Wednesday night, FC Barcelona has very little recovery time before defending its three-point lead at the top of La Liga at home to Real Betis on Saturday.
It is Barca’s fourth game in just 10 days and Hansi Flick will have to continue with his squad rotations against one of the most in-form teams in the league.
Real Madrid had to play extra time on Tuesday as Real Sociedad exposed its defensive problems, and Carlo Ancelotti’s side now plays at home to Valencia.
Ancelotti will also have to rotate his squad after the Copa del Rey and with a Champions League visit to Arsenal next week.
…..
Zheng Qinwen advances to Charleston Open quarters
China’s Olympic champion Zheng Qinwen defeated 13th seed Elise Mertens of Belgium 6-3, 3-6, 6-3 to secure a spot in the quarterfinals at the WTA 500 Charleston Open on Thursday, extending her clay-court winning streak to 13 matches across seasons.
The third seed next faces ninth-seeded Russian Ekaterina Alexandrova with a 0-2 head-to-head record.
…..
China falls to host Saudi Arabia in AFC U17 Asian Cup opener
China suffered a narrow 2-1 defeat to host Saudi Arabia in its opening match as the 2025 AFC U17 Asian Cup kicked off in the Saudi city of Taif on Thursday.