Environment, Disasters & Accidents
မြန်မာနိုင်ငံတွင် ဖျက်အားပြင်းငလျင်လှုပ်ခတ်ခဲ့ပြီးနောက် အသက်ရှင်ကျန်ရစ်သူများက မျှော်လင့်ချက်များဖြင့် အကူအညီများနှင့် ပြန်လည်တည်ဆောက်ရေးအတွက် စောင့်ဆိုင်းလျက်ရှိ

မန္တလေး၊ မြန်မာ၊ ဧပြီ ၅ ရက် (ဆင်ဟွာ)
မြန်မာနိုင်ငံ အလယ်ပိုင်း မန္တလေးမြို့ရှိ ကယ်ဆယ်ရေးစခန်းတစ်ခု၌ ပူပြင်းလှသောနေရောင်အောက်တွင် အသက် ၇၈ နှစ်အရွယ် ဒေါ်ခင်ဥမ္မာမြင့်သည် ငလျင်ဘေးမှ အသက်ရှင်ကျန်ရစ်သူ၏ ထပ်တိုးစိန်ခေါ်မှုတစ်ခုဖြစ်သော အပူချိန် ၄၀ ဒီဂရီရှိသည့် နေ့အပူရှိန်ပြင်းပြင်းအောက်မှ အအေးဓာတ်ရရှိစေရန် ယပ်တောင်ခတ်နေရသည်။
လွန်ခဲ့သောရက်အနည်းငယ်က အင်အား ၇.၉ မဂ္ဂနီကျုအဆင့်ရှိ ငလျင်တစ်ခု ကြမ်းတမ်းစွာလှုပ်ခတ်ချိန်၌ ၎င်းသည် ထိုင်လျက် တရားမှတ်နေခဲ့ခြင်းဖြစ်ပြီး အဆောက်အအုံများက ၎င်း၏အနီးဝန်းကျင်သို့ ပြုတ်ကျလာခဲ့သည်။ “အဘွားက အရမ်းကြောက်သွားတာ” ဟု ၎င်းက ပြန်လည်အောက်မေ့ပြောပြခဲ့သည်။
ဒေါ်ခင်ဥမ္မာမြင့်တို့မိသားစု အသက်ရှင်လွတ်မြောက်ခဲ့သော်ငြားလည်း ၎င်းတို့၏ နေအိမ်မှာမူ ပျက်စီးသွားခဲ့သည်။ အခြားသောသူများစွာကဲ့သို့ပင် လက်ရှိ ဒေါ်ခင်ဥမ္မာမြင့်တို့မှာလည်း ယာယီကယ်ဆယ်ရေးစခန်းများအတွင်း အအေးဓာတ်ရရှိရန် ကြိုးစားရုန်းကန်နေရကာ ထပ်မံလှုပ်ခတ်လာသော နောက်ဆက်တွဲငလျင်များကို ကြောက်ရွံ့စိုးထိတ်လျက် အကူအညီများကို စောင့်ဆိုင်းရင်း နေထိုင်နေရသည်။
၎င်းတို့၏ နေအိမ်မှာ တည်ရှိနေသေးသော်ငြားလည်း နောက်ဆက်တွဲငလျင်လှုပ်ခတ်မှုများအား ထိတ်လန့်မှုကြောင့် ၎င်းတို့မှာ အိမ်အပြင်တွင်သာ နေထိုင်နေရသည်။ “အရင်ကတော့ အဘွားတို့က လမ်းဘေးမှာအိပ်တာပေါ့။ အခုတော့ ကယ်ဆယ်ရေးစခန်းတွေကို ရောက်နေကြပါပြီ။ ဒီမှာ အကြီးမားဆုံးပြဿနာက ပူအိုက်နေတာပါပဲ” ဟု ၎င်းက ဧပြီ ၃ ရက်က ပြောပြခဲ့သည်။
အိမ်ငှားထားခြင်းလည်းမရှိသော ၎င်းတို့မိသားစုက ဧပြီ ၈ ရက်မတိုင်မီ ကယ်ဆယ်ရေးစခန်းမှ ထွက်ခွာရန် စီစဉ်ထားသော်လည်း မည်သည့်နေရာသို့ သွားရန်မှာမူ မသေချာသေးပေ။ “အိမ်ကိုပဲ ပြန်ရမလား။ နေဖို့နောက်တစ်နေရာ ရှာရမလား မသိသေးပါဘူး” ဟု မသေချာမရေရာသော်လည်းပဲ မျှော်လင့်ချက်ဖြင့် ၎င်းက ပြောခဲ့သည်။ (Xinhua)
သတင်းအပြည့်အစုံကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။ xhtxs.cn/2wp

မြန်မာနိုင်ငံ မန္တလေးမြို့ရှိ ယာယီကယ်ဆယ်ရေးစခန်းတစ်ခုတွင် ရေသန့်ဘူးများ ဖြန့်ဝေပေးနေသော မြန်မာနိုင်ငံ မန္တလေး တရုတ်စီးပွားရေးလုပ်ငန်းအသင်းမှ ဝန်ထမ်းများကို ၂၀၂၅ ခုနှစ် ဧပြီ ၄ ရက်က တွေ့ရစဉ် (ဆင်ဟွာ)

မြန်မာနိုင်ငံ မန္တလေးမြို့ရှိ ယာယီကယ်ဆယ်ရေးစခန်းတစ်ခုတွင် အစားအစာများလက်ခံယူခဲ့သော ကလေးတစ်ဦးကို ၂၀၂၅ ခုနှစ် ဧပြီ ၄ ရက်က တွေ့ရစဉ် (ဆင်ဟွာ)
………………………
(English Version)
Survivors hold on to hope, waiting for aid and rebuilding after devastating Myanmar earthquake
MANDALAY, Myanmar, April 5 (Xinhua) — Under the blazing sun at a relief camp in Mandalay, central Myanmar, 78-year-old Daw Khin Ohnmar Myint waves a hand fan to cool herself, the intense 40-degree heat only adding to the challenge of survival.
Just days ago, she was sitting and meditating when the ground shook violently, causing buildings to collapse around her, as a 7.9-magnitude earthquake hit the country. “I was terrified,” she recalled.
Though her family survived, their home did not. Like many others, they now struggle to stay cool in makeshift shelters, waiting for aid while fearing more aftershocks.
Her family of six found their house still standing, but the threat of aftershocks forced them to leave. “At first, we slept by the roadside. Now we are in a relief camp. The biggest problem here is the heat,” she said on Thursday.
Without rental housing available, her family plans to leave the camp before April 8, unsure of where to go. “We don’t know if we should return home or find another place to stay,” she added, holding on to hope despite the uncertainty. xhtxs.cn/2wp
Photo 1: People rest at a temporary shelter in Mandalay, Myanmar, April 4, 2025. (Xinhua/Cai Yang)
Photo 2: Staff members from Myanmar Mandalay Chinese Enterprises Association distribute bottles of drinking water at a temporary shelter in Mandalay, Myanmar, April 4, 2025. (Xinhua/Cai Yang)
Photo 3: A child receives food at a temporary shelter in Mandalay, Myanmar, April 4, 2025. (Xinhua/Cai Yang)