၁၅ ကြိမ်မြောက် တရုတ်-အရှေ့မြောက်အာရှကုန်စည်ပြပွဲကို ဩဂုတ် ၂၇ ရက်၌ ကျင်းပမည်

ပေကျင်း၊ ဇူလိုင် ၂၃ ရက် (ဆင်ဟွာ)
၁၅ ကြိမ်မြောက် တရုတ်-အရှေ့မြောက်အာရှကုန်စည်ပြပွဲကို တရုတ်နိုင်ငံ ကျီလျင်ပြည်နယ် ချန်ချွမ်းမြို့တွင် ဩဂုတ် ၂၇ ရက်မှ ၃၁ ရက်အထိ ကျင်းပမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ဇူလိုင် ၂၂ ရက် သတင်းစာရှင်းလင်းပွဲ၌ ကြေညာခဲ့သည်။
စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ယန်းတုန်းက ကုန်စည်ပြပွဲ၏ အရေးပါမှုကို အလေးထားဖော်ပြခဲ့ပြီး အရှေ့မြောက်အာရှနိုင်ငံများသည် ပထဝီအနေအထားချင်းထိစပ်လျက်ရှိသလို ယဉ်ကျေးမှုချင်းချစ်ကြည်ရင်းနှီးမှုများရှိကာ စီးပွားရေးဆက်ဆံမှုလည်း အားကောင်းလျက်ရှိကြောင်း၊ ဒေသတွင်း စီးပွားရေး ပူးပေါင်းဆောင်ရွက်မှု အရင်းအမြစ်များနှင့် ကြီးမားသောအလားအလာဖြင့် ဘက်စုံစွမ်းပကားများလည်း ရှိကြောင်း ပြောကြားခဲ့သည်။
တရုတ်နိုင်ငံနှင့် အခြား အရှေ့မြောက်အာရှနိုင်ငံများအကြား လက်တွေ့ပူးပေါင်းဆောင်ရွက်မှုများမှာ နယ်ပယ်အသီးသီး၌ နက်နက်ရှိုင်းရှိုင်းရှိပြီးဖြစ်ကာ စီးပွားရေးနှင့် ကုန်သွယ်ရေးဖလှယ်ရာတွင်လည်း ကောင်းမွန်သောအရှိန်အဟုန်ကို ထိန်းထားလျက်ရှိကြောင်း သိရသည်။
ထို့ပြင် တရုတ်နိုင်ငံနှင့် အရှေ့မြောက်အာရှငါးနိုင်ငံကြား ကုန်သွယ်မှုမှာ ၂၀၂၄ ခုနှစ်အတွင်း အမေရိကန်ဒေါ်လာ ၉၀၁.၆ ဘီလီယံအထိ ရောက်ရှိလာခဲ့ရာ ၂၀၂၃ ခုနှစ်ကထက် ၁.၆ ရာခိုင်နှုန်း မြင့်တက်လာခဲ့ပြီး တရုတ်နိုင်ငံ၏ စုစုပေါင်း နိုင်ငံခြားကုန်သွယ်မှု၏ ၁၅ ရာခိုင်နှုန်းနီးပါးရှိကြောင်း သိရသည်။ တရုတ်နိုင်ငံသည် ယင်းနိုင်ငံ ငါးနိုင်ငံအတွက် အကြီးဆုံးကုန်သွယ်ဖက်နိုင်ငံအဖြစ် လည်းကောင်း၊ တောင်ကိုရီးယားနှင့် ဂျပန်တို့အား ဒုတိယနှင့် တတိယ အကြီးဆုံး ကုန်သွယ်ဖက်နိုင်ငံများအဖြစ်လည်းကောင်း ၎င်း၏ ရပ်တည်ချက်ကို ထိန်းထားလျက်ရှိကြောင်း သိရသည်။
တရုတ်နိုင်ငံနှင့် အရှေ့မြောက်အာရှငါးနိုင်ငံကြား နည်းလမ်းနှစ်သွယ်ရင်းနှီးမြှုပ်နှံမှုအနေဖြင့် ၂၀၂၄ ခုနှစ်တွင် အမေရိကန်ဒေါ်လာ ၇ ဘီလီယံကျော်လွန်ခဲ့ပြီး ဒစ်ဂျစ်တယ်စီးပွားရေး၊ အစိမ်းရောင်ဖွံ့ဖြိုးတိုးတက်မှု၊ အဆင့်မြင့်ကုန်ထုတ်လုပ်မှုနှင့် ခေတ်သစ်ဝန်ဆောင်မှုများ အပါအဝင် ထွန်းသစ်စနယ်ပယ်များအတွင်း ပူးပေါင်းဆောင်ရွက်မှုကိုလည်း တိုးချဲ့လျက်ရှိသည်။
၁၅ ကြိမ်မြောက် တရုတ်-အရှေ့မြောက်အာရှကုန်စည်ပြပွဲက ကမ္ဘာတစ်ဝန်း နိုင်ငံနှင့် ဒေသ ၄၂ ခုနှင့် တရုတ်နိုင်ငံရှိ ပြည်နယ်အဆင့်ဒေသ ၂၇ ခုမှ စီးပွားရေးလုပ်ငန်းကိုယ်စားလှယ် ၈,၀၀၀ ကျော်အား အတူတကွစုစည်းပေးမည်ကြောင်း ကျီလျင်ပြည်နယ် လက်ထောက်အုပ်ချုပ်ရေးမှူး Yang Andi က ပြောခဲ့သည်။ ယင်းပြပွဲသို့ ဝင်ရောက်ပြသရန် ပြခန်းပေါင်း ၂,၇၉၆ ခန်း အတည်ပြုထားသလို ပြခန်းပြင်ဆင်ရေးလုပ်ငန်းများမှာလည်း ၈၀ ရာခိုင်နှုန်း ပြီးစီးနေပြီဖြစ်ကြောင်း သိရသည်။
ကုန်စည်ပြပွဲတွင် အဓိကအားဖြင့် ပထမဆုံး ခေတ်မီစက်မှုလုပ်ငန်းပြခန်း၊ Fortune 500 ကုမ္ပဏီစာရင်းဝင် ဦးဆောင်စီးပွားရေးလုပ်ငန်းများလည်း ပါဝင်ပြသမည်ဟု Yang က ဖြည့်စွက်ပြောခဲ့သည်။ ပြခန်းယာယီအဆောက်အအုံက ခေတ်မီစမတ်နည်းပညာနှင့် အစိမ်းရောင် အဆင့်မြှင့်တင်မှုများ၊ ကုန်ထုတ်စွမ်းအားသစ်များ၏ အောင်မြင်မှုများ၊ စုပေါင်း ဆန်းသစ်တီထွင်မှု ဂေဟစနစ်များ တိုးတက်မှု စသည်တို့မှတစ်ဆင့် သမားရိုးကျစက်မှုလုပ်ငန်းများ၏ အသွင်ပြောင်းလဲမှုကို မီးမောင်းထိုးပြသသွားမည်ဖြစ်သည်။
တရုတ်နိုင်ငံ နိုင်ငံတကာကုန်သွယ်မှုမြှင့်တင်ရေးကောင်စီ ဒုတိယဥက္ကဋ္ဌ Li Xingqian က ကောင်စီအနေဖြင့် အရှေ့မြောက်အာရှနိုင်ငံများအကြား စက်မှုလုပ်ငန်းနှင့် ထောက်ပံ့ကွင်းဆက်လုပ်ငန်းများ နက်ရှိုင်းစွာပေါင်းစည်းမှုအား တက်တက်ကြွကြွ အဆင်ပြေချောမွေ့စေခဲ့ကြောင်း ပြောခဲ့သည်။ ယခုနှစ် ပထမနှစ်ဝက်အတွင်း ကောင်စီက အရှေ့မြောက်အာရှနိုင်ငံများ၌ ပြပွဲစီမံချက် ၁၁၅ ခုကျော် ပံ့ပိုးပေးခဲ့ရာ တရုတ်စီးပွားရေးလုပ်ငန်း ၄,၀၀၀ ကျော် ပါဝင်ပြသခဲ့ကြကြောင်း သိရသည်။
စီးပွားရေးနှင့် ကူးသန်းရောင်းဝယ်ရေးဝန်ကြီးဌာနနှင့် တရုတ်နိုင်ငံ နိုင်ငံတကာကုန်သွယ်မှုမြှင့်တင်ရေးကောင်စီတို့ ပူးတွဲကြီးမှူးကျင်းပသော အဆိုပါ ကုန်စည်ပြပွဲသည် ယခုနှစ်တွင် ၂၀ ကြိမ်မြောက် နှစ်ပတ်လည်အဖြစ် ကျင်းပခြင်းလည်းဖြစ်သည်။ ယင်းမှာ အရှေ့မြောက်အာရှခြောက်နိုင်ငံလုံး ပူးတွဲတက်‌ရောက်ကြသော ကမ္ဘာ့တစ်ခုတည်းသော ဘက်စုံနိုင်ငံတကာကုန်စည်ပြပွဲ ဖြစ်သလို ကမ္ဘာတစ်ဝန်းမှ ပါဝင်တက်ရောက်ကြရန်လည်း တံခါးဖွင့်ထားကြောင်း သိရသည်။ (Xinhua)
……………………………………..
(English Version)
15th China-Northeast Asia Expo to open on Aug. 27
BEIJING, July 22 (Xinhua) — The 15th China-Northeast Asia Expo will be held in Changchun City, Jilin Province, from Aug. 27 to 31, the Ministry of Commerce announced at a press conference Tuesday.
Highlighting the importance of the expo, Vice Minister of Commerce Yan Dong said that Northeast Asian countries share geographical proximity, cultural bonds and strong commercial ties, with complementary strengths in resources and enormous potential for regional economic cooperation.
Yan noted that practical cooperation between China and other Northeast Asian countries has deepened across various fields, maintaining positive momentum in economic and trade exchanges.
Trade between China and the five Northeast Asian countries reached 901.6 billion U.S. dollars in 2024, up 1.6 percent year on year, accounting for nearly 15 percent of China’s total foreign trade. China has maintained its position as the largest trading partner for all five countries, with the Republic of Korea and Japan ranking as its second and third-largest trading partners, respectively.
Two-way investment between China and the five countries exceeded 7 billion U.S. dollars in 2024, with cooperation expanding into emerging fields including digital economy, green development, advanced manufacturing and modern services.
Yang Andi, vice governor of Jilin, said the expo will bring together over 8,000 business representatives from 42 countries and regions globally, as well as 27 provincial-level regions across China. So far, 2,796 exhibition booths have been confirmed, completing 80 percent of the exhibition preparation work.
A key highlight of this expo will be the first-ever modern industries pavilion, featuring leading firms, including Fortune 500 companies, Yang added. The pavilion will spotlight the transformation of traditional industries through smart and green upgrades, achievements in new quality productive forces, and the development of collaborative innovation ecosystems.
Li Xingqian, vice chairman of the China Council for the Promotion of International Trade, said the council has actively facilitated the deep integration of industrial and supply chains among Northeast Asian countries. In the first half of this year, the council supported more than 115 exhibition projects in Northeast Asian countries, involving over 4,000 Chinese enterprises.
The expo, jointly organized by the Ministry of Commerce, China Council for the Promotion of International Trade, and the Jilin provincial government, is celebrating its 20th anniversary this year. It remains the world’s only comprehensive international expo jointly attended by all six Northeast Asian countries and open to participants from around the globe.
Photo: A visitor takes photos of train models displayed by CRRC during the 14th China-Northeast Asia Expo in Changchun, northeast China’s Jilin Province, Aug. 23, 2023. (Xinhua/Zhang Nan)