ကွန်တိန်နာသင်္ဘောမီးလောင်မှုဖြစ်ပွားပြီးနောက် သီရိလင်္ကာနိုင်ငံရှိ ကမ်းခြေတွင် ပင်လယ်ရေနေသတ္တဝါများ ထပ်မံသေဆုံး

ကိုလံဘို၊ ဇွန် ၁၆ ရက် (ဆင်ဟွာ)

သီရိလင်္ကာနိုင်ငံ ကိုလံဘိုဆိပ်ကမ်းပြင်ပ ပင်လယ်ပြင်တွင် X-Press Pearl ကုန်တင်သင်္ဘော မီးလောင်မှု ဖြစ်ပွားပြီးနောက် နိုင်ငံ အနောက်ဘက်ကမ်းရိုးတန်းတစ်လျှောက်၌ လင်းပိုင် ၅ ကောင်နှင့် ပင်လယ်လိပ် ၃၁ ကောင် သေဆုံးနေသည်ကို တွေ့ရှိခဲ့ရကြောင်း သီရိလင်္ကာ တောရိုင်းတိရစ္ဆာန် ထိန်းသိမ်းစောင့်ရှောက်ရေးဦးစီးဌာနက ပြောကြားခဲ့သည်။

အဆိုပါ တိရစ္ဆာန်အသေကောင်များအား ကိုလံဘိုမြို့တော်မှ တောင်ဘက် Kosgoda ကမ်းခြေသို့သွားရာ လမ်းကြောင်းရှိ ကမ်းရိုးတန်းတစ်လျှောက် တွင် တွေ့ရှိခဲ့ရခြင်းဖြစ်ကြောင်း ဦးစီးဌာန၏ ပြောကြားချက်အား ကိုးကား၍ ဒေသတွင်း မီဒီယာသတင်းများက ဇွန် ၁၅ ရက်၌ ဖော်ပြခဲ့သည်။

သေဆုံးသည့်လိပ်များ၏ တစ်သျှူးအစိတ်အပိုင်း လိုအပ်ချက်များအရ ထပ်မံစုံစမ်းစစ်ဆေးမှုများကို အစိုးရ သရုပ်ခွဲစိစစ်ရေးဦးစီးဌာနသို့ လွှဲပြောင်းပေးခဲ့ပြီးဖြစ်ကြောင်း တောရိုင်းတိရစ္ဆာန်ဦးစီးဌာန ညွှန်ကြားရေးမှူးချုပ် Chandana Sooriyabandara က ပြောခဲ့သည်။

ဆက်စပ်သော တစ်သျှူးအပိုင်းအစများ အပါအဝင် နမူနာများ လက်ခံရရှိဆဲဖြစ်ကြောင်း အစိုးရ သရုပ်ခွဲစိစစ်ရေးဦးစီးဌာနမှ အဆင့်မြင့်အရာရှိတစ်ဦး၏ ပြောကြားချက်ကို ကိုးကား၍ ဒေသတွင်းမီဒီယာ သတင်းများက ဆိုသည်။

ထို့ပြင် အထူးအဖွဲ့တစ်ခုကိုလည်း စုံစမ်းစစ်ဆေးမှုများ ပြီးပြည့်စုံအောင် ဆောင်ရွက်ရန် တွဲအပ်တာဝန်ပေးထားကြောင်း အထက်ပါတာဝန်ရှိသူက ဖြည့်စွက်ပြောခဲ့သည်။

X-Press Pearl သင်္ဘောအား စင်ကာပူအလံဖြင့် မှတ်ပုံတင်ထားခြင်းဖြစ်ပြီး nitric acid နှင့် အခြားဓာတုပစ္စည်းနှင့် အလှကုန် ၂၅ တန် ပါဝင်သော ကွန်တိန်နာ ၁,၄၈၆ လုံးကို သယ်ဆောင်ကာ မေ ၁၅ ရက်က အိန္ဒိယနိုင်ငံ Hazira ဆိပ်ကမ်းမှ ထွက်ခွာလာခဲ့ခြင်းဖြစ်သည်။

အဆိုပါ သင်္ဘောသည် မေ ၂၀ ရက်က ကိုလံဘိုဆိပ်ကမ်းအနီးတွင် အရေးပေါ်ဖုန်းခေါ်မှုပြုလုပ်ခဲ့ပြီးနောက် မီးလောင်ခဲ့ခြင်းဖြစ်သည်။ မီးလောင်မှုအား ထိန်းချုပ်ရန် သီရိလင်္ကာရေတပ်အား တာဝန်ဖြန့်ကျက်ခဲ့ကြောင်း သိရသည်။

X-Press Pearl မီးလောင်မှုခဲ့ပြီး အပျက်အစီးများက ကမ်းခြေများသို့ ရောက်ရှိလာခြင်းကြောင့် တောင်ဘက် ကမ်းရိုးတန်းမှာ အနောက်ဘက်ကမ်းရိုးတန်းတစ်လျှောက်ရှိ ကမ်းခြေများ၌ ကြီးမားသော သဘာဝဘေးအန္တရာယ် ဖြစ်ပေါ်ခဲ့ကြောင်း ပင်လယ်ရေကြောင်း သဘာဝပတ်ဝန်းကျင် ကာကွယ်ရေးအာဏာပိုင်က ပြောကြားခဲ့သည်။

သင်္ဘောမီးလောင်ရခြင်းအကြောင်းရင်းအား စုံစမ်းစစ်ဆေးမှုများ ဆောင်ရွက်လျက်ရှိကြောင်း သိရသည်။ (Xinhua)

————————————
(English Version)
More dead marine life washes ashore in Sri Lanka after burning of container ship
2021-06-16 12:25:19
COLOMBO, June 16 (Xinhua) — The carcasses of five dolphins and 31 sea turtles had been found along the western coast of Sri Lanka after the burning of X-Press Pearl cargo ship in the seas off the Colombo Port, Sri Lanka’s Department of Wildlife Conservation said.
Local media reports, quoting the department, said on Tuesday that the carcasses were found along the coasts from the capital Colombo all the way to Kosgoda in the south.
Director-General of the Wildlife Department Chandana Sooriyabandara said further investigations had been referred to the Government Analyst as per the requirement of tissue sections of the dead turtles.
A senior official of the Government Analyst’s Department, quoted by local media reports said that samples including relevant tissue fragments were still being received.
The official added that a special team had been attached for a full investigation.
The X-Press Pearl ship is registered under the flag of Singapore and was carrying 1,486 containers with 25 tons of nitric acid and several other chemicals and cosmetics from the port of Hazira, India, on May 15.
The vessel sent out a distress call while sailing close to the Colombo Port on May 20, and soon caught fire. The Sri Lankan Navy dispatched vessels to bring the fire under control.
The Marine Environment Protection Authority said the burning of the X-Press Pearl had caused a massive environmental disaster as beaches from the south coast to the west coast had been damaged by debris washed ashore.
A criminal probe was underway into the cause of the blaze. Enditem

Photo : Photo taken on June 2, 2021 shows part of the X Press Pearl, a container ship burnt near the Colombo Port, in Colombo, Sri Lanka. (Sri Lanka Air Force Media/Handout via Xinhua)