ဘင်္ဂလားဒေ့ရှ်နိုင်ငံ၌ သွေးလွန်တုပ်ကွေးရောဂါ ဖြစ်ပွားမှု ဩဂုတ်လတွင် လျှင်မြန်စွာ မြင့်တက်နေ

ဒါကာ ၊ စက်တင်ဘာ ၁ ရက်(ဆင်ဟွာ)

ဘင်္ဂလားဒေ့ရှ်နိုင်ငံ၌ သွေးလွန်တုပ်ကွေးရောဂါ ဖြစ်ပွားမှုများသည် ဩဂုတ်လတွင် သိသိသာသာ မြင့်တက်လာသည်ကို တွေ့မြင်ရပြီး ၂၀၂၁ ခုနှစ် ဇန်နဝါရီလမှ ယခုအချိန်ထိ ရောဂါဖြစ်ပွားသူ ၁၀,၃၅၆ ဦး နှင့် သေဆုံးသူ ၄၂ ဦး ရှိကြောင်း ကျန်းမာရေးဝန်ဆောင်မှုများဦးစီးဌာန(DGHS)က ဩဂုတ် ၃၁ ရက်တွင် ပြောကြားခဲ့သည်။ဇူလိုင်လတွင် လူဦးရေ ၂,၂၈၆ ဦးသည် ခြင်မှတစ်ဆင့်ကူးစက်သော သွေးလွန်တုပ်ကွေး ရောဂါခံစားခဲ့ရပြီး ဩဂုတ်လတွင် ရောဂါဖြစ်ပွားသူ ၇,၆၉၈ ဦး ရှိခဲ့ကြောင်း ကျန်းမာရေးဝန်ကြီးဌာန လက်အောက်ရှိ ကျန်းမာရေးဝန်ဆောင်မှုများဦးစီးဌာန(DGHS)၏ ထုတ်ပြန်ချက်အရ သိရသည်။

ဘင်္ဂလားဒေ့ရှ်နိုင်ငံ ဒါကာမြို့ရှိ ဆေးရုံတစ်ရုံ၌ ခြင်ထောင်ဖြင့် နေထိုင်ကာ ဆေးကုသမှု ခံယူနေသည့် သွေးလွန်တုပ်ကွေး လူနာတစ်ဦးအား ဩဂုတ် ၃၁ ရက်တွင် တွေ့ရစဉ်(ဆင်ဟွာ)

ဒေသအားဖြင့် ဒါကာမြို့ နှင့် အနီးဝန်းကျင်ရှိ ခရိုင်များသည် ခြင်မှတစ်ဆင့် ကူးစက်တက်သော ရောဂါအန္တရာယ်ကို ပို၍ ခုခံနိုင်စွမ်း မရှိသေးကြောင်း DGHS ထံမှ သိရသည်။

ဘင်္ဂလားဒေ့ရှ်နိုင်ငံ ဒါကာမြို့ရှိ ဆေးရုံတစ်ရုံ၌ ခြင်ထောင်ဖြင့် နေထိုင်ကာ ဆေးကုသမှု ခံယူနေသည့် သွေးလွန်တုပ်ကွေး လူနာတစ်ဦးအား ဩဂုတ် ၃၁ ရက်တွင် တွေ့ရစဉ်(ဆင်ဟွာ)

ဩဂုတ် ၃၁ ရက် ဒေသစံတော်ချိန် နံနက် ၈ နာရီအထိ ပြီးခဲ့သော ၂၄ နာရီအတွင်း ဒါကာမြို့တွင် ရောဂါဖြစ်ပွားသူ ၂၂၀ ဦးအပါအဝင် နိုင်ငံအတွင်း သွေးလွန်တုပ်ကွေးရောဂါ ဖြစ်ပွားသူအသစ် စုစုပေါင်း ၂၆၆ ဦးရှိခဲ့ကြောင်း သိရသည်။

ယင်းအခြေအနေတွင် ဒါကာမြို့ရှိ ဆေးရုံများ နှင့် ဆေးခန်းများတွင် သွေးလွန်တုပ်ကွေးရောဂါလူနာများဖြင့် ပြည့်ကျပ်လျက်ရှိနေသည်။
ဩဂုတ် ၃၁ ရက်တွင် ဒါကာမြို့ရှိ အကြီးဆုံး ပြည်သူ့ဆေးရုံများအနက် တစ်ခုဖြစ်သည့် Sir Salimullah Medical College ဆေးရုံ၌ သွေးလွန်တုပ်ကွေးရောဂါ ကူးစက်ခံစားရသည့် ရာပေါင်းများစွာသော လူနာများ ပြည့်နှက်နေပြီး သွေးလွန်တုပ်ကွေးရောဂါသည် ခြင်မျိုးစိတ်ပေါင်းများစွာအနက် ခြင်ကျား(Aedes)မျိုးစိတ် မှ ကူးစက်သည့် ရောဂါဖြစ်ကြောင်း သိရသည်။

ဒါကာမြို့ Mirpur ရပ်ကွက်မှ Mim ဆိုသော အမျိုးသမီးသည် ကိုယ်ပူချိန် မြင့်တက်လာခဲ့ပြီးနောက် ဆေးရုံသို့ အလျှင်အမြန် ရောက်ရှိလာခဲ့သည်။
“စစ်ဆေးတွေအများကြီး လုပ်ပြီးတဲ့နောက်မှာ ကျွန်မ သွေးလွန်တုပ်ကွေး ရောဂါ ခံစားနေရပါတယ်။”ဟု ၎င်းက ပြောကြားခဲ့သည်။

“ဒီဆေးရုံက သေချာဂရုစိုက်ပေးပါတယ်။အခု ကျွန်မ သက်သာလုနီးပါး ရှိနေပေမယ့် အော့အန်နေတာက မသက်သာသေးဘူး။ပင်ပန်းနေပါတယ်။”ဟု ၎င်းက ဖြည့်စွက်ပြောကြားခဲ့သည်။
ဆေးရုံရှိ သွေးလွန်တုပ်ကွေးရောဂါလူနာဆောင်၏ ဆရာဝန်တစ်ဦး ဖြစ်သူ Khushbu Binte Bashar က ပြီးခဲ့သော ၂၄ နာရီအတွင်း ဆေးရုံတက်ရောက်သူ ၃၆ ဦး နှင့် ဆေးရုံဆင်းသွားသူ ၂၆ ဦးတို့နှင့်အတူ လတ်တလောတွင် သွေးလွန်တုပ်ကွေးရောဂါလူနာဆောင်၌ လူနာ ၁၈၄ ဦး ရှိကြောင်း ပြောကြားခဲ့သည်။

ပြီးခဲ့သော ၂၄ နာရီအတွင်း လူနာ နှစ်ဦး သေဆုံးခဲ့ကြောင်း ၎င်းက ပြောကြားခဲ့သည်။ ဆရာဝန်၏ ပြောကြားချက်အရ DENV-3 မျိုးဗီဇပြောင်းပိုးအား လူနာများ၏ ၂၀ ရာခိုင်နှုန်းတွင် တွေ့ရှိရကြောင်း သိရသည်။
“ဒါက မြင့်မားတဲ့ရာခိုင်နှုန်း မဟုတ်ပေမယ့် ဒီမျိုးဗီဇပြောင်းပိုးက ပိုပြီးအန္တရာယ်များတာကြောင့် စိုးရိမ်ဖွယ်ရာလို့ ယူဆပါတယ်။”ဟု ၎င်းက ပြောကြားခဲ့သည်။
ယခင်က သွေးလွန်တုပ်ကွေး ရောဂါ ခံစားခဲ့ရသူများအနေဖြင့် DENV-3 မျိုးဗီဇပြောင်းပိုး ကူးစက်ပါက ပြင်းထန်သည့် အကျိုးဆက်များ ဖြစ်ရန် အလားအလာပိုများကြောင်း ဆရာဝန်၏ ပြောကြားချက်အရ သိရသည်။ (Xinhua)

——————————————-
(English Version)

Bangladesh sees rapid rise in dengue cases in August

DHAKA, Aug. 31 (Xinhua) — Bangladesh has witnessed a significant spike in dengue cases in August, with 10,356 cases and 42 deaths registered so far this year, the Directorate General of Health Services (DGHS) said on Tuesday.

In August, 7,698 more dengue cases were recorded after 2,286 people were infected with the mosquito-borne disease in July, according to the figure reported by the DGHS under the Ministry of Health.

By region, Dhaka and its neighboring districts are still more vulnerable to the risk of mosquito-borne diseases, according to the DGHS.
A total of 266 fresh dengue cases including 220 in Dhaka were reported in the 24 hours till 8:00 a.m. local time Tuesday.
Against this backdrop, hospitals and clinics in Dhaka are crammed with dengue patients.

On Tuesday, one of the largest public hospitals in Dhaka – Sir Salimullah Medical College Hospital – was seen flooded by hundreds of patients suffering from dengue fever which is transmitted by several species of mosquito within the genus Aedes.

Mim has been rushed to the hospital from Dhaka’s Mirpur area after she was suffering from high fever.
“After many tests, I was diagnosed with dengue,” she said.

“This hospital has taken enough care of me. Now I am almost fine though my vomiting tendency has not abated, and I am tired,” she added.
Khushbu Binte Bashar, a doctor at the hospital’s Dengue Ward, said there are currently 184 patients in the dengue ward, with 36 admitted and 26 discharged during the past 24 hours.
Two patients died in the last 24 hours, she said.

According to the doctor, the DENV-3 variant was found in 20 percent of patients.
“Although its not a high percentage but it is considered alarming as this variant is much more dangerous,” she said.
According to the doctor, people who have had dengue before are more likely to have serious consequences if they are affected by DENV-3. Enditem
Photo 1 – Dengue patients covered with mosquito nets receive treatment at a hospital in Dhaka, Bangladesh, Aug. 31, 2021. (Xinhua)
Photo 2 – A dengue patient covered with mosquito net receives treatment at a hospital in Dhaka, Bangladesh, Aug. 31, 2021. (Xinhua)
Photo 3 – A dengue patient covered with mosquito net receives treatment at a hospital in Dhaka, Bangladesh, Aug. 31, 2021. (Xinhua)

ဘင်္ဂလားဒေ့ရှ်နိုင်ငံ ဒါကာမြို့ရှိ ဆေးရုံတစ်ရုံ၌ ခြင်ထောင်များဖြင့် နေထိုင်ကာ ဆေးကုသမှု ခံယူနေသည့် သွေးလွန်တုပ်ကွေး လူနာများအား ဩဂုတ် ၃၁ ရက်တွင် တွေ့ရစဉ်(ဆင်ဟွာ)